BFÖ-blaðið - 01.01.1967, Page 17

landinu og 73 þúsund slasast alvar-
lega.
Ur ýmsum áttum
Árið 1966 seldist áfengi í Reykja-
vík fyrir 338 milljónir, stundum fyrir
sex milljónir á einum degi.
Um götur og þjóðbrautir Ástralíu
fara yfir þrjár milljónir bíla. Árið
1965 fórust þar í umferðarslysum
þrjár þúsundir manna, en sjötíu og
fimm þúsundir slösuðust. Dr. J. H.
W. Birrell, sem er læknir á vegum
lögreglunnar í Viktoríu, segir að
áfengisneyzlan sé langmesti skað-
valdurinn í þessum umferðarslysum.
Tólfti hver fulltíða maður í
Bandaríkjunum er mikill drykkju-
maður (heavy drinker). Þetta er
samkvæmt síðustu könnun. Þannig
er uppskera afnáms áfengisbannsins.
Á hvaða degi sem er í Póllandi,
er hálf milljón manna svo drukknir
að þeir geta ekki unnið störf sín
sómasamlcga, segir blaðið Sztandjir
Moldycb. Fjárhagstjónið af þessu er
talið vera 400.000 dollarar á dag.
Samkvæmt könnun landssambands
ökumanna í Bretlandi, neyta ekki 13
af hundraði ökumanna áfengis, sök-
um þess að þeir cru bindindismenn,
en 37 af hundraði hafa gert það að
ófrávíkjanlegri reglu að neyta alls
ekki áfengis ef fyrir þeim liggur að
stjórna bíl.
Lyndon B. Johnson er fyrsti for-
seti Bandaríkjanna, sem beitir sér
fyrir því að samveldisstjórn ríkjanna
veiti 214 milljónir dollara til þess að
hefja fimm ára sókn gegn áfengis-
bölinu, þeirri pest sem sýkt hefur
um fimm mlljónir manna í landinu
beinlínis, en veldur auk þess ófar-
sæld 10 af hundraði allrar þjóðar-
innar.
Af Norðurlöndum er áfengis-
neyzla Dana mest, einnig er þar hæst
tala dauðaslysa vegna ölvunar við
akstur. Sjöundi hver maður sem ferst
þar í umferðinni er fórnardýr öku-
manna undir áfengisáhrifum.
Þessar tölur segir þó danskur
dósent í „Socialt Tidskrift" séu
lægri en raunverulega vitað sé. Árið
1958 voru bílaslysin af völdum ölv-
unar við akstur 8%, 1956 voru þau
9,3%. 1958 voru 914 slasaðir af völd-
um ölvunar við akstur, en 47 drepn-
ir. Árið 1965 höfðu þessar tölur tvö-
faldast.
Dansk Goodtemplar.
BFÖ-BLAÐIÐ
17