Dagblaðið Vísir - DV - 20.03.1990, Qupperneq 28

28
Andlát
Árþóra Friðriksdóttir, Borg, Stykkis-
hólmi, andaðist í St. Franciskus-
sjúkrahúsinu í Stykkishólmi laugar-
daginn 17. mars sl.
Sveinbjörn K. Árnason, Hávallagötu
-35, Reykjavík, andaðist í Landspítal-
anum 17. mars.
Guðný Jóhanna Jóhannsdóttir frá
Skálmardal lést á Sólvangi sunnu-
daginn 18. mars.
Björn Ó. Ágústsson skipstjóri, frá
Sigurvöllum, lést í sjúkrahúsi Akra-
ness sunnudaginn 18. mars.
Guðný Guðbergsdóttir, Marklandi 2,
Reykjavík, lést á heimili sínu sunnu-
daginn 18. mars.
Guðbjörg Jónsdóttir, Kirkjuvegi 14,
Selfossi, lést á Ljósheimum aðfara-
nótt mánudagsins 19. mars.
Sigurður Haralz rithöfundur andað-
ist á Hrafnistu í Reykjavík sunnu-
daginn 18. mars.
Jarðarfarir
Ingileif Eyleifsdóttir lést 12. mars.
Hún fæddist á Akranesi 26. janúar
1928. Foreldrar hennar voru hjónin
Sigríöur Sigmundsdóttir og Eyleifur
ísaksson. Eftirlifandi eiginmaður
hennar er Einar Kristjánsson. Þau
hjónin eignuðust fimm syni. Áður
hafði Ingileif eignast einn son. Útfór
hennar verður gerð frá Akranes-
kirkju í dag kl. 14.
Jarðarför Katrínar Hólmfríðar
Magnúsdóttur frá ísafirði fer fram
frá Fossvogskapellu miðvikudaginn
21. mars kl. 15.
Dr. Matthías Jónasson, fyrrverandi
prófessor við Háskóla íslands, er lést
á heimili sínu þriðjudaginn 13. mars,
verður jarðsunginn á morgun, mið-
vikudaginn 21. mars frá Kópavogs-
kirkju kl. 13.30.
Helga Lovísa Kemp, Vífilsstöðum,
verður jarðsungin frá Garðakirkju
miðvikudaginn 21. mars kl. 13.30.
Guðbjörg Jónsdóttir frá Uxahrygg,
til heimilis í Hvassaleiti 56, Reykja-
vík, verður jarðsungin frá Háteigs-
kirkju miðvikudaginn 21. mars kl.
13.30.
Ingunn Svala Jónsdóttir frá Engey,
Vestmannaeyjum, Austurbrún 6,
Reykjavik, verður jarðsungin frá
Bústaðakirkju fimmtudaginn 22.
mars kl. 15.
Karl Guðfinnsson, frá Fossi í Vestur-
hópi, Hverfisgötu 112, Reykjavik, áð-
ur að Hnaus og Lambastöðum í Flóa,
lést á gjörgæsludeild Landakotsspít-
alans þann 4. mars. Jarðarförin hef-
ur farið fram í kyrrþey að ósk hins
látna.
Tónleikar
Háskólatónleikar
Miðvikudaginn 21. mars kl. 12.30 munu
Sigurður Bragason barítón og Elín Guð-
mundsdóttir semballeikari flytja verk á
Háskólatónleikunum. Á tónleikunum
verða fluttar aríur eftir Giulio Caccini
(1546-1618), Claudio Monteverdi (1567-
1643), Alessandro Scarlatti (1660-1725) og
fleiri tónskáld frá þeim tíma er óperan
var að stíga sín fyrstu skref.
Fyrirlestrar
Háskólafyrirlestur
Dr. Karl-Ludwig Selig, fyrrum prófessor
í spænskum bókmenntum við Columbia-
háskóla í Bandaríkjunum, flytur opin-
beran fyrirlestur í boði heimspekideildar
Háskóla íslands fimmtudaginn 22. mars
kl. 17.30 í stofu 101 í Odda. Fyrirlesturinn
nefnist „Don Quixote and the Art of the
Novel" og verður fluttur á ensku. Dr.
