Dagur - 24.04.1985, Blaðsíða 4

4 - DAGUR - 24. apríl 1985
ÚTGEFANDI: ÚTGÁFUFÉLAG DAGS
SKRIFSTOFUR:
STRANDGATA 31, PÓSTHÓLF 58, AKUREYRI
SlMI:. 24222
ÁSKRIFT KR. 200 Á MÁNUÐI
LAUSASÖLUVERÐ 28 KR.
RITSTJÓRI OG ÁBYRGÐARMAÐUR:
HERMANN SVEINBJÖRNSSON
RITSTJÓRNARFULLTRÚI:
GÍSLI SIGURGEIRSSON
BLAÐAMENN:
EIRlKUR ST. EIRlKSSON OG GYLFI KRISTJÁNSSON
AUGLÝSINGASTJÓRI: FRlMANN FRlMANNSSON
ÚTBREIÐSLUSTJÓRI:
HAFDÍS FREYJA RÖGNVALDSDÓTTIR, HEIMASlMI: 25165
FRAMKVÆMDASTJÓRI: JÓHANN KARL SIGURÐSSON
PRENTUN: DAGSPRENT HF.
Nýjungar í
vegagerð
Tilboð fyrirtækisins Hagvirkis í að leggja
bundið slitlag á þjóðveginn milli Akureyrar
og Reykjavíkur fyrir u.þ.b. 3A af kostnaðar-
verði og á skömmum tíma hefur vakið verð-
skuldaða athygli, ekki síst vegna þess að
fyrirtækið segist geta unnið verkið á 30
mánuðum. Samkvæmt núgildandi lang-
tímavegaáætlun er ekki gert ráð fyrir því að
verkinu ljúki fyrr en árið 1994. Þar af er gert
ráð fyrir að verulegur hluti verksins verði
unninn eftir 1990.
Tæknideild Vegagerðarinnar og vega-
málastjóri hafa sett sig upp á móti þessu
tilboði. Það hefur samgönguráðherra líka
gert enda er hann vanur því að slík verk
séu unnin á mörgum árum og af mörgum
verktökum. Sjónarmið ráðherra eru út af
fyrir sig skiljanleg. Það er verkefni pólitík-
usa að sjá um að skipta kökunni á milli
manna og það væri ekki vel séð út á við að
fá einu fyrirtæki þetta verkefni.
Sjónarmið tæknideildar Vegagerðarinnar
og vegamálastjóra eru hins vegar allt
önnur. Það hefur berlega komið í ljós á síð-
ustu misserum að kostnaðaráætlanir
tæknideildar eru mjög umdeilanlegar.
Dæmin eru mýmörg og nægir þar að nefna
að nú vinna norðlensk fyrirtæki við gerð
annars áfanga Leiruvegar fyrir um 48 prós-
ent af kostnaðaráætlun tæknideildarinnar.
Aðilarnir sem vinna að öðrum áfanga
Leiruvegarins og eru á góðri leið með að
spara þjóðarbúinu milljónir króna, hafa
einnig blandað sér í umræðuna um lagn-
ingu bundins slitlags á þjóðveginn milli
Akureyrar og Reykjavíkur. Þeir telja af
skiljanlegum ástæðum ófært að Hagvirki
sitji eitt að kökunni og benda raunar á að
hægt sé að vinna verkið fyrir 65 prósent af
kostnaðaráætlun.
Þjóð sem á allt sitt undir samgöngum á
kröfu á því að hlustað sé á menn sem hafa
aflað sér reynslu á þessu sviði og hafa vit á
málum. Óþarfi er að færa einu fyrirtæki
þetta verkefni. Þrjú til fjögur stór fyrirtæki
auk smærri undirverktaka geta unnið það.
Svo kann að fara að menn verði að gera sér
grein fyrir því að nýr dagur er runninn upp
í íslenskri vegagerð.
Framsóknarflokkurinn:
Stjómmálaályktun
miðstjórnarfundar
Miðstjórnarfundur Framsóknar-
flokksins haldinn í Reykjavík
19.-21. apríl 1985, minnir á kjör-
orð flokksins fyrir síðustu kosn-
ingar: Festa, sókn, framtíð.
• Þrátt fyrir gífurlegt atvinnu-
leysi í nágrannalöndum okkar
hefur tekist að standa við fyrir-
heit flokksins. ísland án at-
vinnuleysis.
• Þrátt fyrir óvenjuerfiðar að-
stæður hefur ríkisstjórn undir
forystu Framsóknarflokksins
tekist að ná verðbólgunni
niður. Verðbólgan er nú um
20%.
