Dagur - 11.03.1989, Qupperneq 7

LfflSÍra^flr H ’(H»§1fS«iÍT)SÖ0Aa7 a
hér snjóar meira og er kaldara en í Reykja-
vík. Ég er því spenntari fyrir því að byggja
létt hús yfir malarvöll, hafa það óupphitað
en með góðri lýsingu. Þetta þyrfti bara að
vera skýli sem aftraði snjó og vindi og væri
raunhæfari lausn á okkar vanda í dag. Það
þarf aö leysa þetta mál, með því myndi
létta á íþróttahúsunum og knattspyrnu-
menn gætu æft allt árið. í dag æfir enginn
fótbolta úti á veturna og það er ekki raun-
hæft fyrir okkur að tala um atvinnu-
mennsku á meðan aðstaðan er ekki betra.“
íburður í opinberum byggingum
of mikill
Áhugi á byggingu íþróttahúss hjá KA er
mikill og hefur nú verið skipuð nefnd sem
kanna á möguleika á slíkri byggingu.
Nefndin hefur ekki starfað mikið ennþá, en
draumurinn er að byggja slíkt hús í sam-
vinnu við Lundarskóla. „Skólayfirvöld hafa
áhuga á slíkri samvinnu, en ég held að við
verðum að fara sömu leið og Hafnarfjarð-
arbær og Seltjarnarnes fóru á sínum tíma
og byggja íþróttahús á mjög skömmum
tíma þó svo að ég hafi ekki trú á að hægt
verði að endurtaka það sem gert var þegar
félagsheimilið var byggt. Við þurfum að
leitast við að byggja hús áþekkt Skemm-
unni sem ég tel mjög gott íþróttahús. Þar er
komið ódýrt og gott hús án alls íburðar, en
notagildi íþróttahúss á að vera númer eitt,
rétt lýsing, góð gólf, loftræsting og næg
lofthæð er það sem þarf. íburður í opinber-
um byggingum er allt of aigengur þó hann
sé hvergi eins mikill og í kirkjunum. Mér
finnst bruðlað þar og tel að þó þær bygging-
ar þurfi að sjálfsögðu að vera góðar, þurfi
ekki eins og stundum virðist vera, afkára-
legar byggingar til þess að ná sambandi við
Guð. Ég vil þó taka fram að við erum laus
við þetta bruðl í kirkjum hér á Akureyri."
Stefán segir bæjaryfirvöld á Akureyri
sýna íþróttafélögum góðan skilning. Þó
finnst honum ríkja doði vegna byggingar
íþróttahússins og er óhress með þá afgreiðslu
sem félagið fékk þegar sótt var um stærra
svæði. „Það er sorglegt að félagið skuli vera
búið að fá úthlutað svæði og setja niður á
það eignir sem metnar eru á 40-50 milljón-
ir, en fá síðan ekki svæði í viðbót eins og
félagið þarf. Ég tel bæjaryfirvöld sleppa til-
tölulega vel frá því þegar frjáls félagasam-
tök vilja gera svona hluti eins og KA hefur
sýnt áhuga á að gera. Bær og ríki eiga að
styrkja félög sem starfa svona mikið en
gera kröfur til og hafa eftirlit með því að
peningum sem veitt er sé vel varið. Auðvit-
að á að verðlauna félög sem byggja upp
með því að veita þeim enn meiri styrk. Þar
sem allur peningur fer í að reka félög frá
degi til dags, á að veita meira aðhald í fjár-
veitingum."
Hugmynd KA-manna um rekstur sam-
eiginlegs íþróttahúss með Lundarskóla er
sú, að skólinn réði yfir húsinu frá kl. 08.00
til 17.00 á daginn og þá tæki félagið við og
ræki húsið jafnframt á kvöldin og um
helgar. „Svona fyrirkomulag á rekstri væri
mjög hentugt, en það á umfram allt að
byggja hentugt hús og án íburðar. VG