Dagblaðið Vísir - DV - 08.03.1990, Side 23

FIMMTUDAGUR 8. MARS 1990.
31
DV Viðtálið
Eyði frítíman-
um með
fjölskyldunni
v, ■ /
Nafn: Bolli Héóinsson
Aldur: 36 ára
Staða: Efnahagsráðgjafi
forsætisráðherra
„Ég á fá önnur áhugamál en
fjölskylduna og pólitfldna. Þeg-
ar ég á lausa stund reyni ég
yfirleitt að eyða henni með fjöl-
skyldunni. Utiveru sinni ég ná-
kvæmlega ekki neitt en finnst
garaan aö lesa og hef gaman af
að eignast bækur. Núna er ég
til dæmis að byija að lesa bæk-
urnar sem ég keypti á Bóka-
markaðnum en ég náði mér í
ein tiu stykki þar,“ segir Bolli
Héðinsson, efnahagráðgjafi
Steingríms Hermannsonar, en
við því starfi tók hann um síð-
ustu mánaðamót.
Áhuga á pólitik
„Ég hef haft áhuga á pólitík
frá þvi ég man fyrst eftir mér
og ætli það sé ekki áratugur síð-
an ég fór að vinna innan Sam-
bands ungra framsóknar-
manna.
Bolli varð stúdent frá
Menntaskólanum í Hamrahiið
árið 1974. Þaö sama ár hélt hann
til Þýskalands og hóf nám í
blaöamennsku og var þar i tvö
ár. „Ég vann öll sumur á meðan
ég var í námi á Dagblaðinu en
ég sá að þetta starf hentaöi mér
ekki og ákvaö því aö hætta í fjöl-
miðlanáminu, þess í stað fór ég
í viðskiptafræði við Háskóla ís-
lands. Eg lauk prófi 1981 og það
sama ár fór ég að vinna sem
fr éttamaður hjá Sjónvarpinu og
var þar fram til ársins 1982. Þá
ákvaö ég að söðla um og réðst
sem hagfræðingur Farmanna-
og fiskismannasambandsins og
var þar um hrið. Því næst fór
ég að vinna hjá Líftrygginagafé-
laginu Verði. Árið 1987 réðst ég
efnahagsráðgjafi samsteypu-
stjórnar Sjálfstæöisflokks og
Framsóknarflokks undir for-
sæti Steíngríms Hermannsson-
ar og vann sem slíkur uns
stjórnin fór frá eftir myndun
nýrrar ríkisstjórnar þá um
sumarið.'1
Framhaldsnám
í New York
„Ég ákvaö svo að fara í fram-
haldsnám í hagfræöi og árið
1987 fór ég til Rochester í New
York tfl ársdvalar. Þegar ég
kom heim fór ég að vinna aö
sérstökum verkefnum fyrir 01-
íufélagið og var þar allt til þess
að ég tók við þessari nýju stöðu.
Starf efnahagsráðgjafa er al-
veg óskaplega erilsamt starf,
það þékki ég af fyrri reynslu.
Þó ég sé alveg nýbyrjaður finnst
mér samt aö ég sjái varla út
yfir verkefnin," segir Bolli.
Bolli er kvæntur Ástu St.
Thoroddsen, lektor við Háskóla
íslands, og eiga þau fjögur böm
á aldrinum 1-17 ára.
-J.Mar
Breytingar og heið-
arlegri vinnubrögð
Þann 13. mars nk. verður kosið til
stúdentaráðs og jafnframt kjörnir
fulltrúar stúdenta í háskólaráð í
Háskóla íslands.
Tvær fylkingar bjóða fram,
Röskva, samtök félagshyggjufólks
í HÍ, og Vaka, félag lýðræðissinn-
aðra stúdenta. Þær raddir hafa ver-
ið nokkuð háværar meðal þeirra
stúdenta sem ekki hafa starfað í
stúdentapólitíkinni að munurinn á
fylkingunum sé sáralítill og nánast
óþarfi að vera að skipta þessu upp
í mismunandi fylkingar. Við sem
höfum staðið í baráttunni vitum
hins vegar að um raunverulegan
mun er að ræða, hugmyndafræðin
er gjörólík og þær leiðir sem fylk-
ingarnar velja til að bæta stöðu
stúdenta eru engan veginn sam-
rýmanlegar. í lánamálabaráttunni
og hugmyndum mn rekstur og upp-
byggingu Félagsstofnunar stúd-
enta er munurinn einkar skýr.
Ekki verður farið út í að skilgreina
þennan mun í greinarkomi þessu
enda aðrir félagar mínir í Röskvu
færari um það en ég.
Þaö eru hins vegar menntamálin
sem ég ætla að gera að umræðuefni
hér. Það er sá málaílokkur sem ég
þekki best eftir tveggja ára setu í
háskólaráði og menntamálanefnd
SHÍ.
Menntamál
í umfjöllun um menntamál eru á
stundum mismunandi áherslur
fylkinganna, jafnvel eru þær alveg
ósammála en mjög oft sem betur
fer er þetta sá málaflokkur sem
samstaða næst um.
