Dagblaðið Vísir - DV - 08.07.1988, Side 11

FÖSTUDAGUR 8. JÚLÍ 1988.
fí
Utlönd
Bjami Mnriksaon, DV, Botdeaicc
í París er starfrækt menningar-
stofnun arabaríkjanna. Hún er aö
langmestu leyti kostuð af franska
ríkinu og undir stjórn þess. Er
henni ætlaö aö efla tengsl Frakk-
lands við fyrrverandi nýlendur
þess í Noröur-Afríku og önnur ara-
baríki. Stofnunin er í nýrri, glæsi-
legri byggingu sem reist var sérs-
tak|ega með starfsemi hennar 1
huga.
Eitt af hlutverkum menningar-
stofnunadnnar er skipulagning
myndlistarsýninga og ein slík olli
nýlega miklu fjaðrafoki. Hér var
um að ræða arabískar skopteikn-
ingar og á einni myndinni mátti sjá
hershöfðingja, hlaöinn .heiðurs-
merkjum, gefa betlara oröur í ská)
hans S stað matar.
Teikningiir var eftir Sýrlending
og því töldu írakar, en milli þessara
þjóða er lítill vinskapur, að hér
væri veriö að gera grín að Saddam
Hussein, íraksforseta. írakska
sendiráðið í París sagði teikning-
una grófa persónuárás og heimtaði
að hún yrði ijarlægð.
Menningarstoínunin var ekki á
því að láta ritskoða þannig sýning-
una, starfsfólkiö hótaöi verkfalli og
þátttakendur í sýningunni hótuðu
að taka verk sín af henni. Að lokum
létu írakar undan og sýningin mun
fara fram eins og til stóð.
Taka veðlán fýrir
greiðslukortaskuldum
Anna Bjamason, DV, Denver:
Bandarískir húseigendur hafa
keppst um það að undanfómu að
verða sér úti um veðlán út á hús sín.
Heildarupphæð veðlána til um
þriggja milljóna húseigenda nemur
nú 75 milljörðum dollara eða 12 pró-
sentum af þeim 629 milljörðum doll-
ara sem seðlabanki Bandaríkjanna
flokkar sem „néytendaskuldir".
Þrír fjórðu þessara veðlána hafa
verið tekin á síðustu tveimur áram
og langflest þó á undanfómum mán-
uðum.
Áður nýttu húseigendur sér veðlán
næsta lítið. Húsunum fylgdu lán frá
byggingaraðilanum og þegar þau
höfðu verið greidd bjó fólk í húsum
sem ekkert hvíldi á.
Samkvæmt nýjum skattalögum
eru engir vextir frádráttarbærir
nema vextir af veðlánum og þá var
fjandinn laus. Könnun seðlabankans
leiddi í ljós að 53 prósent lántakenda
hafa notað lánin til að greiða upp
greiðslukortaskuldir sínar og tíl
stærri kaupa, svo sem bílakaupa.
Einn fjórði lántakenda notaði lánsféð
til að endurbæta húseignir sínar.
Vextir af veðlánum voru í fyrra
10,2 prósent af meðaltali en vextir af
greiðslukortaskuldum, sem Banda-
ríkjamenn geta fengið margra mán-
aða greiðslufrest á, voru 17,9 prósent
að meðaltali.
Það er því talið hagkvæmnisatriði
að greiða óhagstæðari skuldir með
veðlánum og fá vextina dregna frá
skattskyldum tekjum.
Sænskur iðnaður í blóma
Gunnlaugur A. Jónsson, DV, Lundú
Sænski iðnaðurinn stendur nú i
miklum blóma og verður að fara
alla leiö aftur til ársins 1970 til aö
finna hliöstæðu.
Sextíu prósent sænskra iðnfyrir-
tækja vantar nú starfsfólk til aö
geta annað eftirspurn og er því
spáð að áframhald verði á grós-
kunni, að minnsta kosti út þetta ár.
Pantanir hafa aukist, bæöi innan-
lands og utan. Á milli sextiu og sjö-
tíu prósent sænskra iðnfyrirtækja
nýta nú alla sína framleiðslumögu-
leika og til þess að geta aukið fram-
leiðsluna þyrfti að koma til aukinn
starfskraftur, einkum tækni-
menntað fólk. HefUr nú í alvöru
verið rætt um að fiytja þurfi inn
starfsfólk frá útlöndum til að mæta
þörfum iðnaðarins í Svíþjóð.
Fréttir um gott gengi sænska iön-
aðarins koma sér vel fýrir ríkis-
stjórn jafnaðarmanna. Kosningar
eru í haust og samkvæmt öllum
skoðanakönnunum er mjög mjótt á
mununum milli stjóraar og stjóm-
arandstööu.
Nú þegar Ebbe Carlsson-hneyksl-
ismáliö hefur veriö svo fyrirferðar-
mikiö í fjölmiölum þarf ríkisstjórn-
in á góðum tiðindum að halda ef
hún á að sigra í kosningum í haust.
