Dagur - 05.04.1991, Blaðsíða 11

myndlist
Föstudagur ,5. apr.il 1991 - DAGUR - 11
Páskasýning Samúels
Miðvikudaginn 27. mars opnaði
Samúel Jóhannsson, myndlistar-
maður, sýningu á tuttugu og
fimm verka sinna í húsakynnum
Myndlistarskólans á Akureyri. Á
sýningunni eru átta teikningar og
sautján málverk unnin í akríl á
striga.
Myndir Samúels á sýningunni í
Myndlistarskólanum hafa á sér
nokkuð samhæfðan svip velflest-
ar. Þær fjalla um mannslíkamann
í allstöðluðu umhverfi, sem ein-
kennist af handriðum, stigum og
framar öðru sívölum, hnúðuðum
stöplum.
Myndir Samúels eru yfirleitt
natnislega unnar. Ekki síst í
teikningunum tekst honum allvel
að draga fram grunnatriði ana-
tómíunnar á einfaldan hátt. Lítið
er um óþarfa atriði, sem fljóta
með til þess eins að fylla mynd-
flötinn.
Teikningar Samúels eru unnar
af umtalsverðu öryggi og jafnvel
þar sem hann fer yfir mörk hins
mögulega í stöðu líkamanna,
stingur það yfirleitt ekki sakir
þeirrar lipurðar, sem er í línum
hans. Málverkin eru stirðlegri.
Þau eru ákveðin í framsetningu,
en virðast á stundum vera að
mestu stækkanir og litanir teikn-
inganna.
Það er vafalaust, að flokka ber
margar myndanna á sýningu
Samúels í Myndlistarskólanu sem
„erótískar". Þetta kemur fram í
þeim „phallus-táknum“, sem eru
í stöplum þeim, sem þegar hefur
verið á minnst, í hinum samofnu
líkömum, sem víða er að finna í
verkunum á sýningunni, í blæ
grímanna, sem koma í stað and-
lita á mörgum fígúra listamanns-
ins, og ýmsu fleiru. Þrátt fyrir
þetta, eru myndir Samúels ekki
klúrar, heldur er væntanlega
réttara að lesa þær sem táknun
frelsis og fordómaleysis.
Einna mesta eftirtekt undirrit-
aðs í flokki þeirra mynda, sem
kalla má erótískar, vöktu mál-
verkið „Lífið er leikur“ og ýmsar
teikninganna ekki síst í seríunni,
sem númeruð er þrettán til átján.
Þá er málverkið „Leikhúslíf" tal-
svert eftirtektarvert. Það er á
mörkurn þess erótíska.
Nokkur smærri verk sköpuðu
andstæðu á sýningu Samúels
Jóhannssonar. Þar voru eftirtekt-
arverðastar „Maður með hatt“ og
„Mín“, þar sem listamaðurinn
sýndi á sér hlið allólíka þeirri,
sem kom fram í flestum hinna
verkanna á sýningunni.
Galli á sýningu er nokkuð
þrúgandi einhæfni í myndefni og
túlkun. Þá hefði verið skemmti-
legt, að sjá ákveðin merki þróun-
ar frá sýningu hans í Gamla
Lundi fyrir nokkrum árum. Þá
sýndi hann teikningar mjög í
sama anda og þær teikningar eru,
sem sjá má á þeirri sýningu, sem
nú stendur. Sami andi ríkir einn-
ig í flestum málverkanna á sýn-
ingunni.
Vonandi kemst Samúel upp úr
því fari, sem hann nú virðist í.
Þess sjást reyndar merki á sýn-
ingu hans í Myndlistarskólanum
að hann þokkist í nýjar áttir.
Vonandi eru þau annað og meira
en ómerk hliðarspor.
Haukur Ágústsson.
tónlist
Heimiskvöld
Karlakórinn Heimir hefur margt
á dagskrá sinni ár hvert. Eitt það,
sem nýtur ekki hvað síst vinsælda
í starfsemi kórsins, eru svokölluð
Heimiskvöld, sem haldin eru á
nokkrum stöðum í byggðum
þeim, sem eru innan þess svæðis,
sem kórfélagar koma af.
Á yfirstandandi ári hafa verið
haldnar skemmtanir af þessu tagi
á Höfsósi og f Miðgarði. Þessar
samkomur eru að mestu karla-
kórstónleikar, en inn á milli kór-
atriða er skotið gamanefni, sem
kórfélagar hafa útbúið og flytja.
Heimiskvöldið í Miðgarði var
að kvöldi laugardagsins 30. mars.
Kórinn, sem nú telur um sextíu
söngmenn, var á margan hátt
góður og sýndi að í honum býr
geta til átaka og einnig þess að
skila góðum söng.
Léttleiki ríkti í lögunum
„Sprettur“, „Nú geng ég mig á
gleðifund" og „Hermannakórn-
um“ úr Faust. í síðasttalda laginu
var talsverður þróttur og
ákveðni. Hið sama átti við um
„Úr útsæ rísa íslands fjöll“ og
„Söngvaramars."