Selig lét af staríi í fyrra vegna aldurs.
Hann hefur lengi verið útgáfustjóri fjöl-
margra bókmenntatímarita í Bandaríkj-
unum og er einkum kunnur fyrir fræði-
störf og greinaskrif um verk Cervantes
og Garcia Lorca. Fyrirlesturinn er öllum
opinn.
TUkyimingar
Kvenfélag Kópavogs
Spilað verður í kvöld í félagsheimilinu.
Byijað verður að spila kl. 20.30. Allir
velkomnir.
Nýsköpun I Listamannahús-
inu
í kvöld, 20. mars, kl. 20.30 verður efnt til
fjölbreyttrar dagskrár í Listamannahús-
inu í tilefni af Hugmyndasýningu Birg-
ittu Jónsdóttur. Myndlistarmaðurinn og
performarinn Cheo Cruz frá Columbíu
og Gunnar Grímsson tónlistarmaður
munu framkvæma með blandaðri tækni
performansinn Vulkano, það ergjörning-
ur sem brýtur upp hugmynd þína. Sig-
urður Sigurðsson og Pálmi J. Sigurhjart-
arson spila blues og Gunnar Grímsson
býr til Hljóðgervlahávaða. Tímarilið
Rómur verður kynnt með slíðrumynd-
um. Margrét Hugrún og Sigrún Jóns-
dóttir sýna öratriði. Birgitta Jónsdóttir
spinnur orð við tónaflóð Gunnars Gríms-
sonar. Mike Pollock, Pjetur Hafstein,
Margrét Lóa og G. Rósa lesa úr eigin
hugverkum. Listamannahúsið er að
Hafnarstræti 4, efri hæð. Aðgangur er
ókeypis.
Kynnisferð NVSV
í dag, 20. mars, fer Náttúruverndarfélag
Suðvesturlands kynnisferð í fjörur Kópa-
vogs. Þátttakendur mæti við Náttúru-
fræðistofu Kópavogs kl. 17. Öllum er
heimil þátttaka í feröinni. Tilgangur
kynnisferðarinnar er að kynna hið nýja
verkefni náttúruverndarfélaganna,
„Fjaran mín“. í Náttúrufræðistofu Kópa-
vogs hefur verið sett upp „Náttúrufræði-
horn“ til að kynna þær fjörlífverur sem
skoðaðar verða í fjöruferðinni og um-
hverfisþætti. Að því loknu verður gengið
niður í fjöruna og ástand nokkurra fjöru-
reina athugað (fjörurein er 500 m breiður
fjörubútur) og það skráð á þar til gert
eyðublað sem fylgir korti af hverri fjöru-
rein. „Fjáran mín“ er samstarfsverkefni
íslensku náttúruverndarfélaganna og
verður byggt á því að einstaklingar skrái
fjörulífverur og ástand ákveðinnar fjöru-
reinar einu sinni á árstíð. Stefnt verður
að því að vöktun fjörureina verði
skemmtileg, fróðleg og gefi möguleika á
umbun fyrir starfið. Fræðslustarfsemi
verður sett upp til að vöktunin verði öll-
um auðveld. Allt verður þetta kynnt nán-
ar í ferðinni og hvernig verði staðið að
úthlutun fjörureina í vor.
Spilakvöld
Vgrkakvennafélagið Framsókn og starfs-
mannafélagið Sókn halda aukaspilakvöld
miðvikudaginn 21. mars kl. 20.30 í Sókn-
arsalnum, Skipholti 50A.
Alþjóðleg bænavika
Dagana 18.-20. mars verður samkirkjuleg
bænavika heilög haldin í Reykjavík. Um
er að ræða hlut íslendinga í alþjóðlegu
samstarfi um einingu kristinna manna.
21.-25. mars verður helgihald í ýmsum
kirkj um höfuðborgarinnar dag hvern.