Fréttir af góðri stöðu iðnaöarins
era því kærkomnar fyrir Thage G.
Petersson, iðnaðarráöherra, sem
nú gegnir jafní'ramt hinu vanda-
sama embætti dómsmálaráðherra
eftir aö Anna-Greta Leijon neyddist
til að segja af sér í Kjölfar Ebbe
Carlsson-málsins.
Varað vlð hrukkukremi
Anna Bjamason, DV, Denver:
Matvæla- og lyfjaeftirlit Banda-
ríkjanna hefur varað fólk alvarlega
við því að gera sér of háar vonir um
árangur hrukkukremsins retin-A
sem kom á markaðinn í byrjun þessa
árs.
Kremið hefur um árabil verið not-
að með góðum árangri í baráttu við
unglingabólur. í vetur kom svo í ljós
að kremið vý-kaði einnig vel gegn
hrukkum að því er talið var.
Fréttin fór eins og eldur í sinu um
fjölmiðlana og margir fengu tröllatrú
á kreminu. Síðan hefur lyíjaeftirlitið
rannsakað kremið og nú er haft eftir
yfirmanni eftirlitsins að notkun ret-
in-A kremsins í baráttu við hrukkur
sé bæði dýr og vafasöm lækning.
Aukaverkanir retin-A geta verið
margvíslegar. Húðin getur bólgnað
og flagnað og orðiö fyrir alls konar
ertingu, auk þess sem hún verður
mun viðkvæmari fyrir sólarljósi.
Lyíjaeftirlitið varar einnig við eft-
irlíkingum af retin-A sem komið hafa
á markaðinn og seldar eru bæði í
almennum verslunum og póstversl-
unum. Sumar eftirlíkingarnar hafa
býsna lík nöfn, til dæmis retinal-A.
Bæði retin-A og eftirlíkingamar hafa
selst eins og heitar lummur en ret-
in-A hefur þó aðeins verið selt út á
lyfseðil. Eftirlíkingarnar innihalda
flest sömu efni og eru í retin-A, auka-
verkanirnar eru þær sömu og þær
alvarlegustu eru kannski vonbrigð-
in.

ítalskir elskendur i Róm. Skyldi pilturinn þurfa á námskeiði að halda?
ítalir læra list-
ina að elska
„Ég hef enga trú á því að hinn
„suðraeni elskhugi" sé til í raun og
veru. ítalir eru e.t.v. áræðnari en
aðrir þegar þeir reyna að koma sér
í mjúkinn hjá kvenfólki en þegar að
sjálfu tilhugalífinu kemur eru þeir
með þeim verstu sem hugsast get-
ur,“ segir Giuseppe Cirillo, ítalskur
lögfræðingur sem hefur snúið sér að
því aö kenna löndum sínum listina
að elska.
Cirillo heldur námskeið fyrir ít-
alska karlmenn sem áhuga hafa á
að læra kænskubrögð ástarlífsins.
Námskeiðið, sem kostar um 400 doll-
ara, beinist einkum að því að kenna
nemendum hvemig eðÚlegast er að
nálgast einhvem sem þeir hafa
áhuga á að kynnast betur.
Á námskeiðinu læra menn að nota
hin ýmsu svip- og raddbrigði til að
koma sér í mjúkinn hjá gagnstæða
kyninu og kvikmyndir og skyggnur
eru notaðar til að sýna hvað fólk
gerir rangt. Hver nemandi tekur svo
verklegt próf að námskeiðinu loknu.
„ítalskir karlmenn era oft mjög
ágengir og stundum ofbeldisfullir
þegar þeir stíga í vænginn við kon-
ur,“ segir Cirillo. Margar konur eru
sammála honum og segja aö ítalskir
karlmenn séu fullir þrautseigju. Slík
framkoma orsakast oft af kvíða og
ráðaleysi sem mennirnir reyiia að
breiða yfir með hamagangi og látum,
segir Cirillo.
Hann kvaðst hafa búist við því að
flestir nemendur hans yrðu ungir og
óframfærnir karlmenn en sú varö
ekki raunin. Mesta aðsóknin kom frá
mæðrum sem óðar og uppvægar
vildu koma sonum sínum, sem ekki
höfðu verið við kvenmann kenndir,
að á námskeiðinu.
Námskeiðið er ekki eingöngu fyrir
karlmenn heldur geta konur einnig
skráð sig. En ef trúa má orðum Ciril-
los þurfa konur ekki að læra neitt í
þessu sambandi.
„Konur eru næmari og fágaðri þeg-
ar þær leita hófanna hjá karlmönn-
um,“ segir hann. „En margar konur,
sérstaklega á Ítalíu, eru enn smeykar
við að endurgjalda augnaráö karl-
manna.“
Ef námskeiðið slær í gegn á Ítalíu
hyggst Cirillo kenna Bandaríkja-
mönnum og Japönum hvernig skal
haga sér í návist kvenna. Hvort þeir
þurfa eins mikið á slíkri kennslu að
halda og ítalir tjáði Cirillo sig ekki
um. Reuter