Dagblaðið Vísir - DV - 08.12.1982, Page 16

16
DV. MIÐVIKUDAGUR 8. DESEMBER1982.
Spurningin
Ætlarðu að halda jól á ís-
landi eða í útlöndum?
Þorbjörn Einarsdóttir sjúkraliöi: Á
Islandi, ég geri þaö alltaf. Mér finnst
bara alveg hræðilegt með þetta fólk
sem fer út. Ég gæti aldrei hugsað mér
það.
Haraldur Tryggvason lagerstjóri:
Islandi! Já, ég gæti vel hugsaö mér að
fara úr landi til að halda jól. Ætli ég
færi þá ekki eitthvað suðureftir í
sólina.
Ágúst Eyjólfsson sóknarprestur: Eg
ætla að halda þau hér og er vanur því.
Gæti ekki hugsað mér að gera annað.
Anna Áslaugsdóttir, vinnur í búð:
Bara heima. Jú, ég væri alveg til með
að breyta til. Eg myndi þá helst fara til
Norðurlandanna.
Guðrún Guðmundsdóttir nemi: Ég
held íslensk jól. Ég tel mig ekki geta
dæmt þaö fólk sem fer úr landi til að
halda jól, hef aldrei verið í þeirri aö-
stööu sjálf.
Ingibjörg Einarsdóttir húsmóðir: Á
Islandi. Mér finnst allt í lagi að fara til
útlanda og vildi gjarnan fara ef ég
heföi efni á því.
Lesendur Lesendur Lesendur Lesendur
Opið bréf
til sjávarútvegsráðuneytisins:
Látið hag-
kvæmnina
sitja í
fyrirrúmi
Birgir Albertsson, Stöðvarfirði, skrif-
ar:
Ég undirritaður ætla að Iieiðra skrif-
stofupólíkusa sjávarútvegsráöuneytis-
ins meö því að endursenda síldveiöi-
leyfi mitt, gefið út 29. júlí 1982. Þaö
gildir til 31. október, tíma sem síldin er
fyrir Noröur- og Norðausturlandi.
Plagg þetta er að mínu mati algjörlega
tilgangslaust og ekki til annars en að
hlæja að því. Eins og ég benti hæstvirt-
um sjávarútvegsráðherra á í fyrra,
voru flestir smábátaeigendur með síld-
veiði sem tilraunaveiði það ár, einnig
næsta ár á undan; fáeina netstubba
jafnvel hálfónýt reknet sem búið var
aðafskrifa.
Aflakvóti miðaður viö veiði í fyrra og
hitteöfyrra er því alveg út í bláinn.
Eins er út í hött aö stoppa veiðar smá-
báta alls staðar á landinu í einu. Það
var ekki fyrr en 9. nóvember í ár sem
fyrsta verulega veiðin fékkst hér inni á
Stöðvarfiröi en þá tóku nótabátar á
hluta úr degi allan kvóta smábáta og
sennilega vel það. En ég, eini sjó-
maðurinn sem framfleytir sér hér ein-
göngu með trillusjómenn'sku, 6—8
mánuði á ári, mátti ekki vera með
nokkur lagnet vegna þess að einhverj-
um skrifstofuglóp suður í Reykjavík
datt í hug aö 1500 tonn af síld væri al-
veg nóg handa öilum trillukörlum á
landinu.
Prédikað um hagkvæmni
En ekki nóg með það. Alltaf er verið
að prédika um aö hagkvæmnin eigi að
sitja í fyrirrúmi við veiðar okkar hér á
landi og útgerðarkostnaöur sé allt of
hár. Er þó hægt aö hugsa sér þjóöhags-
lega hagkvæmari útkomu en á síld-
veiðum á trillubát inni á fjörðum?
Hvar er olíueyðslan og útgerðar-
kostnaðurinn? Hvert fer gjaldeyririnn
sem rennur út úr landinu í olíueyðslu
hjá 1000 tonna skipum sem að auki
sigla allt að 6iX)—800 mílur með einn
síldarfarm (kannske 20—40 tonn) sem
ekki fær staðist samanburö við síld
sem ekki þarf að sigla með nema í 5—
15 mínútur.
Ogallurannaraukakostnaður! Taliö
er að 1000 tunnur þurfi á mánuði til að
greiða tryggingu háseta á síldarbát.

,,Fyrir næstu vertíð skuluð þið tilkynna sjómönnum smábáta að nú skuli
þeir veiða sem allra mest og vera sem lengst að þvi að nú eigi hagkvæmnin
að sitja i fyrirrúmi" — segirm.a. iopnu bréfi til sjávarútvegsráðuneytisins.
Það gera um 100 tunnur á mann miðað
við 10 manna áhöfn, en ekki þarf nema
40 tunnur í sömu try ggingu á trillukarl-
inn. Hvar er nú hagkvæmnissjónar-
miðið? Hverjumdatt 1500 tonniní hug?
