Dagur - 09.11.1991, Qupperneq 23
Laugardagur 9. nóvember 1991 - DAGUR - 23
Popp
Magnús Geir Guðmundsson
HITT OG ÞETTA
Genesis
Qenesis, hin fornfræga breska
sveit, hefur nú rofið þagnamúrinn
eftir fjögurra ára hlé, en síðast
sendi hún frá sér plötuna The
invisible touch árið 1987. Er
þagnarrofið í formi lagsins Noson
of mine, sem út kom fyrir
skömmu og er það undanfari
nýrrar plötu er kemur út eftir
nokkrar vikur. Genesis er án efa
ein af frægari popphljómsveitum
Bretlands af eldri kynslóðinni
sem enn starfar, en hún á yfir
tuttugu ára starfsferil að baki.
Meginhluta þessa tíma, eða frá
1975 þegar stofnandi Genesis,
Peter Gabriel, hætti skyndilega í
hljómsveitinni, hefur Phil Collins
verið potturinn og pannan í
henni, en það var einmitt vegna
mikilla anna hans við einkaverk-
efni sem lítið hefur borið á Genes-
is í fjögur ár.
Heimsendahjal
Það verður æ algengara að
heimsfrægir tónlistarmenn séu
fengnir til að leggja hönd á plóg
við gerð kvikmyndatónlistar. Er
nú svo komið að vart er sú mynd
gerð sem ekki inniheldur a.m.k.
eina lagasmíð eftir fræga stjörnu.
Það hefur líka sýnt sig að svona
samkrull tónlistar og kvikmynda
margborgar sig eins og dæmin
sanna. Nærtækt dæmi í þeim
Lou Reed er einn þeirra sem á lag í
nýjustu mynd Wim Weinders.
efnum er einmitt hinar gríðarlegu
vinsældir lagsins (Everything I do)
I do it for you með Bryan Adams úr
Hróa hetti, en það sat í heilar
sextán vikur á toppi breska vin-
sældarlistans, sem er met.
Nú í desember kemur út plata
með tónlist úr nýjustu mynd
þýska leikstjórans Wim Weinders,
sem nefnist Until the end of the
World, (Uns veröldin er öll) en þar
verður hver tónlistarstjarna um
aðra þvera. Eru þar á meðal U2,
en eins og fram hefur komið áður
hér á Poppsíðu þá flytja þeir titil-
lagið, REM, Elvis Costello, Lou
Reed, Nick Cave and the Bad
seeds, Patti Smith, Julie Cruise
o.fl. Reyndar hefur platan nú
þegar verið gefin út í Þýskalandi,
en án titillagsins því t/2vildu ekki
að lagið kæmi út áður en nýja
platan þeirra Achtung baby yrði
gefin út.
Chris Whitley
Hinn þrítugi söngvari og gítar-
leikari, Chris Whitley, sem er frá
Texas í Bandaríkjunum, hefur
hér á landi líkt og víða annars
staðar, vakið mikla athygli með
laginu Living with the law, sem er
af hans fyrstu samnefndu plötu.
Hafa hrósyrðin ekki verið spöruð
( hans garð og eru ekki ófrægari
tónlistarmenn en Bob Dylan,
Bonnie Raitt og Tom Petty meðal
þeirra sem lofaö hafa hann og
prísað. Leið Whitleys til frægðar-
innar var þó engan veginn greið
né skjótfarin og hafði hann reynt
ýmislegt áður en hann uppgötv-
aðist. Til dæmis var hann um
hríð í hljómsveit sem gerði út á
kuldarokk í anda Gary Numan.
(Það muna sjálfsagt ekki margir
eftir þeim manni í dag). Var
ímynd þeirrar hljómsveitar víðs-
fjarri þeim Chris Whitley, sem í
dag spilar rokk með blús og
kántrí áhrifum, eða andlitsfarði
og litað hár sem fylgdi hljóð-
gervafárinu. Reyndar var það í
blúsnum sem Whitley tók út sinn
tónlistarlega þroska og eru menn
á borð við Robert Johnson, John
Lee Hooker, Muddy Waters,
Howlin’ Wolf og Johnny Winter
áhrifavaldar í tónlist hans meðal
annarra. Verður fróðlegt að sjá
hvernig honum helst á frægðinni,
en að dómi gagnrýnenda þykir
hann til alls líklegur í framtíðinni.
The other two
Nú á síðustu misserum hefur lítið
farið fyrir poppsveitinni frægu
New Order, nema hvað varðar
HM-lag Englendinga í fótbolta í
fyrra. Bernard Summer söngvari
hefur eins og kunnugt er einbeitt
sér undanfarið að samstarfinu
við Johnny Marr í Electronic og
Peter Hook bassaleikari hefur
sömuleiðis verið upptekinn (
hljómsveitinni Revenge. Þá hafa
hin tvö í New Order, þau Gillian
Gilbert hljómborðsleikari og Step-
hen Morris trommuleikari, sett
saman dúett sem þau kalla ein-
faldlega Hin tvö, The other two.
Hafa þau nú fyrir skömmu sent
frá sér nýtt lag sem kallast Tasty
fish og þá mun vera von á plötu
frá þeim í febrúar á næsta ári.
Þessi einkaverkefni munu ekki
eiga að hafa áhrif á framtíð New
Order, þannig að aðdáendur
hljómsveitarinnar þurfa ekki að
óttast um að hún sé að hætta.
„Hin tvö“ úr New Order, Gillian Gilbert og Stephen Morris.
Dire Straits:
Sjaldan verið betri en
Það er ekki svo ýkja langt síðan
að umsjónarmanni Poppsíðu
þótti lítið til Dire Straits koma.
