Dagur - 29.06.1989, Síða 16

16 — DAGUR FERÐABLAÐ
Akureyri/Eyjafjörður
Grnmar Karlsson, hótelstjóri Hótels KEA:
Akureyrí hefiir gott
orð ásér
sem ferðamannabær
Akureyri, höfuðstaður Norður-
lands, liggur við botn Eyjafjarðar
vestanverðan. Bærinn er stund-
um kallaður Perla Norðursins og
stendur vel undir nafni því hann
er einstaklega fallegur og hefur
upp á margt að bjóða. Frá bæn-
um er fjallasýn mikil og fögur.
Næst bænum í suðvestri eru
Súlur. í suðaustri eru fjöllin aust-
an Eyjafjarðardalsins, næst er
Byggðarfjall og skilur Garðsár-
dalur það frá Vaðlaheiði. í norðri
gnæfir Kaldbakur hæst og er það
eitt af svipmeiri fjöllum landsins.
Akureyri er sannkölluð ferða-
mannaparadís því þar getur
ferðalangurinn fundið flest það
sem hugurinn girnist. Verslun og
þjónusta er eins og best verður á
kosið, gisting af öllu tagi og
afþreying sömuleiðis.
Dalurinn inn af botni Eyjafjarð-
ar er um 60 km á lengd og stefnir
að mestu í suður. Báðum megin
eru há fjöll og afdalir eru margir.
Öll byggð er grösug og þéttbýl
enda búsældarleg mjög. Þar
hafa þeir búið margir bændurnir
og til eru margar þjóðsögur um
þá. „Á einum bæ í Eyjafirði bar
það til einn vordag að bóndi var í
baðstofu sinni og sá til fjár síns út
um glugga. En þar sem féð var
stóð mikið stór steinn eða klöpp
og gekk sauður undir steininn
og kló sér á honum. Sá þá bóndi
að grá hönd kom út úr steininum
og tók um afturfót sauðarins fyrir
ofan konungsnef. Brá hann þá
við og gekk undan steininum, en
var þá svo haltur að hann dró eft-
ir sér fótinn. En er bóndi hafði
séð þetta rann honum í skap.
Gekk hann þá út og tók lurk mik-
inn í hönd sér og gekk að steinin-
um og tók til að berja steininn og
heitaðist mjög við það er þar
byggi og kvaðst skyldi mölva ofan
yfir það hel... hyski steininn
nema það gerði sauðinn jafnheil-
an aftur, og hefur hann þannig
sagt frá: „Eg barði og ég barði
svo hvítnaði við í hverju höggi. “
En að stundu liðinni var sauður-
inn heilbrigður. “
Nyrsta byggða eyja við ísland
er Grímsey en hún liggur 41 km
frá landi. Eyjan er algróin, klöpp
eða melur sést ekki. Fuglalíf er
þar mikið en þar hafa um 60 teg-
undir fugla aðsetur. Reglubundið
flug til eyjarinnar gerir ferða-
mönnum kleift að komast
þangað.
GISTING:
Hótel:
Hótel KEA á Akureyri hefur
nýlega verið stækkað og endur-
nýjað. Það er stærsta heilsárs-
hótelið í bænum og er staðsett í
næsta nágrenni við göngugötuna
í Hafnarstræti. Á öllum herbergj-
um er bað, beinn sími, útvarp, lit-
sjónvarp og videó, mini-bar og
herbergjaþjónusta á meðan veit-
ingasalir eru opnir. í veitingasöl-
um er boðið upp á fjölbreyttan
Ijúffengan mat og drykk.
Hótel Edda Akureyri er rekið í
heimavist MA og hefur uppá að
bjóða 77 herbergi. Frá hótelinu
er stutt að ganga niður í miðbæ,
á leiðinni er sundlaug bæjarins
og innbærinn með minjasöfnun-
um er í næsta nágrenni.
