Dagblaðið Vísir - DV - 29.04.1982, Blaðsíða 37

DAGBLAÐIÐ & VtSIR. FIMMTUDAGUR 29. APRÍL 1982.
37
Sviðsljósið
Sviðsljósið
Sviðsljósið
Sambandsmenn geta tíka skemmt sér
Þegar jafnmargir vinna undir einum
og sama hatti eins og gerist hjá
Sambandi islenskra samvinnufélaga,
fer vart hjá því að oftar sé hitzt en bara
við stimpilklukkuna.
Enda er reyndin sú að hjá SÍS er öfl-
ugt starfsmannafélag í gangi, sem fitjar
upp á einu og öðru til gamans og fróð-
leiks.
Um síðustu helgi mætti fjölmennt lið
til skemmtikvölds sem haldið var í
Átthagasalnum á Hótel Sögu. Yfir-
skriftin var að visu sú, að kynna átti
sérstakar ferðir sem starfsmannafélag-
inu bjóðast hjá Samvinnuferðum-
Landsýn i sumar, en flestir voru auð-
sjáanlega mættir í þeim tilgangi að gera
sér glaða stund i hópi góðra starfs-
félaga.
Fyrrum starfsmaður Afurðasölunn-
ar, Þórður Magnússon, flutti í bundnu
máli frásögn af siglingu sem farin var
um sundin fyrir skömmu. Var meining-
in sú að afla þar fisks í mál, en ,,teg-
undir flestar sér forðuðu burt”, svo
heldur varð afraksturinn rýr.
Starfsmenn Holtagarða sigruðu eftir
stranga viðureign, kollega sína frá
Sölvhólsgötu í spurningakeppni og
gengu út með boðsmiða á skemmti-
kvöld hjá Samvinnuferðum- Landsýn.
En ekki létu allir svo búið standa, þvi
að Karl Gunnarsson, starfsmaður
Skipadeildar og einn úr liði Sölvhóls-
götu, gerði sér Iitið fyrir og vann topp-
vinninginn í bingóinu sem á eftir fór.
Það var Sigurður Haraldsson, sem
kvöldinu stjórnaði, og i lokin var
stiginn mismunandi villtur dans með
hljómsveit Birgis Gunnlaugssonar.
-JB
Þrátt fyrír góð tilþrif, tapaði lið
Sölvhóbgötu f spurningakeppninni...
Við látum það nú ekki ergja okkur þótt strákarnir séu eitthvað tregir til.
Dansað með tilþrifum
... en Karl Gunnarsson i Skipadeild bxtti það upp i bingóinu.
Fimm spjöld — fimmfaldur möguleiki, eða hvað?
„Segðu SlS fyrir Ijósmyndarann.”
Engar annir of miklar...
Eins og allir vita var Meyjaskemm-
an frumsýnd í Þjóðleikhúsinu um
siðustu helgi viö mikinn fögnuð leik-
húsgesta enda er Meyjaskemman
bæði létt og ljúf og vel til þess fallin
að lyfta mannskapnum upp úr
drunga hversdagsins.
Ótal margir Ieikarar og söngvarar
koma fram á sýningunni, bæði ungir
og gamlir. Sumir þeirra ungu koma
nú i fyrsta sinn á svið og virðast gagn-
rýnendur sammála um að þar sé efni-
legt lið á ferðinni. Einn ungliöanna er
Bergþór Pálsson, en hann syngur lítið
hlutverk, von Schwind, félaga
Schuberts. Er hann þar einn fjögurra
kumpána tónskáldsins, hinir eru
sungnir af Júliusi Vifii Ingvarssyni,
Kristni Hallssyni og Halldóri
Vilhelmssyni.
Sviðsljósið fregnaði að kona
Bergþórs, Sólrún Bragadóttir, syngi
líka með og þótti slík rómantík vel
við hæfi í Meyjaskemmu. Þeim var
því báðum boðiö í kaffi hér i
Siðumúlanum og innt eftir söng o.fl.
í ljós kom að Sólrún er ráðin til að
syngja hlutverk Hönnu, stúlkunnar,
sem Schubert verður svo skotinn i, en
það hlutvcrk er annars i höndum
Katrinar Sigurðardóttur. Við
spurðum Sólrúnu hvemig þessu sam-
starfi væri háttað — ,,Ég er ráðin til
að syngja á þremur sýningum og til
að hlaupa í skarðið fyrir Katrinu ef
hún forfallast.”
Bæði Sólrún og Bergþór stunda
nám við Tónlistarskólann í
Reykjavík, hún i söngdeild, en hann í
tónmenntakennaradeild. Söng-
kennari þeirra við skólann er Elísabet
Erlingsdóttir. Bergþór hefur aðeins
verið í söngnáminu í eitt ár en Sólrún
öllu lengur eða 5 ár. , ,Það var hringt
til okkar og við beðin að taka þátt í
prufusöng í haust og svo vorum við
bara beðin um að vera með. ”
Mikil vinna?
Óskapleg. Maður hugsar varla
um annað,” svaraði Bergþór að
bragði og hló viö. ,,En mjög
gaman,” bættu þau bæði við. Hvað
um framhald, ætla þau að halda
áfram aðsyngja?
Sólrún kvaðst hafa mikinn áhuga á
að halda áfram söngnáminu —
Bergþór stefnir aöeins að því aö klára
tónmenntakennaradeildina, ,,en hver
veit, e.t.v. heldur maður áfram i
söngnum líka.”
— Þið hafið e.t.v. kynnzt í gegn
um sönginn?
„Tja, nei, eiginlega ekki. Við
höfum að vísu sungið saman i
kórum, bæði Polyfón og Langholts-
kirkjukórnum, en við kynntumst þó
ekki þar.”
Þau Sólrún og Bergþór stöldruðu
ekki lengi viö, þurftu á æfingu og svo
heim aö sinna barninu sínu. En engar
annir virtust þeim of miklar þegar
söngurinn erannarsvegar.
MS
„Hugsum varla um annað an
sönginn," segja þau Sólrún og
Bergþór, sem bæði syngja i
Meyjaskemmunni.