Dagur - 11.03.1989, Blaðsíða 5

Laugardagur 11. mars 1989 - DAGUR - 5
Fréttagetraun liðins mánaðar
Gamla bakaríið á Siglufirði. Hvaða breytingar er verið að gera á husinu?
(Sjá spurningu nr. 10.)
Hvaða lausn fann Michael J. Clarke á vanda selióleikara? (Sjá spurningu nr.
3.)
Fréttagetraun liðins
mánaðar hefur mælst
vel fyrir hjá lesendum,
enda er bæði fróðlegt og
skemmtilegt að rifja upp
gang mála í þjóðlífinu
og eygja vinningsvon
um leið. Nú er komið að
fréttagetraun fyrir
febrúarmánuð og eru
spurningarnar tengdar
efni Dags þann mánuð.
Þrír svarmöguleikar eru
gefnir upp en aðeins eitt
svar er rétt. Vinsamleg-
ast fyllið út svarseðilinn
og sendið okkur. Skila-
frestur er til 3. apríl, en
þá verður dregið úr
svarseðlunum og hinir
heppnu fá vöruúttekt í
viðurkenningarskyni.
1) I hvern er vitnað í eftirfarandi
fyrirsögn: „Þakklæti og söknuð-
ur eru efst í huga“?
(1) Val Arnþórsson á sfðasta
starfsdegi hans hjá KEA.
(X) Hallfreð Örgumleiðason er
hann kvaddi lesendur blaðsins.
(2) Gunnar Ragnars, fráfarandi
forstjóra Slippstöðvarinnar, er
hann leit yfir farinn veg í viðtali
við Dag.
2) Höldur sf. færði út kvíarnar
með því að kaupa fyrirtæki í
Reykjavík. Hvaða fyrirtæki og
hvaða starfsemi er hér um að
ræða?
(1) Höldur keypti flugskólann
Flugtak og ætlar að bjóða upp á
flugkennslu og leiguflug.
(X) Fyrirtækið heitir Kennedy
sf. og er innflutningsaðili fyrir
sterkan bjór frá Bandaríkjunum.
(2) Höldur keypti fyrirtækið
Spör, sem er alhliða heildverslun
en leggur mesta áherslu á fugla-
fóður.
3) Michael John Clarke fann
lausn á vanda sellóleikara. I
hverju er sú lausn fólgin?
(1) Hann hannaði nýtt selló sem
er mun minna en hefðbundið
selló og hægt að leika á það eins
og fiðlu.
(X) Hann skrifaði bók um sálar-
líf sellóleikara þar sem fram
koma lausnir á helstu vandamál-
um sem upp koma hjá selló-
leikurum.
(2) Hann bjó til nýjan sellófót
(Pin-ball) með skopparabolta
neðst á fætinum þannig að hljóð-
færið rennur ekki til.
4) Myndbandaæði greip um sig á
Akureyri eitt sunnudagskvöld.
Hvers vegna?
(1) Myndbandaleigur ákváðu að
leigja spólurnar á 20 kr. þetta
kvöld.
(X) Sjónvarpsútsendingar duttu
út vegna rafmagnsleysis fyrir
sunnan.
(2) Sjónvarpið var með beina
útsendingu umrætt kvöld frá
Myrkum músíkdögum.
5) Hvers vegna komust bakterí-
urnar Clostridium Perfringens og
Bacillus Cerius á forsíðu Dags?
(1) Þær höfðu mengað vatnsból-
ið á Raufarhöfn og valdið maga-
kveisu hjá íbúunum.
(X) Þær ollu matareitrun á þorra-
blótum á Dalvík og Árskógs-
strönd.
(2) Þær lögðust á skagfirsk hross
og sviptu þau vitinu.
6) Bæjarstjórn Ólafsfjarðar vill
stefna að byggingu húss í fullri
lcngd. Um hvernig hús er að
ræða?
(1) Náðhús.
(X) íþróttahús.
(2) Sjúkrahús.
7) Ágreiningur kom upp við
uppfærslu Leikfélags Akureyrar
á leikritinu Hver er hræddur við
Virginíu Woolf? Hvaða áhrif
höfðu þessar deilur?
(1) Aðalleikararnir urðu hræddir
við Virginíu og tóku fyrstu vél
heim til Reykjavíkur.
(X) Hrafn Gunnlaugsson var
fenginn norður til að hafa hemil á
Helga Skúlasyni.
(2) Þrír aðstandendur sýningar-
innar óskuðu eftir því að nöfn
þeirra yrðu ekki birt í leikskrá
eða opinberum kynningum á
verkinu.
8) Hvað sagði Vigfús B. Jónsson
um byggingu varaflugvallar í
Aðaldal?
(1) „Ég vil heldur hlusta á fugla-
sönginn en öskrin og smellina í
hljóðfráum þotum.“
(X) „Málið verður að hafa eðli-
legan meðgöngutíma."
