Dagblaðið Vísir - DV - 28.02.1987, Qupperneq 2

44
LAUGARDAGUR 28. FEBRÚAR 1987.
Hvað höfðu bandarískir hermenn fyrir stafni í Vietnam?
Platoon
sætir
gagnrýni
Bandaríski þingmaðurinn Tom
Ridee íhugaði alvarlega að ganga
út af sýningu á kvikmyndinni Plato-
on vegna þess hve hraksmánarlega
fyrrum vopnabræðrum hans er lýst.
Ridge var nefnilega hermaður í Víet-
nam og segist þekkja stríðið af eigin
raun.
„Það var ekki svona stríð sem við
háðum,“ segir Ridge. „Við börðumst
við andstæðinga okkar og umhverfíð
en aldrei innbyrðis."
Flestir aðrir hafa borið mikið lof á
myndina og segja hana mjög
raunsæja. Myndin hefur fengið
fjölda útnefninga til óskarsverð-
launa og er af mörgum talin ein besta
myndin sem gerð hefur verið um
Víetmanstríðið.
Tom Ridge er á öðru máli. „Svo
virðist sem hér hafi vaxið upp kyn-
slóð sem veit ekkert um stríðið,"
segir hann. „Nú ætla þessir menn
að koma því inn hjá þjóðinni að
bandarískir hermenn í Víetnam hafi
aðallega átt í erjum sín á milli þegar
þeir voru ekki að níðast á óbreyttum
borgurum."
Tónlistar-
sjóður
Liberace
Ákveðið hefur verið að leggja allar
eigur hins glysgjarna píanóleikara
Liberace í sjóð til styrkja unga
bandaríska tónlistarmenn til náms.
Það er fyrrum lögfræðingur Liberace
sem stýrir sjóðnum.
Þetta er gert samkvæmt ósk Li-
berace. Hann mælti svo fyrir í
Liberace lagði allar eigur sína í
styrktarsjóö.
erfðaskrá sinni. Píanóleikarinn
frægi átti miklar eignir og verður
þeim ekki skipt upp á milli erfingja.
Ekkert klám
í Síðasta tangó
í París
ítalski leikstjórinn Bernardo Ber-
tolucci hefur verið sýknaður af
ákærum um að hafa fest klám á filmu
þegar hann gerði kvikmyndina Síð-
asti tangó í París. Nú eru liðin
fimmtán ár síðan kæran var borin
fram.
Það var Paolo Colella, dómari í
Róm, sem ákvað að láta málið niður
falla. Hann sagði í úrskurði sínum
að þrátt fyrir að Bertolucci hefði
óumdeilanlega farið yfir markið þeg-
ar hann gerði myndina þá væri
tíðarandinn svo breyttur að ákæran
væri ekki lengur réttlætanleg.
Sýningar á myndinni voru stöðvað-
ar á Ítalíu árið 1972 eftir að hafa
staðið í nokkra daga. Málið var síðan
að þvælast fyrir dómstólum til ársins
1976 þegar myndin var bönnuð og
öll eintök, sem til náðist, gerð upp-
tæk. Málið var þó enn verkefni
dómstóla næstu árin og allt þar til
Colella dómari bað menn að gleyma
því nú fyrir skömmu.
Reagan veit ekki um allt sem gerist
i Hvíta húsinu.
Reagan
hefur ekki séð
Lincoln
Ronald Reagan Bandaríkjaforseti
neitar staðfastlega að hafa orðið var
við afturgöngu Abrahams Lincolns í
Hvíta húsinu. Hins vegar neitar
hann því ekki að nokkurt gagn gæti
orðið af fundum þeirra.
Margt stórmenna, sem gist hefur
Hvíta húsið, hefur séð afturgönguna
í herbergi því sem kennt er við Lin-
coln í húsinu. Því er það almenn trú
að þetta sé afturganga Lincolns þótt
engar sannanir séu fyrir því.
Mál þetta var rætt í móttöku sem
Bandaríkjaforseti hafði í Hvíta hús-
inu fyrir skólabörn. Börnin langaði
mjög að fá fréttir af afturgöngunni
og hvort forsetinn hefði séð hana.
Reagan sagðist ekki hafa séð aftur-
gönguna en vildi samt ekki afneita
tilvist hennar því hann vissi ekki um
allt sem gerðist í Hvíta húsinu. Reag-
an sagðist hafa orðið þess var að
Rex, hundur þeirra hjóna, ætti það
til að hlaupa geltandi í átt að her-
berginu, rétt eins og hann hefði séð
þar einhvern á ferli.