Dagur - 18.09.1990, Blaðsíða 2

2 - DAGUR - Þriðjudagur 18. september 1990
fréffir
----------------------—------------------------------------I
Bankaráðsfundur Landsbanka íslands haldinn á Akureyri:
Landsbankíim ætlar að styðja atvinnu-
lífið á svæðinu af fremsta mætti
Bankaráð Landsbanka íslands
hélt fyrsta fund sinn eftir
sumarleyfi sl. föstudag, í útibúi
bankans að Strandgötu 1 á
Akureyri. A fundinum var
Björgvin Vilmundarson, einn
þriggja aðalbankastjóra í
Reykjavík, skipaður formaður
bankastjórnar.
Á fundinum kom fram að ekki
hefur tíðkast áður að hafa sér-
stakan formann bankastjórnar í
Landsbankanum, en tilgangurinn
með þessari nýbreytni er að
hraða ákvarðanatöku innan
bankans í veigamiklum málum.
Bankastjórarnir munu skipta
þessu starfi með sér; eftir eitt ár
tekur Sverrir Hermannsson það
að sér, og því næst Valur Arn-
þórsson.
Eyjólfur K. Sigurðsson, for-
maður bankaráðsins, gerði grein
fyrir stöðu Landsbanka fslands,
bæði í heild og sérstaklega hvað
snerti útibúið á Akureyri. Bank-
inn hefur starfað á Akureyri frá
árinu 1902, þar starfa nú 70
manns. Bankinn ávaxtar liðlega
helming alls sparifjár bæjarbúa
og nágrannasveitarfélaga. Aukn-
ing innlána á þessu ári hefur ver-
ið 22,2%, sem verður að teljast
mjög gott.
Bankaráðsmenn Landsbank-
ans og bankastjórar eru, að sögn
Eyjólfs, vel meðvitaðir um þá
erfiðleika sem steðja að atvinnu-
lífinu á Akureyri. Peir fóru í
heimsóknir til fyrirtækja í bænum
á föstudaginn, til að kynna sér
atvinnustarfsemi. Eyjólfur segir
að atvinnuleysi á svæðinu sé
vissulega áhyggjuefni, en það sé
þó ekki meira en að meðaltali
yfir landið. Hvað fyrirtæki á
Akureyri snerti þá sé það ánægju-
efni hversu þrifaleg og vel rekin
þau eru. Þá minntist hann á skóla
bæjarins, sérstaklega Háskólann,
sem ætti eftir að verða Akureyr-
arbæ mikil lyftistöng þegar fram
líða stundir.
Um hlutverk Landsbanka ís-
lands til að styðja atvinnulíf á
Akureyri og efla það segir Eyjólf-
Grenjaðarstaður:
Sóknarprestur
íleyfi
- óráðið í embættið
Sóknarpresturinn á Grenjað-
arstað, sr. Kristján Valur
Ingólfsson, hefur fengið leyfi
frá störfum í sex mánuði. Ekki
er ákveðið hvaða prestur muni
þjóna sókninni í fjarveru hans,
en það mun skýrast á næstu
dögum.
Sr. Kristján Valur sagði í sam-
tali við Dag að óþægilegt væri
fyrir söfnuðinn að það skyldi hafa
dregist að ákveða hver taki við
embættinu, en leyfi hans hefst
um næstu mánaðamót. Um er að
ræða námsleyfi sem sr. Kristján
Valur ætlar að nýta til að ljúka
doktorsritgerð sinni.
Sr. Kristján Valur sagði að í
raun vantaði fleiri presta til þjón-
ustu á landsbyggðinni, en sú væri
þó ekki orsökin fyrir því að óráð-
ið væri hver leysti hann af. Tvö
embætti farpresta eru á landinu,
annað þeirra er laust en hefur þó
ekki verið auglýst vegna þess að
um áramót taka gildi ný lög sem
kveða á um breytingar á þessum
embættum. IM
Frá fundi Landsbankamanna á Akureyri, f.v. Valur Arnþórsson, Eyjólfur K. Sigurósson, Björgvin Vilmundarson,
Sverrir Hermannsson og Helgi Jónsson. Mynd: ehb
ur að stjórnendur bankans séu
ákveðnir í að beita sér af alefli til
að styrkja fyrirtæki í bænum og
við Eyjafjörð, ekki síst vegna
þeirra erfiðleika sem steðja að á
svæðinu.
Mikið er rætt um skipulags-
breytingar innan Landsbankans.
