Dagblaðið Vísir - DV - 13.09.1991, Blaðsíða 4

4
FÖSTUDAgyR 43. SRPTEMBER 1991.
Viðtalið
Ég hef mikinn
áhugaáfólki
Nafn: Guörún Guðmunds-
dóftir.
Starf: framkvæmdastjóri
Þjóðleikhússins.
Aidur: 46 ár.
„Starfið er enn i mótun og felst
nú kannski í hvað ég geri sjálf
úr því,“ sagði Guðrún Guð-
mundsdóttir sem tók við stöðu
framkvæmdastjóra Þjóðleik-
hússins þann 1. september síð-
astliðinn.
Guðrún er fyrsti framkvæmda-
stjóri Þjóðleikhússins sem ráðinn
er af þjóðleikhússtjóranum því
að fyrirrennari hennar var ráö-
inn af menntamálaráðherra.
„En stariið snýst nú kannski i
fyrsta lagi um fjármál, að vinna
að því að það fjármagn sem leik-
húsið hefur úr að spila nýtist sem
best. Ég sé þó ekki um daglega
fjármálastjóm, því að hér eríjár-
málastjóri, en ég vinn samt að
áætlunum og kostnaðareftirliti í
samráði við hann og leikhús-
stjóra," sagði Guörún.
„í öðru lagi er starfsmannahald
hluti af mínu starfi og kannski
ekki sá minnsti.
Leggst vel í mig
Aðspurö sagði Guðrún að nýja
starfið legðist mjög vel í sig.
„Þetta er mjög fjölbreytt starf
og lifandi og svo ótrúlega margt
sem er þarna að gerast Það sem
kom mér kannski mest á óvart
var hversu fiölbreytt starfsemi
fer fram í leikhúsi.
Guðrún vann í bókhaldi í tíu
ár, þar af sex ár í Ðanmörku, en
fór þá í ÖldungadeildMH oglauk
þaðan stúdentsprófi áriö 1977.
„Sjíöan fór ég í viðskiptafræðina
í Háskóla íslands og útskrifaöist
þaðan árið 1981. Eftir það starfaöi
ég sem kerfisfræðingur í rúmt ár
uppi í Háskóla og fór síðan á Þjóð-
viljann og var þar framkvæmda-
stjóri í fimm ár.
Síðan kenndi ég stærðfræöi og
hagfræði í einn vetur við MK og
síðan hef ég verið rekstrarstjóri
Kópavogskaupstaðar síöustu
þrjú árin. Þó menntun mín miðist
við fyrirtækja- eða stofnanarekst-
ur höfðar þaö meira til min að
vinna að rekstri einhverrar
menningarstofnunar heldur en
að vinna á t.d. heildsölu.
Ég held t.d. að það hljóti að vera
mjög spennandi fólk hérna í Þjóð-
Ieikhúsinu og mér finnst að hér
sé verið að gera eitthvað sem
skiptir máli,“ sagði Guðrún.
Aðspurð um áhugamái var hún
ekki í vandræðum með svariö.
„í fýrsta lagi hef ég nú mikinn
áhuga bara á fólki. Ég hef líka
áhuga á þjóðfélagsmálum, að
ferðast, lesa og fara í leikhús, og
svo spila ég bridge reglulega.“
Guðrún er fædd og uppalin i
Reykjavík, dóttir Guðmundar
Jónssonar trésmiðs og Þuríöar
Ingibjargar Stefánsdóttur sauma-
konu. Hún á eina systur.
Eiginmaður Guörúnar er Ás-
mundur Stefánsson, forseti ASÍ,
og eiga þau 19 ára gamla dóttur
og 18 ára gamlan son.
-ingo
Fréttir
Starfsmaður á gámastöð Sorpu:
Brást illa við er tveir
piltar hentu rusli
- voru að hangsa, segir starfsmaðurinn
Eldar Ástþórsson og Arnþór S. Sævarsson segja farir sinar ekki sléttar af heimsókn í eina af gámastöðum Sorpu.