í mörgum málaflokkum hefur
verulegur árangur náðst. Fundur-
inn minnir á eftirfarandi:
• Forsætisráðherra hefur haft
frumkvæði að tímamótatil-
lögum um nýsköpun atvinnu-
lífsins.
• Sjávarútvegsráðherra hefur
beitt sér fyrir markvissri fjár-
hagslegri endurskipulagningu
í sjávarútvegi og sameinað
hagsmunaaðila um viðkvæma
kerfisbreytingu við stjórnun
fiskveiða sem áþreifanlega
hefur bætt afkomu sjávarút-
vegsins við erfiðar aðstæður.
• Landbúnaðarráðherra hefur
kynnt frumvarp um endur-
skipulagningu á framleiðslu-
og sölumálum landbúnaðarins
sem felur í sér róttækar breyt-
ingar og verulegan stuðning
við nýjar búgreinar.
• Félagsmálaráðherra hefur
unnið markvisst að því að
mæta greiðsluvanda húsbyggj-
enda, m.a. með ráðgjafaþjón-
ustu og viðbótarlánum hjá
Húsnæðisstofnun ríkisins.
Hann hefur lagt fram fast-
mótaðar tillögur um greiðslu-
jöfnun fasteignalána, skatt-
frádrátt vegna húsnæðis og
sett nýjar útlánareglur hús-
næðislána.
Framsóknarflokkurinn mun
hér eftir sem hingað til starfa af
fullum heilindum í ríkisstjórn og
leggur m.a. áherslu á eftirfarandi
atriði.
• Menntakerfið þarf að endur-
skipuleggja þannig að það búi
komandi kynslóðir undir þá
framtíð sem ný viðhorf í at-
vinnurekstri og upplýsinga-
tækni krefjast.
• Utanríkisþjónusta lands-
manna verður í auknum mæli
að sinna viðskipta- og mark-
aðsmálum í þágu atvinnulífs-
ins.
• Hagræðing og sparnaður í
kostnaðarsömustu þáttum í
ríkisrekstri og bankakerfi er
löngu orðið tímabært.
Höfuðviðfangsefni íslenskra
stjórnmála er að varðveita frjálst
velferðarþjóðfélag á íslandi þar
sem manngildi er metið ofar auð-
gildi og þjóðfélagslegt réttlæti
ríkir.
Fundurinn varar sterklega við
blindri trú á öfgakenndar kenni-
setningar frjálshyggju og sósíal-
isma. Oftrú á eitt rekstrarform í
atvinnulífinu er andstætt grund-
vallaratriðum í stefnu Framsókn-
arflokksins. Flokkurinn mun
standa vörð um meginstoðir
blandaðs hagkerfis sem felst í
heilbrigðu einkaframtaki, öflug-
um samvinnufélögum og hag-
kvæmum opinberum rekstri þar
sem hans er þörf.
Framsóknarflokkurinn telur
mikilvægara en nokkru sinni fyrr
að með samráði aðila vinnumark-
aðarins og ríkisvaldsins takist að
jafna launakjör og aðstöðu fólks-
ins í landinu. Sérstaka áherslu
leggur flokkurinn á að bæta kjör
þeirra, sem við lökust lífskjör
búa.
Flokkurinn telur að þróun vaxta-
mála hafi farið úr böndum. Fund-
urinn telur því brýnt, bæði vegna
einstaklinga og atvinnulífs að
vaxtastefnan verði endurskoðuð
með hóflega raunvexti að mark-
miði.
Á mörgum sviðum leika nýir
straumar um þjóðlífið. Á mið-
stjórnarfundi á Akureyri á síð-
asta ári lagði Framsóknarflokk-
urinn pólitískan grunn að þeirri
nýsköpun sem nú er að hefjast í
atvinnumálum íslendinga. Þar
ber hæst tillögur um að 500 millj.
kr. af ríkisfé verði varið til ný-
sköpunar.
Nú þegar þessar hugmyndir
eru að ná fram telur Framsókn-
arflokkurinn tímabært að taka
næsta skref til aðstoðar fyrirtækj-
um sem teljast til nýsköpunar í
atvinnulífi og selja á erlendan
markað.
• Aðflutningsgjöld og sölu-
skattur af stofnkostnaði verði
felld niður.
• Tekjuskattur verði felldur
niður í 5 ár.
• Söluskattur og verðjöfnunar-
gjald af raforku verði sömu-
leiðis felld niður.
