Dagur - 20.03.1992, Blaðsíða 14
14 - DAGUR - Föstudagur 20. mars 1992
MlNNING
Sigurður Sigurðsson
^ kennari, Núpum
Fæddur 14. nóvember 1897 - Dáinn 3. mars 1992
Þeim fækkar nú óðum, aldamóta-
mönnunum, sem héldu uppi upp-
fræðslu og menningarstörfum
barna og unglinga í okkar sveit-
um frá aldamótum og fram um
1960.
Einn sá var Sigurður Sigurðs-
son kennari á Núpum, sem lést 3.
mars síðastliðinn, 94 ára að aldri.
Sigurður kennari, en þannig
var hann ætíð nefndur í minni
sveit, var fæddur í Ystahvammi í
Aðaldal 14. nóvember 1897.
Hann var sonur Guðfinnu Sigur-
veigar Jónsdóttur frá Krauna-
stöðum og Sigurðar Guðmunds-
sonar frá Litluströnd í Mývatns-
sveit. Þau höfðu búsetu í Ysta-
hvammi skamma hríð en fluttu
síðar í Miðhvamm. Guðfinna og
Sigurður Guðmundsson voru
miklir dugnaðarforkar og atorku-
fólk.
Snemma hneigðist hugur Sig-
urðar að því að mennta sig og því
fór hann í Ljósavatnsskóla einn
vetur og síðar til Reykjavíkur.
Þar settist hann í Kennaraskóla
íslands undir handleiðslu Magn-
úsar Helgasonar, er þá stjórnaði
þeim skóla. Minntist Sigurður oft
þeirrar góðu kennslu er Magnús
hafði veitt. Sigurður útskrifaðist
og lauk kennaraprófi árið 1920.
Hafði hann þá fengist við kennslu
á ýmsum stöðum, bæði fyrir og
eftir kennarapróf, m.a. kenndi
hann sund í sex vor.
Árin 1923-1925 gerðist Sigurð-
ur barnakennari í Höfðahverfi.
Árið 1926 fluttist hann í Ljósa-
vatnshrepp og hóf þar barna-
kennslu sem hann gegndi sam-
fleytt til ársins 1958, eða í 32 ár.
Þaö var farkennslusnið sem þá
var í gildi, kennt hálfan mánuð
eða mánuð í stað við þröngan
húsakost og verulcga erfiðar
aðstæður, ónóga upphitun og allt
eftir því.
Það lýsir best hvaða manngerð
Sigurður var að þrátt fyrir þessa
erfiðleika náði hann ótrúlega
góðum árangri í kennslunni og
var ætíð léttur í lund og gerði
yfirleitt góðlátlegt grín að þeim
erfiðleikum sem hann átti við að
búa. Kennsla Sigurðar var á þess-
um tíma mjög fjölþætt því hann
kenndi leikfimi og söng utan ann-
arra bóklegra greina. Sérstaklega
vil ég geta þess að Sigurður var
mikill íslenskumaður og unnandi
íslenskrar tungu, lagði alltaf
mikla áherslu á íslenskukennsl-
una. Ég man það að ég heyrði
haft eftir skólastjóra á Laugum,
Leif Ásgeirssyni, að hann taldi
nemendur sem komu í Lauga-
skóla úr Ljósavatnshreppi vel
undirbúna og þakkaði það upp-
byggingu kennslunnar hjá Sig-
urði kennara. Svo var einnig haft
eftir öðrum skólaleiðtogum í öðr-
um skólum. Það gladdi Sigurð
mjög þegar ég sagði honum þess-
ar fréttir og ég minnist hvað fal-
legt bros leið yfir andlitið á
honum. Það sýndi að honum stóð
ekki á sama um hvernig börnun-
um gengi, hvort heldur var að
þau færu í langskólanám eða
tóku sér annað viðfangsefni fyrir
í lífinu.
Fyrir allt þetta starf við upp-
fræðslu barna hér í sveitinni í 32
ár eru íbúar Ljósavatnshrepps í
mikilli þakkarskuld við gamla
kennarann sinn, Sigurð á Núp-
um.
Einn þáttur í lífi Sigurðar
kennara sem ég vil þakka honum
af alhug er sú trausta vinátta við
mitt gamla heimili á Ófeigsstöð-
um og mitt eigið heimili. Oft var
barnaskóli á þessum heimilum og
einatt þröng á þingi. Glaðværð
og traust Sigurðar kennara sat
þar ætíð í fyrirrúmi.
Ég man það, drengurinn, er
kennarinn kom í Ófeigsstaði í
heimsókn, en það var oft, hvað
faðir minn hafði mikla ánægju af
þeim heimsóknum. Gjarnan var
þá kastað fram vísum og fannst
mér þá að áhöld væru um hvor
hefði betur, gesturinn eða heima-
maðurinn. Sigurður kennari
kunni fádæma mikið af lausavís-
um og kvæðum og var unun að
heyra hann flytja það, því með
þeim fylgdu sögur um tildrög
vísnanna sem krydduðu þær og
gerðu þær skemmtilegar. Ég
þakka allar gleðistundirnar sem
Sigurður kennari veitti heimilum
okkar á Ófeigsstöðum og Rangá
og traustu, elskulegu vináttu-
böndin. Þau munu seint gleym-
ast.