(2) „Gleymið ekki að gefa smá-
fuglunum.“
9) Bóndinn fór á vöðlum eftir
mjólkinni. Þannig greinir Dagur
frá ferðum bónda nokkurs í
Kelduhverfi, en við spyrjum af
hverju hann notaði vöðlur?
(1) Bærinn var vegasambands-
laus vegna flóða í Jökulsá og því
þurfti hann að vaða yfir Litluá til
að ná í mjólk sem bóndi úr sveit-
inni færði honum á árbakkanum
hinum megin.
(X) Hann fann ekki stígvélin sín
og þurfti því að grafa upp vöðl-
urnar sem hann notar í laxveið-
inni.
(2) Hann var að máta nýju
vöðlurnar sínar og kornst ekki úr
þeim þannig að hann varð að fara
á vöðlunum eftir mjólkinni, þrátt
fyrir að hafa ætlað að nota
gúmmískóna.
10) Hvaða breytingar er verið að
gera á Gamla bakaríinu á Siglu-
firði?
(1) Það er einfaldlega verið að
endurnýja það svo hægt sé að
kalla það Nýja bakaríið.
(X) Þarna eiga fógeti og lögregl-
an að hafa aðsetur í framtíðinni
og í kjallaranum er sérhannað
kjarnorkubyrgi þar sem
aimannavarnir munu funda
reglulega.
(2) Verið er að innrétta átta
íbúðir í húsinu.
11) Hver mælti svo: „Ég hef
hugleitt í fullri alvöru að banna
alla heimaslátrun.“?
(1) Steingrímur J. Sigfússon,
landbúnaðar- og samgönguráð-
herra, á fundi í Hlíðarbæ.
(X) Óli Valdimarsson sláturhús-
stjóri í tilefni af forsíðufrétt.Dags
um fjölda kinda sem horfið hafa
sporlaust.
(2) Sigfús Jónsson bæjarstjóri á
fundi með íbúasamtökunum í
Síðuhverfi.
12) Hver sagði og af hvaða
tilefni: „Við bíðum bara eftir
hafisnum og ísbjörnunum.“?
(1) Bjarndýrabaninn úr Fljótun-
um, vegna þess að hann hefur
setið auðum höndum síðan hinn
sögufrægi ísbjarnarhúnn gekk á
land.
(X) Soltinn bóndi á Vestfjörð-
um. Hann langaði að sökkva
tönnum sínum í ísbjarnarkjöt
eftir allt selaátið að undanförnu.
(2) íbúi í Grímsey. Þar hafði
verið vonskuveður og vantaði
eiginlega bara hafís og ísbirni til
að kóróna ástandið. SS
Var Hrafn Gunnlaugsson fenginn til þess að hafa hemil á Helga Skúlasyni,
sbr. spurningin nr. 7?
Fréttagetraun janúarmánaðar:
Þrír vinníngshafar
Hér koma rétt tákn við frétta-
getraun janúarmánaðar sem
birtist í helgarblaði Dags 11.
febrúar og jafnframt nöfn
vinningshafa. Fjölmargir
sendu inn svarseðla og voru
þrjú umslög dregin úr bunkan-
um. Eftirtaldir aðilar fá senda
úttcktarmiða fyrir hljómplötu-
úttekt í Hljómdeild KEA:
Þorbjörn Ágústsson, Sporði,
Línakradal, 531 Hvammstangi.
Skúli Þ. Jónsson, Boðagerði 6,
670 Kópaskeri. Sveinn Hjálmars-
son, Arnarsíðu 8e, Akureyri.
Rétt röð var þessi:
1) X
2) 1
3) X
4) 2
5) 1
6) X
7) 2
8) 2
9) X
10) 1
Svör þátttakenda voru yfirleitt
rétt en þó voru nokkrir sem
flöskuðu á 6. spurningunni, sem
hljóðaði svo: Formaður áfeng-
isvarnanefndar Akureyrar átti
sér að minnsta kosti eina nýárs-
ósk og lét hann hana í ljós á síð-
um blaðsins. Hvers óskaði for-
maðurinn, Ingimar Eydal sér?
Þarna héldu nokkrir að svar nr.
2, að áfengir drykkir yrðu bann-
aðir með lögum, (t.d. með lögum
í flutningi Hljómsveitar Ingimars
Eydal), væri rétt, en rétt svar var
X: Eitt þúsund og fimm hundruð
króna fjárframlags til að standa
straum af rekstri nefndarinnar.
Dagur þakkar öllum sem
sendu okkur svör og við vonum
að lesendur haldi áfram að taka
þátt í fréttagetraun liðins mánað-
ar. SS
1. Svarseðill (1, X eða 2) 7.
2. 8.
3. 9.
4. 10.
5. 11.
6. 12.
Nafn:
Heimilisfang:
Sími:
Utanáskriftin er: Dagur - fréttagetraun,
Strandgötu 31 ■ Pósthólf 58 ■ 602 Akureyri