• Með beinum skattafrádrætti
og/eða mótframlagi úr ríkis-
sjóði verði hvatt til aukinnar
rannsóknar- og þróunarstarf-
semi fyrirtækja.
• Leitað verði leiða til að örva
samvinnu innlendra og er-
lendra fyrirtækja í nýjum at-
vinnugreinum þar sem íslend-
ingar geta öðlast reynslu og
þekkingu á sviði háþróaðrar
tækni og markaðsmála.
• Komið verði á fót samkeppnis-
og útflutningslánakerfi sam-
bærilegu því sem erlendir sam-
keppnisaðilar njóta.
• Lög um ríkisábyrgðir verði
endurskoðuð þannig að ríkis-
ábyrgðakerfmu megi beita til
hvatningar nýsköpunar í at-
vinnulífi.
Með fyrri tillögum um ný-
sköpun atvinnulífsins og því
framfaraskrefi sem flokkurinn
vill nú að verði stigið telur hann
traustan grunn vera lagðan að
nýju tímabili í atvinnumálum ís-
lendinga til framfara um land
allt.
Sókn til betri framtíðar er
hafin. Sú sókn er undir forystu
Framsóknarflokksins.
Aðalfundur Osta- og smjörsölunnar:
Heildarveltuaukning
nam 39 prósentum
Aðalfundur Osta- og smjörsöl-
unnar sf. var haldinn föstudag-
inn 22. mars. Þar fluttu skýrsl-
ur þeir Erlendur Einarsson
forstjóri, stjórnarformaður
fyrirtækisins, og Óskar H.
Gunnarsson framkvæmda-
stjóri þess. Einnig var þar að
vanda lögð fram prentuð árs-
skýrsla fyrir árið 1984. Líka
flutti Reynir Kristinsson rekstr-
arráðgjafi hjá Hagvangi erindi
þar og fjallaði um skipulagningu
og hagkvæmni í mjólkurfram-
leiðslu. Fundinn sátu hátt í 50
manns samkvæmt upplýsing-
um Sambandsfrétta.
Það kom fram á fundinum að
á síðasta ári nam innvegið mjólk-
urmagn til mjólkursamlaganna
108,4 milljónum lítra og er það
um 1,9% aukning frá 1983. Sala
osta jókst á árinu um tæp 4,3% á
öllu landinu og nam um 2.154
tonnum, en það er aukning um
nálægt 89 tonn frá fyrra ári.
Meðalneysla á íbúa í landinu af
ostum nam um 9,2 kg, á móti 8,8
kg árið á undan. Heildarsala á
smjöri var um 856 tonn, og er
það 6,7% samdráttur frá fyrra
ári. Sala á smjörva var hins vegar
um 460 tonn, og nemur sölu-
aukning hans 15% milli áranna.
Meðalneysla á íbúa var 3,6 kg af
smjöri, samanborið við 3,93 kg
árið á undan, og 1,95 kg af
smjörva, en var 1,7 kg 1983.
Samtals hefur því hver landsmað-
ur neytt 5,55 kg af þessum tveim
vörutegundum á árinu 1984, á
móti 5,63 kg árið á undan.
Á síðasta ári tók Osta- og
smjöráalan við þeim útflutningi
mjólkurvara sem áður var í
höndum Búvörudeildar Sam-
bandsins. Af osti voru flutt út um
1.000 tonn 1984, á móti 585 tonn-
um 1983. Af kaseini voru flutt út
75 tonn, en 195 tonn 1983. All-
mikið var unnið að rannsóknum
og framleiðslueftirliti hvers kon-
ar á árinu, og fræðslustarfsemi
var öflug að vanda. Þrjár nýjar
tegundir bræddra osta komu á
markaðinn, þ.e. humarostur,
skinkuostur og fjörostur, sem er
bræddur ostur með hangikjöts-
bitum, og náðu einkum hinar
tvær fyrrnefndu ágætri sölu.
Heildarvelta Osta- og smjör-
sölunnar nam 940,8 milljónum,
og jókst hún um rúm 39% á ár-
inu. Endurgreidd umboðslaun
voru 22,9 milljónir króna.
í stjórn Osta- og smjörsölunn-
ar sitja þeir Erlendur Einarsson
forstjóri, formaður, Grétar Sím-
onarson mjólkurbússtjóri, vara-
formaður, Teitur Björnsson
bóndi, ritari, Vífill Búason bóndi
og Vernharður Sveinsson fyrrv.
mjólkursamlagsstjóri.