Dagur - 20.07.1984, Blaðsíða 13

20.JÚIÍ 1984 - DAGUR - 13
„Ég á ekki til orð yfir
þetta, “ sagði Ormarr
Örlygsson eftir leik KA
og Þróttar í 8 liða úr-
slitum Bikarkeppni
KSÍ á Akureyri á mið-
vikudagskvöldið. „Eft-
ir alla þá miklu baráttu
sem við náðum upp eft-
ir þessi mörk þeirra,
var grátlegt að tapa í
vítaspyrnukeppninni. “
Já, þaö var sannkölluð bikar-
stemmning á leiknum og hinir
947 áhorfendur fengu fullan
skammt af bikarleik, með fram-
lengingu og vítaspyrnukeppni.
KA lék undan þéttri sunnan-
golu í fyrri hálfleik, en það voru
leikmenn Þróttar sem náðu fljót-
lega yfirhöndinni í leiknum.
Strax á 7. mín. voru KA-menn
heppnir að fá ekki á sig mark,
Daði Harðarson komst þá í gegn-
um sofandi vörn KA, en fast skot
hans fór í stöngina innanverða og
út. Yfirburðir Þróttara í fyrri
hálfleik voru miklir, þeir léku vel
saman og alla baráttu vantaði í
leikmenn KA-liðsins. Erlingur
bjargaði á línu og oft skall hurð
nærri hælum við mark KA, en
fyrri hálfleik lauk þó án þess að
mark væri skorað og vart hægt að
segja að KA hafi átt eina einustu
sókn af viti í hálfleiknum. Leik-
menn allt of seinir að losa sig við
boltann og náðu því ekki upp
neinu spili.
Síðari hálfleikurinn hófst eins
og þeim fyrri lauk og mark Þrótt-
ara lá í loftinu. Á 15. mín. skaut
Daði að marki KA af mjög löngu
færi, skotið virtist meinlaust og
Þorvaldur markvörður hafði
auga á boltanum og virtist ætla að
taka hann, en hætti við, taldi
boltann fara framhjá stönginni
utanverðri. Þar misreiknaði hann
sig hrapallega því boltinn smaug
inn með stönginni í mark. KA-
menn hófu leik á miðjunni, en
misstu strax boltann og Pétur
Arnþórsson lék upp að vítateig
og skaut að marki KA, Þorvaldur
kraup niður og hugðist grípa
knöttinn, en það var sem hann
væri með lifandi lax í höndunum
og boltinn skrúfaðist yfir hann og
í netið. Þróttur hafði því skorað
tvö mörk á sömu mínútunni,
bæði sorglega ódýr. En við þetta
var sem losnaði um einhverja
pressu hjá KA-liðinu og það fór
að berjast af viti í fyrsta sinn f
leiknum. Smám saman náðu KA-
Með þrumuskoti frá marktcigshorni sendi Ásbjörn boltann í mark Þróttar, fyrsta mark KA í leiknum.
Mynd: KGA.
Heppnin var ekki
með KA gegn Þrótd
- Tvö klaufamörk og síðan tvö víti í stengurnar í vítaspyrnukeppninni
menn undirtökum í leiknum og
náðu að minnka muninn á 20.
mín. þegar Ormarr tók auka-
spyrnu rétt utan vítateigs, sendi
inn á Erling sem skallaði áfram
fyrir fætur Ásbirni sem sendi
knöttinn viðstöðulaust í mark
Þróttar með glæsilegu skoti.
Þegar um 15 mín. voru til
leiksloka var Bjarna Jóhannssyni
og Hinrik skipt inn á og höfðu
þeir góð áhrif á liðið og sóknin
þyngdist. Þegar um 10 mín. voru
til leiksloka jafnaði KA með
glæsilegu marki. Njáll Eiðsson
vann boltann á eigin vallarhelm-
ingi, lék fram og af um 25 m færi
sendi hann knöttinn efst í mark-
hornið hjá Þrótti með þrumu-
skoti. Ekki skoruð fleiri mörk
áður en venjulegum leiktíma
lauk og þurfti því að framlengja
leikinn um 2x15 mín. Þreyta var
farin að segja til sín hjá leik-
mönnum og ekki mikil knatt-
spyrna leikin í framlengingunni,
en mikið um kýlingar og miðju-
þóf. Besta tækifærið í framleng-
ingunni fékk KA strax á 5. mín.
eftir aukaspyrnu frá Ormari,
Njáll átti þá skalla að marki sem
markvörður Þróttar bjargaði
naumlega í horn.
Framlengingunni lauk án þess
að mark væri skorað og því tekið
til við vítaspyrnukeppni. Björn
skoraði fyrir Þrótt úr fyrstu
spyrnunni. Hinrik tók fyrsta víti
KÁ, en hörkuskot hans fór í
stöng og Þróttur tók því forystu.
Þorvaldur skoraði fyrir Þrótt, og
Ormarr svaraði fyrir KA. Þriðju
spyrnu Þróttar tók Kristján og
skoraði, en Ásbjörn skoraði
einnig fyrir KA. Arsæll skoraði
því næst fyrir Þrótt og Njáll svar-
aði fyrir KA. Þá var komið að
fimmtu og síðustu spyrnu Þróttar
Markasúpa á Húsavík
— Völsungur steinlá fyrir Fram
og með því að skora gat Daði
tryggt þeim sigur í leiknum, en
Þorvaldur í marki KA varði
glæsilega. Bjarni Jóhannsson
fékk það erfiða verkefni að taka
síðustu spyrnu KA og jafna,
þannig að haldið yrði áfram, en
skot hans fór í þverslá og lauk
þar með þátttöku KA í Bikar-
keppninni að þessu sinni. Þróttur
sigraði með 6 mörkum gegn 5.
