Alþýðublaðið - 22.07.1967, Blaðsíða 4
Rltstjórl: Benedikt Gröndal. Simar 14900—14903. — Auglýsingasíml:
14906. — Aðsetur: AlþýSuhúsiS við Hveríisgötu, Rvik. — Prentsmiðja
Alþýðublaðsins. Síml 14905. — Áskriftargjald kr. 105.00. — í lausa-
Bölu kr. 7.00 eintakið. — Útgefandi: Alþýðuflokkurlnn.
Tjaldsvæbi
UNDANFARNAR HELGAR hefur gífurlegur fjöldi
marms farið úr þéttbýli til sveita til að njóta sumars
og hvíldar. Þúsundir hafa gist í tjöldum, enda tak-
markað rúm í gistihúsum. Hafa tjaldbúar oft safnazt
saman á eftirsóttum stöðum, til dæmis við Laugar-
vatn eða á Þingvöllum hér sunnanlands, og þar ris-
ið borgir með mörg hundruð tjöldum.
Þessi þróun sýnir glögglega hversu nauðsynlegt er að
útbúa sérstök tjaldstæði á fögrum stöðum. Þar þarf
að vera gott rúm fyrir tjöldin sjálf, aðgangur að
vatni, bílastæði, salerni og ef til vjll sími. Loks
verður að velja slíkum tjaldsvæðum stað, þar sem
eitthvað er við að vera fyrir börn og fullorðna, til
clæmis nærri góðum veiðivötnum, þar sem unnt væri
að leyfa silungsveiði í allstórum stíl. Yrði hið opin-
bera þá að tryggja, að veiðiréttur væri seidur hverj-
um, sem hafa vildi, fyrir lágt verð.
Þagar umferðin eykst og á vinsælustu stöðum eru
mörg hundruð tjöld, verður öllum Ijóst, hversu nauð-
synlegt er að dreifa þessu ferðafólki, ekki sízt vegna
þess sjálfs. Því er 'nauðsynlegt að útbúa góð tjald-
svæði á völdum stöðum, þar sem tekið er tillit til
aðstöðu, vegasambands og almenns öryggis.
Alþýðublaðið hefur barizt fyrir betri aðstöðu fyrir
tjaldbúa sumar eftir sumar. Fyrirmyndir er hægt
að fá í næstu löndum, til dæmis í Noregi. Það er
mikil bót, að sérstök tjaldsvæði hafa verið gerð á
Akureyri og í Reykjavík, en það er af illri nauðsyn
vegna erlendra ferðamanna og kemur okkar eigin
fólki að takmörkuðum notum.
Hér er ekki um að ræða dýrar framkvæmdir, en
samt gagnlegar. Verður að vona, að ekki líði mörg
ár, þar til hugmyndir Alþýðublaðsins og annarra
sem um þetta mál hafa skrifað — verða að veru-
leika. Reynslan mun sýna, að hér er um gott og
gagnlegt mál að ræða.
Mistök
GÖMLU HITAVEITUTANKARNIR í Öskjuhlíð hafa
verið borgarprýði. Þeir eru vel teiknaðir, njóta sín
ágætlega efst á hæðinni, og grænir fletir umhverfis
þá ylja um hjartarætur.
Nú standa yfir framkværrdir við tvo nýja tanka
fyrir hitaveituna á Öskjuhlíð. Þeir eru mun stærri
en hinir eldri og standa nær borginni. Þessir tank-
ar eru dónalega praktískir í laginu og minna ekki
á neitt annað en olíutanka. Þeir fara illa og eyði-
leggja eina fegurstu byggingalóð borgarinnar, þar
sem vel hefði mátt reisa þinghús, ráðhús, gistihús,
veitingastað, safnbyggingu eða hvað annað. Bygging
þessara íanka eru einhver mestu skipulagsmistök,
sgm gerð baía verið í Reykjavík.
4 22. júlí 1967 —
Hvert viljiÖ þér fara?
Nefnið staðinn. Við flytjum
yður, fljótast og þœgilegast.