Hótel Norðurland er nýtt hótel
á Akureyri og stendur þar sem
áöur var Varðborg. Hótelið hefur
verið innréttað á smekklegan
hátt og leggur áherslu á persónu-
lega þjónustu. Alls eru 28 her-
bergi á Hótel Norðurlandi, flest
með sturtu, auk þess sem þau
eru búin beinum síma, litsjón-
vörpum sem taka við efni frá
gervihnöttum, mini-bar og út-
varpi. Veitingastaðurinn Hlóðir er
rekinn innan veggja hússins þar
sem m.a. er boðið upp á mexí-
kanskan og ítalskan mat.
Hótel Stefanía í Hafnarstræti
er 25 herbergja hótel búið öllum
þægindum. Flest herbergin eru
meö sturtu og öll með símum og
sjónvarpj. Nýr veitingastaður og
bar er rekinn við hótelið þar sem
framreiddir eru Ijúffengir réttir all-
an daginn.
Hótel Akureyri er lítið hótel í
miðbæ Akureyrar sem hefur ný-
lega verið gert upp. Öll herbergi
eru án baðs.
Hótel Edda Hrafnagili er 12 km
sunnan Akureyrar. Þar er gott að
dvelja og njóta eyfirskrar náttúru-
fegurðar. í grennd eru gróörar-
stöðvar og við hótelið er rekin
sundlaug.
Fjölmörg gistiheimili eru á Akur-
eyri og í nágrenni. Margir kjósa
heimilislegt yfirbragð þar sem
þeir gista auk þess sem þessi
þjónusta er ódýrari en á hótelum.
Á Akureyri eru gistiheimilin þessi:
Ás við Skipagötu, Brauðstofan
Skólastíg, Gistiheimilið Þórunn-
arstræti, Gistiheimilið Gilsbakka-
vegi, Dalakofinn Lyngholti og
Salka Skipagötu. í nágrenninu er
Alda Melgerði og Gistiheimilið
Smáratún Svalbarðseyri.
Farfuglaheimili:
Á Akureyri eru tvö farfuglaheimili.
Annað þeirra er við Stórholt 1 og
hitt að Lónsá Glæsibæjarhreppi í
jaðri bæjarins.
Ferðaþjónusta bænda:
Þeir sem gista hjá bændum á
ferðum sínum eiga þess völ að
kynnast búskap af eigin raun auk
þess sem bændurnir skipuleggja
margir ýmsa afþreyingu fyrir
gesti sína. I Eyjafirði er rekin
slík þjónusta á Torfufelli sem er
fremsti bær fjarðarins.
Tjaldsvæði:
Á Akureyri er rekið tjaldsvæði við
Þórunnarstræti þaðan sem stutt
er í allar áttir og í næsta nágrenni
er sundlaugin á Akureyri. Þá er
einnig tjaldsvæði við Vín í
Hrafnagilshreppi.
AFÞREYING:
Ferðaskrifstofur og sérleyfishafar
á Akureyri skipuleggja lengri og
styttri ferðir frá Akureyri. Ferða-
skrifstofa Akureyrar er stærst á
þeim markaði. A hennar vegum
er t.d. farið daglega í Mývatns-
sveit ýmist lengri eða skemmri
ferðir. Þá er kvöldökuferð til
Ólafsfjarðar vinsæl ferð þar sem
sólarlagið er hvergi fegurra en nú
fer hver að verða síðastur að
koma í „Múlann". Tveggja tíma
ferð í Grímsey er farin þrisvar í
viku.
Ferðaskrifstofan Nonni býður
fjölbreytni í afþreyingu. Skoðun-
arferðir í allar áttir frá Akureyri
eru á dagskrá auk ferðar á reið-
hjólum um Mývatn. Þá er líka
farið í skipulagðar gönguferðir á
vegum ferðaskrifstofunnar.