DV-mynd Hanna
„Við áttum leið framhjá gámastöð
Sorpu við Sléttuveg og ætluðum að
henda sinn hvorri kókómjólkurfern-
unni í gám. Viö sáum vörðinn þegar
við hjóluðum inn á svæðið en héldum
bara áfram og hentum fernunum í
gáminn,“ sagði Eldar Ástþórsson en
hann og vinur hans urðu fyrir heldur
óskemmtilegri reynslu í vikunni.
„Þegar við höfðum hent fernunum
í gáminn kemur vörðurinn og byrjar
strax að öskra á okkur. Hann blótaði
heilmikið og sagði okkur að hypja
okkur á brott.
Við höfðum ekki sagt orð en þegar
vinur minn spurði hvers vegna hann
væri að reka okkur hélt maðurinn
bara áfram að öskra,“ sagði Eldar.
Eldar sagði að vinur sinn hefði þá
fariö út af svæðinu og að sjálfur hefði
hann verið á leiðinni í burtu þegar
starfsmaðurinn vatt sér að honum.
„Hann tók heljarinnar fast í hand-
legginn á mér, ég er enn aumur, og
hélt mér. Ég veit ekki hvort hann
ætlaði aö ráðast á mig en hann var
kominn mjög nálægt mér.
Ég sagði honum þá að hann gæti
ekki ráðist á mig og þá sleppti hann
takinu en hélt áfram að öskra á okk-
ur, sagði að þetta væri ekki staður
fyrir okkur ög að við skyldum hypja
okkur.
Við vorum farnir þaðan út innan
fimm mínútna og við vorum ekkert
að rífa kjaft. Það eina sem við spurð-
um var hvers vegna hann væri að
reka okkur. Hann hefur kannski
vonda reynslu af unglingum, ég veit
það ekki,“ sagði Eldar.
Starfsmaðurinn, sem hér á í hlut,
Ingimar Urban, lítur öðrum augum
á málið:
„Þeir voru ekki að henda neinu á
meðan ég sá til þeirra og ég var bú-
inn að horfa á þá hérna úr skúrnum
í þónokkra stund. Þeir voru bara að
þvælast hjá gámunum.
Hér er alltaf fullt af börnum að
þvælast inni á svæðinu og við erum
að reyna að halda þessú í burtu því
þau hafa ekkert hér að gera á reið-
hjólum.
Hér er bullandi umferð inn á plön-
in allan daginn og ef þaö verður slys,
hvað þá? Er þá ekki farið í blöðin og
spurt af hverju við rekum börnin
ekki út?“ sagði Ingimar.
Aðspurður hvort drengirnir hefðu
gert eitthvað af sér sagði Ingimar svo
ekki vera.
„Þeir gerðu ekkert af sér annað en
það að vera að þvælast hér inni á
svæðinu. Ég var bara búinn að fá nóg
af börnum hér inni á svæöinu um
morguninn, þetta er ekki opið svæði.
Ég bara rak þá út. Ég tók í upp-
handlegginn á öðrum og bað hann
um að fara og þeir virtust ekki ætla
að ansa því. Hafi ég meitt hann, ja
ég veit það ekki, þetta eru orðnir
bara einhverjir vesalingar í dag. Þó
ég taki í upphandlegginn á drengn-
um. Sá eitthvað á honum? Er hann
með læknisvottorð?"
Ingimar sagði aö þegar hann hefði
reynt að fá drengina til að fara út af
svæðinu hefðu þeir ekki ansað því
neinu, eins og stráka væri vani í dag.
„Þeir voru bara með stífni og sögðu
að mér kæmi þetta ekki við. Þá tók
ég í handlegginn á stráknum og bað
hann að fara út af. Ef ég hefði átt að
fara að strjúka honum og gera eitt-
hvað fyrir hann til þess að fá hann
til þess að fara út af þá nenni ég ekki
að standa í því. Krakkar eiga bara
að gegna.“ -ingo
Hér er hægt að læra
nánast hvað sem er
- segir Steingrímur Gunnarsson, forstöðumaður Skóla sf.
