Dagur - 15.04.1989, Page 8

8 - DAGUR - Laugardagur 15. apríl 1989
'í’. * * * *♦ V ... i’!í i
að bygaja hratt
- Stefán Sigurðsson á Hótel Stefaníu ræðir um hóteldrauminn
sem rættist og viðrar hugmyndir um átak í ferðamannaþjónustu
Sumir draumar rætast og það gerði draumur Stefáns Sigurðssonar
úrsmiðs. Hótel Stefanía stendur nú undir nafni sem hótel eftir að
Stefán lét innrétta þar eldhús, matsal og bar. En hann ætlar ekki
að láta þar við sitja og frekari stækkun er fyrirhuguð. Sagan á bak
við Hótel Stefaníu er dálítið merkilegt og við ætlum að rifja upp
þennan draum Stefáns Sigurðssonar sem hófst þegar „skítblank-
ur“ einstaklingur kastaði sér út í fasteignakaup.
Við Stefán mæltum okkur mót
í matsal Hótel Stefaníu fyrr í vik-
unni. Pað hafði reynst erfitt að ná
í kappann, enda vinnutími hans
langur og verkefnin ærin. En nú
var tækifærið komið og ég bað
Stefán að segja mér söguna af
úrsmiðnum sem gerðist hóteleig-
andi.
„Þetta byrjaði árið 1984 þegar
ég keypti gamla, niðurnídda hæð
í Hafnarstræti 88 hérna á móti,"
sagði Stefán og horfði yfir göt-
una, „þar sem verslunin Amor er
núna. Þegar ég fór að taka hæð-
ina í gegn komst ég að því að
hæðin fyrir ofan var laus og hafði
farið á uppboð. Útvegsbankinn
átti hana. Allar leiðslur milli
hæða lágu saman og þar sem ég
þurfti að lagfæra margt þá talaði
ég við eigendurna og það endaði
með því að ég keypti þessa íbúð á
hæðinni. Þá var spurningin hvað
ég ætti að gera við þetta og niður-
staðan var sú að setja upp her-
bergi. Þá var Hótel KEA aðeins
með 35 herbergi og gistingarmál í
ólestri í bænum en mikil traffík
og þjóðfélagið ekki eins gjald-
þrota og núna. Fólk gat eytt aur-
um og ferðast um landið."
„Skítblankur
en fullur af orku“
- Þú hefur þá leigt út herbergi í
þessu gamla húsi.
„Já, þegar þetta fór í gang voru
herbergin í fullri leigu allt sumar-
ið og þó nokkur nýting yfir vetur-
inn. Þarna voru 5 herbergi til
leigu og ég var bara helvíti stoltur
af þessu. Dæmið gekk vel, fólk
var ánægt og þetta var hið huggu-
legasta fyrirtæki."
- En þetta var bara byrjunin.
Hvað gerðist næst hjá þér?
„Þar sem ég var svo til beint á
móti Hótel KEA þá fylgdist ég
vel með hjá þeim og vissi af því
þegar Kaupfélaginu var boðin
þessi húseign hér, Hafnarstræti
83-85, til stækkunar á Hótel
KEA. Þeim var boðið þetta skrif-
lega á ákveðnu verði og með
ákveðnum skilmálum og góðum
umhugsunarfresti, en þeir sinntu
þessu ekki neitt þannig að ég
komst inn í kaupsamninginn.
Skítblankur en fullur af orku.
Ég lét teikna húsið í einum
grænum hvelli sem hótel. Þetta
þótti mikill flöskuháls í ferðamál-
um á Akureyri og ég sagðist ætla
að klára fyrir vorið. í desember
’84 var gengið frá kaupsamningn-
um og ég sagðist ætla að opna 17.
maí sem ég og gerði. Síðustu
íbúarnir hér fóru út um miðjan
febrúar ’85 þannig að ég hafði
ekki nema röska tvo mánuði til
framkvæmda en dæmið gekk upp
á þessum tveimur mánuðum.
Enda eins gott að láta dæmið
ganga því blankur maður verður
að byggja hratt svo það gefist
ekki tími til að rukka hann!“
Stefanía stækkar
og stækkar
- Hvernig gekk að breyta íbúð-
arhúsnæði í hótel?
