Dagur - Tíminn Reykjavík - 27.03.1997, Síða 5

VIÐTAL DAGSINS
3Dagm'-®ímtmi
Fimmtudagur 27. mars 1997 - 17

Hef sennilega ekki staðið mig nógu vel
Séra Örn Friðriksson, sóknarprestur í Mývatnsveit og prófastur, er að hætta störfum sakir aldurs og verða ferm-
ingarbörnin sem hann útskrifar nú um páskana, þau síðustu. Dag-Tímann fýsti að vita hvernig Örn horfði um öxl
á þessum tímamótum.
að eru liðin tæplega 43 ár
frá því að ég kom hingað
og breytingarnar hafa
náttúrlega verið gífurlegar,"
segir Örn. Þegar ég kom voru
t.d. bara nokkur hús í Reykja-
hlíð, hótelin tvö, gamli bærinn
og tvö hús held ég önnur. Þetta
var öll byggðin í Reykjahlíð.
Síðan kom Kísiliðjan og Kröflu-
virkjun og þrátt fyrir jafna
vinnu þar hefur fólki í sveitinni
fækkað núna aftur síðustu 20
árin, að ég best gæti trúað um
100 manns. Félagslífið hefur
líka breyst um margt.“
Sr. Örn hefur alltaf tekið
virkan þátt í félagslífinu auk
þess að kenna lengi, þ.á.m.
kristinfræði, félagsfræði, teikn-
ingu ofl. En tóniistin hefur alltaf
skipað heiðurssess. Ilann
kenndi tónlist, var kórstjóri og
hefur ætíð starfað mikið með
kórunum. Nýverið spilaði hann
undir þegar leikfélagið í Mý-
vatnssveit setti upp verk þannig
að hann er enn ekki dauður úr
Ég held að
fréttirnar hafi farið
afskaplega illa
með Mývetninga.
öllum æðum. En hefur kirkju-
lega starfið tekið miklum breyt-
ingum?
„Við getum sagt að ég hafi
tekið við þeirri hefð sem var
geysilega erfitt að rjúfa, að hér
var messað afar sjaldan, en
nánast sjálfgefið að hver sem
komst fór í messu. Nú er ennþá
sjaldan messað en það er ekki
jafnsjálfsagt að allir mæti. Ég
hef sjálfsagt ekkert staðið mig
neitt sérstaklega vel í að halda
uppi áhuganum,“ segir sr. Örn,
en það virðist stutt í kímnina.
Mývetningar
elskulegir
Hvernig menn eru Mývetning-
ar?
„Það fer eftir því frá hvaða
sjónarhorni er litið. Ef hlustað
er á fréttir mætti halda að þetta
væri brjálað fólk. En þegar
maður hittir það er það al-
mennt elskulegt og gott. Ég
held að fréttirnar hafi farið af-
skaplega illa með Mývetninga.
Það er eðlilegt að átök séu um
ýmsa hagsmuni í einangraðri
Ijallasveit sem var nánast full-
komlega utan samfélagsins að
vetri til hér áður og næstum yf-
ir sumarið líka. Þegar þorp rís
síðan sem raskar öllu meiri-
hlutajafnvægi í sveitarstjórnar-
mæalum. þá hljóta að verða
einhver átök.“
- En það mun rétt að þú haf-
ir getið þess í síðustu jólamessu
að mannlífið í sveitinni mætti
nú vera fegurra?
„Jújú. Það er búin að vera
töluverð óvild, opinber óvild.
Eiginlega miklu frekar opinber
en milli einstaklinga. Suður-
sveitungar hafa e.t.v verið á
móti útsveitungum og öfugt, en
eru svo að hitta hver annan
persónulega í ágætri sátt.“
Talið berst að femingarmess-
unum en Örn er ósáttur við að
kirkjan hafi barist gegn því að
fermt yrði um páskana. í
Reykjavík og á Akureyri eru
fermingarmessurnar nánast
prívat athafnir og helst þannig
að aðrir megi ekki koma nema
þeir allra nánustu. Plássið er
einfaldlega of lítið. Undir slíkum
kringumstæðum finnst mönnum
ómögulegt að láta fermingar-
messur ýta páskamessunni til
hliðar. Hér hjá mér er þetta hins
vegar fullkomin páskamessa,
Enginn vandi að
komast á fyllerí í
himnaríki. Bara að
leggja inn birgðir
hjá prestinum!"
þar sem ég er jafnframt með
börnin og fæ helmingi betri út-
komu með þessu móti.“
Hafa krakkarnir breyst í tím-
ans rás?
„Eitthvað og allir hópar eru
misjafnir. Ég er mjög ánægður
með þennan síðasta hóp minn
og finnst þeir vera vel með á
nótunum.“
Leggja inn hjá
prestinum
Þrátt fyrir sálusorgarastarfið -
og e.t.v. þess vegna - hefur sr.
