Dagur - 30.10.1990, Blaðsíða 6

6 - DAGUR - Þriðjudagur 30. október 1990
Annað tækifæri
- enduruppsetning Leikfélags Húsavíkur
leiklist
Þegar Leikfélag Húsavíkur hætti
sýningum á leikritinu „Land míns
fööur“ eftir Kjartan Ragnarsson
við tónlist eftir Atla Heimi
Sveinsson á síðasta leikári, hafði
verkið verið sýnt tuttugu og fimm
sinnum og fjöldi sýningargesta
var kominn vel yfir hálft þriðja
þúsundið. Þó var ekkert lát á
aðsókn. Uppselt var á hverja sýn-
ingu. Þrátt fyrir það var ekki um
annað að ræða en að slíta sýning-
um. Margir þátttakendanna í
uppfærslunni þurftu nauðsynlega
að sinna öðrum málum, sem ekki
mátti lengur fresta, svo að í raun
varð sjálfhætt.
Nú hefur Leikfélag Húsavíkur
tekið verkið upp aftur. í haust
var það æft upp á ný undir stjórn
Sigurðar Hallmarssonar, sem
líka var leikstjóri frumuppfærsl-
unnar, og nýir menn fengnir í
stað þeirra, sem ekki gátu verið
með í enduruppsetningunni. Þeir
urðu fimmtán alls; leikarar og
flytjendur tónlistar. Frumsýning
enduruppsetningarinnar var
föstudaginn 26. október fyrir
fullu húsi áhorfenda, sem greini-
lega nutu sýningarinnar og
klöppuðu flytjendum innilega lof
í lófa að henni lokinni.
Ýmsu smálegu hefur verið
breytt í enduruppsetningu Leik-
félags Húsavíkur á „Landi míns
föður“. Það helsta í því efni er,
að dansatriði, sem var heldur
mislukkað í frumuppfærslunni,
hefur verið skipt út fyrir kvenna-
tríó, og er það til mikilla bóta. í
heild má segja, að verkið líði
mun lipurlegar fram en það gerði;
hnökrar eru svo til engir og vel
hefur tekist að fella nýliðana inn í
hópinn á sviðinu - svo vel, að
tæplega ber skugga á.
Miklar breytingar hafa orðið í
hljómsveit sýningarinnar. Tón-
listarstjóri og píanóleikari frum-
uppfærslunnar, David B. Thomp-
son og blásturshljóðfæraleikarinn
Keith R. Miles, eru báðir hættir
störfum á Húsavík. Við tónlistar-
stjórn hefur tekið Norman
Dennis, trompetleikari, og á
píanóið leikur Ragnar Þorgríms-
son. Trommuleikari er Stefán
Helgason og leikur hann einnig á
munnhörpu í hljómsveitinni.
Undirritaður reit umsögn um
frumuppfærslu þessa verks á síð-
asta vetri. Um frammistöðu ein-
stakra leikara er litlu við það,
sem þá var sagt, að bæta. Elín
Sigurðardóttir, sem Bára er Ijúf-
leg og heilsteypt í hlutverki sínu,
Kristján Halldórsson í hlutverki
Sæla, unnusta Báru, nær vel ung-
æðislegum ákafa, barnslegri ein-
lægni og innilegri tryggð persón-
unnar. Einar Njálsson gerir Leifi
föður Báru góð og eftirminnileg
skil og hið sarna gildir um Guð-
nýju Þorgeirsdóttur, sem leikur
móður hennar með sannfærandi
hætti.
Stjáni, skemmtistaðarrekand-
inn, er skoplegur í túlkun Jóns
Guðlaugssonar, sem fer léttum
höndum um hlutverkið, og kona
hans, Sigga, skilar sér vel í með-
förum Sigríðar Harðardóttur.
Bjarni Sigurjónsson nær góðum
tökum á Ólafi, föður Sæla og
Stjána, Kristinn Einarsson hefur
sannferðug tök á Agnari lög-
reglustjóra, Ingimundur Jónsson
túlkar Pétur postula af innlifun í
falli hans og endurreisn og Jó-
hannes G. Einarsson hefur trygg
tök á Þórólfi nasista.