Á dagskrá er að stofna svonefnd
svæðisútibú á sjö stöðum á land-
inu, sem þjóna jafnmörgum svæð-
um eða umdæmum. Með stofnun
sérstakrar hagdeildar og lánasviðs
við útibúið á Akureyri væri kom-
inn vísir að fyrsta svæðisútibúinu.
Valur Arnþórsson bankastjóri
skýrði þessi mál á blaðamanna-
fundi sem haldinn var eftir banka-
ráðsfundinn, og sagði m.a. að
hugmyndin væri sú að skipta úti-
búum Landsbankans í fjóra
flokka eftir þjónustustigi. Svæðis-
útibú yrðu með alla bankaþjón-
ustu, og hafa það hlutverk m.a.
með höndum að sinna eftirliti og
hafa með höndum yfirstjórn
minni útibúa í sínum umdæmum.
Landsbankinn færði þremur
skólum á Akureyri gjafir á banka-
ráðsfundinum. Háskólinn fékk
200 þús. króna styrk til rann-
sókna á Ínúítum á austurströnd
Grænlands, og Menntaskólinn og
Verkmenntaskólinn á Akureyri
fengu hvor um sig tíu manntöfl
og klukkur. EHB
Könnun Félagsvísindastofnunar á afstöðu
fólks til staðarvals álvers:
Keilisnes efst á óskaJistanum
Samkvæmt skoðanakönnun Fé-
lagsvísindastofnunar, sem hún
gerði fyrir iðnaðarráðuneytið
og var kynnt um helgina, styð-
ur meirihluti þjóðarinnar
byggingu álvers á Keilisnesi.
Að því skilyrði gefnu að Atl-
antsál vilji aðeins byggja álver-
ið á Keilisnesi, þó að stjórnvöld
séu tilbúin til að greiða fyrir
staðsetningu þess annars
staðar, eru 80% Reykvíkinga
málinu hlynntir og 61,4%
landsbyggðarfólks. Mestur er
stuðningurinn á Reykjanesi
rúm 60 prósent landsbyggðarfólks
vilja álverið á Keilisnes
eða 84,2%.
Þessi niðurstaða er nokkuð
athyglisverð þegar hafðar eru í
huga niðurstöður könnunar fyrr í
vetur, sem leiddu í ljós mikinn
stuðning við byggingu álvers utan
suðvesturhornsins, þ.e. við
Eyjafjörð eða Reyðarfjörð.
Stuðningur við byggingu álvers
á Keilisnesi, að gefnum áður-
nefndum forsendum er mikill í
öllum stjórnmálaflokkum. Mest-
ur er hann í Alþýðuflokknum,
86,7%, þar næst kemur Sjálf-
stæðisflokkur með 78,3%, síðan
Alþýðubandalag og Framsókn-
arflokkur með tæp 58% og
Kvennalisti rekur lestina með
50%.
Keilisnes nýtur mests fylgis
sem byggingarstaður fyrir álver
hjá þeim sem eru fylgjandi bygg-
ingu álvers eða eru hlutlausir.
Um 41% nefndi Keilisnes, 21%
Dysnes í Eyjafirði, 18% Reyð-
arfjörð og um 21% vill ekki
gera upp á milli staða. Af þeim
sem tóku afstöðu völdu 51%
Keilisnes, 26% Dysnes og 23%
Reyðarfjörð. óþh
Norðurland:
Rækjuaflinn eykst mjög
- hörpudiskur líka í sókn
Mun meira af rækju hefur ver-
ið landað á Norðurlandi það
sem af er þessu ári miðað við
sama tímabil í fyrra. í lok ágúst
var aflinn kominn í 11.175
tonn á móti 7.230 tonnum á
árinu 1989. Þetta er um 50%
aukning og gætir hennar í flest-
um löndunarhöfnum norðan-
lands.
í ágústlok höfðu Siglfirðingar
verði drýgstir í rækjunni á
Norðurlandi en þangað voru
komin hátt í 1.800 tonn. Dalvík,
Húsavík og Hvammstangi höfðu
líka tekið á móti verulegu magni.
Lítum nú á aflatölur yfir rækjuna
á árinu. Svigatölur standa fyrir
sama tímabil í fyrra:
Hvammstangi 1.584 (813),
Blönduós 1.329 (986), Skaga-
strönd 1.149 (664), Sauðárkrókur
651 (625), Siglufjörður 1.781
(967), Ólafsfjörður 687 (224),
Dalvík 1.531 (782), Akureyrióll
(331), Kópasker 33 (3) og Rauf-
arhöfn 200 (80).
