Dagur - 04.08.1990, Blaðsíða 13

Laugardagur 4. ágúst 1990 - DAGUR - 13
poppsíðan
Ekki er frægðin fyrirhafnarlaus:
Ýmislegt gengur á hjá Madonnu
Ekki er beint hægt að segja að
logn ríki þar sem hin ókrýnda
drottning vinsældapoppsins
Madonna er annars vegar, að
minnsta kosti rikir ekki logn hjá
henni þessa dagana. Þannig er
mál með vexti að unglingsstrákur
að nafni Keith Sorrentino hefur
stefnt söngkonunni fyrir rétt og
krafist hálfrar milljónar dollara í
skaöabætur vegna líkamsárás-
ar. Átti atvikiö sér stað fyrir rúm-
um tveimur árum fyrir utan íbúð
Madonnu í New York og segist
Sorrentino svo frá að er hann
bað söhgkonuna vinsamlegast
að leyfa sér að taka mynd af
henni hafi hún gripið hann kverk-
taki og síðan hrint sér harkalega
í götuna. Eftir þessa slæmu við-
kynningu af Madonnu segist
drengurinn síðan þjást af sífelld-
um martröðum og öðrum vægast
sagt óþægilegum kvillum á nótt-
unni. Viðbrögð Madonnu við
þessum ákærum eru á hinn bóg-
inn þau að hún hefur á móti
stefnt systur Keith Sorrentino,
Darlene, og sakað hana um að
hafa í gegnum árin abbast upp á
sig með allskonar óhróðri og það
hafi í raun veriö Darlene að
kenna að bróðir hennar hafi orðið
fyrir barðinu á sér því hún hafi
með brögðum komist að heimilis-
fangi sínu í gegn um einn um-
boðsmann hennar. Ekki er Ijóst
hverjar lyktir þessa máls verða
en Madonnu er gert að mæta fyr-
ir dómara eigi síðar en í lok októ-
ber og þá munu hlutirnir væntan-
lega skýrast. Annars er það að
öðru leyti af Prímadonnunni að
segja að hún hefur verið á far-
aldsfæti að undanförnu og haldið
tónleika víðsvegar um Bandarík-
in og nú síðast var hún með
þrenna tónleika í London. Þrátt
fyrir áður greinda samskiptaerfið-
leika við aðdáendur sína virðist
Madonna bera eitthvert kærleiks-
þel til annarra því hún gerði sér
lítið fyrir og gaf allan hagnað af
síðustu tónleikunum til forvarna-
starfs gegn alnæmi sjúkdómn-
um.
Hitt og þetta
The Heart Throbs á safnplötu með sykurmolunum.
Bob Dylan
Nýja platan hans Bob Dylan er nú
í sjónmáli en áætlaður útgáfu-
dagur er sautjándi september.
Eins og Poppsíðan hefur greint
frá áður þá unnu „gítarbræðurnir“
Jimmie og Steve Ray Vaughan með
Dylan við gerð plötunnar og þá
mun fjöldi annarra tónlistar-
manna eins og Elton John, George
Harrison, David Crosby og Slash úr
Guns ’N’ fíoses koma við sögu á
plötunni. Mun hún heita Under
The fíed Sky og er að sögn þeirra
sem nú þegar hafa heyrt hana
mun rokkaðari en sú síðasta Oh
Mercy.
Prince
Hin konunglega ótukt Prince er
nú nýbúinn að senda frá sér nýtt
smáskífulag undir nafninu Tvivies
in the Temple sem tekið er af
hans nýjustu plötu The Graffiti
Bridge sem kemur út þann tuttug-
asta þessa mánaðar. Er tónlistin
á plötunni tekin úr nýrri bíómynd
sem ber sama nafn og platan og
Prince hefur verið að vinna að á
síðustu mánuðum eins og áður
hefur komið fram hér á Poppsíð-
unni.
lan Gillan með nýja plötu.