Fyrir þá sem áhuga hafa á
sögu er gullnáma að koma til
Akureyrar. Minjasafn Akureyrar,
Náttúrufræðisafnið, Nonnahús,
Davíðshús, Sigurhæðir og Frið-
bjarnarhús hafa upp á sitthvað
að bjóða og þá eru Akureyrar-
kirkja, Glerárkirkja og Lög-
mannshlíðarkirkja líka verðugir
heimsóknarstaðir. Listunnendum
er bent á Gallerí Allrahanda en
þar er til sýnis og sölu íslenskur
listiðnaður og norðlenskur heim-
ilisiðnaður eftir þekkta sem
óþekkta listamenn.
(þróttamenn ættu að geta
fundið sitthvað við sitt hæfi í
bænum. Sundlaugin er á sínum
stað og við hana er tennisvöllur
og mini-golf. Þá er golfvöllur
bæjarins í göngufæri fyrir flesta.
Við Strandgötu er rekin leiga á
sæsleðum, eða þotuskíðum (jet-
ski) og fyrir þá sem vilja taka það
rólega eru gönguleiðirnar ótelj-
andi, t.d. ætti enginn að sleppa
því að fara í Lystigarðinn.
Kvöld- og næturlífið svíkur
ekki á Akureyri. Fjölmargir góðir
matsölustaðir eru í bænum,
Bautinn, Smiðjan, Hótel KEA,
Súlnaberg, Hlóðir, Hótel Stef-
anía, Uppinn og Crown Chicken
auk smærri staða eins og nest-
anna við bensínstöðvarnar. Um
helgar eru haldnir dansleikir í
Sjallanum, á Hótel KEA og á
Bleika fílnum. Kráarstemmning
er í Kjallaranum og á Uppanum.
Á daginn má bregða sér í
verslunarferð ef tími vinnst til. í
bænum er að finna allar þær
verslanir sem ferðamenn kunna
að þurfa á að halda auk þjón-
ustufyrirtækja á svið banka,
pósts eða annarar þjónustu.
Ferðafélag Akureyrar rekur
öfluga starfsemi í sumar eins og
fyrri ár. Farið verður í fjölda
ferða, langar og stuttar. Sem
dæmi má nefna 4ra daga ferð í
Hvannalindir-Kverkfjöll-Öskju og
Herðubreiðarlindir 22.-25. júlí nk.
Gist er í skálum Ferðafélags
íslands.
Ökuferð fram í fjörð fyrir þá
sem hafa unun af að koma í
gróðurhús og drekka kaffi í nota-
legu umhverfi tekur stuttan tíma
og er Vín þá upplagður viðkomu-
staður. í leiðinni væri hægt að
bregða sér í sund að Hrafnagili
og þá er orðið stutt í sveitina þar
sem víða er hægt að komast í
veiði eða fá leigða hesta til
dægrastyttingar.
Hótel KEA er stórl
bróðirinn í hótel-
rekstrl á Akureyri og
eitt stærsta hótelið
utan Reykjavíktu*.
Lokið var við gagn-
gerar breytingar á því
fyrir ári síðan, í júní
1988. í hótelinu eru
nú 73 herbergi, 136
gistirúm. Þar af eru
10 eins manns her-
bergi. ,A*essi breyting
hcí’ur skilað sér mjög
vel,“ segir Gunnar
Karlsson, liótelsfjóri.
„Ef litið er á fjölda
útleigðra herbergja
kemur í ljós að milli
áranna 1986 og 1987
varð uin 26% aukning
og 15% aukning milli
áranna 1987 og 1988.
Sem rekstrareining
keniur Hótel KEA
nokkuð vel út í dag."
Árið 1988 var alveg sérstaklega
gott fyrir rekstur Hótels KEA, að
sögn Gunnars. Til marks um það
varð um 50% veltuaukning á síð-
asta ári miðað við fyrra ár. f
nóvember tók að halla eilítið
undan fæti en þegar upp var stað-
ið nam veltuaukningin 46%.