Kannski hafa hér ráðið fiskverndunar-
sjónarmið, en hverjir eru það sem
veiða svona mikið að takmarka þurfi
veiðamar? Ekki þó 100 nóta- og rek-
netabátar? Er kannske verið að
hengja bakara fyrir smið? Hvað segir
öldungadeildin á nýafstöðnu fiskiþingi
um þetta hagsmunamál smábátaeig-
enda? Eiga þeir kannski hagsmuna að
gæta? Það skyldi þó ekki vera að stór-
útgerðarmenn hafi veriö hræddir um
aö 1500 tonnin margnefndu yrðu tekin
af aflakvóta þeirra?
En athugum nú hvað háseti á síldar-
bát hefur í laun úr úthlutuðum kvóta
hvers báts. Trúlega eru þaö milli 40 og
50 þúsund kr. sem jafnvel eru fengnar
á einum degi. Af hverju megum við á
smábátunum ekki veiða upp í sama
aflaverðmæti? Hvers vegna þurfum
við að hætta veiðum 31. október? Því er
veriö að mismuna mönnum í sömu
stétt? Er annar Jón en hinn séra Jón og
þá hvens vegna? Nei, ég segi við ykkur,
nýheiðruðu starfsmenn sjávarútvegs-
ráðuneytisins, hættið allri ofstjóm.
Fyrir næstu vertíð skuluð þið tilkynna
sjómönnum smábáta að nú skuli þeir
veiða sem allra mest og vera sem
lengst að því að nú eigi hagkvæmnin að
sitja í fyrirrúmi.
KARLMENN VERÐ-
LAUNAÐIR FYRIR
AÐ EIGA BÖRN ÚTI
UMALLANBÆ?
- hvar er réttlætið í fslensku þ jóðfélagi?
1244—8155 skrifar.
Ég er einstæð móðir með 4 börn á
framfæri og ég hef komist að því að
þjóðfélagið hér á íslandi er ekkert til
að hreykjast yfir. Staðreyndin er nefni-
lega sú að mæðralaun eru ekki greidd
með fleiri en þrem börnum á sama
tíma og karlmenn, sem þurfa að borga
meðlag með fleiri en þremur börn-
um, fá aðstoö frá ríkinu með þau sem
umfram eru.
Ég spurði lögfræðing hér í bæ, er
hefur skilnaðarmál sem sérsvið, um
þessi mál og svarið sem ég fékk
var það, að enginn karlmaður hefði
efni á aö greiða með fleiri börnum. Þá
spurði ég hann aö því hvers vegna lög-
fræðingar og félagsráögjafar risu ekki
upp og leiðréttu þessi mál. Svarið sem
ég fékk var að mörg mál væru brýnni
en þessi og hann mundi alveg örugg-
lega leiðrétta flest á undan þessu.
Þarna sést hvers konar þjóðfélag
það er, sem við búum í. Kvenfólki er
refsað fyrir að reyna að halda börnun-
um sínum og heimilinu en um leið er
karlmönnum hampað og þeir
verölaunaðir fyrir að eiga börn úti um
allan bæ.
Fjórða barnið mitt er eins og börnin
hennar Evu sem hún faldi fyrir Guöi.
Þjóðfélagiö eða réttara sagt hinir háu
herrar á Alþingi vilja ekki samþykkja
þaö sem þjóðfélagsþegn sem þarf bæði
fæði og klæöi.
Það er mikið talað um að mikilvægt
sé að börnin njóti umönnunar móður
sinnar fyrstu árin, en hér er ekkert
gert til þess aö svo megi vera. Skyldu
ekki þessir háu herrar fá martröð á
næturnar, eða eru þeir svo ofurseldir
myrkrinu og aumingjaskapnum aö
samviskan og tilfinningin fyrir þeirra
smæstu jaröarbræðrum sé engin? Þá
er þeim mikil vorkunn.
Þessi mál þarf að laga og það fljótt.
Eg á fjögur börn sem þurfa fæði og
klæði, ekki þrjú, og einhverjir eru
ábyggilega í sömu aðstöðu og ég og al-
veg jafn reiðir og hneykslaðir. Þeir
ættu aö gera bæði sér og öðrum þann
greiða að láta í sér heyra. Þessi mál
þarf að laga og þessir háu herrar skulu
fá aö vita af því hvaö þeir eru aö gera.
Það er verið að refsa mér fyrir mitt
fjórða barn, af aðilum sem ekkert leyfi
hafa til slíks. Hér eru mér ekki vitan-
lega neinar takmarkanir á barneign-
um og þessi þjóðfélagsþegn minn skal
verða viðurkenndur. Hann á fullan rétt
áþví.
Því skora ég á alla þá, sem eru í líkri
aðstöðu og ég, aö standa upp og krefj-
ast þess réttar sem börnum þeirra er
áskapaður.
Þau eiga ekki að vera einhverjir
svartir sauðir í þjóðfélaginu sem eng-
inn vill kannast við, þau hafa full
mannréttindi. En, hvar er réttlætið í ís-
lensku þjóðfélagi? Erum við stödd í
fornöld?
„ Það er mikið taiað um að mikilvægt só að börnin njóti umönnunar móður
sinnar fyrstu árin, en hór er ekkert gert til þess að svo megi vera " — skrifar
1244-8155.