Dagur - 15.11.1985, Blaðsíða 9

15. nóvember 1985 - DAGUR - 9
Mynd: - KGA.
;röllið“ Arthúr Bogason í helgarviðtali
„Sérfrœðingur“ frá Evrópu
- Hvar varstu í Bandaríkjunum?
„í Dayton í Ohio. Ágætri borg. Ég fór í
vinnu strax og ég kom þangað. Larry átti hlut í
stórri heilsuræktarsamsteypu í landinu sem
heitir „New life“ og komst ég í vinnu þar. Það
var einnig mikil heppni því það voru vandræði
með atvinnuleyfi, slíkt hafði ég ekki. En þeir
voru fljótir að koma auga á glufu í því kerfinu.
Þeir settu mig á námskeið í heilsurækt og í að
setja upp æfingar fyrir fólk með mismunandi
langanir í sambandi við heilsurækt. Sumir vilja
grenna sig um mittið, aðrir vilja styrkja sig og
þar fram eftir götunum. Eftir námskeiðið var
útbúið heilmikið skjal, sem sannaði að ég væri
evrópskur sérfræðingur í heilsurækt og væri
sem slíkur að vinna við heilsuræktarstöðvarn-
ar.“ Nú hlær Arthúr innilega og segir: „Peir eru
góðir. Þannig vann ég sem evrópskur sérfræð-
ingur allan þennan tíma, eða þessa 7 mánuði
sem ég var þarna, án þess að „skatturinn“ skipti
sér nokkuð af þessu, eða sæi nokkuð athuga-
vert við þennan sérfræðing frá íslandi. Við vor-
um búnir að hlæja mikið að þessu, en þetta var
pottþétt."
- Fórstu til Bandaríkjanna vegna þess að þú
fékkst ekki nóg út úr lyftingunum hér heima?
„Það má til sanns vegar færa. Ég fór út, í og
með vegna þess að staðan var þannig hjá mér
hér heima að ég hafði enga samkeppni. Jón Páll
var að koma upp á þessum tíma, en hann var í
Reykjavík og ég á Akureyri svo það gekk ekki.
Auk þess langaði mig til að víkka sjóndeildar-
hringinn svo um munaði. Ég sé svo sannarlega
ekki eftir því, vegna þess að þessi dvöl mín ytra
sýndi mér hversu miklar vitleysur við vorum oft
að gera hér heima í sambandi við æfingar.
Bandaríkjamenn vinna þetta mjög skipulega.
Enda eru þeir framarlega í íþróttinni. Til marks
um það voru þeir byrjaðir, - á þeim tíma sem
ég var þarna, - að nota tölvur og láta þær
reikna út þyngdarhlutföll og annað í æfing-
unum. Einnig voru videómyndir skoðaðar
linnulaust eftir æfingarnar. Á þann hátt mátti
finna smáatriði sem gátu skipt sköpum í lyftu
hvers og eins.“
„Norðurhjaratröll“ og
bíladella
- Á þessum tíma varst þú kallaður Norður-
hjaratröllið vegna lyftinganna. Þú varst líka
þekktur sem bfladelíukarl og áttir glæsilegustu
og kraftmestu bíla á íslandi. Fylgdi bíladellan
þér til Bandaríkjanna?
„Dellan fylgdi mér ekki þangað. Ég átti
ósköp venjulegan amerískan bíl. Það var eng-
inn stæll á mér í bílamálunum, enda var það
ekki á dagskránni. Bílar eru hins vegar afskap-
lega athyglisverð fyrirbæri. Ég hafði áhuga
á góðum og kraftmiklum bílum og átti nokkra
slíka. Ég á mjög skemmtilegan bíl, SAAB
turbo. Pað er skemmtilegasti bíll sem ég hef
átt. Bíladella er eitt sem ég fer ekki í aftur, það
er ljóta dellan. Að ætla sér að fara að dunda í
bílskúrum það sem eftir er ævinnar. Það er eitt
af því sem kemur ekki til greina. Ég hef fylgst
með nokkrum vinum mínum sem eru enn í
þessu. Ég er alveg rasandi að þeir skuli ekki
vaxa upp úr þessu. Sérstaklega þegar það er
skoðað hvað það er glæpsamlega dýrt að standa
í þessu hér á íslandi. Ég mundi skilja þessa
stráka frekar ef þeir væru í Bandaríkjunum,
þar sem hægt er að fara í bílakirkjugarða og
kaupa góða hluti fyrir litla peninga. Þar var
hægt að kaupa nýlega bíla sem höfðu lent í
árekstri á hlægilegu verði. Þessir hlutir kosta of
fjár hér heirna."
- Hvernig hófst lyftingamannsferillinn hjá
Norðurhjaratröllinu?