í nokkrum lögum sýndi
kórinn, að hann getur vel haldið
jöfnum, mjúkum og veikum tóni,
svo sem í liggjandi hljómum und-
ir einsöng eða dúett. Einnig voru
innkomur yfirleitt í mjög góðu
lagi og afar sjaldan kom fyrir svo
að áberandi væri, að raddir skæru
sig út úr samfellu hljómsins.
Kórinn þarf þrátt fyrir allt það,
sem hér hefur verið á minnst, að
batna. Hann er margmennur og
ætti að vera máttugt hljóðfæri.
Það nýtur sín þó aldrei til fulln-
ustu sem slíkt. Hinn breiði
þróttur er ekki með í flutningn-
um. Hann vantaði til dæmis í lag-
inu „Úr útsæ rísa íslands fjöll“,
sem býður upp á holskeflur tóna,
sem hvolfa hefði mátt yfir áheyr-
endur. Hins sama hefði mátt
vænta í túlkun nokkurra annarra
laga, sem flutt voru á Heimis-
kvöldinu.
Þá var ekki nógu vel unnið úr
möguleikum styrkbreytinga. Hér
má nefna verkið „Hirðingjar"
eftir Schumann, sem kórinn flutti
reyndar af eftirtektarverðu
öryggi, en ekki þeirri tilfinningu
og þeim hita, sem vænta hefði
mátt. Hið sama gilti um lagið
„Granada", sem er þrungið suð-
rænum varma, en því miður skil-
aði hann sér ekki sem skyldi í
meðförum Heimis.
Hér þyrfti að taka á. Söng-
menn verða að finna til þess, sem
þeir eru að flytja, og tjá þær til-
finningar, sem vakna þeim í
brjósti, á agaðan og áhrifamikinn
hátt.
Gjarnan mætti sýna meiri
dirfsku og metnað í verkefnavali.
Engan veginn er átt við það, að
leggja skuli að fullu til hliðar þau
verk, sem nú eru mest sungin.
Hins vegar mætti skjóta inn einu
og einu verki, sem væri í öðrum
anda og gerði aðrar kröfur jafnt
til kórfélaga sem áheyrenda.
Nokkrir einsöngvarar komu
fram með kórnum og skiluðu þeir
hlut sínum allvel. Undirleikarar.
kórsins voru Richard Simm, sem
lék á píanóið af lipurð og tilfinn-
ingu, og Jacqueline Simm, sem
átti verulega fallegan þátt í tón-
leikunum í óbóleik sínum.
Söngstjóri Heimis, Stefán
Gíslason, hafði góða stjórn á
mönnum sínum. Þeir fylgdu
bendingum hans af kostgæfni,
sem kom fram í til dæmis góðum
byrjunum og öruggum afslætti og
mörgu öðru.
Karlakórinn Heimir er ætíð
áheyrilegur og iðulega góður. En
einmitt það er forsenda þess, að
hann geti enn batnað.
Haukur Ágústsson.
Konur-
Afl í stjómmálum
Kvenréttindafélag íslands heldur
opinn stjómmálafund
með kvenframbjóðendum allra flokka í
Norðurlandskjördæmi eystra á Hótel KEA kl.
17.00, sunnudaginn 7. apríl, 1991.
Fundarstjóri: Ásta Sigurðardóttir.
Sláðu því ekki
lengur á frest!
Námskeið hefjast 8. apríl...
...Komdu í skemmtilega og góða
líkamsrækt-Viðtökum vel á móti þér!
Alice, Amý, Ellen, Katrín, Lína
1. Róleg leikfimi:
Styrkjandi æfingar, þol, teygjur,
slökun, engin hopp. Þessi tími hentar
vel konum í eldri kantinum.
2. Leikfimi og megrun:
Styrkjandi og vaxtarmótandi æfingar,
þol, teygjur, slökun, vigtun, mæling,
aðhald. Persónuleg ráðgjöf. Vilt þú
losa þig við nokkur kíló og styrkjast í
leiðinni? Þá er þetta tíminn fyrir þig.
3. Magi, rassoglæri:(Mjúkter»bikk)
Styrkjandi og vaxtarmótandi tímar
með áherslu á maga, rass og læri, þol,
teygjur, slökun. Engin hopp.
Fjörugir tímar.
4. Framhaldstímar:
Aðeins fyrir vana. Mikil hreyfing,
mikill sviti. Áhersla á þol, maga, rass
og læri, teygjur. Hörku stuð og púl!
5. Erobikk:
Mjúkt og hart erobikk. Púl, sviti og
fjör. Mikil hopp, mikil brennsla.
6. Þrekhringur:
Erobikk og tækjaþjálfun í sama
tímanum (stöðvaþjálfun). Hörkutímar,
fjör, hvatning, aðhald.
7. Tröppuþrek:
Tröppuþrekið hefur slegið í gegn enda
frábær þjálfun, þol og styrktaræfingar.
Mikið púl og mikill sviti.
8. Opnir tímar á föstudögum
kl. 18.00:
Fitubrennsla - Allir velkomnir.
Morguntímar- Dagtímar- Kvöldtímar
- Barnapössun.
Innritun og upplýsingar í síma 24979
frá kl. 16-20.
Afhending og greiðsla korta
sunnudaginn 7. apríl frá kl. 14-16.
Tryggvabraut 22
Akureyri sa»/ 24979.