Miðvikudaginn 21. mars verður guðs-
þjónusta í dómkirkju Krists konungs í
Landakoti kl. 20.30. Ingibjörg Jónsdóttir,
brikader i Hjálpræðishemum, prédikar.
Fimmtdaginn 22. mars kl. 20.30 verður
samkoma í Herkastalanum. Eric Guð-
mundsson, forstöðumaður Sjöunda dags
aðventista, prédikar. Föstudaginn 23.
mars kl. 20.30 verður guðsþjónusta í Að-
ventkirkjunni. Dr. Sigurbjörn Einarsson
biskup prédikar.
Laugardaginn 24. mars kl. 20.30 verður
guðsþjónusta í Hvítasunnukirkjunni í
Fíladelfíu. Margrét Hijóbjartsdóttir, for-
maður Kristilegs félags heilbrigðisstétta,
prédikar. Sunnudaginn 25. mars verður
guðsþjónusta kl. 1 í Breiðholtskirkju.
Séra Jakob Rolland, kanslari kaþólsku
kirKjunnar á íslandi prédikar.
Fundir
Húsmæðrafélag Reykjavikur
heldur fund miðvikudaginn 21. mars í
félagsheimilinu við Baldursgötu 9. Fund-
arefni verður kynning á vorlaukum.
Leiöbeinandi kemur frá Blómavali.
ITC deildin Korpa
Mosfellsbæ
heldur fund miðvikudaginn 21. mars kl.
20 í Hlégarði. Fundarefni m.a. óundir-
búnar kappræður. Upplýsingar gefa Sara
í s. 666391 og Guðrún í s. 666229.
Kvenfélagið Seltjörn
Fundir í félagsheimili Seltjamaress
þriðjudaginn 20. mars kl. 20.30. Kynning
á Vestmannaeyjum í máli og myndum.
Veitingar.
Minjar og saga
heldur fund þriðjudaginn 20. mars kl.
17.15 í þjóðminjasafni íslands. Mjöll
Snæsdóttir fornleifafræðingur spjallar
um uppgröft að Stóm-Borg undir Eyja-
fjöllum og sýnir litskyggnur.
Tapað fundið
Seðlaveski tapaðist
Grátt seðlaveski tapaðist á Landspítalan-
um á sunnudagskvöldið sl. Finnandi vin-
samlegast hringi í síma 688017. Góð fund-
arlaun.
ÞRIÐJUDAGUR 20. MARS 1990.
ítrekun til Röskvu og Vöku:
Segið stúdentum
að þeir séu fífI
Um miöjan síðastliöinn febrúar
ritaði ég grein í DV sem bar yfir-
skriftina: „Stúdentaráð og félaga-
frelsi - Ábending til Vöku, Röskvu
og SHÍ“. Þar færði ég nokkur al-
menn rök að því að stúdentum
ætti að vera í sjálfsvald sett hvort
þeir væru aðilar að stúdentaráði
og hvort þeir greiddu því félags-
gjöld.
Einnig benti ég á að skylduaðild
að stúdentaráði eins og öðrum
samtökum væri brot á Mannrétt-
indayfirlýsingu Sameinuðu þjóð-
anna og mjög líklega á stjórnarskrá
íslands. Vonaðist ég til þess að
greinin þætti þeim svaraverð er til
var beint en svo hefur ekki reynst
hingað til.
Ég hef hins vegar heimildir fyrir
því að á stúdentaráðsfundi daginn
sem greinin birtist hafi höfundur
hennar verið rægður og brenni-
merktur sem óalandi maður. Hins
vegar munu engin efnisleg rök hafa
komið fram gegn þeim skoðunum
sem settar voru fram í greininni.
Meðal annars mun formaður
Röskvu hafa sagt höfund ósann-
indamann og þætti mér vænt um
að hún skriði nú fram í dagsljósið-
með þessa skoðun sína svo fleiri
verði þess aðnjótandi að horfa á
ósannindamann í þessu máli. - Eða
ætla Röskvuliðar áfram að grjót-
halda sér saman um þá skoðun sína
aö stúdentum við HÍ sé ekki treyst-
andi til að ákveða það sjálfir hvort
þeir vilji vera félagar í stúdenta-
ráði?
