Dagur - 23.12.1991, Qupperneq 18

i
18 - DAGUR - Mánudagur 23. desember 1991
Bækur
Dansar við Úlfa
Dansar við Úlfa, hin heimsfræga
skáldsaga Michaels Blake, er
komin út hjá Fjölvaútgáfunni í
þýðingu Þorsteins Thorarensen.
Alkunna er að kvikmyndin
sem gerð var eftir bókinni með
Kevin Kostner í aðalhlutverki
sópaði að sér margföldum Óskars-
verðlaunum og hefur kvikmyndin
vissulega hrifið fólk um víða
veröld. Samt er þess að gæta, að
kvikmyndin var mest orðvana
umhverfis- og kenndalýsing,
meðan skáldsagan auðvitað
geymir sjálfan beinmerginn í orð-
kynngi, atburðaspennu og tilfinn-
ingalýsingu í orðum.
í bókinni eru lýsingar á öllu því
sem fram kemur í kvikmyndinni
eins og björgun konunnar Stend-
ur með hnefa, vísundaveiðin
mikla, næturárás Kíóvanna, en
hér koma auðvitað líka ótal mörg
fleiri atriði utan kvikmyndarinn-
ar. Má þar sérstakleg til nefna
umræður á ráðstefnum indíán-
anna undir forsæti Tíu Bjarna og
Sparkandi Fugls, sem lýsa vel
mannviti og göfgi hinnar frum-
stæðu þjóðar. Eins og kvikmynd-
in hefur bókin farið sigurför um
öll lönd sem metsölubók.
Dansar við Úlfa er um 300 bls.
Bankar og
peningar
- á 19. og 20. öld
Ut er komin bókin Bankar og
peningar á 19. og 20. öld eftir
Karl Erich Born. Hann er
prófessor í hag- og samfélags-
sögu við Háskólann í Túbingen
og meðlimur Vísindaaka-
demíunnar í Mainz.
í bók þessari er rakin fram-
vinda peninga- og lánamála síð-
ustu tvær aldirnar; sagt er frá
uppruna banka af ýmsum toga;
innlendum starfsháttum banka
og alþjóðlegum samskiptum
þeirra; að auki flytur bókin
örstutt ágrip af sögu margra
kunnra banka.
Þýðandi er Haraldur Jóhanns-
son hagfræðingur.
_________________________ 1
íslensk
togaraútgerð
1945-1970
Bókaútgáfa Menningarsjóðs og
Sagnfræðistofnun Háskóla
íslands hafa gefið út 11. bindi rit-
raðarinnar Sagnfræðirannsóknir
- Studia historica, en ritstjóri
hennar er Gísli Gunnarsson
dósent. Efni þessa nýja bindis er
saga íslenskrar togaraútgcrðar
1945-1970 eftir Þorleif Óskars-
son, að stofni til cand. mag. rit-
gerð höfundar í sagnfræði frá
Háskóla íslands. Hugmyndin
kviknaði haustið 1985, en rit-
gerðinni var lokið snemma árs
1987.
Útgefandi kynnir bók og höf-
und m.a. þannig á kápu:
„í þessari bók er saga togaraút-
gerðarinnar 1945-1970 rakin.
Uppbygging flotans og rekstur
togaranna eru helstu viðfangsefn-
in. Fjallað er um deildur um tog-
arakaupin og togaraútgerðina,
gjörbreytt rekstrarform og for-
sendur þess. Ræddir eru kostir og
gallar einkaframtaks og opin-
berra umsvifa við uppbyggingu
flotans og rekstur skipanna, en
nýsköpunartogararnir voru flestir
í eigu sveitarfélaga vítt og breitt
um landið.
Höfundur kemst meðal annars
að þeirri niðurstöðu að nýju tog-
ararnir hafi komið í veg fyrir
versnandi lífskjör almennings og
atvinnuleysi eftir stríð. Tap-
rekstur útgerðarinnar eftir 1950
megi hins vegar að stórum hluta
rekja til stefnu stjórnvalda, sem
hömpuðu löngum bátaútveginum
á kostnað togaranna.
Þorleifur Óskarsson, höfundur
bókarinnar, er fæddur árið 1958
og lauk kandídatsprófi í sagn-
fræði 1987.“
íslensk togaraútgerð 1945-1970
skiptist í sautján kafla. Ennfrem-
ur hefur bókin að geyma for-
mála, útdrátt á ensku og skrár
um heimildir, viðauka, nöfn,
töflur og myndir. Hún er 272 bls.
að stærð.
Eins og þá
- ný breiðskífa með
Savanna-tríóinu
Eftir tuttugu og fimm ára fjar-
veru frá íslensku tónlistarlífi er
Savanna-tríóið komið aftur. Nú
er komin út ný breiðskífa með
þeim Birni, Troels og Þóri, sem
ber nafnið Eins og þá.
Á breiðskífunni er helmingur-
inn lög sem þeir hafa flutt áður,
en hinn helmingurinn ný lög.
Savannatríóið söng á sínum
tíma inn á 4 breiðskífur og seld-
ust þær alls í 50 til 60 þúsund ein-
tökuin, þar af seldust um 20 þús-
und eintök af þeirri fyrstu.
Savannatríóið er því í hópi
þeirra íslensku flytjenda sem
hvað flestar hljómplötur hafa
selt.
DAGUR
AkurejTi
S 96-M
Norðlenskt dagblað