Dagur - 05.04.1991, Blaðsíða 14

14 - DAGUR - Föstudagur 5. apríl 1991
Ferðafélag
Akureyrar
Myndakvöld
verður í húsnæði félagsins, Strandgötu 23,
n.k. þriðjudagskvöld 9. apríl kl. 20.00.
Sigurgeir B. Þórðarson sýnir myndir.
Kaffiveitingar.
Aðgangseyrir kr. 200.
Allir velkomnir meðan húsrúm leyfir.
Óskum eftir áreiðanlegum starfs-
manni til framleiðslustarfa
Upplýsingar aðeins gefnar á staðnum.
0^ Gúmmívinnslan hf.
RettarhVammi 1 Akureyri Simi 96-26776
Dans - Dans - Dans
Kennsla hefst 8. apríl
Jazzdans: Fyrír 7-9 ára. Dans, leikræn tjáning.
Jazzdans: Fyrir 10-12 ára.
Jazz fyrir 6 ára: Dans, leikir, leikræn tjáning.
Jazzdans: Fyrir 13 ára og eldri.
Jazzleikskólinn: Fyrir 4-5 ára börn.
Dans, söngur, leikræn tjáning, leikir.
Ballett: Fyrir 7 ára og eldri
Nýtt Stepp-Stepp
Allir geta lært að steppa jafnt
ungir sem eldri. Notið tækifærið.
Hringdu núna!!!!
Kennarar skólans á vorönn:
Ástrós Gunnarsdóttir, Katrín
Káradóttir, Nanette Nelmes, Lína
Þorkelsdóttir, Alice Jóhanns.
Innritun og upplýsingar í síma 24979
frá kl. 16.00-20.00.
Afhending og greiðsla skírteina,
sunnudaginn 7. arpíl frá
kl. 14.00-16.00.
Tryggvabraut 22
Akureyri
E
Tökum höndum saman!
Ágætu flokkssystkin.
Eftir örfáa daga verður kosið
til Alþingis. Ég vil minna ykkur
öll og aðra stuðningsmenn Fram-
sóknarflokksins á eftirfarandi:
Atkvæðin ráða, en ekki
spár eða skoðanakannanir
1. Hvað sem öllum spádómum
og skoðanakönnunum líður, þá
vara ég eindregið við of mikilli
bjartsýni fyrir þessar kosningar.
Eins og allir vita eru það atkvæð-
in, sem koma úr kjörkössunum
20. apríl, sem segja til um fylgi
flokkanna en ekki spár eða skoð-
anakannanir.
Sérhvert atkvæði
skiptir máli
2. Ég vil því hvetja ykkur öll til
að taka þátt í baráttunni þessa
síðustu daga fyrir kosningar. Tal-
ið við vini og vandamenn og ef
þeir verða fjarverandi á kjördag,
hvetjið þá eindregið til að kjósa
utan kjörstaðar. Hafið samband
við kosningaskrifstofur Fram-
sóknarflokksins og trúnaðar-
menn í öllu kjördæminu og takið
virkan þátt í kosningabaráttunni.
Hvert einasta atkvæði er mikil-
vægt eins og þið vitið. Úrslit
kosninganna fyrir okkur fram-
sóknarmenn gætu ráðist af örfá-
um atkvæðum, því Framsóknar-
Svavar Ottesen.
flokkurinn fær yfirleitt ekki upp-
bótarmenn.
Ef allir Ieggjast á eitt...
3. Ef við tökum öll höndum sam-
an þessa síðustu daga kosninga-
baráttunnar og allir leggja sitt af
mörkum með mikilli vinnu og
góðu starfi þá tel ég góðar líkur á
að því að ungur maður úr Eyja-
fjarðarsveit, Jóhannes Geir Sig-
urgeirsson, verði kosinn á þing
20. apríl. Hann yrði þar með
fyrsti þingmaður kjördæmisins
sem búsettur er í hinu nýja sveit-
arfélagi, og væri það vel.
Takið virkan þátt í
kosningabráttunni
Að lokum, ágætu framsóknar-
menn, minni ég á fundinn með
formanni Framsóknarflokksins,
Steingrími Hermannssyni, í
Alþýðuhúsinu næstkomandi
sunnudag kl. 15.00. Einnig vil ég
hvetja ykkur til að mæta á aðra
fundi og samkomur, sem haldnar
verða á vegum Framsóknar-
flokksins næstu daga. Skrifstofa
flokksins á Akureyri, í Hafnar-
stræti 90, verður opin alla daga
og einnig á kvöldin og verða
frambjóðendur flokksins þar til
staðar. Allmiklar endurbætur
hafa farið fram á skrifstofunni að
undanförnu og ætti því að fara
vel um alla þá sem leggja leið
sína þangað. Lítið inn og fáið
ykkur kaffibolla og ræðið við
frambjóðendur.
Stöndum þétt saman, fram-
sóknarmenn, þessa síðustu daga
kosningabaráttunnar. Þá mun vel
fara.
Með flokks- og baráttukveðju,
Svavar Ottesen.
Höfundur er formaöur Framsóknarfélags
Akureyrar.
Hvert á að leiða landið?
Þegar Davíð Oddsson hafði verið
kjörinn formaður á landsfundi
Sjálfstæðisflokksins flutti hann
ræðu svo sem vænta mátti. Þessi
ræða var prentuð í Morgunblað-
inu 12. mars 1991. í ræðu hins
nýkjörna formanns eru merkileg-
ar málsgreinar svohljóðandi:
„Menn vilja ekki una því
lengur, að í þessu eina ríki á vest-
urhveli jarðar skuli vera afturför
og stöðnun, meðan á öllum öðr-
um þjóðum miðar fram, í atlæti
og kjörum.