Á því kjörtímabili sem nú er að
ljúka hefur það komið mjög skýrt
í ljós að með öflugri samstöðu full-
trúa stúdenta í háskólaráði erum
við mikils megnug. Fulltrúar stúd-
enta í ráðinu eru fjórir, tveir frá
hvorri fylkingu. Það segir sig sjálft
að ef fylkingarnar ynnu hvor í sínu
horni fengjum við litlu áorkað í
átján manna ráði. Okkar hlutverk
er að þjóna hagsmunum stúdenta
eftir bestu getu og samvisku og það
tel ég að við höfum gert.
Skemmst er að minnast umfangs-
mikilla breytinga á stjórnsýslu
Háskólans. Þar voru ýmsar breyt-
ingar sem við stúdentar settum á
oddinn og náðu fram að ganga.
Röskva hafði í stefnumálum sínum
fyrir síðustu kosningar lagt mikla
KjaUarinn
Sigrún Óskarsdóttir
fulltrúi stúdenta í
háskólaráði af lista Röskvu
áherslu á eflingu námsráðgjafar
við skólann. Einnig á aukið vægi
námsnefnda innan deildanna þar
sem stúdentar eiga jafnmarga full-
trúa og kennarar. Báðum þessum
málum tókst að fá framgengt við
stjórnsýslubreytingarnar. Nú situr
fulltrúi stúdenta af lista Röskvu í
nefnd sem vinnur að reglugerð um
námsráðgjöf sem sérstofnun viö
Háskólann. Það er stúdentum mik-
ið hagsmunamál að engin utanað-
komandi yfirstjóm sé yfir náms-
ráðgjöf þar sem oft er um viökvæm
mál að ræða og fullur trúnaður
algjört skilyrði. Ýmis önnur mál
náðu fram að ganga sem tvímæla-
laust eiga eftir að koma stúdentum
vel. Ég vil enn og aftur leggja
áherslu á að ef ekki hefði verið um
aö ræða góða samvinnu allra full-
trúa stúdenta í ráðinu hefðum við
ekki náð nema broti af þeim ár-
angri sem nú hefur skilað sér.
Við erum bestir!
Við höfum stundum rætt í okkar
hópi að það væri til mikils að vinna
að færa umræðuna um stúdenta-
pólitík á hærra plan og okkur frem-
ur sæmandi með því að hætta að
eymamerkja fylkingunum þau mál
sem fram nái að ganga í háskóla-
ráði heldur segja hverjum sem
heyra vill að með samstilltu átaki
takist þetta.
Mér þótti því skjóta nokkuð
skökku við þegar kosningar fóm
að nálgast að Vökumenn hófu upp
raust sína og hrópuðu um allan
Háskólann að þeir, og þeir einir,
ættu heiðurinn af öllum árangri
sem náðst hefði í háskólaráði. Þeir
gerðu gott betur en að eymamerkja
sér þau mál sem þeir höfðu ef til
vill unnið meira í en Röskva. Þeir
gerðu sér lítið fyrir og hrósuðu
einnig sigri í málum sem Röskva
hafði unnið alla undirbúnings-
vinnu í og þeir svo stutt með at-
kvæði sínu.
Það má kannski segja að með
þessum aðferðum auglýsi Vaka að
einhverju leyti muninn á fylking-
unum. Þetta eru vinnubrögð sem
ég frábið mér þátttöku í. Hins vegar
get ég ekki látið hjá líða að koma
þessum athugasemdum á fram-
færi.
Það styttist óðum í kosningar.
Fyrir unga menn sem hugsa sér
stúdentapólitíkina sem æfmgabúð-
ir og stökkpall út í landsmálapóli-
tíkina þýðir það einfaldlega að nú
gilda engin siðalögmál lengur.
Sama hversu langt þarf að ganga,
lygar og staðlausar staðhæfingar
eru engin fyrirstaða. Þeir eru í póli-
tík, strákarnir!
Hróp Vökumanna í eyði-
mörkinni
Háskólastúdentum gefst nú kost-
ur á að kynnast mismunandi sjón-
armiðum fylkinganna í blöðum og
bæklingum sem gefin eru út nú
fyrir kosningar.
Ég stunda nám við guðfræði-
deildina. Nú nýlega barst okkur
guðfræðistúdentum bréf frá Vöku
sem undirritað er af Bjarna Ár-
mannssyni, sem skipar 1. sæti til
háskólaráðs, og Sigurði Arnars-
syni guðfræðinema sem skipar 18.
sæti til stúdentaráðs. í bréfinu eru
kynnt ýmis mál sem eignuð eru
Vöku á misvafasömum forsendum.
Klykkt er út með því að eigna Vöku
heiðurinn af því að nú fáum við
hugsanlega að taka haustmisseris-
prófin í desember í stað janúar áð-
ur.
Þar sem ég sit í háskólaráði þekki
ég málið vel. Þess vegna var það
að eftir sameiginlegan fund okkar
Jónasar Fr. Jónssonar, formanns
stúdentaráðs, með deildarforseta
guðfræðideildar að ég fékk for-
mann Félags guðfræðinema til þess
að halda almennan félagsfund um
málið. Á þeim fundi kynnti ég
möguleika okkar og bar upp tillögu
um tilfærslu á skólaárinu sem var
samþykkt.
