Dagblaðið Vísir - DV - 22.01.1987, Blaðsíða 15

FIMMTUDAGUR 22. JANÚAR 1987.
15
Fjármálastefha Framleiðsluráðs
landbúnaðarins
Fyrir skömmu kom fram hugmynd
um að rétta við fjárhag Eggjasam-
lagsins með því að hjálpa því að
kaupa eitt stærsta eggjabú landsins.
Það væri nú eftir öðru hjá Fram-
leiðsluráði landbúnaðarins að ausa
úr sjóðum okkar í einhveija stórhis-
ness-karla og telja fólki trú um að
þetta sé nauðsynlegt til að koma á
stjórnun- eggja- og kjúklingabúa.
Það er hin mesta firra, hér átti rétt
einu sinni að hlaða undir stórbúskap
og fjárglæframennsku.
Eggjasamlagið fékk á sínum tíma
fyrirgreiðslu og varð á þeim forsend-
um að sarrna tilverurétt sinn, átti
að verða styrkur fyrir þá smáu en
varð í raun, eins og að því var stað-
ið, bein ögrun við stóru búin og út
frá því skapaðist það versta verð-
stríð er komið hefur, auðvitað í þágu
neytenda enda eru þeir komnir með
eggjaverð inn í samninga um kaup
og kjör. Alþingismenn og aðrir hátt
settir verkalýðsforkólfar leggja lík-
lega annað mat á lífskjör eggja-
bænda en sín eigin eða var ekki
„kjaradómur“ að færa þeim myndar-
lega kauphækkun fyrr í vetur?
Kröfur kjúklingabænda um stjóm-
un koma nokkuð á óvart því að fram
undir þetta hafa þeir viljað allt frem-
ur en afskipti stjómvalda nema
auðvitað þessir fáu er komist hafa
bakdyramegin í sjóða- og bankakerf-
ið. Vonandi gerist það ekki að farið
verði að greiða útflutningsuppbætur
á fuglakjöt á sama tíma og reynt er
með öllum ráðum að draga úr fram-
leiðslu á dilkakjöti til að fella niður
útflutningsuppbætur á því.
KjaUarinn
Jóhannes
Jóhannesson
bóndi
Eru í því aö mismuna bænd-
um
Þeir em við sama heygarðshomið
hjá Framleiðsluráði landbúnaðarins
við innheimtu sjóðagjalda á egg,
ganga hart að þeim smáu og skilvísu
en láta hina vera. Jafhvel svo að
ekkert samband hefur verið haft við
suma eggjabændur um þau 2,25%
er farið var að ganga eftir 1985 til
viðbótar við 1,35% gjald er áður
gilti. Líklega hefði verið bæði skyn-
samlegra og heiðarlegra að láta
1,35% duga og jafnt yfir alla ganga.
„Því miður em sumir búnir að
koma sér þannig fyrir fjárhagslega
að þýðingarlaust er að tala við þá
um greiðslu á sjóðagjöldum," sagði
Gunnar Guðbjartsson hjá Fram-
leiðsluráði bænda. Það er dálaglegt
hjá frammámanni bænda að segja
svona lagað og starfa eftir því á þann
veg að pína okkur, þessa skilvísu,
til að borga og þeir fjármunir síðan
notaðir handa þeim er „þýðingar-
laust er að tala við“.
Hvemig geta þeir hjá F.L. forsvar-
að innheimtu 3,6% gjalda á búgrein
sem ekki aðeins þeir bmgðust um
að koma stjómun yfir heldur bein-
línis kyntu undir átök með því að
ausa fjármagni í einstaka aðila. Þeg-
ar ég hóf eggjaframleiðslu vonaðist
ég eftir stjómun til að takmarka
veldi stórbúanna, helst að sett yrði
takmörkun á hve stór búin mættu
vera, en í seinni tíð hefur það snúist
við, ég er á móti afskiptum Fram-
leiðsluráðsins á eggjaframleiðslu af
þeirri einföldu ástæðu að ég er búinn
að missa alla trú á þeim mönnum
er þar stjóma - treysti þeim ekki til
að starfa heiðarlega og láta alla
njóta sömu réttinda.
Hvers vegna stórbúskap?
Ef við veltum því fyrir okkur hvers
vegna smáu búin verða svo hart úti
í úthlutun á fullvirðisrétti koma mér
í hug tvær skýringar, sú fyrri er hin
gegndarlausa lítilsvirðing gagnvart
öllum er minna mega sín og sú aug-
ljósa er að „betri“ bændur em í
öllum ráðum og nefhdum er máli
skipta svo að þeir höfðu það í hendi
sér að fóma þeim smáu í sína þágu.