„Pað var með ferilinn eins og margt annað í
lífinu, sem er tilviljun. Ég var eitt sinn staddur
hjá kunningja mínum í Reykjavík. Par kom í
heimsókn Gústaf Agnarsson sem þá var í topp-
formi sem lyftingamaður og á enn í dag íslenskt
met í ólympískum lyftingum. Þessi vinur minn
kynnti okkur frekar óvanalega, því hann sagði
við Gústaf: „Þetta er maðurinn sem á kraft-
mesta bíl á íslandi.“ Gústaf kippti sér lítið upp
við þetta og sagði: „Komdu blessaður ég er
maðurinn sem á kraftmesta líkama á íslandi.“
Við ræddum mikið um lyftingar og ég talaði um
svokölluð stofuheljarmenni sem verða sterkari
og sterkari eftir því sem þeir eru búnir að
drekka fleiri glös. Gústaf barðist á móti öllum
slíkum sögum og sagði þetta hugarburð,
það væru ekki til þessir sterku menn sem hvergi
kæmu fram. í dag er ég sammála þessu og tel að
slík heljarmenni séu ekki til. Ef svo skyldi vera,
þá vil ég fá þau fram á sjónarsviðið. Eftir þetta
samtal okkar skoraði Gústaf á mig að koma á
æfingu og sýna hvað í mér byggi. Eg hafði ekki
haldið því fram að ég væri sterkur og hafði slíkt
ekki á tilfinningunni. Ég var þá hlutfallslega
feitari en ég er nú og langaði að laga það. Á
æfinguna fór ég og hafði ekki þekkingu á neinu
sem lýtur að lyftingum, hvað þá þyngdum sem
menn voru að berjast við á stönginni. Fyrsta
lyftan var í hnébeygju og ég spuröi hversu oft
ég ætti að beygja mig með lóðið. Það var ein-
hver sem sagði mér að taka þetta tíu eða tólf
sinnum, sem ég og gerði. Þá kom í ljós að þetta
var sama þyngd og þessi vinur minn, sem
kynnti okkur Gústaf, hafði lyft um dagana.
Hann var þá sjálfur að æfa lyftingar í þeim til-
gangi að verða sterkur. Næst var ég settur í
réttstöðulyftu sem gekk mjög vel. Þá kom í ljós
að ég var frekar náttúrusterkur, eins og íslend-
ingar eru margir. Það kemur til af vinnu sem
menn hafa unnið, til dæmis sjómenn og margir
iðnaðarmenn sem hafa þetta náttúruafl. Eftir
þetta vaknaði örlítill áhugi á lyftingum og ég
fór að mæta á æfingar hér heima á Akureyri.
Eftir nokkra mánuði fór ég að lyfta þyngdum
sem voru í metklassa. Að vísu voru það engar
þyngdir á alþjóðlegan mælikvarða, en alla vega
það góðar að ekki þurfti að skammast sín fyrir
það hér heima. Eftir það varð ég óður og
stefndi að því að verða bestur, sem ég varð á
tímabili. Það er með lyftingar eins og margt
annað sem ég fæ áhuga á, að ég get ekki verið
í þessu nema stefna að ákveðnu marki. Það er
útilokað fyrir mig að vera að dútla í þessu mér
til heilsubótar. Eg gerði tilraun fyrir þremur
árum að lyfta mér til heilsubótar. Það gekk
ekki því óðara var ég farinn að æfa eins og ég
væri að fara á stórmót. Þetta tel ég galla við
mig, en ég er svona skapi farinn.“
Vit í vöðvum og
Grettir sterki
- Ýmsir halda því fram að lyftingamenn hafi
vitið í vöðvunum. Séu með öðrum orðum
heimskir. Hvað þykir þér um slík ummæli?
„Það er rakalaust kjaftæði að það sé sama-
semmerki milli þess að vera sterkur og vera
heimskur. Það hafa verið gerðar athuganir á
þessu, því þetta er ekki bara útbreiddur mis-
skilningur á íslandi, heldur út um allan heim.
Þessar tilraunir sýna svo ekki verður um villst,
að lyftingamenn hafa tiltölulega háa greindar-
vísitölu. Auðvitað eru til í hópi lyftingamanna
tröllheimskir menn, eins og í öðrum hópum
samfélagsins. Margir lyftingamenn eru lang-
skólagengnir og gegna ábyrgðarmiklum
stöðum, þannig get ég ekki fengið þetta heim
og saman, sagnir um vöðva ogvit. Ég hef kenn-
ingu sem tengist þessu rnáli. Það er í sambandi
við Gretti Ásmundarson hinn sterka, eins og
hann var kallaður og hefur hann vafalaust verið
vel að manni. Ég hef stúderað Grettissögu
nokkuð vel og komist að þeirri niðurstöðu að
Grettir var ekki afburða sterkur maður. Ég
heimfæri það við rannsóknir sem gerðar eru á
íþróttamönnum í dag. Við lestur Grettissögu
kemur fram að öll hans afrek eru unnin á sviði
þolrauna. Dæmi: Hann glímir við alla bændur í
Skagafirði. Það þarf til þess meiriháttar þol.
Hann berst víða við fjölda manns. Til þess þarf
þol. Hann hljóp langar leiðir eftir einum vit-
leysingi og nær honum í læk, tekur niður um
hann og rassskellir. Til þess þarf þol. Hann var
sem sagt óvenjuþolinn maður. Samfara því að
vera þolinn, var hann skynsamur. Þrátt fyrir
allt þetta var hann letingi, en áttaði sig á þessu
atriði, og þar af leiðandi sýnir hann hvergi tak-
mörk sín. Skynsemi hans ræður því að hann
sýnir aldrei hvar mörk hans eru. Þá segir sagan:
Það eru engin mörk. Nútímarannsóknir sýna
að menn sem eru þolnir, geta ekki verið mjög
sterkir í leiðinni. Þar af leiðir, að menn sem eru
sterkir, eru ekki mjög þolnir. Tökum hlaupara
sem dæmi. Þeir sem hlaupa stystu vegalengd-
irnar eru sterkastir. Þeir sem hlaupa lengstu
vegalengdirnar eru þolnastir, en jafnframt því
ekki nálægt því eins sterkir. Menn sem stunda
þolíþróttir mega hreinlega ekki samkvæmt for-
múlunni vera sterkir. Þess vegna blæs ég á að
Grettir hafi verið sterkur, hann var þolinn.“
gej-