Eins og sjá má er hér alls stað-
ar um aukningu að ræða og víða
mjög verulega. Á Árskógsströnd
83 (426) og Grenivík 0 (75) er
hins vegar samdráttur, sam-
kvæmt bráðabirgðatölum Fiski-
félags íslands, og það sama gildir
um Drangsnes og Hólmavík á
Norðurlandi vestra.
Auk þessarar uppsveiflu í
rækjunni á Norðurlandi má nefna
að hörpudiskur hefur nú veiðst í
magni sem vert er að geta um.
Fyrstu átta mánuði ársins 1989
eru einungis 10 tonn af hörpu-
diski skráð á Norðurlandi, nánar
tiltekið á Árskógsströnd. Nú er
aflinn orðinn 524 tonn; 276 á
Hvammstanga og 248 á Blöndu-
ósi. SS
Akureyri:
■ Á fundi bæjarráðs nýlega,
lagði bæjarverkfræðingur fram
verksamning við Möl og sand
hf. um framleiðslu á 400
steínrörum að þvermáli 1
metri. Samningsupphæð er kr.
6.664.000 og samþykkti
bæjarráð samninginn.
■ Bæjarráði hefur borist
erindi frá Vinnueftirliti rikis-
ins, varðandi úrbætur á starfs-
mannaaðstöðu á Slökkvistöð
Akureyrar. Bæjarráð hefur
falið bæjarstjóra að svara
Vinnueftirlitinu og gera því
grein fyrir fyrirhuguðum
úrbótum á málefnum Slökkvi-
stöðvarinnar.
■ Bæjarráð hefur hafnað
erindi frá Skotveiðifélagi
Eyjafjarðar, þar sem óskað er
eftir styrk úr bæjarsjóði til
kaupa á rafstöð til notkunar á
skotsvæði félagsins.
■ Bygginganefnd hefur sam-
þykkt erindi frá Niðursuðu-
verksmiðju K. Jónssonar og
Co., þar sem sótt er um bygg-
ingarleyfi fyrir bráðabirgða-
skrifstofuhúsnæði.
■ íþrótta- og tómstundaráð
hefur samþykkt að ráða Dag-
nýju Annasdóttur, kennara,
umsjónarmann félagsmið-
stöðvar Lundarskóla í hálfa
stöðu til eins árs, Ennfremur
að ráða Hönnu , Sigríði
Kjartansdóttur umsjónar-
mann félagsmiðstöðvar Síðu-
skóla í hálfa stöðu til 9 mán-
aöa. Umsækjendur um þessi
störf voru 7 talsins.
■ íþrótta- og tómstundaráð
ítrekaði með bókun á fundi
sínum nýlega, að ráðið hefur
fullan hug á að eignast hús-
eignina Hafnarstræti 75, sem
er viðfastur skúr við Dyn-
heinta.
■ Atvinnumálanefnd hefur
borist erindi frá Saga Reisen,
þar sem óskað er eftir fjár-
stuðningi til að kynna Akur-
eyri og Eyjafjarðarsvæðið
vegna beins flugs félagsins til
Akureyrar á næstu þremur
árum. Nefndin samþykkti að
fresta afgreiöslu málsins þar til
starfshópur um ferðamál hefur
fjallað um það.
■ Atvinnumálanefnd hefur í
tilefni umræðna um vetnis-
framleiðslu, óskað eflir að afl-
að verði upplýsinga um málið
frá Braga Árnasyni.
■ Samkvæmt skýrslu Vinnu-
miðlunarskrifstofunnar, voru
185 atvinnulausir í lok ágúst,
98 karlar og 87 konur. Á skrá
í mánuöinum voru alls 312.
■ Á fundi húsnæðisnefndar
nýlega, kom fram hjá Hákoni
Hákonarsyni, að húsnæðis-
nefnd ætti etir að kaupa 12
íbúðir af kvóta ársins. Var
samþykkt að fela Hákoni og
Sævari Frímannssyni að ganga
til viðræðna við Harald og
Guðlaug hf. um tilboð þeirra
varðandi Vestursíöu 16-18.
■ Stjórn húsnæðisnefndar
hefur samþykkt að umsóknar-
frestur um íbúðir í félagslega
kerfinu verði alltaf opinn.