Bókasafnið - 01.10.1982, Page 22

námsför
Morguninn 14. mai s.l. héldu þreyttir
en ánægðir þátttakendur hins tíunda
Anglo-Skandinaviska bókavarðaþings í
þriggja daga námsferð frá Os við
Bjömafjord og suður með vesturströnd
Noregs til Kristiansand. Við vorum
fjörutíu sem fórum þessa ferð en sumir
þátttakenda höfðu orðið að yfirgefa
hópinn.
Með bókabátnum „Epos“ hófst fyrsti
áfangi ferðarinnar. Við komum okkur
fyrir í stólum á dekki og nutum sólar-
innar og hinnar miklu náttúrufegurðar á
meðan báturinn hélt til hafs með hinn
óvanalega farm, bókalausa bókaverði.
Báturinn „Epos“ er sterklega byggður
lítill strandferðabátur í einkaeign, en er
notaður af fylkisbókasafninu í Bergen
yfir vetrarmánuðina til þess að færa
íbúum hinna mörgu smáeyja bækur.
Eftir nokkurra stunda siglingu var lagt
upp að eyjunni Stord. Þegar við nálguð-
umst eyna gnæfði stór olíubórpallur við
himinn. Þetta undarlega mannvirki er
smíðað þarna á staðnum, en eyjaskeggar
hafa löngum stundað skipasmíði.
Stord er sögufrægur staður.
Á Fitjum á Stord féll Hákon góði í
viðureign við sonu Eiríks blóðaxar. Nú
eru eyjaskeggar um 13. þús. og býr
helmingur þeirra í bænum Leirvik. Þar
er að finna sjúkrahús, ýmsa skóla og
menningarmiðstöð.
Menningarmiðstöðin er gríðarlega
stór og dýr bygging, tiltölulega ný, sem
íbúarnir eru mjög stoltir af. Hvernig til
hefur tekist er auðvitað smekksatriði.
Kuldaleg grá steinsteypan var þar yfir-
þyrmandi. Menningarmiðstöðin rúmar
kvikmyndasal, mjög fullkominn sam-
komusalur fyrir leiksýningar og tón-
leikahald, bókasafn, sundlaug og loft-
varnarbyrgi.
Við bókaverðir vorum ekki sáttir við
að bókasafnið var stðasett í tiltölulega
litlum húsakynnum á eftri hæð en
sundlaugin á þeirri fyrstu næst inn-
ganginum. Við fengum hlyl'egar mót-
tökur á bókasafninu sem er bjart og
vistlegt og er opið rúmar þrjátíu stundir í
viku. Barnadeildin er aðskilin frá öðrum
deildum safnsins mér sér inngangi og
var hún opin helmingi skemur en aðal-
safnið.
Útlán voru 4-5 bindi á íbúa.
Síldarbærinn Haugasund.
Aftur var haldið til hafs. Á meðan
báturinn klauf öldurnar snæddum við
og sátum á dekki með rjúkandi kaffi-
bollana og röbbuðum saman. Þegar við
komum til Haugasunds lögðumst við að
bryggju í miðbænum. Þaðan héldum við
í halarófu um bæinn að hótelinu, sumir
r
Anægjuleg námsför um Noreg:
SIGLT MEÐ BÓKA-
BÁTNUM EPOS
— eftir Erlu Jónsdóttur bókasafnsfræding
að því komnir að kikna undan blýþung-
um ferðatöskum.
Fyrir okkur. óhagsýnar konur, hefði
þessi farangursburður, tvisvar á dag,
orðið okkur næsta óyfirstíganlegt
vandamál, hefðu ekki riddaralegir
starfsbræður komið okkur til hjálpar.
Bærinn Haugasund hét til forna
Haugar. Þar bjó Haraldur hárfagri. Árið
1872 var reist súla fyrir norðan bæinn til
minningar um hann, því þá var talið að
1000 ár væru liðin frá Hafursfjarðaror-
ustu.
Við íslendingar þekkjum þennan bæ
sem mikinn síldveiðibæ. Hann hefur
vaxið ört, íbúatalan er27 þús. Útgerð og
olíuvinnsla eru aðalatvinnuvegirnir nú.
Deginum lauk svo í bókasafninu. Það
var byggt fyrir tuttugu árum, er
skemmtilega hannað einkum hvað birt-
una snertir, hún kemur skáhalt inn í
safnið. Við fengum þær upplýsingar að í
safninu væru um 130 þús. titlar og út-
lánin 7,27 bindi á íbúa. Þá skoðuðum við
stóra tónlistadeild sem lánar út tónlist á
snældum og góða barnadeild, en var
aðskilin frá öðrum deildum. Þar giltu
sérstakar reglur og opnunartíminn
styttri.
OHubærínn Stavanger.
Daginn eftir sigldum við til Stavanger
með venjulegum strandferðabát. þegar í
land kom eyddum við mestum hluta
dagsins í bókasafninu enda margt og
mikið að skoða í sambandi við tækni-
væðingu.
Kunningi okkar frá þinginu í Os,
Björn H. Hansen aðstoðaryfirbókavörð-
ur tók þarna á móti okkur og leiddi
okkur inn í ráðhúsið þar sem bókasafnið
er staðsett. Þetta er stór glerbygging sem
stendur í hæð fyrir ofan miðbæinn.
Bókasafnið er staðsett á annari hæð
hússins og ekki er hægt að komast
þangað inn nema að fara upp langar og
brattar útitröppur. Það útilokar sjúka og
hreyfihamlaða frá safninu, því engin
er lyftan. Reynt hefur verið að bæta úr
þessu með því að staðsetja barnadeild-
ina á götuhæð og einnig er þar horn fyrir
þá sem ekki komast upp tröppumar.
Þetta stendur þó til bóta því mikil
þensla er á öllum sviðum í Stavanger
vegna olíunnar og í undirbúningi er
bygging menningarmiðstöðvar þar sem
bókasafnið fær tvöfalt stærra húsnæði
og einnig er ráðgert að koma upp fjórum
útibúum.
22