Dagur - 12.11.1981, Blaðsíða 9

HtiGUR
Útgefandi: ÚTGÁFUFÉLAG DAGS
Skrifstofur: Hafnarstræti 90, Akureyri
Ritstjórnarsimar: 24166 og 21180
Sími auglýsinga og afgreiðslu: 24167
Ritstjóri (ábm.): HERMANN SVEINBJÖRNSSON
Blaöamenn: Áskell Þórisson,
Gylti Kristjánsson
Augl. og afgr.: JÓHANN KARL SIGURÐSSON
Prentun: Prentverk Odds Björnssonar hf.
Endurnýjun
bátaflotans
Að tilhlutan Steingríms Her-
mannssonar, sjávarútvegsráð-
herra, hefur nú verið gerð áætlun
um innlenda endurnýjun bátaflot-
ans á næstu 3-4 árum, en á þessu
tímabili er gert ráð fyrir að leyfð
verði smíði 5-7 skipa á ári. Þessi
áætlun var unnin af starfshópi,
sem sjávarútvegsráðherra setti á
laggirnar, og í voru fulltrúi skipa-
smíðaiðnaðarins, sjávarútvegs-
ráðuneytisins og iðnaðarráðu-
neytisins. Þessar áætlanir hafa nú
verið samþykktar í ríkisstjórn og
sendar Fiskveiðasjóði tii umsagn-
ar.
Markmið þessarar áætlunar er
að gera endurnýjun bátaflotans
mögulega, byggja skip fyrir ís-
lenskar aðstæður, stuðla að
lækkun kostnaðar við smíði skipa
með raðsmíði og hagkvæmari
vinnutilhögun og að endurnýjun
fiskiskipa fari fram með reglu-
bundnari hætti en verið hefur og
að tekið verði mið af framleiðslu-
getu og mögulegri verkaskiptingu
skipasmíðastöðvanna til lengri
tíma litið.
Eins og áður sagði gerir áætl-
unin ráð fyrir smíði 5-7 skipa
næstu 3-4 árin, undir 39 m að
lengd og með vélarstærð undir
þúsund hestöflum. Ef nauðsyn
krefur verði veitt ríkisábyrgð
vegna þessara smíða á þann hátt,
að Slippstöðin á Akureyri fái
ábyrgð fyrir 2 skipum hverju sinni,
Stálvík fyrir einu skipi og Þorgeir
og Ellert fyrir einu, en þessar
stöðvar skulu leitast við að hafa
samvinnu við og miðla verkefnum
til annarra skipasmíðastöðva. Lán
vegna þessara fiskiskipa verði
látin njóta forgangs hjá Fisk-
veiðasjóði. Gert er ráð fyrir að lán
geti numið 90% af smíðakostnaði
og að ríkissjóður ábyrgist 80%
verðsins. Innflutningi fiskiskipa
verði haldið í algjöru lágmarki, en
þó verði mönnum gert kleyft að
kaupa skip erlendis frá, einkum til
staða sem búa við ótryggt at-
vinnuástand. Lánamöguleikar
verða hins vegar lakari en til
kaupa á innlendri smíði. Þá er gert
ráð fyrir að úreldingarsjóður verði
efldur, en ekki er stefnt að aukn-
ingu sóknarþunga.
Þessi áætlun er mjög þörf, eins
og nú háttar. Bæði er, að íslenski
bátaflotinn er gamall og að mörgu
leyti úreltur, og verkefnaskortur
blasti við skipasmíðastöðvunum,
vegna sjáanlegs samdráttar í
smíði skuttogara. Með raðsmíði er
unnt að stytta smíðatímann, stór-
spara hönnunarkostnað og
skipuleggja starfsemi stöðvanna
ásamt innkaupum betur. Þá er
geysilega mikilvægt fyrir stöðv-
arnar að geta hafist handa við
smíði þó kaupendur séu ekki fyrir
hendi, svo samfelld vinna og
skipulagning geti átt sér stað.