Af nýjum leikurum má nefna
Aðalsteinu Einarsdóttur, sem
leikur Önnu, unglingsstelpu,
systur Báru, sem lendir talsvert í
ástandinu. Aðalsteina skilar hlut-
verki sínu í heildina vel, en talar
á stundum óskýrt og of hratt.
Annar nýr leikari, sem athygli
vakti var Pétur H. Pétursson,
sem fer með hlutverk Björns
Valdemarssonar. Pétur gerir
hlutverkinu góð skil. Þó má að
því finna, að sú bjagaða íslenska,
sem hann á að tala, er ekki alveg
eins samfelld og vera mætti.
I fyrri umsögn undirritaðs um
verkið var fundið að nokkuð
hörðum trommuleik í hljómsveit-
inni. Til þess er ekki ástæða að
þessu sinni. Hljómsveitin var
mjög áheyrileg og í raun undur,
hve fjöibreyttur leikur hennar
var þar sem hún er einungis skip-
uð þrem hljóðfæraleikurum.
Flutningur söngvara var yfir-
leitt með ágætum, en í fjölda-
söng, svo sem kórum, gætti tals-
verðs ósamræmis í styrk radd-
anna. Einkum var þaö tenórinn,
sem vildi koma verulega og á
stundum til skaða fram úr
hljómnum. Þá náði höfuðglans-
númer kórflutningsins, lagið
„Land míns föður“, ekki þeim
brag, sem var í fyrri uppfærsl-
unni. Hlýju og innileik skorti til
þess að vönduð útsetning Atla
Heimis Sveinssonar nyti sín.
Það var kærkomið undirrituð-
um að eiga þess kost að sjá söng-
Samkort
■ alíslenska greiðslukortið
Upplýsingar og eyðublöð:
Vátryggingafélag íslands hf.
Glerárgötu 24, Akureyri.
leikinn „Land míns föður“ aftur
á fjölum Samkomuhússins á
Húsavík. Ekki spillti það ánægj-
unni að komast að raun um, að
minningin um góða kvöldstund í
félagsskap leikaranna í Leikfé-
lagi Húsavíkur á síðasta leikári
við frumuppsetningu verksins
hafði ekki verið rósrauður bjarmi
fjarlægðarinnar. Með endurupp-
setningu „Lands míns föður“ gef-
ur Leikfélag Húsavíkur þeim
leikhúsunncndum á Norðurlandi,
sem ekki gátu komið því við að
sjá sýningu þess á verkinu í fyrra,
tækifæri til þess að njóta þess
núna. Það er óhætt að fullyrða,
að Húsavíkurferð þess erindis er
fyrirhafnarinnar virði.
Haukur Agústsson.
myndlist
Þríeyki á Húsavík
Þrír listamenn opnuðu sýningu í
Safnahúsinu á Húsavík 27. októ-
ber. Sýningin stendur til 4. nóv-
ember.
Hólmfríður Bjarnadóttir,
Sandi í Aðaldal, sýnir tíu veflist-
armyndir. Annars vegar eru
smáar landslagsmyndir, sem bera
vott næmu auga og góðri tilfinn-
ingu fyrir því efni, sem listamað-
urinn vinnur í og möguleikum
þess á þessu sviði myndtjáningar.
Hins vegar eru stærri myndir, þar
sem mótífin eru konur. Nokk-
urrar einhæfni gætir í myndefni
og mótun, en í mörgum þessara
mynda er mikill styrkur og
ákveðin tjáning, sem vekur
athygli og umhugsun. Sérstak-
lega má nefna myndina „Blikur",
sem er sérlega sterk og heildstæð.
Oddný Magnúsdóttir á Húsa-
vík sýnir níu verk. Annars vegar
eru veflistaverk. Af þessum
myndum vöktu mesta athygli
óhlutbundin smáverk, sem lýsa
einna helst hugblæ. Af þeim má
nefna „Gegnum gráu hárin“, sem
unnin er í tog og silki, og „Blús“,
unnin í hrosshár og silki. Hins
vegar eru á sýningunni natúralist-
ísk verk unnin í tau og silki með
„ásaumi". í þessum flokki vöktu
mesta athygli myndirnar, „Vetur-
nætur“ og „Dögun“. f þeim hefur
listamaðurinn náð næmum tök-
um á jafnt myndefni sem vinnslu-
efni.