Þá hljótum við að hugleiða hvort
stóm búin séu hagkvæmari, í sam-
bandi við sauðfjárbúskap dreg ég
mjög í efa að svo sé. Menn halda
því auðvitað fram að fjárfestingin sé
svo mikil að þeir verði að halda sinni
framleiðslu óskertri. Ég held að hver
og einn ætti að vera meira ábyrgur
gerða sinna, ekki bara bændur held-
ur líka þeir er stjóma, hvort heldur
málum bænda eða annarra.
Kýs ekki Framsóknarflokkinn
í vor
Ástæðan fyrir þvf að ég hef ákveð-
ið að sniðganga Framsóknarflokk-
inn í vor er ekki eingöngu
frammistaða hans í því sem ég kalla
eyðibýlastefriu er hann rekur með
samábyrgð Sjálfstæðisflokksins. Þar
kemur líka inn í sú landspólitík er
framsóknarmenn em famir að reka,
það er að dansa í kringum kjötkatl-
ana í höfuðborginni en „gleyma"
landsbyggðinni, þá em átök innan
flokksins orðin þeim til skammar og
flokknum til tjóns og þá síðast sam-
skipti mín við menn í Framleiðslu-
ráði landbúnaðarins. Þegar ég hóf
eggjabúskap fékk ég loforð um lán
sem var afturkallað á þeirri forsendu
að ekkert yrði lánað það árið, síðar
kom í ljós að þeir höfðu „hjálpað"
einum fuglabónda heldur myndar-
lega á minn mælikvarða. Æðimörg-
um árum síðar er bætt við 2,25%
gjaldi á eggjaverð, sendu þeir þá
umsvifalaust lögfræðing á mig til að
fylgja vel eftir kröfum sínum þó að
ágreiningur sé um réttmæti þessara
gjalda.
Framleiðslumenn hjálpuðu manni
um fjármuni á ári sem „ekkert'1 var
lánað og hjálpuðu til að gera þennan
mann að stórbónda. Borgar hann?
„Alveg þýðingarlaust að ræða við
hann um greiðslu gjalda því að hann
er búinn að koma sér það vel fyrir.“
(G.G.) Þetta er svo vesældarleg
frammistaða að ég á ekki næg orð
yfir skömmina. En eitt er vist að ég
kýs ekki þann flokk sem treður á
lífsafkomu minni með jafnmikilli
fyrirlitningu og þessir menn hafa
gert. Ég fer aðeins fram á að menn
standi við sín orð, séu heiðarlegir
og láti alla njóta sömu réttinda. Það
virðast ekki óeðlilegar kröfur, en þó
langt yfir það sem fjöldi frammá-
manna okkar rís undir. Að lokum
legg ég til að „Bændahöllin“ verði
seld og féð notað í þágu bænda. Það
er ekki ástæða til að bændur reki
hótel fyrir útlendinga eins og að
þeim er kreppt.
Jóhannes Jóhannesson.
„Það væri nú eftir öðru hjá Framleiðslu-
ráði landbúnaðarins að ausa úr sjóðum
okkar í einhverja stórbisness-karla og telja
fólki trú um að þetta sé nauðsynlegt til
að koma á stjómun yfir eggja- og kjúkl-
ingabú.“
Húmanista á Alþingi!
Mannréttindi og manngildi eru orð
sem heyrast oftar í allri umræðu
núna heldur en áður. 1 sjálfu sér er
það ágætt en því miður eru þau not-
uð nær eingöngu í því augnamiði
að slá sér upp með því að tala fal-
lega. Flestir telja að hér á landi séum
Kjallarinn
Áshildur
Jónsdóttir
í Landsráöi
Flokks mannsins
við vel sett hvað varðar mannrétt-
indi. Hér er engum stungið í fangelsi
fyrir pólitískar skoðanir. í versta
falli fá menn bara ekki lán eða vinnu
ef þeir hafa ekki réttan pólitískan
lit. Og hér eru engin kynþáttavanda-
mál - bara „pínulítil" mismunun sem
varla er orði eyðandi á.
í áramótaræðu Steingríms Her-
mannssonar forsætisráðherra talaði
hann mikið um að íslendingar ættu
að láta meira að sér kveða á al-
þjóðavettvangi í mannréttindamál-
um. Þar hefði íslenska þjóðin
virkilega eitthvað til málanna að
leggja.
Minnistap forsætisráðherra
Það er alveg ótrúlegt hvað fólk er
fljótt að gleyma. Forsætisráðher-
rann okkar er þar engin undantekn-
ing. Hann ætti að lesa betur
mannréttindasáttmála Sameinuðu
þjóðanna. Þar er nefriilega ekki nóg
að vera í flokki sem hefur einhvers
staðar á stefnuskrá orðið manngildi
ef viðkomandi veit svo ekki hvað
mannréttindi eru.