Krakkarnir voru ekki scin á sér að velja kökur þegar Pétur Axelsson bauð fólki að gjöra svo vel. Veitingar voru fram bornar á a.m.k. fjórum stöðum og erfitt að velja á milli girnilegra tegunda. Krakkarnir voru
greinilega ánægðir með skólann, en tæplega eru þeir allir farnir að stunda nám f honum. Myndirráþ.
Grenvíkingar fagna nýju skólahúsi:
Það virðist sem 13 sé
örlagatala í sögu þessa húss
— segir Björn Ingólfsson skólasf jóri
,,Það virðist sem 13 sé örlaga-
taia í sögu þessa húss. Fyrsti
fundur byggingarnefndar var
haldinn 13. janúar. 13. fundur
nefndarinnar var haldinn dag-
inn, sem fyrsta skóflustungan
var tekin, en sá viðburður bar
upp á 13. september. Skólinn
var formlega tekinn í notkun
við skólasetningu í haust, 13.
október. Ef talið er saman allt
starfslið skólans þ.e. kennarar,
bílstjórar, ræstingakonur, og
skólanefnd, þá er það 13
manns. í haust var hafln hér
kennsla í 7. bekk, en í þann
bekk koma nemendurnir 13
ára. Það kemur að vísu ekki
byggingunni við, en svo merki-
lega vill til að einn af kennurum
skólans, Sigríður Sverrisdóttif,
hefur um þessar mundir kennt
við þennan skóla í samtals 13 ár
og í haust voru liðin 13 ár síðan
ég tók við starfl skólastjóra
hér.“
Þannig komst Björn Ingólfsson,
skólastjóri barnaskólans á Greni-
vík að orði, í ræðu er hann hélt s.l.
sunnudag, en þann dag fögnuðu
íbúar í Grýtubakkahreppi þeim
áfanga sem náðst hefur í skólamál-
um hreppsins. Fjöldi fólks kom í
nýja húsið, hlýddi á ræður og þáði
glæsilegar veitingar sem fram voru
bornar. Björn bætti því við að
sumir segðu að 13 væri óhappatala.
„Við skulum vona að svo verði
ekki hér heldur verði raunin þvert
á móti. Ef ég gæti vildi ég segja:
Mæli ég um og legg ég á að 13 verði
happatala Grenivíkurskóla.“
Saga nýja skólahússins á Greni-
vík er ekki löng. Þann 5. nóv. 1973
gerði skólanefnd Grýtubakka-
skólahverfis bókun á fundi sínum,
Bjöm Ingólfsson.
þar sem sagði m.a. að nú væri full-
komlega tímabært að hefja
byggingu nýs skóla í hreppnum. í
marsmánuði 1974 samþykkti
hreppsnefnd að hefja byrjunar-
framkvæmdir við skólabyggingu. I
ársbyrjun 1976 var Haukur Har-
aldsson, tæknifræðingur á Akur-
eyri ráðinn til að teikna húsið og
byggingarnefnd var skipuð í árs-
byrjun 1977. Þann 13. september
1977 var fyrsta skóflustungan
tekin. Pétur Axelsson, formaður
byggingarnefndar framkvæmdi at-
höfnina. Næsta ár tókst að Ijúka
við að steypa upp kjallarann og
veggi efri hæðar. Arið 1979 komst
húsið undir þak. I byrjun þessa árs
stóðu leikar þannig að múrverk var
langt komið á efri hæð og miðstöð
komin í allt húsið, en flest annað
vantaði. „Hér á efri hæðinni var
enginn milliveggur, engin raflögn,
engar hurðir, engin loft, engin ljós.
Það er því ljóst að hér hafa orðið
mikil stakkaskipti á þessu ári. Að
vísu er, eins og allir geta séð, ýmis-
legt sem á eftir að ljúka við. En
hvað sem því líður þá höfum við
hér í dag vel búið og glæsilegt
skólahús, sem við íbúar þessa
sveitarfélags getum verið stoltir
af,“ sagði Björn. „Þegar byrjað
var að teikna voru hér í skóla um 60
börn. Því var áætlað að hæfilegt
mundi að byggja hús sem rúmað'
gæti um 70 ncmendur frá forskóla
upp í 7. bekk. Nú fjórum árum
síðar er þessi nemendahópur orð-
inn 85. Nú vitum við ekki um
mannfjölgun hér á næstu árum
frekar en um aðra óorðna hluti, en
haldi svo áfram sem verið hefur hin
síðustu ár, þá verður þessi skóli
ekki ,,stór“ ncma fáein ár í við-
bót.“
Einnig tóku til máls Stefán Þórð-
arson, sveitarstjóri, Stefán Val-
geirsson, alþingismaður og Hall-
dór Blöndal, alþingismaður. Pétur
Axelsson stjórnaði athöfninni.
