Dagur - 27.02.1992, Blaðsíða 5

Fimmtudagur 27. febrúar 1992 - DAGUR - 5
Fundur foreldra grunnskólanema á Akureyri
með menntamálaráðherra:
Verulegrar óánægju gætir með
að sparnaður í ríkiskerfinu
bitni á grunnskólanemum
Ólafur G. Einarsson, mennta-
málaráðherra, hefur lagt til að
endurskoðun fari fram á löguin
bæði um grunn- og framhalds-
skólana í landinu og í fram-
haldi af þeirri ákvörðun skipað
nefnd til þess að annast það
verk. Þetta kom meðal annars
fram á fundi með foreldrum
grunnskólanema á Akureyri
síðastliðinn sunnudag. A fund-
inum ræddi menntamálaráð-
herra um sparnaðaraðgerðir í
skólakerfinu vegna fjárlaga-
halla og slæmrar stöðu ríkis-
sjóðs og skýrði út til hvaða
aðgerða hefði verið ákveðið að
grípa. Foreldrafélög í grunn-
skólum bæjarins höfðu boðað
til þessa fundar með ráðherr-
anum og hófst fundurinn á
fimm stuttum framsöguerind-
um heimamanna. Síðan flutti
ráðherra mál sitt og svaraði
fyrirspurnum. í máli foreldra -
bæði framsögumanna og ann-
ara er tóku til máls síðar á
fundinum gætti verulegrar
óánægju með að sparnaðar-
aðgerðir í ríkiskerfinu eigi að
bitna á grunnskólanemum og
draga þar með úr undirstöðu-
menntun þeirrar kynslóðar
sem nú er að vaxa úr grasi.
Fyrsta foreldri á mælendaskrá
var Gunnar Hallsson. Hann gagn-
rýndi niðurskurðinn í mennta-
kerfinu harðlega og kvað vá vera
fyrir dyrum. Hann minnti á aukið
hlutverk grunnskólanna í uppeld-
ismálum vegna breyttra atvinnu-
hátta og sagði að leggja ætti
áherslu á einsetna skóla og fækk-
un nemenda í bekkjardeildum.
Gunnar benti einnig á að kenn-
arastarfið væri að verða hug-
sjónastarf vegna lélegra launa-
kjara.
Björn Pórleifsson tók næstur
til máls af hálfu foreldra. Hann
kvað sjálfsagt að leita leiða til
sparnaðar en þær leiðir sem farn-
ar væru nú valdi því að fólk
bregðist harkalaga við. Hann
sagði að sparnaðarákvarðanirnar
hafi borist fólki eins og leirtöfl-
urnar af Sínaifjalli forðum.
Sparnaði þurfi að ná í samráði og
samvinnu við foreldra og umfram
allt verði að gæta hagsmuna
barnanna sjálfra. Björn sagði að
ekki væri unnt að fækka kennslu-
stundum og fjölga í bekkjardeild-
um í einu. Onnur þessara leiða
hefði hugsanlega verið fær en
ekki báðar samtímis. Varðandi
hugmyndir um styttingu grunn-
skólans sagði Björn að athuga
yrði að unglingar hefðu ekki
sömu tækifæri til þátttöku í
atvinnulífinu og áður.
Jón Hjaltason var næstur á
mælendaskrá af hálfu foreldra.
Hann sagði að foreldrar væru
orðnir einskonar leiksoppar í
þessum málum. Nú hefði verið
gefin út heimild til fræðslustjóra
að fjölga nemendum í bekkjar-
deildum auk þess að fækka viku-
legum kennslustundum. Jón taldi
að ekki væri unnt að fara báðar
þessar leiðir í einu. Hann ræddi
nokkuð um á hvern hátt hug-
myndir menntamálaráðuneytis-
ins væru framkvæmanlegar og
spurði ráðherra síðan eftir því
hver væru framtíðaráform hans
varðandi menntamálin. Hann
spurði einnig hvort vænta megi
þess aþ endir verði bundinn á
blandaða bekki og að nemendum
verði skipt upp eftir getu.
Tryggvi Marinósson steig næst-
ur í pontu fyrir hönd foreldra.
