Dagur - 11.03.1989, Blaðsíða 1

TEKJUBRÉF
KJARABRÉF
FJARMAL P I N
5ÉRGREIN OKKAR
FJARFESTINGARFEL^GlDj
Ráðhústorgi 3, Akureyri
Það er ekkert á þessa veðurguði að treysta. Eg held ég taki enga áhættu og haldi mig bara inni í ylnum. Það er líka
fátt skemmtilegra en að horfa á mannlífið úr stofuglugganum! Mynd: tlv
Björgvin EA:
Einangrun
endurnýjuð
Áætlað er að viðgerð á Björg-
vini EA-311 ijúki í Flekkefjord
í Noregi í dag og hann haldi
áleiðis heiin á morgun. Til stóð
að gera við einangrun í lest til
bráðabirgða en ákveðið var að
ráðast í viðameiri viðgerðir en
til stóð sem fólust í því að
brjóta upp allt lestargólf
skipsins.
í ljós kom að einangrun í gólfi
var mjög léleg og þurfti að skipta
um hana svo og að endurnýja
gólfið. Að sögn Valdimars Braga-
sonar, útgerðarstjóra Útgerðar-
félags Dalvíkinga, bendir allt til
þess að lélegan fisk í síðasta túr
Björgvins, sem seldur var í V,-
Þýskalandi, megi rekja til lélegr-
ar cinangrunar í lcstargólfi. „Það
var korninn koltvísýrungur í ein-
angrun og því gaus upp óskapleg
fýla þegar gólfið var brotið upp,“
segir Valdimar.
Björgvin EA var afhentur
Útgerðarfélaginu í ágúst á liðnu
ári. Á honum er eins árs ábyrgð
og því ber skipsmíðastöðin í
Flekkefjord köstnað af endurbót-
um lestarinnar. „Lestin átti að
þola ísfisk og því verður ekki
annað sagt en hér sé á ferðinni
smíðagalli. Það leikur enginn vafi
á því að þessi viðgerð er í
ábyrgð,“ segir Valdimar Braga-
son. óþh
Fundur um ávana- og fíkniefni:
Neysla á amfetamíni og
kókaíni breiðist ört út
Síðastiiðið finuntudagskvöld
var haldinn opinn fundur um
ávana- og fikniefni í Alþýðu-
húsinu á Akureyri á vegum
foreldrasamtakanna Vímulaus
æska og Lionsklúbbanna á
Akureyri. Þessum fundi verða
gerð ítarleg skil í næstu viku,
en þarna komu fram margvís-
leg sjónarmið varðandi áfeng-
is- og fíkniefnaneyslu, sérstak-
lega á Akureyri.
Arnar Jensson, fulltrúi í fíkni-
efnadeild lögreglunnar í Reykja-
vík, upplýsti að á síðustu 10 árum
hefðu 86 einstaklingar í Eyja-
fjarðarsýslu verið kærðir fyrir
brot á lögum um ávana- og fíkni-
efni. Þar af voru 68 á Akureyri en
18 í nágrannabyggðarlögum.
Hann sagði að þetta gæti ekki tal-
ist mikið miðað við mörg önnur
sveitarfélög.
Ólafur H. Oddsson héraðs-
læknir sagði að það væri ástæða
til að vera hæfilega bjartsýnn
vegna ástandsins á Akureyri.
Samfélagið þar væri íhaldssamt,
þróunin hægari en víða annars
staðar og íþróttastarf mjög
öflugt. Þetta gæti, ásamt öðrum
þáttum, haldið útbreiðslu fíkni-
efna í lágmarki.
Arnar benti á að foreldrar yrðu
að vera á varðbergi og þeir þyrftu
- foreldrar hvattir til að vera á varðbergi
að þekkju einkenni fíkniefna-
neyslu og þau áhöld sem notuð
eru við neysluna. Hann sagði að
örvandi efni á borð við amfeta-
mín og kókaín væru í sókn, þau
hefðu lækkað í verði og breiddust
ört út. Afleiðingar þessa mætti
síðan sjá í aukinni tíðni ofbeldis
og glæpa.
Ingjaldur Arnþórsson, starfs-
maður SÁÁ-N, fjallaði m.a. um
afneitun foreldra. Hann nefndi
dæmi af móður 18 ára pilts, en
hann var kominn úr tengslum við
samfélagið vegna fíkniefna-
neyslu. Þegar rætt var við móður-
ina vildi hún hins vegar ekki
kannast við það að sonur hennar
ætti í neinum vandræðum með
fíkniefni. Vandamálið var ekki
viðurkennt og sagði Ingjaldur að
samskipti við foreldra væru oft
mjög erfiður þröskuldur í þessum
málum. SS
Nýafstaðið Búnaðarþing:
Krafa gerð um að ríkis-
sjóður standi í skilum
- stjórn Búnaðarfélags íslands falið að knýja á um
aukafjárveitingu vegna skuldar ríkissjóðs við bændur
A nýafstöðnu Búnaðarþingi
var m.a. fjallað um vanefndir
ríkissjóðs á lögbundnum
greiðslum til bænda samkvæmt
jarðræktar- og búfjárræktar-
lögum. í ályktun þingsins um
málið gerði þingið þá kröfu til
stjórnvalda að ríkissjóður
standi skil á þessum greiðslum
og að fullar verðbætur verði
greiddar á ógreidd jarðrækt-
arframlög vegna framkvæmda
1987 svo og annarra vanskila
sem kunni að vera. Stjórn
Búnaðarfélags íslands var falið
að knýja á um aukafjárveit-
ingu hjá Fjármálaráðuneytinu
á þessu ári til að staðið verði
við lög.
Sú upphæð sem er í vanskilum
er um 230 milljónir króna. í
greinargerð með lokaályktun
Búnaðarþings um málið segir að
vanefndir á greiðslum jarðrækt-
arframlaga valdi bændum fjár-
hagsvandræðum þar eð framlögin
séu ákveðinn liður í fjármögnun
sem bændur geri ráð fyrir þegar í
framkvæmdir sé ráðist.
Þeirri fullyrðingu er varpað
fram í greinargerðinni að hætta
sé á því að kynbótastarf lamist ef
framlög samkvæmt búfjárræktar-
lögum bregðist á þann hátt sem
nú hafi gerst. Öflugt kynbótastarf
sé forsenda framfara í búfjárrækt
og því hljóti það að koma illa við
ef kynbótaþátturinn bregðist.
JÓH