Það kom fram hjá Stefáni Þórð-
arsyni að sé byggingarkostnaður
færður til núvirðis er hann nálega
5,5 milljónir króna óg hefur ríkið
greitt um 40% af öllum kostnaði
við bygginguna. Húsið er 619 m á
tveimur hæðum eða alls 1238 m'
þar af 879 m skólahúsnæði. Það
pláss, sem ekki er byggt sem skóla-
húsnæði, er hluti af bókasafni og
óraðstafað rými í kjallara. Bygg-
ingameistari hússins er Þorgils Jó-
hannesson, Svalbarðseyri.
Hciðurskonan hún Sigrún í Höfða (önnur frá hægri) lét sig
ekki vanta á staðinn. Sigrún spurði Ijósmyndarann hvort hann
væri nokkuð að spila með sig þegar hann tók þriðju inyndina en
að sjálfsögðu var svarið neikvætt.
Nýi skólinn, vestur- og norðurhlið. Á litlu innfclldu myndinni má sjá gamla skóla
húsið.
8 - DAGUR - 12. nóvember 1981
MARKAREGN ER ÞOR
SIGRAÐI REYNISMENN
Og Þór hefur aðeins tapað
einu stigi í 3. deildinni
Leikur Þórs og Reynis frá
Sandgerði var að flestu leyti
frekar tilþrifalítill. Jafnræði
var með liðunum framan af og
í hálfleik var staðan 13 mörk
gegn 11, Þór í vil. Reynismenn
misstu alveg móðinn í seinni
hálfleik og Þórsarar unnu stó-
ran sigur, skoruðu 35 mörk
gegn 26.
Það voru Þórsarar sem tóku
forystuna í byrjun, 2-0, en
Reynismenn jöfnuðu og liðin
skiptust á um forystuna lengi
framan af. Þegar um 20 mín. voru
af leik, var staðan 7 gegn 6. Þá
tóku Þórsarar upp á því að taka
Guðmund Arna Stefánsson,
lang atkvæðamesta mann Reynis,
úr umferð. (Af 6 mörkum Reynis
hafði Guðmundur Arni skorað
4). Og það hafði sitt að segja.
Þórsarar fóru að síga framúr og
náðu fjögurra marka forskoti.
Sem Reynismenn náðu að
minnka í tvö mörk áður en
flautað var til hlés —13 gegn 11.
Þórsarar héldu uppteknum
hætti í seinni hálfleik — gættu
Guðmundar Árna vel, og sá Rún-
ar Steingrímsson um gæsluna.
Reynismenn virtust hálfvegis
hafa misst áttirnar, og Þórsarar
gengu á lagið og juku forskot sitt
jafnt og þétt. Um miðjan hálf-
leikinn voru þeir komnir sjö
mörk yfir, 23 — 16. Svo til Guð-
mundar Árnalausir Reynismenn
fengu enga rönd við reist og Þórs-
arar bættu enn við muninn og
unnu stóran sigur, með níu
marka mun—35 gegn 26.
Þórsarar skiptu nokkuð
bróðurlega með sér markaskor-
uninni, mest skoraði Guðjón, 7
mörk.
Guðmundur Árni var af-
gerandi bestur Reynismanna, en
eins og fyrirskrifað er, naut hann
sín ekki til fulls í leiknum, skoraði
þó9mörk.
tapaði
Ekki tókst Dalvíkingunum að
sigra Reyni í leik liðanna um
helgina, og hafa Dalvíking-
arnir enn ekki hlotið stig í 3.
deildinni.
