Dagblaðið Vísir - DV - 02.11.1991, Blaðsíða 22

22
LAUGARDAGUR 2. NÖVEMBER 1991.
Sérstæð sakamál
Umferðin í London var mikil eins
og jafnan á þessum tíma. Hún fór
í taugarnar á mörgum en þó eink-
um morðingjanum sem beið eftir
því að komast áfram með líkin tvö
sem hann var með í bílnum.
Andlitin
voru sem grímur
Morgunumferðin í London þann
23. júlí í fyrra var síst minni en
aðra daga. Bílaraðirnar voru lang-
ar og í einni þeirra var bíll sem við
fyrstu sýn vakti ekki mikla at-
hygli. En hver sá sem hefði virt
bílinn fyrir sér um stund hefði
vafalítið tekið að undrast. Undir
stýri sat maður sem var greinilega
mjög óstyrkur. Hann sló fingrun-
um án afláts í stýrið og sýndi flest
einkenni kvíða og hræðslu. Auðvit-
að hefði það ekki vakið sérstaka
athygli hefði hann verið einn í bíln-
um en það hefði hins vegar þótt
stinga mjög í stúf við farþegana
tvo. í framsætinu við hliðina á hon-
um sat ljóshærð kona og í aftursæt-
inu dökkhærö kona. Báðar störðu
undarlega fram fyrir sig án þess
að depla augunum eða hreyfa sig.
Ástæðuna til þess þekkti aðeins
maðurinn undir stýrinu. Konumar
voru báðar látnar og höfðu veriö
það í meira en sólarhring.
í Hollowayhverfinu í norður-
hluta London kom ökumaðurinn
loks að bílastæðinu sem var
áfangastaður hans. Þar lagði hann
bílnum í skyndi og hvarf á brott.
Bíllinn stóð þarna fram undir há-
degi en þá tók vegfarandi eftir kon-
unum tveimur hreyfmgarlausu.
Hann gerði lögreglunni aðvart og
þegar hún kom á vettvang varð
þegar ljóst hvaö um var að vera.
Skráningarnúmer bílsins var tekið
og athugað hver væri eigandi hans.
Hann reyndist vera í eigu Elaine
Forsyth, þrjátíu og eins árs, ljós-
hærðu konunnar í framsætinu.
Dökkhærða konan í aftursætinu
reyndist vera Patricia Morrison,
tuttugu og átta ára.
Sambýliskonur
Elaine og Patricia höfðu unnið á
sömu fasteignasölunni en þennan
mánudagsmorgun komu þær ekki
til vinnu af skiljanlegum ástæðum.
Rannsóknarlögreglumennimir,
sem fengu máhð til meðferðar,
komust svo brátt að því að þær
höföu deilt meö sér íbúð í húsi við
Grenville Road í Holloway.
Hvorugri konunni hafði verið
misboðið kynferöislega. En þær
höfðu greinilega orðið fyrir mörg-
um og þungum höggum en siðan
verið kyrktar. Líkskoðari komst
svo að því aö þær hefðu verið myrt-
ar einhvern tíma á laugardags-
kvöldinu.
Geoff Parratt rannsóknarlög-
reglufulltrúi ræddi við foreldra
kvennanna og þeir skýrðu svo frá
að þær hefðu búið tvær saman í
íbúðinni í húsinu við Grenville.
Hvorug þeirra hefði átt unnusta
eða fasta vini og ekki kom neitt
fram sem benti til að þær ættu sér
óvini. Þaö leit þvi ekki út fyrir að
auðvelt yrði aö finna ástæðu til
moröanna.
Á laugardagskvöldinu höfðu báð-
ar stúlkurnar ætlað á hljómleika
með Madonnu á Wembleyleik-
vanginum en ónotaðir aðgöngu-
miöarnir fundust í íbúð þeirra.
En þar fannst líka dálítið annað
sem sýndi að stúlkumar höfðu ekki
Elaine Forsyth.
Patricia Morrison.
Michael Shorey. Sandy Ratcliff.
Farþegamir
voru látnir
komið fram af fullri hreinskilni við
foreldra sína.
Sameiginlegur vinur
í íbúðinni með Elaine og Patriciu
haíði búið þrjátíu og fimm ára þel-
dökkur maður, Michael Shorey.
Báðar höfðu stúlkurnar staðið í
ástarsambandi við hann og því féll
þegar í stað grunur á hann. En
Shorey hafði fullkomna fjarvistar-
sönnun á laugardagskvöldinu og
fram á sunnudag.
Hann kvaðst hafa verið hjá vin-
konu sinni, Sandy Ratcliff, fertugri
leikkonu sem lék á þeim tíma í
sjónvarpsþáttunum „Eastenders".
Hún staðfesti að Michael Shorey
hefði komið til hennar snemma á
laugardagskvöldinu og verið heima
hjá henni alla nóttina, langt frá
morðstaðnum.
Parratt fulltrúi varð nú að horf-
ast í augu við þann möguleika að
óþekktur kvennamoröingi kynni
að ganga laus í borginni. Hann
gæti hafa hitt stúlkurnar tvær af
tiMljun eða þær tekið hann upp í
bíl Elaine.
Vísbendingar
koma í Ijós
Parratt ákvað nú að gera ná-
kvæma leit í íbúð þeirra Elaine og
Patriciu. Hann hélt þangað meö lið
tæknimanna og sú leit varð ekki
árangurslaus.
í ljós kom að gólfið í setustofunni
hafði verið skúrað mjög vandlega.
