Dagur - 26.09.1986, Blaðsíða 10
1Ó - DÁteÚR - 26. september 1986
Nýlega hefur lag eitt öðlast vin-
sældir. Það er skondið lag með
enn skondnari texta. Þetta lag
er flutt af manni nokkrum sem
nefnist Stanard Ridgway. Sá
nefnir sig Stan og lagið nefnir
hann nefnilega Camouflage.
Texti þessa með eindæmum
skemmtilega lags fjallar um
draug nokkurn sem hjálpar
ungum hermanni í Víetnam,
bjargar lífi hans, og hverfur svo
milli trjánna og sprenginganna.
Hermaðurinn ungi á nefnilega í
vök að verjast, eins og græn-
lenskur selur, einn mót mörgum
óvinum. Þá birtist við hlið hans
jötunvaxinn maður með skot-
færi og allegræjer og drepur
flesta óvinina. Síðan hlaupa
þeir kumpánar á brott í átt að
herbúðunum. Á leiðinni er ein-
hver af vondu köllunum svo
óforskammaður að skjóta á
unga hermanninn en þá stekkur
hinn jötunvaxni fram fyrir kúl-
una og grípur hana. Að lokum
sjá þeir búðirnar og þá hverfur
sá stóri. Þá verður þeim unga
að orði: - Ja, þetta var nú skrýt-
inn landgönguliði. Fyrr hafði sá
ungi spurt hann að nafni og
fengið svar um hæl: - Þeir kalla
mig Camouflage. í búðum sín-
um segir hann hinum her-
mönnunum farir sínar. Þá leiða
þeir hann að gröf í útjaðri her-
búðanna og segja: - Sjáðu
vinur, hér hvílir Camouflage,
dauður síðan í gær. Blessaður
vinurinn dó með þau orð á vör
að hann langaði áður en hann
hyrfi aö eilífu af þessari jörð, til
að bjarga sosum einum ungum
landgönguliða. Þannig endar
lagið þegar hermaðurinn ungi
þakkar þessurn látna vini sínum
velgjörðirnar og segir svo: - Ja,
þetta var sko skrýtinn land-
gönguliði. I bresku poppblaði er
Sounds nefnist var Stan
Ridgway tekinn tali. Þar kom
margt með endemum skemmti-
legt fram. Maðurinn var eitt sinn
fyrir ekki margt löngu í hljóm-
sveit sem nefndist Wall of
Voodoo. Hann hætti í henni og
í kjölfar þess fylgdu málaferli og
mikið þunglyndi. Til dæmis er
hann spurður eftir létt spjall um
lífið og tilveruna hvort hann hafi
aldrei verið þunglyndur.
„Jú, ég var hreint ofboðslega
deprimeraður eftir að ég hætti í
Wall of Voodoo. Jafnvel svo að
sjálfsmorði skaut upp í koll
mér.“
Einnig var spurt og spjallað
um þetta lag hans sem útlistað
var hér fyrir ofan. Hann var
spurður hvort hann héldi ekki að
fólk tæki fyrst og fremst eftir
Rambo-bragðinu af þessu lagi
og þess vegna væri það svo
vinsælt.
„Jú, töluvert hef ég nú hugs-
að um það. Sérstaklega vegna
bandarískra gagnrýnenda sem
hafa gefið mér þennan Rambo-
söngvara stimpil."
- Nú fóru Bandaríkjamenn
ofsalega flatt í Víetnam. Held-
urðu að þú sért, eins og svo
margir, að koma til móts við
hetjuímyndina sem er svo dýrk-
uð í USA og er þeim, Könun-
um. svo nauðsynleg síðan þeir
töpuðu, ha?
„Jú, sko, það sem mér finnst
um Víetnam kemur kannski
ekki svo mjög fram í textanum.
Mér fannst þetta alltaf vera, og
finnst enn, að þetta hafi verið
vitlaust stríð á vitlausum tíma á
vitlausum stað og stjórnað af
snarvitlausum rumpulýð. Það er
það sem ég hef svo oft minnst
á, hvernig það er ekki fólkið
sem á upptökin að stríði, heldur
stjórnvöld og sú stríðshyggja
sem fylgir öllum her, alls staðar.
Annars var það nú svo að þeg-
ar ég samdi lagið var allur fj...
að gerast í lífi mínu. Frændi
minn sem hafði verið í Víet-
nam, var nýlátinn af hjartaáfalli
og Kaninn rétt búinn að labba
sig inn í Grenada og ég hugs-
aði með mér: „Ja, hvað er eig-
inlega að ske“.“
- Trúirðu á ástina í nútíma
þjóðfélagi? (Án félagslegs
hreyfileika á grundvelli fastmót-
aðra væntinga og atferlis-
mynstraðrar rökhyggju).
„Jú, sei, sei. Hún er mér hið
fegursta í lífinu. Annars er ég
enginn sérfræðingur. Ég er
bara búinn að vera giftur í 10
ár.“
- Jæja, Stan. Trúirðu á
drauga, ha?
„Jú, ef við köfum djúpt í hlut-
ina þá er það bara heimska að
trúa ekki að eitthvað sííkt sé fyr-
ir hendi. Mig „dauð“langar að
hitta eins og einn draug. Sko,
við vitum ekkert hvort þetta er
fyrir hendi, eins og með
kennaralaunin."
- Að lokum Stan, hvers kon-
ar persóna ert þú?
„Jú, ætli ég sé ekki bara eins
konar trúður. Og se ...“
Vantar þig sjónvaip eða Video?
Eigum 9 gerðir af sjónvörpum og 4 gerðir af videó
f— —:... - - - —- -t )•— — 1 —1
)l"T fi^j pi*i y <=r ***** f
L VÍPgQ i
Video: Samsung 34.900.-stgr. Sharp 50.200.-«tgr. Goldstar 43.800.-stgr. General 40.800.-stgr. í m/fjarstýringu m/fjarstýringu m/fjarstýringu m/fjarstýringu
Hljómdeild
Vorumaðíaka
Rauðir, gulir, bláir,
gráir og hvítir
Verð aðeins
kr. 3.700.-