Dagblaðið Vísir - DV - 15.04.1987, Qupperneq 15

MIÐVIKUDAGUR 15. APRÍL 1987.
15
Tímamot
Ég hef af athygli íylgst með þeim
kynslóðaskiptum sem átt hafa sér
stað í íslensku þjóðfélagi nú undan-
farið. Kynslóð sú, sem hafði slitió
bamsskónum á ámnum fyrir stríð,
hefur smám saman verið að draga
sig í hlé frá erli athafnalífsins.
Ný yfirstétt
Svo virðist sem skipulagðar, sam-
hentar kh'kur hafi náð að yfirtaka
völdin í stjómmálaílokkunum og
teygi anga sína inn í lykilstöður i
þjóðfélaginu. Þessar valdaklikur
beita harðskeyttum aðferðum og
eira engu. Sjálfstraustið er gífurlegt
en minna fer fyrir hugsjónunum þeg-
ar á hólminn er komið.
Þessir hópar hafa þvert á kröfur
tímans í raun magnað upp ofríki
flokksræðis og gripið til tvíhyggju
öfgahópa á vinstri og hægri væng
stjórnmála til að réttlæta þversagnir
sínar.
Sauðargærunni kastað
Almenningur, sem í eðli sínu er
friðsamur og góðgjarn, hefur látið
sér þetta lynda en undir niðri hefur
búið óánægja með framvindu mála.
Mælirinn fylltist er fomstusveit
Sjálfstæðisflokksins kastaði sauð-
argæmnni. Fólkinu í landinu þótti
nóg komið af svo góðu og Borgara-
flokkurinn varð til, flokkur fólksins
fyrir fólkið. Sú afstaða gömlu flok-
kanna að fólkið væri fyrir flokkinn
beið skipbrot.
Kröfurtimans
Það eru fleiri ástæður en djúpstæð
lýðræðiskennd þjóðarinnar og löng-
KjáUaiim
Benedikt Bogason
verkfræðingur
un til að lifa í þjóðfélagi kærleika
og mannúðar sem liggja að baki
hinni gífurlegu athygli og áhuga sem
Borgaraflokkurinn hefur vakið hjá
þjóðinni. Almenningur skynjar kröf-
ur tímans - strauma sem ekki virðast
ná inn fyrir virkismúra valdahóp-
anna.
Hröð þróun
Tækniþróun síðustu ára hefur æ
meir beinst inn á þróun sjálfvirkra
kerfa, byltingarkennd þróun hefur
orðið í tölvum og notkun þeirra og
notkun vélmenna er á næsta leiti.
Með lítilli viðdvöl á iðnaðaröld
höfum við tekið stökk inn í upplýs-
ingaöld þar sem þekking hvers
einstaklings er grundvöllur góðs ár-
angurs.
Vinnuþrælkun burt
Fólk skynjar að gífurlegar breyt-
ingar em framundan í atvinnuhátt-
um landsmanna, ný störf myndast
við það að gömul störf leggjast nið-
ur. Þessi framvinda auðveldar
Borgaraflokknum að ná því mark-
miði sínu, að dagvinna nægi til
eðlilegs framfæris og hægt sé þar
með að útrýma þessari vinnuþrælk-
un sem er við lýði í mörgum starfs-
greinum.
Full atvinna tryggð
I þessari þróun verði lögð aðalá-
hersla á að full atvinna verði tryggð
fyrir alla, þannig að við losnum við
það mein, sem hefur verið að grafa
um sig í ýmsum nágrannalöndunum
að stöðugt atvinnuleysi festi rætur.
Það hefur smám saman valdið því
að stór hluti ungs fólks fær enga
atvinnu. Það leiðir til vaxandi von-
leysis og firringar hjá fólki framtíð-
arinnar með hörmulegum afleiðing-
um, fíkniefnaneyslu, uppþotum og
fleira þess háttar.
Hver og einn hefur sitt kjörsvið.
Þjóðfélagið þarf að hjálpa fólki til
að finna það með öflugri starfs-
fræðslu og öðrum skipulögðum
aðgerðum, s.s. verkmenntun.
Tómstundir - atvinna
Hin Qölbreytta menningarstarf-
semi atvinnu- og áhugamanna í
landinu líður víða mjög fyrir fjár-
skort. Ur þessu vill Borgaraflokkur-
inn bæta og bendir á að oft er bilið
lítið á milli áhugastarfsemi og at-
vinnumennsku. Sama gildir um
tómstundaiðju sem oft leiðir til sköp-
unar söluvöru. s.s. minjagiipa. svo
og íþróttastarfsemi, sem smám sam-
an er að ná til allra, ungra sem
gamalla, að óglevmdum stórkostleg-
um árangri í íþróttum fatlaðra.