„Ágætlega en húsið var auðvit-
að eins og gatasigti á meðan. Öll-
um veggjum var ruslað út og 18
snyrtingum og salernum komið
fyrir. Það var skipt um lagnir
alveg út í götu svo maður myndi
ekki lenda í stífluvandræðum á
miðju sumri. Þetta hafðist og 17.
maí var Hótel Stefanía reiðubúið
með 19 herbergi í boði.“
- Þú hefur stækkað við þig
smám saman síðan.
„Já, sumarið ’88 bætti ég við
fjórum herbergjum þegar ég
keypti íbúð til viðbótar. í des-
ember fékk ég síðan síðustu
íbúðina í húsinu afhenta, hófst
handa við að breyta henni í
janúar og kláraði í mars. Nú er
engin íbúð eftir en ég á sund
hérna á milli húsanna og þar e'r
næsti áfangi fyrirhugaður, senni-
lega sex herbergi í viðbót.“
- Hér er líka viðbygging. Hve-
nær kom hún til sögunnar?
„Já, ég byggði við hérna inni í
portinu, eldhús og bar. Við vor-
um í grunninum um miðjan
janúar og byggingin kláraðist í
byrjun mars. Ég var aðeins með
morgunmat fram að þessu en nú
bættist við eldhús, bar og matsal-
ur. Með þessum framkvæmdum
er Hótel Stefanía loksins orðið
hótel sem stendur undir nafni.
Hótel sem hefur ekki veitingasal
og bar er bara gistiheimili en
þarna má segja að langþráður
draumur hafi ræst.“
„Keppinautarnir vildu vera
lausir við samkeppnina“
Við gæddum okkur á vöfflum og
kaffi og ytri aðstæður komu inn í
þetta spjall, enda finnst mörgum
það skjóta skökku við að ráðast í
byggingarframkvæmdir á þessum
varhugaverðu tímum.
„Já, á sama tíma og maður er
að byggja þetta eru gjaldþrot í
þessum bransa á fullum krafti og
útlitið andskoti svart. En ég er
fullur bjartsýni og tel að þetta sé
rétt framkvæmd og hótelið komi
til með að ganga vel. Það hefur
reyndar strax sannað sig. Fólk er
ánægt með staðinn og ég tel að
vel hafi tekist upp með barinn og
matsalinn. Nú þegar hafa verið
það háir toppar að við höfum
ekki getað annað eftirspurn, t.d.
síðasta laugardag þegar 50-60
fleiri vildu komast í mat en pláss
var fyrir. Hótel Stefanía er því
greinilega komið á blað yfir veit-
ingahús. Við keyrum á sann-
gjörnu verði og bjóðum upp á
hugguleg húsakynni. Barinn er
opinn hér öll kvöld, til hálf eitt á
virkum kvöldum og til hálf þrjú
um helgar og aðsóknin hefur ver-
ið góð.
Það er enginn vafi á því að það
vantaði stað sem þennan í bæinn.
Við erum í landsins mesta ferða-
mannabæ og það er ekkert of
mikið af veitingahúsum hér, þótt
keppinautarnir vildu auðvitað
fegnir vera lausir við samkeppn-
ina.“
„Ég ætlaði að
fara alla leið“
- Þú sggðir áðan að langþráður
draumur hefði ræst. Stefndir þú
að hóteli sem þessu frá upphafi?
„Já, allan tímann. Þetta átti
ekki bara að vera gistihús, ég ætl-
aði að fara alla leið. Hótelið hef-
ur miklu meiri breidd eftir þessa
breytingu. Fólk vill hafa matsölu-
stað á hóteli og fólk vill hafa bar
á hóteli, a.m.k. mjög stór hópur.
Nú er ég mjög vel í stakk búinn
fyrir sumarið. Það hefur aldrei
verið eins mikið bókað fyrir
sumarið og nú, hvað sem það
þýðir og hvort fólk mætir þegar
þar að kemur. Veturinn er búinn
að vera harður og það bendir
kannski til þess að sumarið verði
gott.“
- Við tölum um það að Akur-
eyri sé vinsæll ferðamannabær en
þarf ekki að gera eitthvað til að
laða hingað ferðamenn og halda
þeim hér? Þurfið þið ekki að gera
eitthvað Stefán?
„Vissulega.- Við þyrftum að
þjappa okkur betur saman sem
erum í þessum ferðamanna-
bransa og vinna sameiginlega að
auglýsingum. Auglýsingastarf-
Notalegt spjall í leðursófa á barnum í viðbyggingunni.