Dagur - 21.01.1992, Blaðsíða 4

4 - DAGUR - Þriðjudagur 21. janúar 1992
ÚTGEFANDI: DAGSPRENT HF.
SKRIFSTOFUR: STRANDGATA 31,
PÓSTHÓLF 58, AKUREYRI, SÍMI: 96-24222
ÁSKRIFT KR. 1200ÁMÁNUÐI
LAUSASÖLUVERÐ KR. 110
GRUNNVERÐ DÁLKSENTIMNETRA 765 KR.
RITSTJÓRI: BRAGI V. BERGMANN (ÁBM.)
FRÉTTASTJÓRI: KRISTJÁN KRISTJÁNSSON
RITSTJÓRNARFULLTRÚI: EGILL H. BRAGASON
BLAÐAMENN:
INGIBJÖRG MAGNÚSDÓTTIR (Húsavík vs. 96-41585),
JÓHANN ÓLAFUR HALLDÓRSSON, JÓN HAUKUR BRYNJÓLFSSON (íþróttir),
ÓLI G. JÓHANNSSON, ÓSKAR ÞÓR HALLDÓRSSON,
SKÚLI BJÖRN GUNNARSSON (Sauöárkróki vs. 95-35960, fax 95-36130),
STEFÁN SÆMUNDSSON, ÞÓRÐUR INGIMARSSON
LJÓSMYNDARI: KJARTAN ÞORBJÖRNSSON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON, ÞRÖSTUR HARALDSSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDÍS FREYJA RÖGNVALDSDÓTTIR, HEIMASÍMI 25165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
SÍMFAX: 96-27639
Öflugt tóiustundastarf spornar gegn óreglu ungmenna.
Mynd: Golli
Risastórt minnis-
merki um mistök
Fólksfjölgun hér á landi síðasta áratuginn hefur mest-
öll orðið á höfuðborgarsvæðinu og Suðurnesjum. Frá
1981 til 1991 fjölgaði íslendingum um 25.900 manns,
sem allir eru búsettir á ofangreindu svæði. Þar af fjölg-
aði um 15.060 manns í Reykjavíkurborg einni. Utan
höfuðborgarsvæðisins og Suðurnesja búa hins vegar
enn jafnmargir og fyrir áratug, um 94.740 manns.
Breytingin sem átt hefur sér stað á þessum áratug er
sem sagt sú að landsbyggðarmönnum hefur fækkað
hlutfallslega úr 40,8% landsmanna allra niður í 36,5%.
Þessi óheillaþróun er oft nefnd einu nafni byggða-
röskun. Um það verður ekki deilt að hún er afar óhag-
kvæm út frá þjóðhagslegu sjónarmiði. Mikil og hröð
fólksfjölgun á höfuðborgarsvæðinu skapar óteljandi
vandamál sem mjög kostnaðarsamt er að leysa. Nægir
þar að nefna að byggja þarf nýjar íbúðir, dagvistar-
heimili, gæsluvelli, skóla og heilsugæslustöðvar.
Sömuleiðis þarf að verja stórkostlegum fjárhæðum til
að aðlaga samgöngukerfi höfuðborgarsvæðisins að
stóraukinni bílaumferð. Síðast en ekki síst þarf að
skapa fjölmörg ný atvinnutækifæri á höfuðborgar-
svæðinu til að þeir sem þangað flytja hafi til hnífs og
skeiðar. Á sama tíma falla íbúðarhús víða á lands-
byggðinni í verði og mörg þjónustumannvirki þar í
eigu hins opinbera eru illa nýtt sökum fólksfækkunar.
Það er merkilegt að stjórnvöld hafa ekki enn séð
ástæðu til að láta sérfræðinga sína reikna út hvað yfir-
standandi byggðaröskun er þjóðinni dýrkeypt. Viðbú-
ið er að niðurstaðan úr því dæmi yrði svo skelfileg, að
það opinbera fjármagn sem síðustu ár hefur verið not-
að til „svonefndra" byggðaaðgerða yrði léttvægt
fundið.
Uppbyggingin sem hefur átt sér stað í Grafarvogi
síðustu fimm árin, er táknræn fyrir þá stökkbreytingu
sem hér er um að ræða. Enginn „bær“ á íslandi hefur
vaxið með jafnævintýralegum hraða undanfarin ár og
þetta nýjasta úthverfi Reykjavíkur. Á hálfum áratug
hefur Grafarvogsbúum fjölgað um 5.640 manns, þar af
um 1.310 manns á nýliðnu ári. Til samanburðar má
geta þess að fólksfjölgun á landinu öllu - utan Reykja-
ness — var aðeins um 214 manns á síðasta ári, eða
rúmlega 6 sinnum minni en í Grafarvogi! Fólksfjölgun-
in í Grafarvogi síðustu fimm árin svarar til nær 70%
allrar íbúafjölgunar í Reykjavík og rösklega þriðjungs
af allri fólksfjölgun á íslandi á þessu tímabili.
Segja má að í hraðri uppbyggingu Grafarvogsins í
Reykjavík endurspeglist byggðastefna íslenskra
stjórnvalda. Þau hafa ekki enn gert raunhæfa tilraun
til að stöðva yfirstandandi byggðaröskun. Þvert á móti
hafa þau lagt sitt að mörkum til að byggðaröskunin
gangi sem hraðast fyrir sig. Það hafa þau m.a. gert
með því að skapa hundruð nýrra starfa á vegum hins
opinbera á höfuðborgarsvæðinu. Það hafa þau einnig
gert með því að veita ótakmörkuðu fjármagni til upp-
byggingar á þessu sama svæði meðan fjármagn til
annarra landshluta er skorið við nögl.