Við í Borgaraflokknum teljiun að
Qárfesting f þessum málum sé til far-
sældar og skili sér nú þegar og í
framtíðinni.
Einkaframtak
Að öðru jöfnu skilar starfsemi í
höndum félaga eða einstaklinga
betri félagslegum árangri en það sem
hið opinbera stendur fyrir. Auk þess
virkjast miklu betur starfskraftar
einstaklinga á þeim vettvangi, þeim
sjálfum til ánægju og gjarnan til
betri nýtingar á fjármunum.
Vágestur
Kostur á fjölbreytni á vali heil-
brigðs tómstundastarfs og vel útfærð
fræðsla í skólum er besta vörnin
gegn því að ánetjast fíkniefhum.
Hvergi má slaka á árvökru starfi til
að stemma stigu við þessum vágesti
og efla með fjái-veitingum og aukn-
um mannafla starfsemi þeirra stofn-
ana sem hafa með þessi mál að gera.
Mannúðarsiefna
Borgaraflokkurinn telur að ekki
sé nóg að veita æskunni góða að-
stöðu til menntunar og kosningarétt
18 ára. Það verður að veita henni
tækifæri til að njóta sín í starfi og
leik. Á það mun Borgaraflokkurinn
leggja þunga áherslu.
Borgaraflokkurinn vill vinna að
heill allra einstaklinga í samræmi
við hag heildarinnar. Hann setur
virðinguna fy-rir einstaklingnimi í
öndvegi því að mannúðin er sál
menningarinnar
Benedikt Bogason
Greinarhöfundur er i 4. sæti ó lista Borg-
araflokksins í Reykjavik)
„Það eru fleiri ástæður en djúpstæð lýð-
ræðiskennd þjóðarinnar og löngun til að
lifa í þjóðfélagi kærleika og mannúðar sem
liggja að baki hinni gífurlegu athygli og
áhuga sem Borgaraflokkurinn hefur vakið
hjá þjóðinni.“
Óhugnanlegar starfsaðferðir
Alþýðubandalagsins
Stjómmálaflokkarnir fengu ný-
lega tækifæri til þess að kynna sig
í sjónvarpi. Flestum flokkunum
tókst þetta þokkalega á þeim tuttugu
mínútum sem þeir fengu til umráða.
Kynning Alþýðubandalagsins skar
sig þó úr.
I stað þess að beita sér að þvi að
kynna flokkinn greip þetta bandalag
óánægjunnar til þess örþrifaráðs að
leita uppi verstu myndir sem þeir
gátu fundið af ýmsum andstæðing-
um sínum í stjómmálum og reyna
að gera þá torkennilega sem and-
stæðinga fólksins. Þessi málflutn-
ingur og aðferðin við hann hlýtur
að vekja óhug allra hugsandi
manna.
Ég hefi oft sagt að ég óttaðist ekki
Alþýðubandalagið í kosningum ef
það bara kynnti sína stefnu. Þá
væri það ekki líklegt til að fá mörg
atkvæði.
Ef til vill hafa þeir farið nærri því
með þessari kynningu.
Flokkakynning
Flestir flokkanna notuðu tæki-
færið til þess að kynna flokkinn og
steíhu sína. En Alþýðubandalagið
valdi sérstaka leið. I þætti þess var
reynt að gera ákveðna einstaklinga
tortryggilega og til þess valin sú leið
að birta af þeim verstu myndir sem
unnt var að finna. Myndirnar af
Sverri Hermannssyni og Birgi ísleifi
voru furðulega valdar. Auðvitað lýsa
svona vinnubrögð best þeim sem þau
vinna.
Þessi þáttur Alþýðubandalagsins
var ekki nein mistök af hugsunar-
leysi. Hann var vafalaust þaulhugs-
aður.
Athyglisvert við málflutninginn er
þetta:
1. Birtar em myndir af andstæðing-
Kiallariiin
Guðmundur G.
Þórarinsson
verkfræðingur
um í stjórnmálum og valdar þær
langverstu myndir sem unnt er
að finna.
2. Reynt er að krossfesta einstakl-
inga, draga þá fram sem slíka og
ráðast að þeim.
3. Reynt er að búa til óvini handa
fólkinu - gamalkunn aðferð.
Þjóðin á að skilja að hún þarf að
vara sig á þessum mönnum.
4. Vinnubrögðin minna á aðferðir
nasista.
