Tölvumál - 01.10.1997, Side 10

TOLVUMAL
af kostnaðinum falli til vegna
kerfisgreiningar og skipulagning-
ar, 10% verði vegna breytinga á
forritum og 50% vegna prófana og
sannreyndar í raunumhverfi. Af
þessu sést að nauðsynlegt er að
ljúka forritabreytingum í tíma.
Neyðaráætlanir
Talið er að hluti vandamála
sem tengjast ártalinu 2000 verði
ófyrirséður og þurfi af þeim sökum
að vera til staðar góðar neyðar-
áætlanir sem grípa má til ef vanda-
mál gera viðkomandi tölvukerfi
óstarfhæft. Ekki dugar að hafa góð
segulbandsafrit eða varavélbúnað
þar sem hann er væntanlega með
sömu vandamál tengd ártalinu
2000 og aðalbúnaðurinn.
Samtenging
Stofnanir og fyrirtæki eru í æ
ríkari mæli farin að treysta á tölvu-
kerfi annarra fyrirtækja. Með
góðum tölvuvæddum birgðastýr-
ingakerfum t.d. geta fyrirtæki leyft
sér að stárfa með birgðir í algeru
lágmarki. Ef tölvukerfi birgja sem
viðkomandi fyrirtæki treystir á
varðandi aðföng verður óstarfhæft
vegna vandkvæða er tengjast
ártalinu 2000 kann slíkt að hafa
keðjuverkandi afleiðingar. Þannig
verða fyrirtæki sem byggja afkomu
sína á aðföngum sem háð eru
tímanlegum tölvuvinnslum sér-
staklega viðkvæm fyrir þessu
vandamáli, t.d. fyrirtæki með mik-
inn veltuhraða birgða og fjármála-
fyrirtæki.
Viðbúnaður í öðrum
löndum
Mjög mismunandi er hveru
langt einstök lönd eru komin í að
taka á vandmálum sem tengjast
ártalinu 2000. í Danmörku hefur
rannsóknarráðuneytið forgöngu
um lausn þessara mála og hefur
það sett fram áætlun um hvernig
standa skuli að málum. 1 áætlun-
inni er aðaláherslan á eftirfarandi
7 liðum:
1. Herferð til kynningar á vanda-
málinu.
2. Myndun sérstaks vinnuhóps
„Ar 2000 Forum“ sem í eiga
sæti fulltrúar 36 samtaka
atvinnulífs, ráðuneyta, sveitar-
félaga og annarra aðila í þjóð-
félaginu.
3. Stofnun sérstakrar skrifstofu
sem kostuð verður af danska
ríkinu og á að styðja við starf
„Ár 2000 Forum“.
4. Samvinnu við atvinnumála-
ráðuneytið og félög endurskoð-
enda sem tryggi að endurskoð-
endur sjái til þess að staða
fyrirtækja varðandi ártalið
2000 komi fram í reiknings-
skilum þeirra.
5. Hvatningu til fyrirtækja um að
vörur á sviði tölvu-, samskipta-
og rafeindatækni verði ábyrgð-
armerktar þannig að fram komi
að þær vinni rétt með ártalinu
2000.
6. Nánu eftirliti með ástandi á
upplýsingakerfum hjá hinu
opinbera vegna vandamála sem
tengjast ártalinu 2000.
7. Stuðningi við þær menntunar-
og endurmenntunarleiðir sem í
boði eru á vegum menntamála-
og atvinnumálaráðuneytisins til
þess að fjölga fólki sem fært er
um að leysa vandamál sem
tengjast ártalinu 2000.
í Bretlandi og Bandarfkjunum
eru starfandi sérstakir vinnuhópar
sem einungis ná til upplýsinga-
kerfa ríkisaðila. Þessir vinnuhópar
hafa sett upp vinnuáætlun sem
ætlast er til að stofnanir fari eftir.
í Bretlandi hafa eftirfarandi við-
miðunartímapunktar verið settir
fram:
Janúar 1997. - Allar stofnanir
eiga að hafa lokið könnun á því
hvort eigin upplýsingakerfi
standist ártalið 2000.
- Október 1997. - Allar stofnanir
eiga að hafa lokið við að for-
gangsraða, meta kostnað og
tímasetja lagfæringar.
- Janúar 1999. - Allar stofnanir
eiga að hafa prófað öll þau
kerfi sem breytt hefur verið.
Lokaorð
Þó svo að ríkisstofnanir geti
örugglega lifað það af að tölvu-
kerfi þeirra séu óstarfhæf um tíma
þá geta einkafyrirtæki orðið
gjaldþrota af þessum sökum.
Vonandi bera íslenskar tölvu-
deildir gæfu til þess að leysa úr
þeim vandamálum sem tengjast
tölvuvinnslu á ártalinu 2000 þann-
ig að ekki komi til alvarlegra vand-
kvæða eða gjaldþrota fyrirtækja af
þessum sökum.
Að lokum skal athygli vakin á
því að Ríkisendurskoðun hefur
gefið út sérstaka skýrslu „Ártalið
2000 - Endurskoðun upplýsinga-
kerfa“ um þau vandamál sem
drepið er á í þessari grein. í skýrsl-
unni er m.a. að finna sérstakan
lista yfir þau atriði sem stofnanir
og fyrirtæki ættu að hafa í huga
þegar þær skoða ástand þessara
mála hjá sér.
Albert Ólafsson og Guðríður
Jóhannesdóttir eru starfs-
menn Ríkisendurskoðunar
10 - OKTÓBER 1997