Dagur - 19.10.1989, Blaðsíða 4

3 nprtí- <r> i . ,
4 - DAGUR - Fimmtudagur 19. október 1989
ÚTGEFANDI: ÚTGÁFUFÉLAG DAGS
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 24222
ÁSKRIFT KR. 1000 Á MÁNUÐI
LAUSASÖLUVERÐ 90 KR.
GRUNNVERÐ DÁLKSENTIMETRA 660 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
ANDRÉS PÉTURSSON (íþróttir),
KARL JÓNSSON (Sauöárkróki vs. 95-35960),
INGIBJÖRG MAGNÚSDÓTTIR (Húsavík vs. 41585),
JÓHANN ÓLAFUR HALLDÓRSSON, ÓSKAR ÞÓR HALLDÓRSSON,
STEFÁN SÆMUNDSSON, VILBORG GUNNARSDÓTTIR,
LJÓSMYNDARI: KRISTJÁN LOGASON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDlS FREYJA RÖGNVALDSDÓTTIR, HEIMASlMI 25165
FRAMKVÆMDASTJÓRI: HÖRÐUR BLÖNDAL
PRENTUN: DAGSPRENT HF.
SÍMFAX: 96-27639
Af hveiju
er það svo ... ?
Þing Verkamannasambands íslands var haldið í
Reykjavík í síðustu viku. í setningarræðu
þingsins, vék Guðmundur J. Guðmundsson, for-
maður Verkamannasambandsins, m.a. að
vaxtamálunum. Hann sagði það furðulegt að á
sama tíma og öfhig fyrirtæki í framleiðslugrein-
um römbuðu á barmi gjaldþrots væru vextir,
sem á fínu máli nefndust fjármagnskostnaður,
hærri útgjaldaliður hjá þeim en vinnulaun
starfsfólks í ótrúlega mörgum tilfellum. Guð-
mundur benti einnig á að vaxtakostnaðurinn
væri ekki einungis að drepa atvinnufyrirtækin,
heldur væri hluti launþega einnig að sligast
undan vaxtakostnaði. „Ef ekki er hægt að hafa
vísitölu á vinnulaun, af hverju er þá hægt að
hafa lánskjaravísitöluna í fullum gangi?“ spurði
formaður Verkamannasambandsins síðan.
Þótt þessi spurning hafi eflaust aldrei verið
áleitnari en nú, var henni ekki svarað á þingi
VMSÍ, enda annarra að svara henni en verka-
lýðsforustunnar. Þessarar spurningar hefur oft
verið spurt áður en engin svör hafa fengist.
Guðmundur J. hefði allt eins getað spurt hvort
eitthvert lögmál ráði því að fjármagnseigendur
eru tryggðir í bak og fyrir á hverju sem gengur -
ekki bara með lánskjaravísitölu heldur einnig
fjallháum raunvöxtum - á sama tíma og hagur
launþega er skertur nánast eftir þörfum. Það er
sama spurning í öðrum búningi. Vinnuveitend-
ur klifa nú sem fyrr á því að fyrirtækin beri litla
sem enga kauphækkun - vegna erfiðs árferðis
eða einhvers annars. Launþegar verði því að
taka á sig vissa kaupmáttarskerðingu. Það virð-
ist ekki hvarfla að vinnuveitendum að rétt sé að
fjármagnseigendur taki á sig vissa skerðingu
eða beri hluta þeirrar áhættu, sem felst í sveifl-
um íslensks efnahagslífs. Það er augljóst að
fyrirtæki sem borgar álíka upphæð á ári í laun
annars vegar og fjármagnskostnað hins vegar,
gæti bætt hag starfsmanna sinna umtalsvert, ef
vextir væru skaplegri en raun ber vitni. En um
slíkt má helst ekki hugsa, hvað þá ræða opinber-
lega.