Hann sagði að orrustan um
niðurskurð í grunnskólakerfinu
hefði tapast við samþykkt lag-
anna um ráðstafanir í ríkisfjár-
málum - bandormsins og benti á
að hætta sé á að niðurskurðurinn
verði varanlegur. Hann sagði að
grunnskólarnir á Akureyri séu
misjafnlega undir niðurskurð
búnir og varpaði að lokum fram
þeirri spurningu hvers megi
vænta næst - hvort skólagjöldum
verði komið á eða farið að beita
takmörkunum til náms.
Hermann Jónsson talaði síð-
astur af hálfu foreldra. Hann
sagði að Biblíudagurinn væri í
dag og því rifjaðist upp fyrir sér
dæmisagan um manninn sem
byggði hús sitt á sandi. Sparnað-
araðgerðir ríkisstjórnarinnar
varðandi grunnskólann væru
einnig reistar á sandi. Hermann
tók dæmi um venjulega íbúa í
Síðuhverfinu á Akureyri - yngsta
hverfi bæjarins. Flestir þeirra
væru að koma sér fyrir, byggja
upp sín heimili og fólk þyrfti því
oft að leggja á sig langan vinnu-
dag. Af þeim sökum mættu börn-
in síst við styttingu skólatímans
eða minni kennslu.
Að loknum erindum foreldra
tók Ólafur G. Einarsson, mennta-
málaráðherra til máls. Ræddi
hann orsakir niðurskurðaraðgerða
ríkisstjórnarinnar, mikinn fjár-
lagahalla og óhagstæðan við-
skiptajöfnuð. Hvað hann ekki
hægt að varpa reikningnum af
ógreiddum skuldum yfir á fram-
tíðina. Því hefði verið gripið til
þess ráð skera útgjöld ríkisins
niður - meðal annars með þeim
afleiðingum að spara yrði 180
milljónir króna í skólakerfinu.
Hann kvað ógerlegt að ná þess-
um sparnaði á hálfu skólaári
þannig að sparnaðaraðgerðirnar
kæmu til framkvæmda á haust-
misseri 1992 og vormisseri 1993.
Hann sagði að með þessari áætl-
un sé ekki verið að hverfa aftur
til fortíðar eins og haldið hefði
verið fram heldur bregðast við
tímabundnum vanda í fjármálum
hins opinbera.
Þá sagði Ólafur að ákveðið
væri að endursakoða lög um
grunn- og framhaldsskóla. Hann
sagði að á síðasta vori hefðu ný
grunnskólalög verið samþykkt
sem væru ágæt fyrir margra hluta
sakir. Ástæða þess að hann hefði
nú svo fljótt lagt til endurskoðun
á þeim lögum væri sú að hann
teldi að endurskoða verði lög um
hvort skólastig fyrir sig með tilliti
til hins þannig að fullrar sam-
ræmingar á milli skólastiga verði
gætt. Ólafur sagði að meðal
þeirra atriða sem nefndinni væri
ætlað að fjalla um sé á hvern hátt
megi meta árangur í námi og
hvort taka beri upp samræmd
próf í fleiri greinum í því sam-
bandi. Framhaldsskólakerfið sé í
raun öllum opið en nú sé farið að
bera á vanda á háskólastigi sem
rekja megi að einhverju leyti til
ónógs undirbúnings á neðri
skólastigum. Þá er nefndinni ætl-
að að fjalla um eflingu fram-
haldsskólans og hvort stefna beri
að því að gera hann sjálfstæðari.
Einnig á að fjalla um hvort færa
eigi rekstur grunnskóla alfarið
yfir á sveitarféiögin og sagði
Ólafur G. Einarsson nauðsynlegt
að finna þeim nýja tekjustofna í
því sambandi. Hann sagði að
flestir gerðu sér grein fyrir að
sveitarfélög gætu ekki tekið á sig
aukinn kostnað af skólahaldi án
þess að tekjur komi til. Þá sé
nefndinni einnig ætlað að fjalla
um hvort stytta eigi grunn- og
framhaldsskólanám þannig að
unglingar útskrifist með stúdents-
próf um 18 ára aldur eins og í
nágrannalöndum okkar og einnig
hvort unnt sé að gera framhalds-
skólana sjálfstæðari fjárhagslega.