Mannréttindabrot ríkisstjórn-
arinnar
Stjóm Steingríms Hermannssonar
hefiir verið dugleg við að brjóta
mannréttindi síðustu 4 árin. Hún tók
samningsréttinn af launþegum 1983
og hefur hvað eftir annað sett lög á
launþega, nú síðast í sjómannadeil-
unni þegar sjómenn vom þvingaðir
til samninga undir svipu laganna.
Þessi ríkisstjóm hefur staðið
dyggilega vörð um láglaunastefnuna
og ber ábyrgð á henni.
Það er lítið að marka menn sem
gera þveröfugt við það sem þeir tala
og það er kominn tími til að við
hættum að láta slíka menn sitja í
ríkisstjóm.
Húmanismi
Flokkur mannsins er eini stjóm-
málaflokkurinn sem byggir á
manngildi.
Manngildisstefnan, eða húman-
isminn, lítur á manninn sjálfan sem
aðalatriðið í þjóðfélaginu og stað-
hæfir að ekkert sé ofar manninum,
hvorki ríkið né neitt annað og eng-
inn maður öðrum æðri. Núverandi
þjóðfélag hefur hins vegar dregið
fólk í dilka og beitt það mikilli mis-
munun. „Launþegar", „konur“ og
„ungt fólk“ teljast til þessara undi-
rokuðu hópa en þetta fólk er jafii-
framt mikilvægasti drifkraftur
þjóðfélagsins.
Flokkur mannsins leggur áherslu
á að aíhema alla mismunun gagn-
vart þessu fólki.
Ungtfólk: Skattar og skyldu-
sparnaður felldur niður
FM telur það mannréttindabrot
að fólk greiði skatta en hafi ekki
rétt til að vera með í að ákveða
hvemig þeim er ráðstafað. Stefha
FM er að enginn sé skattskyldur
nema hann hafi kosningarétt.
FM er á móti öllum þvingunum
og vill að fólk hafi frjálst val. Þess
vegna er stefna flokksins að afnema
skylduspamað. Það þýðir þó ekki
að þeir sem það vilja geti ekki lagt
fyrir hluta af launum sínum í samr-
áði við vinnuveitendur sína.
Konan: Laun óháð kynferði
FM lítur á það sem gróf mannrétt-
indabrot að greiða konum minni
laun en körlum fyrir sömu vinnu.
Stefiia flokksins er að greiða skuli
sömu laun fyrir sömu störf óháð
kynferði.
Barnið: 12 mánaða fæðingar-
orlof
FM vill koma til móts við þarfir
foreldra og bama. Stefna flokksins
er að lengja fæðingarorlof í 12 mán-
uði og að foreldrar hafi frjálst val
um hvemig þeir skipti orlofinu á
milh sín. Þannig að feður eigi kost
á því að annast böm sín til jafns við
mæðumar.
Launþeginn: Lögbundin lág-
markslaun
FM vill að mannsæmandi lág-
markslaun fyrir 8 stunda vinnudag
verði lögbundin þannig að fólk hafi
frjálst val um það hvort það vinni
eftirvinnu án þess að eiga það á
hættu að svelta eða missa húsnæðið.
Stefria FM er að þau fyrirtæki sem
treysta sér ekki til að grpiða mann-
sæmandi lágmarkslaun eða séu
gjaldþrota verði gerð að samvinnu-
félögum launþega með aðstoð ríkis-
ins í formi lækkaðra vaxta og
lengingu lána.
Einnig er steíha FM að i stjómun
allra fyrirtækja eigi starfsmenn sína
fulltrúa sem kosnir séu af starfs-
fólkinu.
Húmanistaflokkur - flokkur
fólksins
FM hefur starfað í tvö ár og setur
núna fram stefriuskrá fyrir komandi
alþingiskosningar.
Stefnuskrá sem tekur mið af við-
ræðum okkar og skoðanakönnunum
við fólk af öllum þjóðfélagsstigum
og alls staðar á landinu.
Þessi stefnuskrá er í stöðugri þró-
un og verður þar til við getum með
sanni sagt: Hér ríkir húmanískt
þjóðfélag þar sem öllum getur
liðið vel.
Áshildur Jónsdóttir
„Stjórn Steingríms Hermannssonar hefur verið dugleg aö brjóta mannrétt-
indi siðustu 4 árin. Hún tók samningsréttinn af launþegum 1983 og hefur
hvað eftir annað sett lög á launþega,...“
„Manngildisstefnan, eða húmanisminn,
lítur á manninn sjálfan sem aðalatriðið í
þjóðfélaginu og staðhæfir að ekkert sé ofar
manninum, hvorki ríkið né neitt annað
og enginn maður öðrum æðri.“