Ef verkalýðsforystan ætlar að ná einhverjum
árangri í næstu samningahrinu, hlýtur hún að
setja stjórnvöldum úrslitakosti: Annað hvort
verði lánskjaravístalan tekin úr sambandi og
raunvextir lækkaðir til muna eða launavísitala
verði tekin upp að nýju. Um þetta ályktaði nýaf-
staðið þing VMSÍ m.a. Það er óþolandi að láns-
fjármagn sé tryggt upp í topp en laun ekki. Sér-
staklega þegar hvorttveggja þarf að greiða úr
sama vasanum. Að óbreyttu verða það alltaf
launin sem skerðast. BB.
fréttir
Húsavík:
Flugleiðir vilja halda
áfram áætlunarfluginu
- Álits bæjarstjórnar hefur ekki verið leitað enn
Flugleiðamenn héldu fund
með Bæjarstjórn Húsavíkur
fyrir helgina og lýstu yfir áhuga
sínum á að halda áfram að
þjóna Húsvíkingum sem sér-
leyfishafi. Eins og fram hefur
komið í Degi hefur Arnarflug
sótt um sérleyfið og býðst til að
fljúga tvær ferðir á dag til
Húsavíkur, alla daga vikunnar
og án millilendingar. Einnig
býðst Arnarflug til að annast
flugið þrjá daga í viku til
reynslu í eitt ár, og þá á móti
Flugleiðum sem gætu valið
hvaða fjóra daga þeir vildu
fljúga til Húsavíkur. Nú fljúga
Flugleiðir níu ferðir á viku til
Húsavíkur, en ferðirnar eru
sameinaðar Sauðárkróksflug-
inu, þannig að alltaf er milli-
lent á Sauðárkróki á annarri
hvorri leiðinni.
„Flugleiðir þekkjum við eftir
margra ára þjónustu og sani-
skipti. Arnarflug þekkjuni við
minna en þeir hafa góðan orðstír
frá þeim sveitarfélöguni í kring
um okkur sem þeir hafa þjónað,“
sagði Bjarni Þór Einarsson, bæj-
arstjóri, aðspurður um fundinn.
Bjarni var spurður hvort Flug-
leiðamenn hefðu boðið upp á
einhverja nýbreytni með tilkomu
samkeppninnar um sérleyfið:
„Raunar ekki. Þeir sögðust
hreinlega ekki geta boðið aðra
hluti en þeir væru með, miðað
við þann farþegafjölda seni hér
færi urn, þeir væru mjög jarð-
bundnir og biðu aðeins það sem
þeir gætu staðið við. Það hefur
þann galla að flugið er sameinað
Sauðárkróksfluginu en millilend-
ingar á Sauðárkróki skipta í
mörgum tilfelluni sáralitlu máli,
og þegar fólk getur valið sér
ferðadaga getur það valið daga
sem flogið er beina leið. En
menn sem þurfa að skreppa í
dagsferðir til að reka erindi í
Reykjavík keyra oft til Akureyr-
ar og fljúga þaðan þrátt fyrir að
Flugleiðir fari tvær ferðir til
Húsavíkur, það stafar af því að
dagurinn fyrir hádegi yrði þeim
ónýtur vegna þess hve langan
tíma tekur að millilenda á Sauð-
árkróki. Því hentar þessi tilhögun
ekki þeim sem þurfa í dagsferðir
og Flugleiðamönnum var bent á
að vegna þessa hefði farþega-
fjöldi frá Húsavík sáralítið auk-
ist, þrátt fyrir aukna tíðni á
ferðum. En þessir farþegar sem
keyra til Akureyrar fljúga suður
meö Flugleiðum svo þetta er fyrst
og fremst óþægilegt fyrir okkur
heimamenn en ekki Flugleiðir."
Samgöngumálaráðherra mun
hafa sagt opinberlega að hann
muni leita álits sveitarstjórna
varðandi úthlutun á leyfum til
áætlunarflugsins, en að sögn
Bjarna Þórs hefur ráðuneytið
ekki enn leitað álits bæjarstjórn-
ar og því hefur málið ekki verið
rætt í bæjarstjórn.
„Arnarflug er að bjóða það
sem við viljum helst; tvö bein
flug á dag, alla daga vikunnar.
Fokkerinn er of stór fyrir mark-
aðinn hér til að geta sinnt honum
á þann hátt en Dorniervélin er
ekki með jafnþrýstibúnaði. I
raun vantar okkur bundið slitlag
á flugvöllinn, þar sem ekki er til
hæfilega stór torfæruvél sem get-
ur flogið, lent í möl og blautri
mold og er með jafnþrýstibún-
aði,“ sagði bæjarstjóri.