5. I kynningunni komu fram beinar
lygar.
Þeim, sem ég hefi rætt við. hefur
öllum blöskrað þessi málflutningm-.
Hvort hér er um örvæntingu að ræða
eða einfaldlega það sem koma skal.
ef Alþýðubandalagið kemst til valda.
skal ég ekki dæma um.
Málflutningur Þjóðviljans
Þriðjudaginn 7. apríl birtist í Þjóð-
viljanum undarleg grein. Undir
henni stóð Ö.S. og geri ég ráð fyrir
að sjálfur ritstjóri blaðsins. Össur
Skarphéðinsson, hafi ritað hana.
Greinin lýsir hugarórum ritstjórarns
og tengsl við raunveruleikann eru
engin. I greininni segir meðal ann-
ars:
„Flótti Hreggviðs veikir Guð-
mund.“
„Hreggviður Jónsson var einn
helsti stuðningsmaður Guðmundar
G. Þórarinssonar i hinum grimmúð-
lega prófkjörsslag þegar Guðmundur
bar naumlega sigurorð af frambjóð-
anda yngri kynslóðarinnar, Finni
Ingólfssyni. Hreggviður hefur nú,
eins og kunnugt er, yfirgefið Guð-
mund og Framsókn og situr í öðru
sæti S-listans á Reykjanesi. Flótti
„Rætnar árásir á einstaklinga og keríis-
bundnar tilraunir til að skaða persónu
þeirra, eins og gert var í flokkakynning-
unni, eru sem betur fer einsdæmi í stjórn-
málabaráttunni. ‘1 2 3
„Og nú spyr ég ritstjóra Þjóðviljans:
Hver er þessi Hreggviður? Ég þekki
engan Hreggvið. Ég hef aldrei talað
við þennan Hreggvið.11
Hreggviðs hefur veikt Guðmund G.
stórkostlega í kosningabaráttunni.
Það var á allra vitorði að Hreggvið-
ur var einn lykilmanna bak við
prófkjörssigur Guðmundar. Hann
hafði eigi að síður verið lítið bendl-
aður við Framsókn. Guðmundur G.
tók hann hins vegar sem dæmi um
þann aukna stuðning sem framboð
hans myndi færa Framsókn."
Svo mörg voru þau orð.
Spurning til Össurar
0g nú spyr ég ritstjóra Þjóðviljans:
Hver er þessi Hreggviður?
Ég þekki engan Hreggvið.
Ég hefi aldrei séð þennan
Hreggvið.
Ég þekki engan sem þekkir
þennan Hreggvið.
Enginn Hreggviður tók þátt í
prófkjöri Framsóknai-flokksins.
Hvað meinar ritstjórinn með þess-
rmi málflutningi?
Annað effii greinar hans er með
sama hætti þó of langt mál sé að
fjalla um það hér. Mér dettur helst
í hug að ritstjórinn hafi verið annað
hvort ofurölvi eða hólfsturlaður þeg-
m- hann ritaði þetta, nema hvo-t
tveggja sé. Fróðlegt væri að vita
hvað siðanefnd Blaðamannafélags-
ins segir imi þennar Össur frá Leiti.
Stjórnmál og virðing
Þó á ýmsu gangi í stjómmálum
virðist mér málflutningur Alþýðu-
bandalagsins hafa algjöra sérstöðu.
Menn getui- greint á um leiðir og
markmið en þessar baráttuaðferðir
eru hraksmánarlegar.
Það hlýtur að vera raunalegt fyrir
heiðvirt alþýðufólk að eiga sér slika
málsvara.
Rætnar árásir á einstaklinga og
kerfisbundnar tilraunir til að skaða
persónu þeirra, eins og gert var í
flokkakynningunni, eru sem betur
fer einsdæmi i stjómmálabaráttunni.
Skrif Þjóðviljans, þar sem spunnin
er upp atburðarás án þess að láta
sannleikann sig nokkru skipta, em
lika sem betur fer nær einsdæmi
utan þessa undarlega hóps sem starf-
ar fyrir Alþýðbandalagið.
En hvað gengur mönnum til með
svona vinnubrögðum?
Málstaðurinn er ekki mikils virði
ef menn grípa til slikra örþrifaráða.
Ég er helst á því að þessir menn
ættu að leita sér lækninga. Ef þeir
leituðu til sálfræðings er ég viss um
að niðurstaðan yrði sú að þeir þyrftu
á hjálp að halda.
Guðmundur G. Þórarinsson
Greinarhöfundur er efsti maöur á lista
Framsóknarflokksins í Reykjavík.