Þriðji listamaðurinn á sýning-
unni í Safnahúsinu á Húsavík er
Torfi Ásgeirsson. Torfi er úr
Reykjavík, en ættaður frá Hall-
dórsstöðum í Laxárdal.
Torfi sýnir tuttugu og fimm
málverk. Þau eru unnin annars
vegar í olíu á striga og hins vegar
í akrýl á striga. Fimm þeirra eru
„geometrísk" og allströng að
uppbyggingu og tíu nokkurs kon-
ar leikur að litum; frjáls og jafn-
vel losaraleg. Þó er serían „Ljós,
flæði, birta“ allformföst og öguð.
Auk hinna óhlutbundnu verka
sýnir Torfi tíu verulega stílfærð,
natúralistísk verk. Þessar myndir
eru fastar í formi, fletir litanna
greinilega aðskildir og skuggar
skarpir svo að á stundum minnir
á formteikningu. í þessum flokki
verka vöktu sérstaka athygli
myndirnar „Lindá“ og „Snjó-
fjöll“, þar sem hið stranga og í
raun þunga myndform öðlaðist
mýkt og fyllingu. Torfi virðist
hafa tilhneigingu til þess að fylla
myndflötinn sem mest. Þetta
leiðir á stundum til ofhleðslu, svo
sem í myndinni „Við tjörnina".
Sýning listamannanna þriggja í
Safnahúsinu á Húsavík er for-
vitnileg og um margt falleg. Á
henni má sjá umtalsverða vídd
stílbragða, úrvinnsluefnis og
myndtaka, sem vekur til umhugs-
unar um tilgang og leiðir. Það er
því full ástæða til þess að hvetja
áhugafólk um myndlist til þess að
leggja lykkju á leið sína og sjá
hana.
Haukur Ágústsson.
Saga Akureyrar
- fyrsta bindið að koma út
„Að fortíð skal hyggja, ef frumlegt skal byggja,
án fræðslu þess liðna sést ei, hvað er nýtt.“
Á næstu dögum mun fyrsta
bindi af Sögu Akureyrar líta
dagsins ljós. Söguritari er Jón
Hjaltason sagnfræðingur sem
ráðinn var til verksins á haust-
dögum 1987.
Sögu Akureyrar er skipt í
þrjá meginkafla og greinist hver
þeirra í sérstaka kafla. Bókin er
merk heimild í máli og myndum
og spannar í heild tímabilið frá
landnámsöld til ársins 1862 en
það ár fékk Akureyri kaupstað-
arréttindi öðru sinni. í bókinni
er dregin upp mynd af brauð-
striti bæjarbúa og baráttu fyrir
ýmsum hagsmunamálum. Einn-
ig er brugðið upp lýsingum af
litríkum einstaklingum er settu
svip sinn á bæinn.
Þessi saga, sem er náma fróð-
leiks og skemmtunar, á erindi
til allra Akureyringa heima og
heiman og annarra sem áhuga
hafa á þjóðlegum fróðleik.
Kynningarbæklingur, sem
hefur að geyma áskriftarseðil og
upplýsingar um Sögu Akureyr-
ar, verður borinn í öll hús í
bænum og sendur víða um land.
Nánari upplýsingar eru veitt-
ar í síma 27245.
Jópljalsson
(§W.
?.yVfgím/mr
"»*■ <«. « <i» » <, » 0«íí»<.tx..v ,v
, . ..
B.J. gallabxur, st. 32-42, verð 1.550.-
Gallabuxur m/föllum, st. 44-54, verð 1.550.-
Köflóttar vinnuskyrtur, st. 41-46, verð 990.-
Víking stígvél
á fullorðna komin
111EYFJÖRÐ
r HJALTEYRARGÖTU 4 SÍMI 96-22275