Breiðablik - 01.12.1907, Blaðsíða 3

>
BREIÐABLIK
99
hvern hungraðan seður. Hungr-
ið er ekki verulegt,heldur eitthvað,
sem mönnunum er ætlað að ráða
bót á. Hungur kemur, þegar
meltingarfærin hafa unnið starf
sitt og líkaminn þarf nýjasaðning.
Engum er ætlað hungur. Jörðin
geymir nóga saðning í skauti sínu
handa öllum. En sumir hrifsa til
sín margfalt meira en þeim er ætl-
að; græðgin og sjálfselskan treður
í belg sinn, þangað til hann rifnar,
en smælinginn situr að hálfum
hleifi og höllu keri við sult og
seiru. Hér er mannfélagsins
mesta mein. Stærsta viðfangs-
efnið, sem mönnunum hefir verið
gefið til úrlausnar- Hugsanir
mannkynsfrelsarans eru hér eina
úrlausnin. Hve nær sem þær fá
fult vald yfir hjörtum rnanna, er
hungrið í heiminum læknað. Hve
nær sem mennirnir vilja kannast
við, að þeir sé bræður og rétta
hver öðrum bróðurhönd, jafnast
þetta óréttlæti, sem nú hrópar til
himins, og gjörir jörðina svo aum-
an og óvistlegan bústað.
Hver jól ætti að kenna mönnum
að skilja, að í forðabúri náttúrunn-
ar eru allsnægtir handa öllum, og
að engum er ætlað þar að ganga
hungruðum frá borði. Ríki mað-
urinn þarf að læra að standa upp
frá krásum sínum, bindaumkaun
Lazarusar og setja hann til borðs
með sér. Hér er eitthvað, sem
hefir verið vanrækt, kristninni til
tjóns og minkunnar. Sárt er til
þess að hugsa, að svo lítið hefir
í þessu efni þokað áfram, — eða
réttara sagt, að enn skuli úrlausn
vera svo langt undan landi, eftir
nítján hundruð ár.
Fáeinar spurning'ar.
Er annars ekki hið illa í sjálfu
sér skuggi, þar sem ljós hefir enn
ekki verið kveikt? Örðugleikar,
sem enn hafa ekki verið yfirbug-
aðir? Skortur, sem enn hefir ekki
verið bætt úr? Sársauki, sem enn
hefir eigi fundist lyfjurt til að
lækna? Dýrslegar hvatir, semenn
hafa eigi verið tamdar? Kalt her-
bergi, sem enn hefir eigi verið ilað
upp? Hungur, sem fær saðning,
þegar annar hættir að hrifsa bit-
ann? Síngirni, sem á eftir að
breytastíbróðurkærleika? Græðgi,
sem lifir á annarra kostnað, en á
eftir að breytast í fórnarkærleika ?
Er eigi myrkrið fyrirheit um
ljósið? Kuldinn fyrirheit um hita?
Hungrið fyrirheit um saðning?
Skorturinn fyrirheit um allsnægt-
ir? Sorgin fyrirheit um fögnuð?
Fjötrar fyrirheit um lausn ?
Önnur jól.
Ef eg á að lifa önnur jól, gef
mér þá, frelsari minn, að skilja
einhverja hugsan þína, semeghefi
eigi áður skilið og gjöra öðrum
eitthvað skiljanlegt, sem mér hefir
áður ekki tekist. Láttu ljós skína
í einhverjum afkima hugskots
míns, þar sem enn er myrkur. Og
ljá þú mér mátt og hjartalag til að
kveikja ljós á einhverjum bletti
kring um mig, þar sem enn ber
skugga.