Dagblaðið Vísir - DV - 15.04.1987, Blaðsíða 16

78
MIÐVIKUDAGUR 15. APRÍL 1987.
Dægxadvöl
i>v
Vorið á næsta leiti
í Grasagarðinum
Guðrún Bjarnadóttir garðyrkjumaður hlúir að forsythiunni sem skartar fallega gulum blómum um þetta leyti.
DV-mynd KAE
I Grasagarðinum í Laugardaln-
um eru nú fyrstu vísar að vorinu
sýnilegir og farið er að undirbúa
vorverkin. Fræ sem sáð var síðast-
liðið haust eru farin að skjóta upp
kolli og verða væntanlega sett út
að mánuði liðnum. Fræin þurfa í
fyrstu að fá kuldameðferð og frjósa
en þegar nær dregur vori eru þau
tekin inn í hús til að plantan nái
sér á strik fyrr og þannig má sjá
árangur mánuði fyrr en ella.
í garðskálanum í Grasagarðinum
hafa nokkur tré verið inni í vetur
og þar á meðal er trjátegund nokk-
ur, forsythia ovata, sem verið er
að gera tilraunir með hér. I raun
er of kalt fyrir þessa plöntu hér-
lendis og þess vegna hefur henni
verið skýlt fyrir veðri og vindum í
garðskálanum sem þó er ekki upp-
hitaður. Með þessum hætti er hægt
að herða hana fyrir veðurfarið hér
og árangurinn hefur verið mjög
góður. Tréð ber nú gul blóm rétt
eins og það gerir utandyra um
páskaleytið í Danmörku, Svíþjóð
og víðar.
Dóra Jakobsdóttir, líffræðingur
Grasagarðsins, skaut því að,
gróðurunnendum til fróðleiks, að
forsythian væri af oleaceae ætt eða
smjörviðarætt og að aðrar plöntur
af þessari ætt væru t.d. sírenur,
jasmín og ólífur.
Tré meðhúmor
í skálanum var einnig eitt lindi-
tré sem Dóra sagði að hefði mikinn
húmor. Þessi húmor sagði hún að
Fræ sem sáð var seint síðastliðið
sumar var tekið inn í hús fyrir
skömmu og fer þvi að skjóta upp
kollinum hvað úr hverju.
DV-mynd KAE
lýsti sér í því að síðastliðinn vetur
hefði linditréð verið haft inni í
skjóli, síðan hefði það laufgast
snemma og orðið mjög fallegt eins
og linditrjám er lagið. Um sumarið
var það síðan sett út fólki til
augnayndis. en þá brá svo við að
linditréð felldi laufin og bjó sig
undir veturinn í sjálfum júlímánuði
sem er heitasti mánuðurinn á Is-
landi. „Og við sem héldum að þá
væri hásumar hjá okkur,“ sagði
Dóra.
Grasagarðurinn í Laugardalnum
verður öllum opinn frá og með
l.maí.
-DH
DV-mynd KAE
Páskaliljur
í breiðum
Páskaliljurnar skipa ávallt sinn
sess um páskana og einn af þeim sem
sér okkur og blómaverslunum fyrir
þessum fallegu blómum er Hafberg
Þórisson sem rekur gróðrarstöð í
Mosfellssveitinni.
Þar er nú breiða af um tuttugu og
átta þúsund páskaliljum sem bíða
þess að leika sitt hlutverk í því að
skapa páskastemmningu.
Hafberg hefur starfað að garðyrkju
frá því hann var þrettán ára en hann
byrjaði sem blómasölumaður í Nor-
egi, fór síðan í garðyrkjunám og
ákvað svo að koma heim og freista
þess að setja upp garðyrkjustöð.
Vilji fólk vera með páskaliljur í
garðinum hjá sér þarf að setja niður
lauka að hausti til úti í garði og þá
ættu páskaliljurnar að blómstra í
apríl/maí.
-DH
DV-mynd BG