New Kids On The Block
Unglingahljómsveitin NewKidsOn
The Block sem örugglega er ein
vinsælasta hljómsveit sinnar teg-
undar sem um getur, hefur stefnt
litlu útgáfufyrirtæki sem sérhæft
hefur sig í gerö grínteiknimynda-
sagna um hinar ýmsu stjörnur
poppsins. Er fyrirtækið ásakað
um að hafa brotið reglur um
höfundarrétt og reglur um vöru-
merki með útgáfu á teiknimynda-
sögu um NKOTB. Þessi málssókn
hefur ekki vakið neina sérstaka
hrifningu meðal innanbúðar-
manna í bandarfsku viðskiptalífi
því þótt hljómsveitin sé nýbúin
að gera sérstakan samning viö
annað fyrirtæki um slíka útgáfu
þá snúist málið í raun ekki um að
banna öðrum að nota nafn henn-
ar heldur að valda útgáfu-
fyrirtækinu sem mestum fjár-
hagslegum skaða og þ.a.l. muni
stefnan ekki ná fram að ganga.
Tom Petty
Nýútkomið er myndband með
Tom Petty sem geymir ein fimm
lög af metsöluplötu hans Full
Moon Fever en hún seldist í um
þremur milljónum eintaka. Það er
annars af Petty af frétta að hann
er að vinna af fullum krafti að
nýju Traveling Wilburys plötunni
með félögum sínum í þeirri
hljómsveit og síðan er hann að
semja tvö ný lög sem verða
ásamt hans frægustu eldri lögum
á safnplötu sem koma mun út
innan skamms.
Plötupunktar
lan Gillan sem snemma á þessu
ári hætti í annað sinn sem
söngvari Deep Purple hefur sent
frá sér nýja sólóplötu og kallast
hún Naked Thunder.
Sú ágæta skoska nýbylgju-
hljómsveit Jesus And Mary Chain
sendir bráðlega frá sér fjögurra
laga EP plötu og mun hún geyma
útgáfu af laginu hans Leonard
Cohen Tower of Song.
Útgáfufyrirtæki Sykurmolanna í
Bretlandi, One Little Indian, er
nýbúið að gefa út tvöfalda safnp-
lötu með öllum helstu hljómsveit-
unum sínum og eru þar auk Syk-
urmolanna sveitir eins og The
Heart Throbs, The Shamen og Pop-
Ingjays.
Hin ágæta nýrokksveit Gene
Loves Jezebei sem semt hefur frá
sér dágóðar plötur eins og Dis-
cover og The House of Dolls er nú
komin með nýja plötu sem nefn-
ist Kiss of Love. Únnendur þung-
arokksins ( hraðari kantinum
geta aldeilis verið kátir því þrjár
af stærri sveitunum í þeirri deild
eru að koma með nýjar skífur á
næstu vilum. Eru það Suicidal
Tendencies með Lights camera
Revolution, (reyndar komin út)
Slayer með Seasons in The Abyss
og Testament með Soul in Black.
Madonna er engum lík.
Bílasalan Dalsbraut
auglýsir
Höfum til sölu
Toyota Carina liftback, ’89, ekin 22 þús.
Toyota Camry st., ’89, ekin 14 þús.
Toyota Corolla Sedan, ’86, ekin 36 þús.
Toyota Landcruiser, ’88, dísel, ekin 79 þús.
Honda Shuttle, ’87, ekin 36 þús.
Honda Accord EX, ’85, ekin 50 þús.
Colt GLX, ’88, ekinn 59 þús.
Lada 1600, ’88, ekin 31 þús.
Skoda Favorite 136, ’89, ekinn 6 þús.
Mazda Pic-up 4x4, ’89, ekin 17 þús.
Mazda 626 2000, ’88, ekin 20 þús.
Vantar allar tegundir bíla á söluskrá
Góður innisalur, ekkert innigjald
S. 11300-11301-11302
Slys gera ekki
boð á undan sér! st
ÚUMFERÐAR
RÁÐ