„Við byrjuðum 1985 og höfum verið
að sleitulaust síðan en hér eru fiórir
kennarar í svona hálfu starfi en þetta
er nokkurs konar aukavinna hjá
okkur. Viö sem kennum höfum öll
háskólamenntun að baki svo og
kennslureynslu. Hjá okkur er hægt
aö læra nánast hvað sem er, bara að
nefna það. Jafnvel hindu-mál ef því
er að skipta. Þetta er skóh sem hefur
ekki neinn ákveðinn ramma og ef við
getum ekki kennt eitthvað sem beðið
er um getum við, nánast undantek-
ingarlaust, komiö viðkomandi í sam-
band viö aöila sem getur leyst úr
málinu," sagði Steingrímur Gunn-
arsson, forstöðumaður Skóla sf., við
DV.
SkóU sf. er til húsa á Hallveigarstíg
8 en Steingrímur býr þar sjálfur á
efstu hæðinni. Aöstaða skólans, sem
forstöðumaðurinn kallar reyndar
fræðsluþjónustu, er til húsa á tveim-
ur neðstu hæðunum. Húsakynnin
eru vistleg og ekki spillir fyrir að
forláta arinn er í einni kennslustof-
anna og logaði þar glatt þegar blaða-
mann bar að garði. 30-40 manns
sækja tíma að jafnaði í hverri viku
og eru forráðamenn skólans nokkuð
Hjá okkur er hægt að læra hindu-
mál ef því er að skipta, segir Stein-
grímur. DV-mynd Hanna
sáttir með þá tölu og segjast jafn-
framt hafa lítið gert í því að auglýsa
starfsemina. Orðsporiö hafi spurst
Út og það sé oft besta auglýsingin.
„Við bjóðum upp á miklu meira en
tungumálakennslu, hingað geta leit-
að nemendur úr grunnskóla og há-
skóla og allt þar á milli svo í raun-
inni er þetta nokkurs konar námsað-
stoð og einnig erum við lítillega í
þýðingum. Nemendumir eru á öllum
aldri og af báöum kynjum. T.d. er
hér tæplega sjötug kona sem sækir
tíma í spænsku og hefur gert svo í 4
ár. Annars leitar til okkar fólk úr
ýmsum stéttum og þá ekki síst úr
viðskiptalífinu. Ég get nefnt dæmi
um mann sem ætlaði á ráöstefnu
erlendis í sínu fagi og þar skorti ekki
umræöuefniö þegar kom að spjalli á
erlendri tungu um starfið en þegar
viðkomandi átti að tala um daginn
og veginn, vandaðist málið. Hann
einfaldlega treysti sér ekki til þess
og við gáfum honum ráðleggingar í
þeim efnum,“ sagði Steingrímur.
Hver tími kostar 1600 kr. og stend-
ur yfir í eina klukkustund. Hámarks-
fiöldi nemenda í hverri kennslu-
stund er 4. Nemendur eru flestir af
höfuðborgarsvæðinu en dæmi eru
um aö fólk frá Selfossi og úr Borgar-
nesi sæki tíma.
-GRS
Hrossakjöt tll Japans:
Unnið úr 35
feitum hross-
umáviku
Þórhalliir Asmunds., DV, Sauöárkróki:
Slátursamlag Skagfiröinga hef-
ur náð samningum við japanska
aðila um sölu á úrbeinuðu
hrossakjöti í neytendapakkning-
um. Reiknað er með að flutt veröi
út um þrjú tonn á viku fram aö
áramótum. Þetta er í fyrsta sinn
sem Japanir kaupa þessa tegund
hrossakjöts, - áður hefur einung-
is tíðkast sala á svokölluðu pí-
stólukjöti.
„Það eina sem skyggir á þetta
er að maöur er hræddur um að
við fáum ekki nóg kjöt því við
þurfum 35 feit hross í hverri viku
frara að áramótum," sagði Gísli
Halldórsson sláturhússtjóri.
Siátursamlagiö er fyrst slátur-
húsa til aö selja úrbeinað hrossa-
kjöt til Japans. Gísli sagði að
verðið væri mjög viöunandi,
skilaverð til bónda verður 22 þús-
und krónur fyrir hrossið og greitt
innan mánaðar.
Það var útflutningsdeild Söl-
umiðstöövar hraðfrystihúsanna
sem kom samningunum á. Um
er að ræöa tvo aðila í Japan sem
kaupa kjötið.