Einhvern veginn var það nú
þannig að hljómsveitin fór í taug-
arnar á manni og þá sérstaklega
vegna söngsins, sem þótti ærið
leiðinlegur og „asnalegur" í eyr-
um vorum lengi vel. Að vísu
hreifst maður af einstökum lög-
um eins og hinu sígilda Sultans
og swing af fyrstu plötunni og
Tunnel of love af þeirri þriðju,
Making movies, en það er ekki
fyrr en með útgáfu Brothers in
arms árið 1985, að ísinn brestur
hjá umsjónarmanni. Var hann
reyndar ekki einn um að með-
taka Dire Straits þá, því t.a.m. sló
Brothers in arms öll fyrri sölumet
í heimalandinu, Bretlandi, og
seldist í meira en 15 milljónum
eintaka. (Því meti er hugsanlega
ógnað nú bæði af plötum Guns
’n' Roses Use your illusion I og II
og Waking up the neighbours
með Bryan Adams). Af mörgum
perlum á Brothers in arms má
nefna titillagið, So far away, Walk
of live og Money for nothing og
urðu þessi lög öll vinsæl.
Nú, sex árum eftir útkomu
Brothers in arms, er loksins kom-
inn út arftaki hennar, On every
street. Ástæðurnar fyrir þessu
langa hléi voru margar. Meðal
annars þótti Mark Knopfler, sem
alla tíð hefur verið allt í öllu f Dire
Straits, tími til kominn að sinna
öðrum verkefnum og svo var
einnig um aðra meðlimi hljóm-
sveitarinnar. Þá var einfaldlega
tímabært fyrir hljómsveitina að
taka frí eftir mikla heimsreisu
sem farin var í kjölfar útgáfu
Brothers in arms. Raunin er líka
sú að þetta langa hlé hefur haft
mjög góð áhrif á þá Knopfler og
félaga hans, John lllsley, Guy
Fletcher og Alan Clark. Er On
every street nefnilega enginn
eftirbátur Brothers in arms nema
síður sé. Er um visst afturhvarf til
tveggja fyrstu platnanna að
ræða, mun rólegra yfirbragð en á
Brothers in arms. Þá er ekki laust
við að áhrifa gæti frá starfi þeirra
Knopflers og Fletchers í The
nú
Notting Hillbillies í fyrra. Má ( því
sambandi nefna lög eins og How
long og Ticket to heaven.
Annars eru lögin á On every
street hvert öðru betra og getur
skrifari þessara lína ekki annað
en tekið undir með gagnrýnend-
um út í heimi sem telja að hér sé
firnagott verk á ferðinni. Er í lokin
ekki hægt annað en að mæla
með On every street, því hún er
án efa með þeim betri sem út
hafa komið í ár.
Plötur Dire Straits
Dire Straits 1978
Communique 1979
Making Movies 1980
Love Over Gold 1982
Alchemy Live 1984
Brothers in arms 1985
On Every Street 1991
Að auki hefur komið út
a.m.k. ein safnplata.
Sjúkraþjálfarar
Kristnesspítali óskar eftir að ráða yfirsjúkraþjálf-
ara til afleysinga í hálft ár a.m.k. frá 1. mars nk.
Möguleiki er á að fá fastráðningu sem sjúkraþjálfari að lok-
inni afleysingu.
Barnaheimili á staðnum.
Góð vinnuaðstaða er fyrir hendi. Starfið er fjölbreytt og
spennandi. Samvinna fagfólks (teymisvinna) til fyrirmynd-
ar.
Markvisst er unnið að uppbyggingu Kristnesspítala sem
endurhæfingarmiðstöð fyrir Norðurland. Sundlaug er í
byggingu og stærri aðstaða fyrir sjúkraþjálfun verður
byggð innan fárra ára. Yfirlæknir endurhæfingardeildar er
sérfræðingur í endurhæfingarlækningum. Umhverfi spítal-
ans er mjög fallegt og býður upp á ýmsa möguleika.
Nánari upplýsingar gefur yfirsjúkraþjálfari, eða fram-
kvæmdastjóri, í síma 96-31100.
Kristnesspítali.
AKUREYRARB/ÍR
Bókavörður
Laus er til umsóknar staða bókavarðar í
útlánadeild Amtsbókasafnsins á Akureyri.
Vélritunarkunnátta nauðsynleg.
Ráðið verður í starfið frá 1. janúar 1992.
Laun samkvæmt kjarasamningi STAK og Akur-
eyrarbæjar.
Upplýsingar um starfið gefa amtsbókavörður í
síma 24141 og starfsmannastjóri í síma 21000.
Umsóknarfrestur er til 22. nóvember nk.
Umsóknareyðublöð fást í starfsmannadeild Akur-
eyrarbæjar, Geislagötu 9.
Bæjarstjórinn á Akureyri.
Skrifstofustarf
Vegna forfalla er laust til umsóknar starf á
skrifstofu Akureyrarbæjar.
Nauðsynlegt er að umsækjendur hafi kunnáttu í
notkun tölvu (ritvinnslu).
Laun samkvæmt kjarasamningi STAK og Akur-
eyrarbæjar.
Upplýsingar um starfið gefa bæjarritari og starfs-
mannastjóri í síma 21000.
Umsóknarfrestur er til 15. nóvember nk.
Umsóknareyðublöð fást í starfsmannadeild,
Geislagötu 9.
Bæjarritari.
Innilegar þaMdr til ykkar
allra, sem glöddu mig á
sextugs aímælmu
3. nóv. sl.
Sérstök alúð og hlýja
bama minna og
Qölskyldna þeirra
gleymist seint.
Liftð heil!
Jón Amþórsson.