Dagur - 11.05.1988, Blaðsíða 7
11. maí 1988 - DAGUR - 7
tónlist
Frá tónleikunum á sunnudag.
Tónlistarskólinn á Akureyri:
Vortónleikar á
uppstigningardag
Aðrir og þriðju vortónleikar
verða haldnir á uppstigningar-
dag, fimmtudaginn 12. maí. Þeir
fyrri verða í Akureyrarkirkju kl.
17, en á þeim leika þrjár
strengjahljómsveitir skipaðar
eldri og yngri nemendum fjöl-
breytta efnisskrá undir stjórn
Mögnu Guðmundsdóttur, Mich-
ael J. Clarke og Nigel W. Lilli-
crap. Stærsta verkefni strengja-
sveitar eldri nemenda á þeim tón-
leikum er Brandenborgarkonsert
nr. 5 eftir J. S. Bach. Einleikarar
í því verki verða þær: Ásta Ósk-
arsdóttir á fiðlu, Margrét Stef-
ánsdóttir á flautu og Aðalheiður
Þorsteinsdóttir á píanó. Alls
koma 80 nemendur fram á tón-
leikunum.
Um kvöldið flytja söngnem-
endur innlend og erlend ein-
söngslög og dúetta í sal Tónlistar-
skólans og hefjast tónleikarnir kl.
20.30. Píanóleik annast Guðrún
A. Kristinsdóttir.
Þórarinn Stefánsson skrifar:
Qperutónleikar í
Iþróttaskemmunni
Kammerhljómsveit Akureyrar
og Tónlistarfélagið luku starfsári
sínu að þessu sinni með sameig-
inlegum óperutónleikum sem
fram fóru í íþróttaskemmunni sl.
sunnudag. Á tónleikunum voru
fluttar óperuaríur úr nokkrum
þekktum óperum, s.s. Carmen,
La Traviata og Rigoletto. Auk
þess voru tluttir forleikir eftir
Verdi og Suppe að ógleymdum
Sverðdansi Khachaturians. Flytj-
endur voru, auk kammersveitar-
innar, Elín Sigurvinsdóttir,
sópran, Þuríður Baldursdóttir,
mezzósópran, Páll Jóhannesson,
tenór og Michael J. Clarke,
barítón. Konsertmeistari var
Joseph Williams og stjórnandi
Roar Kvam.
Hljómsveitin opnaði tónleik-
ana með forleik að óperettunni
Létta riddaraliðið eftir Franz von
Suppe sem sennilega er hans
þekktasta verk. Þarna mæðir svo-
lítið á blásurum og skiluðu þeir
hlutverki sínu ágætlega eins og
reyndar hljómsveitin öll, þar sent
Roar Kvam hafði fulla stjórn á
öllu. Pað má kannski segja að
strax í upphafi tónleikanna hafi
komið fram sú hlið stjórnanda
sem hvað mest einkenndi Roar á
þes$um tónleikum, þ.e.a.s. rith-
misk stjórnun þar sem reynt var
að passa að allir væru samtaka og
í takt, og veitti stundum svo
sannarlega ekki af. Pað fór
minna fyrir fínlegum blæbrigð-
um í leik sveitarinnar og þess
saknaði ég svolítið. Þó vil ég
nefna Sverðdansinn sem mér
fannst takast einstaklega vel, þó
að sumir hljómsveitarmeðlima
hefðu átt í svolitlum erfiðleikum
með að fylgja slaginu.
Einsöngvararnir stóðu sig yfir-
leitt vel og söng Elín sérlega
smekklega og af miklu öryggi.
Þuríður náði þó ekki alveg nógu
góðum tökum á hlutverki sínu
sem Carmen, enda held ég að
Elín Sigurvinsdóttir, einsöngvari.
Myndir: TLV
það þurfi alveg sérstaka skapgerð
til að koma þessu hlutverki vel til
skila. Af einhverjum ástæðum
virkaði túlkun hennar ekki sann-
færandi. Páll átti stundum í
nokkrum erfiðleikum með að
fylgja hljómsveitinni en með
styrkri stjórn Roars komst hann
yfirleitt klakklaust í gegn.
Michael átti þokkalegan dag
en hann hefur minni raddstyrk en
hinir söngvararnir. Þetta háði
honum sérstaklega í kvartettin-
um úr Rigoletto eftir Verdi. Þar
kom greinilega í ljós að þau eru
ekki vön samsöng og var jafnvægi
á milli radda og stundum hljóm-
sveitar ekki gott, hvort sem um
er að kenna hljómburði hússins
eða einhverju öðru.
Þessir tónleikar voru haidnir í
samvinnu Kammersveitar Akur-
eyrar og Tónlistarfélagsins og
eins og kom fram í efnisskrá:
„Fer einkar vel á því að þessir
aðilar vinni saman.“ Þess væri
óskandi að sú samvinna héldi
áfram. ÞStef.
Kórinn, sem heimsækir Akureyri 12. og 13. maí.
Akureyri:
Norskur æskulýðskór
heldur tónleika
Norskur æskulýðskór skipaður
36 börnum, unglingum og undir-
leikurum heimsækir Akureyri 12.
og 13. maí.
Fyrra kvöldið verða tónleikar
kl. 20.30 í sal Hjálpræðishersins
að Hvannavöllum 10 og síðara
kvöldið söng- og hljómleikasam-
koma kl. 20.30 á sama stað.
Á dagskrá eru: Einsöngur,
tvísöngur, kvartett, barnakór og
unglingakór.
Allir eru hjartanlega velkomn-
ir. Hjálpræðisherinn.
Drögum úr hraða <£>
-ökum af skynsemi!
n.
11
Breyttur skilafrestur
Auglýsendur
takið eftir!
Frá og með 1. maí þurfa allar smáauglýsingar, 2ja dálka
auglýsingar og tilkynningar að berast auglýsingadeild
fyrir kl. 11.00 daginn fyrir útgáfudag, en ekki kl. 12.00
eins og verið hefur.
Einnig skal vakin athygli á að skila stórum auglýsingum,
þ.e. 3ja dálka eða stærri fyrir kl. 16.00, tveimur dögum fyrir
útgáfudag.
Augrlýsincradeild. DAGS