Þeir töpuðu fyrir Reynis-
mönnum með 20 mörkum gegn
25 eftir að Reynis-menn höfðu
leitt í hálfleik 14:12. Enn leikur
Magnús Guðmundsson þjálfari
Dalvíkinganna ekki með liðinu,
hann á í meiðslum og er óvíst
hvort hann verður með fyrr en
eftir áramótin.
Ámi Stefánsson skorar skemmtjlega af línunni, í leik Þórs og Reynis. (Ljósmynd KGA.)
Óvíst með úrslitin
í 2. aldursflokki
Knattspyrnuráð Akureyrar
hefur sent frá sér eftirfarandi
fréttatilky nningu:
„Knattspyrnuráð Akureyrar
gerir kunnugt hér með að þar sem
kærumál fyrir Héraðsdómi ÍBA
er enn óútkljáð hver er sigurve-
gari í 2. flokki karla í Akureyrar-
móti 1981.
Fyrir þá sem ekki eru máli
þessu kunnugir greinir á um það
hvort 2. flokkur Þórs hafi unnið
Akureyrarmeistaratitil á hag-
stæðara markahlutfalli og þar af
leiðandi úrslitaleikur er K.A.
vann gagnslaus varðandi úrslit
móts þessa.“
f.h.K.R.A.
Marinó Viborg Marinósson,
formaður.
Liðin léku 2 leiki í Akureyrar-
mótinu og unnu sitt hvorn, en Þór
hafði hagstæðara markahlutfail.
Þriðji leikurinn var settur á og þá
sigraði KA með einúmarki. Hin-
svegar telja Þórsarar að reglur
segi til um að markahlutfall ráði
verði lið jöfn að stigum eftir 2
leiki og því kærðu þeir úrslit
þriðja leiksins sem þeir telja að
hafi verið óþarfi að leika. Kæra
þeirra hcfur ekki hlotið af-
greiðslu, en Knattspyrnuráð
afhenti KA sigurlaunin í hófi á
dögunum.
Fyrstu deildar lið UMSE í blaki
lék um helgina í Reykjavík við
Víking. Eyfirðingarnir töpuðu
öllum hrinunum, og áttu mjög
slæman leik að þessu sinni.
„Það gekk ekkert upp hjá okk-
ur að þessu sinni," sagði einn
leikmanna UMSE eftir leikinn.
Á sunnudag léku tveir Eyfirð-
ingar í úrvalsliði Blaksambands-
ins gegn norska liðinu KFUM
Osló.
Það voru þeir Aðalsteinn
Bernharðsson og Stefán Magnús-
son.
Ólafsfirðingarnir
settu heimsmet
Ólafsfirðingar héldu upp á það
um helgina að iþróttafélagið
Leiftur á Ólafsfirði er 50 ára
um þessar mundir. Þess var
minnst með íþróttasýningum
ýmissa flokka félagsins, og svo
var öllum Ólafsfirðingum
boðið til kaffisamsætis í
Tjarnarborg.
Hápunktur hátíðarhaldanna
var þó sá að skíðagöngumenn
Leifturs hófu boðgöngu á föstu-
dagsmorguninn kl. 08.00 og
gengu stanslaust í 36 kl.st. eða til
kl. 20.00 á laugardagskvöldið.
Það voru sex göngumenn á
aldrinum 17 til 23 ára sem gengu í
eina klukkustund hver. Þeir
höfðu gott skíðafæri og gengu
samtals 746 kílómetra, og gekk
hver maður um 20 km á kl.st. sem
er mjög góður gönguhraði.
Margir Ólafsfirðingar höfðu
heitið á íþróttafélagið 10 aurum á
hvern kílómeter sem genginn var.
og með þessu söfnuðu strákarnir
töluverðum peningum fyrir félag
sitt. Þetta sama gerðu göngumenn
frá Ólafsfirði árið 1979 en þá
gengu fjórir menn samtals 510
km, eða svipuð vegalengd og frá
Ólafsfirði og til Reykjavíktir.
Þetta afrek Ólafsfirðinganna
mun vera heimsniet. þvi svona
löng boðganga mun ekki hafa
áður verið gengin á skiðum.
USME
Enn
tapar
Dalvík

12. nóvember 1981 - DAGUR - 9