Ekki veit ég hvar Sigurður Arn-
arsson var staddur meðan á félags-
fundinum stóö en hitt veit ég að
hann lét sig vanta á fundinn. Þar
sem ég er einn þriggja fulltrúa
stúdenta sem á sæti á deildarfundi
samdi ég tillögu og greinargerð um
tilfærslu skólaársins í samráði við
félaga mína á deildarfundi í guð-
fræðideild. Þar höfum við kynnt
máhð og þaö verður væntanlega
afgreitt á næsta deildarfundi.
Enn hef ég ekki heyrt af áhuga
Sigurðar Arnarssonar á málinu en
þó vílar hann ekki fyrir sér að
skrifa undir bréf þess efnis að Vaka
sé að vinna í málinu. Þar sem Sig-
uröur hefur aðeins stundað nám í
deildinni í eitt misseri má e.t.v.
kenna'þekkingarleysi hans um en
engu að síður er það ámæUsvert
að skrifa undir svona nokkuð án
þess að kynna sér hlutina. Alvar-
legra tel ég þó að þeir sem nákvæm-
lega vita hvernig málin hafa þróast
skuli senda þetta frá sér.
Röskva vill breytingar og heiðar-
legri vinnubrögð. Framboðslisti
Röskvu samanstendur af velhugs-
andi og áhugasömu fólki. Stöndum
saman að bættum háskóla, fjöl-
mennum á kjörstað 13. mars og
kjósum Röskvu.
Sigrún Óskarsdóttir
„Það styttist óðum 1 kosningar. Fyrir
unga menn sem hugsa sér stúdenta-
pólitíkina sem æfingabúðir og stökk-
pall út 1 landsmálapólitíkina þýðir það
einfaldlega að nú gilda engin siðalög-
mál lengur.“
Sveitarstjórnarkosningar 26. maí 1990
Leiðbeiningar um undirbúning og framkvæmd
1. Auglýsing um framlagningu kjörskrár skal birt fyrir
...........................11. mars/22. mars (kaupst./bær)
2. Kjörskrá skal lögð fram eigi síðar en.............25. mars
3. Krafa um bundnar hlutfallskosningar í sveitarfélagi með
300 íbúa eða færri berist oddvita yfirkjörstjórnar, bréf-
lega, eigið síðar en..............................13. apríl
4. Sveitarstjórnarmaður, sem skorast undan endurkjöri, skal
tilkynna yfirkjörstjórn þá ákvörðun sína eigi síðar en
..................................................21. apríl
5. Kjörskrá skal liggja frammi til og með............22. apríl
6. Framboðsfrestur rennur út.........................27. apríl
7. Framlengdur framboðsfrestur, ef aðeins kemur fram einn
listi, rennur út..................................29. apríl
8. Yfirkjörstjórn auglýsir framboðslista þegar eftir að listar
hafa verið úrskurðaðir gildir og merktir.
9. Utankjörfundaratkvæðagreiðsla getur hafist........31. mars
10. Kærufrestur til sveitarstjórnar vegna kjörskrár rennur út
..................................................11. maí
11. Afrit kæru sendist þeim sem kærður er út af kjörskrá eigi
síðaren............................................14. maí
12. Sveitarstjórn boðar fund til afgreiðslu á kærum fyrir
..................................................15. maí
13. Sveitarstjórn úrskurðar kærur og undirritar kjörskrá eigi
síðaren..........................................18. maí
14. Yfirkjörstjórn auglýsir hvenær kjörfundur hefst fyrir23. maí
15. Sveitarstjórn tilkynni hlutaðeigandi, svo og hreppsnefnd
eða bæjarstjórn, sem mál getur varðað, um breytingar á
kjörskrá strax og úrskurður liggur fyrir.
16. Kjörstjórn tilkynni oddvita yfirskjörstjórnar, svo og
hreppsnefnd eða bæjarstjórn, sem mál getur varðað, um
breytingar á kjörskrá strax og dómur er genginn.
17. Yfirkjörstjórn auglýsir hvar og hvenær atkvæðatalning
verður með nægum fyrirvara á undan kosningum.
18. Atkvæðatalning hefst svo fljótt sem unnt er að loknum
kjörfundi.
19. Yfirkjörstjórn setur notaða kjörseðla undir innsigli að taln-
ingu lokinni, þegar kosning er óbundin.
20. Kæra vegna kosninganna skal afhent hlutaðeigandi sýslu-
manni eða bæjarfógeta (í Reykjavík yfirborgardómara)
innan sjö daga frá því að lýst var úrslitum kosninga.
21. Yfirkjörstjórn eyðir innsigluðum kjörseðlum að kærufresti
loknum eða að fullnaðarúrskurði uppkveðnum, hafi kosn-
ing verið kærð, þegar kosning er óbundin, sbr. 19.
Félagsmálaráðuneytið, 6. mars 1990