Er ekki nokkur leið að fá ykkur
til aö segja stúdentum það opin-
berlega að þeir séu hálfvitar og
ófærir um að vega það og meta
hvort þeir vilji ganga í stúdentaráð
eða ekki?
Svo má böl bæta
Það er út af fyrir sig ámælisvert
að hinum almenna stúdent skuli
ekki vera svarað þegar hann beinir
athygli sinni að stúdentaráði. Það
er nú samt enn alvarlegra þegar
hann er rægður að honum fjar-
stöddum og reynt að þegja það í
hel sem hann hefur fram að færa.
Það verður þó að segjast í nafni
sanngirni að Vökumenn hafa sýnt
þessu máh nokkum áhuga og látið
svo lítið að ansa hinum almenna
stúdent með nokkrum samtölum á
göngum skólans.
Þó var mér verulega brugðið þeg-
ar Vökukonan Jóhanna Eyjólfs-
dóttir lagði að jöfnu í blaðagrein
(DV, 7.3. 1990) ekkert stúdentaráð
fyrir stúdenta og ekkert Alþingi
fyrir íslendinga.
Þetta er í fyrsta lagi ótrúlegt virð-
ingarleysi við löggjafarþing íslend-
inga. Það væri álíka gáfulegt aö
leggja Félag íslenskra bifreiðaeig-
KjaHarinn
Glúmur Jón Björnsson
efnafræðinemi i HÍ
enda, Neytendasamtökin eða önn-
ur hagsmunasamtök að jöfnu við
Alþingi.
I öðru lagi á æðsta stofnun þjóð-
arinnar ekkert sameiginlegt með
stúdentaráði annað en að veita fé
til áfengiskaupa. Alþingi er lýð-
ræðisstofnun allra landsmanna og
á að gæta hagsmuna þeirra en stúd-
entaráð er kröfugerðarsamtök fá-
menns hóps og margir væru án efa
tilbúnir til að taka undir þaö að
heimtufrekja ráðsins væri oft úr
takti við annaö í þjóðfélaginu og
beinlínis skaðleg hagsmunum
þjóðarinnar og þar með stúdenta.
í þriðja lagi mega menn mín
vegna bíta það í sig að tilvist stúd-
entaráðs megi réttlæta með tilvist
löggjafans í landinu en þá verða
menn líka að kunna samanburðar-
fræðin til fullnustu og byrja á því
að réttlæta tilvist löggjafans og
sýna fram á skyldleika hans við
stúdentaráð. Það segir enginn að
epli sé gott vegna þess að appelsína
sé það, nema sýna fram á gæði
appelsínunnar og einhvern skyld-
lefiia hennar við eplið.
í íjórða lagi mætti ráða af orðum
Jóhönnu að stúdentar hefðu enga
þörf fyrir Alþingi íslendinga og
jafnvel það að stúdentar væru alls
ekki íslendingar ef hún vill á annað
borð bera þessa tvo hópa saman.
Þannig er nú oft um rökþrota menn
að þeir hafa löngum viljað böl bæta
með því að benda á eitthvað annað.
Kjörklefa á hvert horn
Ég held að það iýsi áhuga stú-
denta á þessu „Alþingi" sínu ágæt-
lega að helmingur þeirra hirðir
ekki um að greiða atkvæði í kosn-
ingum til stjórnar þess. Því sleppa
þeir þrátt fyrir gífurlegan kosning-
aáróður þeirra fylkinga sem bjóða
fram. - Og menn verða að átta sig
á því að þessi áróður er í návígi við
stúdenta á þeirra vinnustað og oft-
ar en ekki persónulegur.
Kennsla er trufluð af trúboðum
fylkinganna og nýtt veggfóður er
sett upp. Þar að auki er hægt að
kjósa í hverri byggingu háskólans
og venjuiega í anddyri sem allir
eiga leiö um. Þrátt fyrir allt kemur
aðeins einn af hverjum tveimur og
gerir þessa tvo krossa sem til þarf.
