Dagblaðið Vísir - DV - 11.08.1987, Blaðsíða 36

36
ÞRIÐJUDAGUR 11. ÁGÚST 1987.
Sviðsljós___
Ólyginn
Paul Newman
er þessa dagana að skrifa
endurminningar sínar,
eflaust mörgum til mikillar
gleði. Fólk bíður spennt eftir
útkomunni því alltaf er jafn-
soennandi að heyra fræga
fólkið segja frá sjálfu sér.
Ekki síst i heilli bók. En bög-
gull fylgir skammrifi því
bókin verður bara prentuð í
fjögur hundruð eintökum og
aðeins dreift til vina og
vandamanna. Aðdáendur
Pauls voru að vonum ansi
svekktir yfir þessari ákvörð-
un leikarans en lesningin
verður bara ennþá meira
spennandi fyrir vikið.
Ursula Andress
varð fyrir óskemmtilegri
reynslu á hárgreiðslustofu í
Róm fyrir skemmstu. Þar
sem hún situr í mestu mak-
indum í stólnum og lætur
snyrta á sér hárið ráðast ræn-
ingjar inn með þessum líka
látum. Þeir rændu og rup-
luðu sem mest þeir máttu.
Af Ursulu hirtu þeir meðal
annars sautján þúsund krón-
ur sem hún var með á sér
og armbandsúr að andvirði
þrjátíu þúsund krónur.
John McEnroe
sem þótt hefur með skap-
meiri mönnum veraldar
virðist vera farinn aö ná sér
' á strik á nýjan leik. Hann
hefur þótt alveg ótrúlega
blíður á manninn undanfar-
ið, ekki síst eftir að hann
varö pabbi. Aódáendur hans
hafa margir hverjir laóast að
honum einmitt vegna skap-
gerðareinkenna. Það þótti
jafnan spennandi aö fylgjast
með honum því aldrei var
að vita hverju hann tæki upp
á. Nú er skapofsinn sem sagt
farinn að segja til sin aftur
og hefur sonur hans fengið
að kenna á skapi föðurins
' nú þegar þótt ungur sé. í
einu æðiskastinu rauk hann
til og greip leikfangabíl
barnsins og grýtti honum í
næsta vegg. Það er ekki að
því að spyrja að auðvitað
gereyðilagði hann bíl bless-
aðs barnsins.
DV
Samankomnar tvær konungbornar fjölskyldur á Mallorca. Karl prins og Díana eru þar í sumarleyfi þessa dagana.
Karl Bretaprins og Díana prins-
essa af Wales eru þessa dagana
stödd á sumarleyfisparadísinni
Mallorca með sonum sínum Will-
iam og Harry. Díana kom til
Mallorca með strákana síðastlið-
inn fimmtudag en Karl mætti
daginn eftir. Kóngafólkið ætlar að
njóta sólar og sumaryls í nokkra
daga í boði spænsku konungs-
hjónanna. Spánarkonungur og
fjölskylda hans eyða sumrinu yfir-
leitt á Mallorca þar sem þau dunda
sér á dýrindis snekkjum og við
annað fínirí. Á myndinni eru fjöl-
skyldurnar tvær samankomnar á
tröppum spænsku hallarinnar sem
þau dvelja í á Palma. Juan Carlos
kóngur, Sofia drottning og börn
þeirra, prins Filip, Elena og Christ-
ina, og loks bresku prinsarnir og
prinsessan. Hver veit nema einhver
Islendingurinn rekist á þetta fræga
fólk á Mallorcaströndum? En mörg
hundruð íslendingar eyða sumar-
leyfi sínu þar í sumar eins og
endranær.
Fagrir kroppar í laugunum
Það er alltaf jafnánægjuleg sjón að sjá stælta og rennilega kroppa
spranga um í bíðviðrinu. Vöðvastæltir og vel vaxnir sýndu þessir sig i
sundlaugunum einn góðviðrisdaginn. Það var ekki að því að spyrja að
stúlkurnar á svæöinu misstu næstum þvi úr sér augun á meðan aðrir
nærstaddir karlmenn fölnuðu og tóku krók fram hjá þeim. Yngissveinarn-
ir eru vaxtarræktarmennirnir Valbjörn Jónsson bakari og Björn Leifsson,
eigandi heilsuræktarsvöðvarinnar World class.
Blaðamaðurinn, fótbolta- og útvarpsstjarnan Þorgrimur Þráinsson vildi
ekki vera minni maður. Hann gerði hvíld frá sólbaðinu og hnyklaði
vöðvana eilítið. Þetta virðist allt vera í góðu lagi hjá Þorgrimi lika og
ætti hann að geta ófeiminn sýnt sig i hópi vel vaxinna karlmanna.
DV-myndir JAK