Samdrátturinn héjt áfram fyrstu
mánuði þessa árs, fyrst og fremst
vegna óhagstæðs tíðarfars, en frá
páskum hefur aðsókn aftur auk-
ist. „Horfurnar fyrir sumarið eru
þokkalegar. Það er ekki fullbók-
að, en við getum orðað það svo
að það sé þéttbókað í júlí og
ágúst. Mér sýnist að þær bókanir
sem við höfum fengið séu nokk-
uð öruggar. Við lentum í því í
fyrra að fá mikið af bjartsýnis-
bókunum, sem ekki stóðust, en
nú höfum við fengið margar stað-
festar bókanir," segir Gunnar.
Hann segir að á undanförnum
árum hafi færst í vöxt að einstakl-
ingar kaupi gistingu á hótelinu.
„Við erum ekki mikið með hópa
en treystum þeim mun meira á
einstaklinga. Þá hefur breyting á
hótelinu gert okkur kleift að taka
við ráðstefnum og hýsa ráð-
stefnugesti. Á þetta munurn við
leggja frekari áherslu í framtíð-
inni, ekki síst vegna þess að ráð-
stefnurnar lengja tímabilið hjá
okkur á vorin og á haustin,“ segir
Gunnar.
Oft heyrist talað um að sam-
vinna aðila í ferðaþjónustu á
Akureyri sé of lítil. „Jú, það er
rétt. Samvinnan mætti vera
meiri. Þetta hefur þó batnað
verulega á undanförnum árum.
Til dæmis hafa aðilar í ferðaþjón-
ustu hér staðið sameiginlega að
auglýsingum erlendis,“ segir
Gunnar. Hann segir vissulega
ástæðu til að gefa ferðaþjónust-
unni gaum á Akureyri og á
Eyjafjarðarsvæðinu, því hér sé
um að ræða atvinnugrein sem
veiti mörgum atvinnu og hafi
mikil margföldunaráhrif í verslun
og þjónustu.
Gunnar segir að bylting hafi
orðið á Akureyri í aðstöðu fyrir
ferðamenn. Sem dæmi nefnir
hann að hótel séu nú fleiri og
betri en áður og veitingastaðir
sömuleiðis. Þá megi ekki gleyma
því að aðstaða fyrir tjaldfólk hafi
verið stórlega bætt á liðnum
árum. „Ég býst við því að ferðá-
fólk sé kröfuharðara í dag en það
var fyrir nokkrum árum síðan.
Reynslan hefur sýnt að eftir því
sem aðstaða batnar, þeim mun
meiri verða kröfurnar. Akureyri
hefur að mínu viti gott orð á sér
sem ferðamannabær. Á tímabili
ríkti hér algjör stöðnun í þessari
þjónustu hvað varðar uppbygg-
ingu, en frá 1980 hafa orðið
geysilega miklar framfarir á
þessu sviði í bænum og í dag er
enginn staður utan höfuðborgar-
innar sem hefur upp á jafn mikið
að bjóða og Akureyri."
Ekki alls fyrir löngu hætti
Hótel Varðborg rekstri og í kjöl-
farið var því breytt frá a til ö.
Þann 9. júní s.l. opnaði Hótel
Norðurland að Geisiagötu 7.
Hótelstjóri Hótels KEA seg-
ist ekki kvíða því að hörð sam-
keppni frá Hótel Norðurlandi
eigi eftir að reynast Hótel KEA
erfið. „Á sínum tíma var mik-
il bót að því að fá Hótel Stef-
aníu og ég tel að sama skapi mjög
jákvætt að fá Hótel Norðurland
núna. Ég tel að eftir því sem
gistirými á hótelum hér batnar,
aukist líkur á því að fá hingað
ferðafólk. Tilkoma Hótels Norð-
urlands er mjög jákvæð með til-
liti til ráðstefnuhalds, því ef við
tökum við stórum ráðstefnum er
mjög mikilvægt að gistirými fyrir
ráðstefnugesti sé allt í svipuðum
gæðaflokki," segir Gunnar Karls-
son. óþh
Á daginn má bregða sér í verslunarferð ef tími vinnst til.