Að ræðu menntamálaráðherra
lokinni svaraði hann nokkrum
fyrirspurnum áður en hann varð
að hverfa af fundi. Umræður
héldu þó áfram um stund og gætti
í máli manna ánægju með fram-
kvæmd niðurskurðarins og kvíða
vegna þess að hann yrði hugsan-
lega varanlegur. Fundurinn
mótmælti harðlega ákvörðunum
um niðurskurð í starfi grunnskól-
anna. ÞI
Samtök um sorg og sorgarviðbrögð:
Fyrirlestur í safiiaðarheimili
Akureyrarkirkju í kvöld
Samtök um sorg og sorgarvið-
brögð verða með fyrirlestur í
Safnarðarheimili Akureyrarkirkju
í dag, fimmtudaginn 27. febrúar
kl. 20.30. Séra Þórhallur
Höskuldsson, sóknarprestur á
Akureyri, flytur fyrirlestur un
aðhlynningu dauðvona fólks og
aðstandenda þeirra og almenna
líknarhjálp o» er fyrirlesturinn öll-
um opinn. Á eftir verða fyrir-
spurnir og umræður og léttar
veitingar verða á borðum.
Fundir samtakanna eru á
fimmtudögum hálfsmánaðarlega
í safnaðarheimilinu og eru fyrir-
lesarar fengnir í annað hvert
sinn. Öllum er heimil þátttaka
sem áhuga hafa á að leita sér
stuðnings eða vilja styðja aðra
eftir ástvinamissi.
Séra Þórhallur Höskuldsson fjallar í
fyrirlestri sínum um aðhlynningu
dauðvona fólks og aðstandenda
þeirra.
I PORTIÐ 1
nýju slökkvistöðinni við Árstíg
Spil — bækur — plötur — myndir — lax
— brauð — lakkrís — postulínsvörur
— skartgripir — kartöflur — o.fl. o.fl.
Komið og skoðið
Söluaðilar.
Opið laugardaga frá kl. 11-16
Undirbúningsfundur
um stofnun samtaka atvinnulífsins á Akureyri
Atvinnumálanefnd Akureyrar gengst fyrir opnum
fundi á morgun, föstudaginn 28. febrúar, kl. 13.30 að
Hótel KEA.
Fundurinn er ætlaður stjórnendum fyrirtækja í öllum grein-
um atvinnulífsins jafnt framkvæmdastjórum fyrirtækja,
einstaklingum með eigin atvinnurekstur sem og forsvars-
mönnum sjálfstæðra stofnana.
Tilgangur fundarins er að kanna hug forsvarsmanna
atvinnulífsins fyrir stofnun félagsskapar er myndaði breið-
fylkingu allra þeirra er á einn eða annan hátt tengjast
atvinnurekstri til að ná betur fram fjölmörgum hagsmuna-
málum atvinnulífsins hér á Akureyri.
Vilhjálmur Egilsson alþingismaður og framkvæmdastjóri
Verslunarráðs mætir á fundinn og kynnir starfsemi sam-
taka sem þessara.
Atvinnumáianefnd Akureyrar.
Hálendisferðir á jeppum
NÁMSKEIÐ
haldið á Akureyri 28. febr.-1. mars 1992
Dagskrá:
Föstudagur 28. febrúar
20.00 Kynning - Kort og áttaviti -
Akstur um háiendið. - Leiðir, leiðaval,
leiðakerfi.
Hlé.
21.00 Veðurfar - Staðsetningartækni: LoranC, GPS
- „Yfir jöklana þrjá“.
Laugardagur 29. febrúar
10.00 Jeppar og jeppabreytingar - Varahlutir -
Undirbúningur og frágangur ferða.
Hlé.
11.00 Skyndihjálp - Sjúkrakassinn -
Viðleguútbúnaður.
Hlé (frá 12.00).
14.00 Reglugerð og náttúruvernd -
Umgengni við þyrlur - Fjarskipti.
Hlé.
15.00 Vetrarakstur - Öryggisbúnaður til fjalla.
Sunnudagur 1. mars
10.00-12.00 Snjóakstur.
Leiðbeinendur:
Arngrímur Hermannsson, stjórnandi, Ingimundur
Þorsteinsson, Jón Gunnar Egilsson, Benedikt
Eyjólfsson, Jón Gauti Jónsson, Náttúruverndarráði.
Þátttaka tilkynnist hjá Bifrv. Sigurðar Valdimarssonar,
Óseyri 5, Ak. eða í síma 22520 og eftir kl. 19 í síma
21765.
Bifreiðaverkstædi
Sigurðar Valdimarssonar
Óseyri 5 - Simi 22520 - Akureyri.
Ingvar
= = _-= Helgason hf.
~ = = ~ Sævarshöfða2