Menn geta allt eins valið sér til
verks, laglausan söngvara, lit-
blindan málara eða áttaviltan
leiðsögumann eins og ríkisstjórn
Steingríms Herrmanns til að
leiða landið.“
Hvert á að leiða landið? Á að
reyna þoka því nær miðbaug?
Það held ég að Þorsteinn Páls-
son hefði ekki látið frá sér fara
hliðstæða frásögn. Það er ekki
rétt að ásaka Davíð Oddsson fyr-
ir það, að hann hefur ekki vald á
móðurmáli sínu, því það er hon-
um ósjálfrátt, en hins ber að
geta, sem hann er frægur fyrir.
Það er fjármálavitið hans, sem
hefur komið í ljós við stjórn
Reykjavíkurborgar. Sumir segja
að það sé enginn vandi að stjórna
Reykjavíkurborg því þar séu
nógir peningar til. Jú víst er það
vandi, því vanhæfir stjórnendur
geta sett hin voldugustu fyrirtæki
á hausinn.
Davíð hefur stjórnað sinni
borg svo vel, að hún getur reist
ráðhús og turna og verður ekki
meira um, en hver íbúi drekki
vatn úr glasi.
Það hlýtur að vera öllum lands-
mön.'.um gleðiefni að eiga vold-
uga og ríka höfuðborg, sem reisir
ráðhús og truna eins og að
drekka.
Formennska í nefndum og ráð-
um virðist stundum vera eftirsótt
sem dæmi sanna. Það er þó svo,
að allir hafa sama atkvæðisrétt,
eitt athvæði hver.
Nefndarformenn eru verkstjór-
ar og geta stundum haft áhrif
bein eða óbein fram yfir aðra
nefndarmenn. Á líðandi stund er
oft erfitt að meta, hvað á að gera
og hvað á ekki að gera.
Björn Egilsson.
Sjálfur hef ég reynslu af
þessu. Ég var nokkur ár nefnd-
arformaður í minni sveit. Ég réði
því sem ég vildi með því að setja
upp svip og brúka frekju og hirti
ekíci um hvað minnihlutinn villdi.
Þjóð vor ætti að eiga sem flesta
fjármálamenn eins og Davíð
Oddsson, til þess að eiga fyrir
daglegu brauði og vel það, til
dæmis að hver fjölskylda geti far-
ið á bíó einu sinni í viku. Og svo
þurfa þeir sem eiga peninga að
Íeggja þá fram til að jarða þá sem
ekkert eiga.
Allir verða að komast í mold-
ina.
Það er margt öðruvísi nú en
áður var og sumt betra en síðan
að kratisminn smaug í gegnum
allt þjóðlífið. Þó held ég að
eðlisfar manna sé óbreytt síðan á
dögum Móse.
Skrifað stendur, að ekki sé
hægt að þjóna tveimur herrum,
guði og mammoni. Þó hafa
Islendingar gert það frá upphafi
sögu sinnar. Það var eðlislægt og
kom af sjálfu sér, að trúa á hið
mikla sem yfir er og enginn getur
skilið og skýrt og iíka urðu menn
að hafa mammon í þjónustu sinni
til að komst af.
Það mun ekki vera saknæmt,
þó íslendingar þjóni guði og
mammoni, enn sem fyrr. Þeir eru
hvort eð er naumlega komnir á
miðja leið og eiga eftir að klífa
Háubrekku.
Einhverntíma las ég gamla
þjóðsögu, þar sem sagt var, að
ekki fyndist óeigingjarn prestur
fyrr en suður á Saxlandi. Þá held
ég að hafi ekki verið birta yfir fs-
landi eða Góuglans.
Um aldir var prestastéttin
burðarás íslenskar menningar.
Ýmsir prestar voru við nám á
meginlandi Evrópu, í Kaup-
mannahöfn, Svartaskóla og
víðar. Þeir töluðu ekki erlendar
tungur þegar þeir komu heim, en
komu með þekkingu um mann-
legt samfélag, vísindi og listir.
Það er svo sem auðvitað, að
prestar voru misjafnir að atgervi
og mannkostum eins og allur
almenningur. Sumir fóru búferl-
um landshornanna milli, misstu
skepnur í skurði og voru fátækir.
Aðrir sátu höfuðból alla sína
embættistíð og græddu.
Því hefur verið haldið fram að
íslensk menning sé á grundvelli
kristinnar trúar. Það er rétt.
Kennisetningar eru fjölmargar,
en undirstaða þeirra allra er sið-
gæðiskenning Krists, sem er svo
fullkomin að hún stendur alla
daga.
Stjórnarandstaðan er lögleg og
nauðsynleg, en sé hún sögð fram
með ólíkindum og ýkjum verður
hún ónýt og ekki tekið mark á
henni.
Ríkisstjórn Steingríms Her-
mannssonar er sjálfsagt bæði góð
og vond, eins og aðrar stjórnir
sem hafa verið við völd hér síð-
ustu áratugi.
Það held ég, að Davíð Odds-
syni hafi orði slys á tungu sinni á
landsfundi, þegar hann lýsti
núverandi ríkisstjórn þannig, að
hún væri eins og laglaus söngvari,
litblindur málari eða áttavilltur
leiðsögumaður. Hvílík samlík-
ing!
Að Davíð Oddsson féll á
landsprófi bendir til að gáfur
hans séu ekki fjölhæfar en mestar
á sviði reiknilistar. Það er líka
gott.
Hvert á að leiða landið hef ég
ekki hugmynd um.
19. mars 1991,
Björn Egilsson