Þegar á heildina er litið var
sigur Þróttar sanngjarn í
leiknum, þeir léku betur, en KA-
menn náðu þó að rífa sig upp og
í lokin gat sigurinn allt eins orðið
þeirra. Bjarni Jónsson var lang-
bestur í íiði KA í þessum leik,
Ásbjörn lék einnig mjög vel, en
úthaldið brást í lokin. Njáll og
Ormarr sóttu sig er á leið og
Hinrik var hættulegur eftir að
hann kom inn á. Þorvaldur mark-
vörður átti að geta komið í veg
fyrir bæði mörk Þróttar, en þrátt
fyrir mistök sín brotnaði hann
ekki niður heldur efldist og varði
oft vel í lokakaflanum.
Hjá Þrótti voru Pétur Arnþórs-
son og bakvörðurinn Kristján
Jónsson mjög góðir.
Friðjón Eðvarðsson
leikinn vel.
dæmdi
Bjami vann
Um síðustu helgi fór fram á
Siglufirði svonefnd Sparisjóðs-
mót í golfi. Leiknar voru 18 holur
með forgjöf og sigraði Bjarni
Harðarson á 65 höggum og hlaut
að launum Sparisjóðsbikarinn,
en þetta er eitt helsta golfmót
þeirra Siglfirðinga.
Þór tapaði
í 2. flokki
Á mánudagskvöldið léku Vík-
ingur og Þór í 2. flokki á ís-
landsmótinu í knattspyrnu og
fór leikurinn fram í Reykjavík.
Víkingur sigraði í leiknum
með þrem mörkum gegn einu.
Mark Þórsara skoraði Einar
Áskelsson. Eftir góða byrjun í
mótinu hafa Þórsarar nú lækkað
flugið eftir tvo tapleiki í röð.
KS sigur á
Vopnaftrði
„Það er nú best að gleyma
þessum leik sem fyrst, hann
var algjör martröð,“ sagði
Hafliði Jósteinsson á Húsavík
eftir að Fram hafði sigrað
Völsunga með sjö mörkum
gegn engu í 8-liða úrslitum
Bikarkeppni KSÍ á miðviku-
dagskvöldið í leik á Húsavík.
„Leikurinn var þó í jafnvægi
fyrstu 15 mín. og á fyrstu mínút-
unum fékk Helgi Helgason
dauðafæri sem hann misnotaði,
en síðan tóku leikmenn l.-deild-
arliðs Fram smám saman völdin
og sýndu hver munurinn er á 1.
og 2. deild. Fyrsta markið kom á
30. mín. Kristinn Jónsson skor-
aði með góðu skoti og á 43. mín.
bæta Frammarar við öðru marki
sínu, Guðmundur Steinsson
skoraði, að vísu kolrangstæður."
Þannig var staðan í hálfleik 2:0
Fram í vil. „Þetta fór rólega í
gang aftur í síðari hálfleik, en
síðan tóku þeir öll völd í
leiknum," sagði Hafliði. „Á 60.
mín. skoraði Guðmundur Torfa
með skalla, 3:0 og á 75. mín.
bætti nafni hans Steinsson fjórða
markinu við, einnig með skalla
og við misstum móðinn. Viðar
Þorkelsson skoraði síðan á 85.
mín. eitt fallegasta mark sem sést
hefur á Húsavík. Það kom send-
ing á lofti sem hann afgreiddi
með viðstöðulausu skoti frá víta-
teig, stórkostlegt mark. Kristinn
skoraði 6. markið á 88. mín. og
síðasta orðið átti Guðmundur
Steinsson með marki úr víta-
spyrnu í lokin. Rétt áður en
flautað var til leiksloka björguðu
Frammarar á línu og greinilegt
að boltinn átti ekki að fara í netið
hjá þeim í þessum leik.“ Að sögn
Hafliða léku Frammarar við
hvern sinn fingur í leiknum og ef
þeir leika þannig áfram ættu þeir
að komast í úrslit Bikarkeppn-
innar. Þeirra besti maður í
leiknum var Viðar Þorkelsson,
en langbestur leikmanna
Völsungs var markvörðurinn,
Gunnar Straumland, sem þrátt
fyrir að fá á sig sjö mörk bjargaði
liði sínu frá enn stærra tapi í
leiknum.
Á miðvikudagskvöldið fór fram
á Vopnafirði leikur Einherja og
KS í 2. deild íslandsmótsins í
knattspyrnu, en þessum leik
hafði tvívegis verið frestað áður.
Siglfirðingar sigruðu í leiknum
með einu marki gegn engu og
skoraði Óli Agnarsson mark
þeirra í upphafi síðari hálfleiks.
Að sögn var leikurinn mjög jafn
og voru heimamenn óhressir með
tapið sem þeir töldu ekki
sanngjarnt. Við sigurinn í
leiknum batnaði staða KS veru-
lega í deildinni og eru þeir nú til
alls líklegir. Um helgina leika
þeir heima gegn liði ÍBV og með
sigri í þeim leik eru þeir komnir í
baráttuna um efstu sætin í deild-
inni.