Dagblaðið Vísir - DV - 07.05.1994, Blaðsíða 5
LAUGARDAGUR 7. MAÍ 1994
5
Fréttir
w Lögreglustjóraembættiö telur táragaspenna háða innflutningsleyfi sínu:
Ovandadir menn kynnu
að misnota pennana
- segir Ómar Smári Ármannsson aöstoðaryfirlögregluþjónn
„í reglugerð kemur fram að enginn
megi nema með leyfi lögreglustjór-
ans í Reykjavík flytja inn til landsins
táragas í söluskyni. Þar kemur jafn-
framt fram að lögreglustjórinn sé sá
aðili sem hefur á hendi yfirumsjón
með innflutningi til landsins af hálfu
lögregluyfirvalda. Hann hefur hing-
að til ekki gefið leyfi til að varningur
sem inniheldur táragas og ætlaður
er til almenningsnota fáist tollaf-
greiddur hér á landi. Lögreglan hefur
þó slík efni undir höndum, sem og
heimild til þess að nota þau sam-
kvæmt ákveðnum reglum sem settar
hafa verið,“ sagði Ómar Smári Ár-
mannsson aðstoðaryfirlögreglu-
þjónn í samtali við DV.
Greint var frá því í DV fyrir nokkru
að öryggisþjónustan Vöktun hygðist
flytja inn 300 til 400 stykki af táragas-
pennum. í viðtah við blaðiö sagði
Guðmundur Þóroddsson, fram-
kvæmdastjóri fyrirtækisins, penn-
ana koma til með að verða til sölu
hjá Vöktun ef engar athugasemdir
yrðu gerðar við sölu þeirra að
ákveðnum skilyrðum uppfylltum.
Ómar Smári segir að engin beiöni
hafl borist embættinu frá Vöktun
varðandi leyfi til innflutnings tára-
gass og að ólíklegt sé að lögreglu-
stjóri gefi slíkt leyfi miðað viö
óbreyttar forsendur. Hann sagði það
jafnframt rétt hjá Guðmundi að full-
trúar lögreglunnar hefðu tekið sýnis-
horn af vörunni og sent það til rann-
sóknar hjá Rannsóknastofu Háskóla
íslands. Fyrir lægi álitsgerð sérfræð-
inga um skaðsemi efnisins.
„Það hefur og komið fram að efni,
sem eru í þessum pennum eða brús-
um, geta veriö mjög skaðleg fólki ef
ekki er rétt að málum staðið. Hjá
lögreglu eru til dæmis mjög stífar
reglur um notkun táragass og hvern-
ig á að sinna fólki sem gefið hgfur
tilefni til notkunar þess. Það skiptir
almenning miklu máli að hér á landi
sé ekki á markaðnum aðgengilegt
táragas sem þetta þar sem allt eins
má telja líklegt að óvandaðir menn
reyni að misnota það. Hins vegar
má skoða hvort ástæða sé til að koma
málum þannig fyrir að fólk, sem hef-
ur ástæðu til að ætla að því verði
ógnað, eða tengist málum eða störf-
um þess eðlis, verði með einhverjum
hætti gefinn kostur á að fá tímabund-
in afnot af táragasi sér til verndar.
Slík miðlun yrði þá að vera í höndum
mjög ábyrgra aðila," segir Ómar
Smári.
Tveir úrskurðaðir í gæsluvarðhald
Héraðsdómur úrskurðaði í gær 35
ára karlmann í gæsluvarðhald til 13.
maí að kröfu fíkniefnadeildar lög-
reglunnar. Maðurinn var handtek-
inn á Miklubraut og fannst á honum
tæpt kíló af hassi. Grunur leikur á
að maðurinn hafl ekki starfað einn.
Þá rann gæsluvarðhaldsúrskurður
út yfir einum piltanna sem átti þátt
að líkamsárás þar sem 13 tennur
voru brotnar í munni ungs manns
með meitli. Rannsóknarlögregla rík-
isins fór fram á það í Héraðsdómi í
fyrradag að pilturinn yrði úrskurð-
aður í síbrotagæslu og féllst dómur-
inn á 46 daga gæsluvarðhald.
Tvær rótgrónar byggingavöruverslanir hafa nú tekið sig saman um
að bylta opnunartíma á byggingavörumarkaðinum og hafa opið frá
kl.08.00 til 21.00 alla daga - og um helgar líka!
Nú færðu allar bygginga-
vörur sem þú þarft
- þegar þú þarft
- ogá sama lága verðinu!
og um helgar líka!
BYGGINGAVORUR
Málarinn
Það eru ekki margir sem geta boðið jafn
fúllkomna eldhúsinnréttingu
(og þá meinum við FULLKOMNA) íyrir þetta verð.
Hvítlakkaðar hurðir. Ljósalistar og sýnilegar úthliðar
úr beyki eða annarri viðartegund.
KAM innréttingar eru alíslensk framleiðsla.
Sjón er sögu ríkari. Líttu við í sýningarsal okkar,
úrvalið kemur þér á óvart.
METRO
mögnuð verslun í mjódd
Állabakka 16 @ 670050