Þegar grannt er skoðað er Grafarvogurinn risastórt
minnismerki um það hve fullkomlega stjórnvöldum
hefur mistekist það ætlunarverk sitt að stuðla að jafn-
vægi í byggð landsins. BB.
Fundir í Glerárskóla með foreldrum barna í efri bekkjadeildum:
„Útivist fram eftir nóttu og áfengis-
neysla ungmenna er mikið áhyggjuefiii“
- segir Dröfn Friðfmnsdóttir, starfsmaður
íþrótta- og tómstundaráðs
„Það sem við hjá íþrótta- og
tómstundaráði höfum áhyggj-
ur af, jafnt og margir foreldr-
ar, er að unglingar eru farnir
að neyta áfengra drykkja
miklu fyrr en var fyrir nokkr-
um árum. Mjög algegnt er að
börn á Akureyri neyti áfengra
drykkja að staðaldri og
aðgerða er þörf,“ sagði Dröfn
Friðfinnsdóttir, starfsmaður
Iþrótta- og tómstundaráðs
Akureyrarbæjar.
Dröfn sagði að nú sé svo kom-
ið að rannsóknarlögreglan á
Akureyri, íþrótta- og tómstunda-
ráð sem og ráðgjafadeild Félags-
málastofnunar Akureyrarbæjar
hafi tekið höndum saman til að
vinna að fyrirbyggjandi starfi er
lýtur að áfengisneyslu og útivist
ungmenna.
„Upphafs þessa samstarfs má
leita til fyrirlestrar í Lundarskóla
er íþrótta- og tómstundaráð
gekkst fyrir í haust. Fyrirlesari
var Einar Gylfi Jónsson, forstjóri
Unglingaheimilis ríkisins. Fyrir-
lesturinn var vel sóttur og hann
fjallaði m.a. um að það væri
nokkuð snúið að vera foreldri í
dag. Freistingarnar leynast víða
og áfengisbölið nær tökum á æ
fleiri unglingum. Foreldrar
standa oft ráðþrota og hafa ekki
kraft til að sporna gegn áfengis-
neyslu barna sinna. Rannsóknar-
lögreglan, starfsmenn íþrótta- og
tómstundaráðs og starfsmenn
ráðgjafadeildar Félagsmálastofn-
unar vilja því grípa inn í gang
mála. Þessir aðilar búa yfir reynslu
og menntun á flestu er lýtur að
vandamálinu. Aðilarnir þrír hafa
leitað samstarfs við foreldrafélög
grunnskólans. Sl. laugardag var
fundur með sjórnum foreldra-
félaganna. Ákveðið er að efna til
þriggja funda í Glerárskóla á
þriðjudag, miðvikudag og fimmtu-
dag með foreldrum er eiga börn í
eldri deildum skólans. Síðár
verða fundir á sömu nótum í öðr-
um grunnskólum á Akureyri.
Umræðan verður um fyrirbyggj-
andi starf og hvað foreldrum ber
að varast. Okkur ber að líta
alvarlegri augum á áfengisneyslu
ungmenna. Áfengi er undanfari
sterkari efna sem dæmin sanna
og því ber okkur að byrgja
brunninn áður eh barnið dettur
ofan í. Samvinna er besti kostur-
inn,“ sagði Dröfn Friðfinnsdótt-
ir. ój
„Öflugt forvamarstarf og
samviima er lykilatríði“
- segir Jóhannes Sigfússon, rannsóknarlögreglumaður
„Tilgangur fundanna í Glerár-
skóla, það er lýtur að lögregl-
unni, er fyrst og fremst að
leiða foreldra barna í efstu
bekkjum grunnskóla í sann-
leika um hvert ástandið er í
miðbæ Akureyrar um helgar
og þá einnig hver afskipti lög-
reglunnar eru,“ sagði Jóhann-
es Sigfússon, rannsóknarlög-
reglumaður, er Dagur ræddi
við hann um fundaherferð þá
sem rannsóknarlögreglan,
íþrótta- og tómstundaráð sem
og ráðgjafadeild Félagsmála-
stofnunar gengst fyrir í Glerár-
skóla næstu þrjú kvöld.
Fundirnir í Glerárskóla hefjast
öll kvöldin kl. 20,30. Jóhannes
segir fundaherferðina algjöra til-
raun, því ekki sé vitað hver við-
brögð foreldra verði. Fari svo að
foreldrar fjölmenni til fundanna
þá verður haldið áfram í fleiri
skólum. Svo virðist sem ungling-
Unglingurinn verður í brennidepli á
fundunum í Glerárskóla. Mynd: Golli
ar á Akureyri hafi lausan taum-
inn þ.e. lýtur að útivist á kvöldin
og fram eftir nóttu. Lögreglu-
menn þurfa æ oftar að hafa
afskipti af unglingum vegna
neyslu áfengis og aldurinn hefur
færst niður á síðari árum.
„Við munum einnig ræða
fíkniefnamálin og svara fyrir-
spurnum. Ffkniefnamál eru ofar-
lega í hugum foreldra sem eðli-
legt er. Sem betur fer hefur lög-
reglan á Akureyri ekki orðið vör
við fíkniefnaneyslu barna í efri
bekkjum grunnskóla, en foreldr-
um jafnt sem öðrum ber að vera
á varðbergi. Ég vona að foreldrar
fjölmenni til fundanna í Glerár-
skóla því öflugt forvarnarstarf og
góð samvinna foreldra og þeirra
er vinna að heill ungmenna er
forsenda þess að takist að lagfæra
ýmsa hluti er hafa farið miður í
uppeldismálum," sagði Jóhannes
Sigfússon. ój