Hafið samband
við ferðaskrifstofurnar cða
PAlV A.ME RICA.CV
Hafnarstræti 19 — simi 10275
AUGLÝSID
í Alþýðublaðinu
Tilboð óskast í að byggja 1. hluta Æfingaskóla
Kennaraskóla íslands, 1. áfanga, sem tekur til
jarðvinnu, lagna í lóð og grunni, undir-
staðna og botnplötu hússins.
Útboðsgagna má vitja á skrifstofu vora frá og
með mánudeginum 24. júlí 1967 gegn kr.
1000.— skilatryggingu.
Tilboðum skal skila á sama stað fimmtudag-
inn 3. ágúst 1967 kl. 11 f.h.
INNKAUPASTOFNUN RÍKISINS
BORGARTÚNI7 SfÍfl 10140
!fjbslq&q|g
Bergþórugötu 3.
Símar 19032 og 20070.
Daggjald kr.
C 300.00. Kr.
2.50 á etlnn km.
RAUÐARÁRSTIfi 31
' SÍMI 22022
á krossgötum
★ ALLT LOKAÐ Á NÓTTUNNI.
Náttugla hefur sent okkur svo-
hljóðandi bréf: — Það er alltaf verið að tala um
hve Reykjavík sé að verða mikil heimsborg. Það
getur vel verið að eittlwað sé til í því, en ekki
get ég þó verið því sammála að öllu leyti. Til
dæmis er það alveg fáránlegt, að hér skuli ekki
vera hægt að fá keypt benzín á nóttunni, að ekki
sé nú talað um að fá eitthvað í svanginn.
Þetta tvennt virðist vera algjör
bannvara hér í borginnj að næturlagi og kemur
það sér illa fyrir marga, einkum þó fyrir ein-
hleypinga eins og mig, sem vinna á óregluleg-
um tímum. Ég hef satt að segja aldrei heyrt neina
viðhlítandi skýringu á því hvers vegna ekki er
hægt að selja benzín hér lengur en til klukkan
hálf ellefu á kvöldin. Nógu mörg eru olíufélögin
að minnsta kosti til þess að þetta ætti að vera
hægt, en þar sem þeirra á milli ríkir ekki nein
samkeppni eins og ætti þó að vera, að eitt þeirra
brjóti upp á þeirri nýbreytni að selja benzín á
nóttunni. Slíkt væri líka þjónusta við viðskipta-
vini, en það virðist því miður ekki vera sérgrein
þessara ágætu félaga. Hins vegar mætti ef til
vill hugsa sér, og væri það að mínum dómi ekki
til of mikils mælzt, að þau skiptust á um að hafa
eina benzínstöð í borginni opna allan sólarhring-
inn svo sem einn mánuð í senn hvert um sig.
Þetta væri þjónusta, sem viðskiptavinir olíufélag-
anna mundu áreiðaniega kunna að meta. Annara
þykir mér undarlegt, að Félag íslenzkra bifreiða-
eigenda skuli ekki hafa látið þetta mál tii sín
taka. Það hefur látið ýmislegt gott af sér leiða.
HVERGI MAT AÐ FÁ.
* Og fyrst ég er byrjaður að skrifa
um þetta á annað borð get ég ekki á mér setið
að fara nokkrum frekari orðum um það, að héi?
skuli ekki vera hægt að fá matarbita á nóttunni.
Ég man ekki betur en einhverju hlutafélagi væri
veitt einkaleyfi til að reka veitingasölu í Um-
ferðarmiðstöðinni með því skilyrði, að hún yrði,
opin allan sólarhringinn. Ég man ekki til þessi
að hafa heyrt neitt frekar um þetta mál, félagið
er ef til vill dautt og þetta því úr sögunni.
Annars finnst mér hæpið að veita
einum aðila einkaleyfi til slíkrar næturþjónustu.
Þar ættu að minnsta kosti nokkrir að fá að vera
um hituna, svo samkeppni fái notið sín. Það virðistj
aðeins eðlilegt.
í þessum málum ríkir að minum
dómi hið versta ófremdarástand, og furðulegt
hve lengi það hefur ríkt næstum óátalið. Ég vona
að breytinga megi vænta á þessu furðulcga fyrir-
komulagi áður en langt um líður, Það er engurrt
til góðs að það haldist, en margir mundu verða
breytingú fegnir. — „Náttugla“.
ALÞÝÐUBLAÐIÐ