Ef til vill verður það ferða-
mannaumferð en ekki heima-
mannaumferð um flugvöllinn
sem úrslitaáhrif hefur um það
hvort flugfélagið fær sérleyfið.
Arnarflug hefur lýst sig tilbúið til
að reyna að beina auknum straurn
erlendra ferðamanna á Húsavík-
urflugvöll, og það ætti einnig að
vera Flugleiðum í lófa lagið.
Þingeyingar eru án efa áhuga-
samir um aukna vinnu við ferða-
mannaþjónustu, og líta því líklega
hýrast til þess félagsins sem flesta
ferðamennina reynir að færa
þeim. IM
Verðkönnun á slátri og sláturafurðum:
Mjög mikill verðmunur
milli verslana
- allt frá 26% til 347% munur
Mikill verðmunur er niilli
verslana á slátri og sláturaf-
urðum, en í haust var felld nið-
ur hámarksverðlagning á þess-
um vörum. Af því tilefni kann-
aði Verðlagsstofnun nýlega
verð á innmat hjá rúmlega 80
seljendum sláturafurða víðs
vegar á landinum og kemur
þar fram að allt að 347% verð-
munur er á einstökum afurð-
um milli verslana.
Ef borið er saman verð á 12
sölustöðum sláturafurða á Norð-
ur- og Austurlandi kemur fram
að hæsta verð á 5 slátrum í kassa
er í Hagkaup á Akureyri og kost-
ar þar 499 krónur stykkið.
Lægsta verð á 5 slátrum í kassa
var hjá Kaupfélagi Héraðsbúa á
Egilsstöðum, en verð þeirra var
jafnframt það lægsta á landinu.
Sölufélag Austur Húnvetninga
á Blönduósi var með lægsta verð
ofangreindra verslanna á lifrum,
hjörtum og sviðum, Slátursala
KEA á Dalvík og Sláturhús KEA
á Akureyri voru með lægsta verð
á nýrum.
Hæstu verð á lifrum og hjört-
um voru hjá verslunum KEA á
Akureyri og hæsta verð á sviðum
var hjá Sláturhúsi KEA á Akur-
eyri.
I ár er slátur óniðurgreitt en í
fyrra nam niðurgreiðsla á smá-
söluverði úm 8-10%. Verðhækk-
un milli ára nemur samkvæmt því
um 21-25%. -KK
Átaksverkefni á Hvammstanga:
Förum að skoða næstu skref
- segir Karl Sigurgeirsson, umsjónarmaður verkefnisins
„Menn eru að velta fyrir sér
ýmsum hugmyndum en um
þær hafa engar ákvarðanir ver-
ið teknar,“ segir Karl Sigur-
geirsson, sem hefur umsjón
með átaksverkefni í atvinnu-
málum á Hvammstanga.
„Það hefur lítið gerst í þessu
að undanförnu. Slátrun stendur
yfir og nóg að gera sem stendur.
Ég býst hins vegar við að eftir um
hálfan mánuð munum við setjast
niður og ræða næstu skref í
þessu.“
Að átaksverkefni standa fyrir-
tæki og stofnanir á Hvamms-
tanga. Nefna má Sparisjóð V-
Húnavatnssýslu, sveitarfélögin í
sýslunni, Verkalýðsfélagið Hvöt
á Hvammstanga, Kaupfélag
Vestur-Húnvetninga, Meleyri
hf., Iðnþróunarfélag Norður-
lands vestra og Byggðasjóð.
Átaksverkefnið hófst í sumar
sem leið og er fjármögnun þess
tryggð til árs, eða til loka júní á
næsta ári. „Flestir eru hins vegar
á því að þetta þurfi að standa í að
minnsta kosti tvö ár,“ segir Karl.
„Ég held að átaksverkefni af
þessu tagi sé ákveðin leið fyrir
dreifðar byggðir landsins til að
bregðast við samdrætti í hefð-
bundnum greinum atvinnulífs-
ins.“ óþh