Skólablaðið - 01.05.1916, Qupperneq 6

70
SKÓLABLAÐIÐ
lengja námstimann, skerpa eftirlitiö og krefjast meiri undir-
búnings af kennurunum.
ÞaS veltur ekki á litlu, aS þeir séu svo þroskaðir menn, aö
þeir ræki ekki störf sin í heilsuspillandi húsakynnum. Leik-
fimi er t. d. sjálfsögö grein í lýðskólunum, en hún er tveggja
handa járn. Hún getur bygt upp, en hún getur einnig spilt og
veiklað sumstaðar hér á landi.
Eftirlitið verður að skerpa, en hver á að framkvæma það ?
Umsjónarmaður fræðslumálanna munu menn segja. En hvernig
má ætlast til þess af einum manni, sem auk þess er ýmsum
störfum hlaðinn, að ferðast um alt landið að vetrinum meðan
kensla stendur, því endranær er það gagnslítið ? Engan veginn
svo að vel sé. En samkvæmt embætti læknanna fyndist mér
sjálfsagt að fela þeim að sjá um, að nauðsynlegustu heilbrigðis-
reglum væri fylgt. Ef til vill mundi þeim öllum ekki trúandi
til þess — en flestum.
Það er oft sagt að barnssálin sé gljúp og viðkvæm fyrir hvers
konar áhrifum. En þó að ekki kveði svo mjög að því urn sálir
unglinga á aldrinum 15—20 ára, þá getur þó lunderni þeirra
tekið tamningu, en hún er varanlegri.
Og þeir sem skilja og gefa gaum nauðsyn og mikilvægi
unglingaskólanna, láta sér ekki nægja að þar sé troðið þurrum
fróðleik í nemendurna eingöngu, sem er þeim að mestu týndur
eftir örfá ár, heldur hugsa þeir ekkúsíður um að alt umhverfið
á skólaheimilinu, dautt og lifandi, hafi góð og göfgandi áhrif
á nemendurna, innræti þeim reglusemi og snyrtimensku, þrifn-
að og hreinlæti; þeir láta sér ant um að nemendurnir geti á
skólaárunum aflað sér siðgæðalegs vegnestis, sem endist þeim
meðan æfin varir.
Jón Kjartansson.
Uppsögn kennaraskólans.
Kennaraskólanum var sagt upp síðasta vetrardag. Tíu tóku
kennarapróf, næstum hálfu færri en nokkru sinni áður, síðan
skólinn var stofnaður. Stafar fæðin af því, hve margir settust