Ekki hafði þó tekist að þvo burt
ferhymdan hvítan blett fyrir fram-
an sófann. „Hér hefur greinilega
verið teppi,“ sagði Parratt. „En
hvers vegna er það ekki hérna
lengur? Hver hefur fjarlægt það?“
Nákvæm skoðun á tröppunum
úr ibúðinni, sem var í kjallara
hússins, leiddi svo í ljós nokkra
þræði úr teppi. Þeir sátu á nagla
sem það hafði greinilega rekist í.
Þá sást að hvert einasta þrep í
tröppunum hafði verið skúraö.
Þetta sannfærði Parratt um að
hann væri kominn á rétt spor.
Rannsóknarlögreglumennimir
fóra nú aftur á fund Shoreys og
báðu hann um að afhenda skóna
sem hann hefði verið i á laugar-
dagskvöldinu. Hann gerði það og
þegar þeir vom skoðaðir kom í ljós
lítill blóðblettur á hægri skónum.
Parratt var ekki í neinum vafa um
að rannsókn leiddi í ljós að blóðið
væri úr annarri látnu stúlknanna.
Kenning Parratts
„Mín tilgáta er að Shorey hafi
myrt báöar stúlkurnar í íbúðinni,"
sagði Parratt við samstarfsmenn
sína. „Síðan hefur hann vafið
horfna teppinu utan um likin og
borið þau, annað í einu, út í bilinn.
Hann hefur síðan skúrað gólfin og
tröppurnar rækilega til að tryggja
að hvergi fyndist neitt blóð. En
honum hefur sést yfir blóðblettinn
á skónum."
Parratt þurfti hins vegar að flnna
horfna teppið til að geta fært sönn-
ur á kenningu sína og sömuleiðis
aö geta hnekkt fjarvistarsönnun-
inni sem byggðist á framburði leik-
konunnar.
Tveimur dögum síðar kom til
fundar við Parratt ungur maður,
Gary Rae. Hann kom með stóran
og þungan plastpoka og sagði að
Shorey hefði komið með hann til
sín og beðið sig um að koma því
sem í honum væri í hreinsun. Pok-
ann hafði Rae fengið á sunnudegin-
um en þegar Rae las um morðin
fannst honum rétt að gefa sig fram
við lögregluna og koma pokanum
í hennar hendur. í honum reyndist
vera teppið sem saknað var. Það
var útatað í blóði og rannsókn
sýndi nú að blóðið í teppinu var í
tveimur blóðflokkum, þeim sömu
og stúlknanna.
Pjarvistar-
sönnun hrakin
Parratt hélt nú á fund Sandy
Ratcliff og bar á hana að hún hefði
ekki sagt satt til er hún sagði að
Shorey hefði verið hjá henni á laug-
ardagskvöldinu. Hún viðurkenndi
þá að hann hefði ekki verið hjá sér
en sakir þess sambands, sem verið
hefði á milli þeirra, hefði hún viljað
gefa honum fjarvistarsönnun.
Michael Shorey var þegar í stað
handtekinn og ákærður fyrir morð.
Eftir þetta reyndist Parratt ekki
erfitt að afla upplýsinga um hvaö
gerst hefði þetta örlagaríka laugar-
dagskvöld.
Elaine Forsyth haföi lent í rifrildi
við Shorey því hún hafði komist
að því að hann stóð ekki bara í
ástarsambandi við hana heldur
einnig Patriciu. Er þau höfðu rifist
um hríð fékk hún að vita að Shorey
ætti líka Sandy Ratcliff fyrir vin-
konu. Þá varð Elaine bálreið og
krafðist þess að Shorey tæki fóggur
sínar og færi úr íbúðinni fyrir fullt
og allt.
Enn hann vildi ekki fara. Rifrild-
ið varð að átökum og Shorey sló
Elaine svo harkalega að hún datt á
teppið fyrir framan sófann. Þar
kyrkti Shorey hana með band-
spotta.
Síðara morðið
Þegar Shorey stóð yfir líkinu af
Elaine og var að íhuga hvað hann
ætti að taka til bragðs kom Patricia
Morrison heim. Þegar hún sá
hvernig komið var reyndi hún að
flýja úr kjallaraíbúðinni en komst
ekki lengra en í tröppurnar. Þar
náði Shorey henni, skellti henni og
kyrkti hana síðan með óhnni á
handtösku hennar.
Shorey lét síðan bæði líkin hggja
í kjallaraíbúðinni fram á mánu-
dagsmorgun. En helgina notaði
hann til að fá Sandy Ratcliff til að
gefa sér fjarvistarsönnun.
Enginn sá hann bera líkin út í
bflinn, vafm inn í blóðugt teppið.
Því kom hann síðan til Raes og
þótt Shorey hafi ekki fengist til að
viðurkenna þaö telur Parratt fuU-
trúi að ætlun hans hafi verið að
flækja Rae í máhð á þann hátt að
hann yrði grunaður og sakfelldur
fyrir morðin.
Er Shorey hafði komið líkunum
í bíhnn skorðaöi hann þau af, ann-
að í framsætinu og hitt í aftursæt-
inu, en ók síðan með þau á bíla-
stæðið sem fyrr er getið.
Harður dómur
Máhð þótti með þeim óhugnan-
legri í London um aillangt skeið og
þegar réttarhöldin yflr Michael
Shorey hófust í Old Bailey saka-
málaréttinum vöktu þau mikla at-
hygh.
Niðurstaða kviðdómenda var á
þá leið að Shorey væri sekur um
bæði morðin og var hann síðan
dæmdur í ævilangt fangelsi.
Gary Rae telur Shorey ekki leng-
ur til vina sinna. Og Sandy Ratcliff
er hætt að leika í „Eastenders". En
hún heimsækir Shorey reglulega í
fangelsið.