„Alþingi" stúdenta er því dæmt
ómerkt og óþarft ár eftir ár. En
hvers vegna er það þá ekki lagt
niður? Jú, það er skoðun þeirra
sem fara þar með völd að hinn al-
menni stúdent sé óviti og þess
vegna hefur það ekkert að segja
þegar þessir kjánar mæta ekki á
kjörstað. Þessir merku menn segja
sér það sjálfir að þeir séu ómiss-
andi öðlingsmenn og er skítsama
þó að helmingur óvitanna hafi ekki
áhuga á því sem þeir eru að gera.
Hver ætli kjörsóknin yrði ef kosið
væri um þessa öðingsmenn um
helgi á nokkrum stöðum í bænum
eins og í „sambærilegum" kosning-
um til Alþingis íslendinga? - Það
væri merkilegt ef sá maður gæfi sig
fram sem segði hana skríða yfir
10%
Drattist til að svara
að lokum vil ég ítreka þá ósk
mína að Vaka og Röskva hreki full-
yrðingar mínar í þessum tveimur
greinum opinberlega. Þessi virðu-
legu félög hafa bæði fengið tæki-
færi til að beita sér fyrir afnámi
skylduaðildar að SHÍ en ekki gert.
Þau hljóta því að hafa óhrekjandi
rök fyrir skylduaðildinni. Og ég er
ekki sá eini sem bíð spenntur eftir
forskriftinni að afnámi félagafrels-
is á íslandi. - Nokkur þúsund stú-
dentar eiga heimtingu á að vita
hvers vegna þeir eru óvitar í þessu
eina máli.
Glúmur Jón Björnsson
„Þrátt fyrir allt kemur aðeins einn af
hverjum tveimur og gerir þessa tvo
krossa sem til þarf. - „Alþingi“ stúd-
enta er því dæmt ómerkt og óþarft ár
eftir ár.“
Fjölmiðlar
Hans áhugamál
Heldur þótti mér dagskrá sjón-
varpsstöðvanna döpur 1 gærkveldi.
Mér er hreint óskiljanlegt hvers
vegna ríkissjónvarpið er að sýna
þann dæmalaust heimskulega fram-
haldsþátt Roseanne. Ég dreg í efa
að sú taug, sem fær Ameríkana til
að hlæja að þessari endaleysu, sé til
staðar í fólki annarra þjóöa. Þarna
er peningum ríkissjónvarpsins illa
varið að mínum dómi.
Næst á eftir þessu hámarki
heimskunnar kom s vo þáttur Art-
húrs Björgvins, Litróf. Ég hef á
stundum fylgst með þessum þáttum
hans. í gær var það svona meö öðru
auganu.
Alltaf þegar ég horfi á þennan
þátt dettur mér í hug hið gullvæga
svar Tanna Harðjaxls. Þeir kölluðu
hann þessu nafni vegna þess að
hann átti bara eftir eina tönn í
munninum. Tanni var að segja
mönnum frá því að hann og Gylfi
Þ. Gíslason, fyrrum menntamála-
ráðherra hefðu verið „aldavinir í 10
ár,“ eins og hann orðaði það.
- Og um hvað talíð þið vinimir,“
spurðu menn?
„Tja, við tölum bara um hans
áhugamál,“ svaraðiTanni.
Ég nennti hins vegar ekki að horfa
á íþróttasyrpuna. Hnýtti mér eina
flugu á meðan hann stóð yfir. Ef
Bjami Fel er ekki meö syrpuna læt
ég vera að horfa. Ég er orðinn
þrey ttur á að hlusta á bull eins og
að kalla hnakka á manni „bak-
höfuð,“ eða heyra talað um að knatt-
spyrnumenn eigi að „leika boltan-
um meðfram jörðinni," og annað í
þeim dúr. Bj arni er hins vegar minn
maöur. SigurdórSigurdórsson