Örn verið orðlagður fyrir ríka
kímnigáfu og hefur m.a. safnað
skopsögum. Það er reyndar ekki
eina söfnunarárátta hans og þá
þar nefna byssur og myndavél-
ar. Nýlegt dæmi um hnyttið til-
svar prestsins kcm upp á árshá-
tíð Kísiliðjunnar. „Fólk var að
syngja „Að lífið sé skjálfandi lít-
ið gras“ og það endar á hugleið-
ingu um að komast á fyllerí í
himnaríki. Forstjórinn gekk að
míkrafóninum, og spurði hvort
hægt væri að fá einhverja trygg-
ingu fyrir því að komast á fyllerí
í himnaríki. Ég svaraði um hæl
að það væri enginn vandi. Bara
að leggja inn birgðir hjá prest-
inum!“
- Ef við horfum fram á veg-
inn. Hvað tekur við hjá þér?
Ég hætti sem prófastur 1.
ágúst og verð sjötugur 27. júlí.
Ég hef góð orð fyrir því að ég
megi búa hér á Skútustöðum út
september. Við eigum hús á Ak-
ureyri og munum eflaust eiga
heimili þar, hvar sem maður
verður svo grafinn.“
Ef klerkastéttin œtlar
að taka upp stjórnun
Gregoríusar sjöunda
um kirkjuyfirráð
þá dœmir hún
þjóðkirkjuna
úr leih
Kýs Karl sem biskup
Kirkjan stendur á tímamótum
og biskupskosning framundan.
Hvað hefurðu um það að segja?
„Ég segi það að það eru tvær
hliðar á þeim málum. Önnur er
sú að ef almenningur tekur af
Freyvangs-
leikhúsið
Sýnum firna
fyndinn gamanleik:
„Meb vífib
í lúkunum"
eftir Ray Cooney
Leikstjóri: Hákon Waage
14. sýning fimmtud.
27. mars kl. 20.30
15. sýning laugard.
29. mars kl. 20.30
16. sýning mánud.
31. mars kl. 20.30
Sýnittgum fer ad fœkka.
Mibapantanir í sínra
463 1195 nrilli kl. 18 og 20.
Á öðruin tíinum er hægt aö
panta í gegnum símsvara.
prestum réttinn til að láta í ljós
skoðun sína, þá gerir almenn-
ingur prestana óvirka og gagns-
lausa sem leiðbeinendur og
uppalendur.
Á hinn bóginn má segja að
kirkja sem ekki starfar í sam-
ræmi við lífsviðhorf almennings
getur ekki verið þjóðkirkja. Ef
klerkastéttin ætlar að taka upp
stjórnun Gregoríusar sjöunda
um kirkjuyfirráð þá dæmir hún
þjóðkirkjuna úr leik.“
- Hvað áttu við með að al-
menningur leyfi ekki prestum
að tala?
„Mér hefur t.d. oft verið
tikynnt að ég sé prestur hér og
hafi þar með ekki leyfi til að
taka þátt í ágreiningsefnum
innan sveitarinnar. Annars
skulum við ekki fara neitt nán-
ar út í það.“
- En næsti biskup?
„Ég get sagt það hiklaust að
ef kosið verður áður en ég hætti
og þessir ijórir verða í kjöri þá
fær Karl Sigurbjörnsson mitt
atkvæði." BÞ
ÞJÓÐLEIKHÚSID
Stóra sviðið kl. 20.00
VILLIÖNDIN
eftir Henrik Ibsen
Laugard. 5. apríl.
Örfá sæti laus.
Laugard. 12. apríl.
KÖTTUR Á HEITU BLIKKÞAKI
eftir Tennessee Wiliams
5. sýn. föstud. 4. apríl.
Uppselt.
6. sýn. sunnud. 6. apríl
Uppselt.
7. sýn. fimmtud. 10. apríl
Uppselt.
8. sýn. sunnud. 13. apríl
Uppselt.
9. sýn. miðvikud. 16. apríl
ÞREK OG TÁR
eftir Ólaf Hauk Símonarson
Aukasýning
fimmtud. 3. apríl.
LITLI KLÁUS OG
STÓRI KLÁUS
eftir H.C. Andersen
Sunnud. 6. apríl kl. 14.00.
Sunnud. 13. apríl kl. 14.00
Smíðaverkstæðið kl. 20.30
LEITT HÚN SKYLDI
VERA SKÆKJA
eftir John Ford
Laugard. 5. apríl kl. 15.00
Laugard. 12. apríl kl. 20.30
Sunnud. 20. apríl kl. 20.30
Athygli er vakin á að sýningin
er ekki við hæfi barna.
Ekki er hægt að hleypa gestum inn
í salinn eftir að sýning hefst.
Miðasalan er opin mánudaga
og þriðjudaga kl. 13-18, frá
miðvikudegi til sunnudags kl.
13-20 og tll 20.30 þegar sýn-
ingar eru á þeim tíma. Einnig
er tekið á móti símapöntunum
frá kl. 10 virka daga.