Það má með sanni segja að Sig-
urði kennara var margt til lista
lagt. Hann var félagsmálamaður
mikill enda hlóðust á hann hér í
sveit mörg störf sem hann gegndi
af trúmennsku og kostgæfni.
Hann var endurskoðandi reikn-
inga Ljósavatnshrepps í 35 ár,
endurskoðandi reikninga Spari-
sjóðs Kinnunga og Búnaðarfé-
lags Ljósavatnshrepps um skeið.
Ungmennafélagið Gaman og
alvara naut krafta hans í mörg ár
og var hann formaður þess um
skeið. Hann var gerður heiðurs-
félagi þess félags árið 1948. Einn-
ig kom það oft fyrir að hann
hljóp undir bagga ef veikindi bar
að höndum og gekk hann þá
gjarnan oft í búverk þar sem
mest var þörf á. Staðfestir það að
honum var margt til lista lagt.
Ég hef hér tínt til það sem ein-
kenndi Sigurð kennara og gerði
hann vinsælan í störfum sínum í
þessari sveit auk barnakennsl-
unnar. Ég held ég megi segja að
aldrei hafi hann eignast óvild-
armann og sýnir það hversu mað-
urinn var á mörgum sviðum fjöl-
hæfur og traustur.
Veturinn 1956 var Sigurður
kennari á heimili mínu við barna-
kennslu og bar hann þá í orð að
gaman væri að taka leikritið
„Apaköttinn" til æfingar og sýna
það með vorinu. Er ekki að orð-
lengja það að þetta var fastmæl-
um bundið. Leikendur voru
fimm talsins og reyndum við að
taka þá á sem minnstu svæði til
að léttara væri að sækja æfingar.
Að sjálfsögðu var kennarinn leik-
andi og leikstjóri. Þarna upplifði
ég nýjan þátt í fari Sigurðar
kennara. Hann lék af mikilli list
og var hrókur alls fagnaðar þó
kominn væri fast að sextugu.
Hann gerði svo ekki endasleppt
við þennan leik því hann skrifaði
leikritið upp í bók og sendi okkur
hjónunum. Þar á ég gullfallega
minningu um þennan félagsskap
og framúrskarandi fallega rit-
hönd Sigurðar á Núpum.
Vorið 1935, þann 11. júní,
hlotnaðist Sigurði sú hamingja að
festa sér konu. Þann dag giftu
þau sig Kristín Ásmundsdóttir
frá Landamóti og Sigurður kenn-
ari. Kristín var mikil ágætiskona
og fyrirmyndarhúsmóðir. Þau
tóku sér bólfestu á Ljósavatni og
voru þar í tvo ár en fluttu síðan í
þinghús sveitarinnar, Maríu-
gerði, og bjuggu þar í sex ár.
Tístran bróðir Kristínar flutti
þangað með þeim og sá um hirð-
ingu á nokkrum kindum sem þeir
áttu hann og Sigurður.
Þau Sigurður og Kristín eign-
uðust tvær dætur, Sigríði fædda á
Ljósavatni 11. mars 1936. Hún
giftist Sigurði Karlssyni frá
Knútsstöðum, þau búa á Núpum.
Guðfinna fæddist að Maríugerði
12. ágúst 1939. Hún er gift Magn-
úsi Stefánssyni, þau búa á Akur-
eyri.
Vorið 1943 fluttu Sigurður og
Kristín að Núpum í Aðaldal. Þá
jörð keypti Sigurður ásamt Karli
bróður sínum á Knútsstöðum
árið 1927.
Það leikur ekki vafi á því að
með þessum síðustu búferlaflutn-
ingum taldi Sigurður sig vera
kominn á ættar- og æskuslóðir.
Hann var mikill náttúruunnandi
og með því að vera kominn í
nálægð við þá fallegu og gjöfulu
Laxá og vera umvafinn strengja-
slætti hennar, var óskum hans og
fjölskyldunnar fullnægt.
Á Núpum hefur fjölskyldunni
liðið vel og sýna framkvæmdir á
jörðinni það að þar er vel hugsað
um hlutina í hvívetna.
En nú er komið að leiðarlok-
um. Löngu dagsverki er lokið,
dagsverki sem lengi enn mun
skila árangri. Árangri sem gamli
kennarinn okkar í Ljósavatns-
hreppi lagði fyrstu drög að.
Blessun fylgi hans störfum sem
hann vann fyrir sveitina okkar.
Ég votta Kristínu vinkonu minni
og fjölskyldu hennar allri inni-
lega samúð mína. Ég veit að
minningin um góðan dreng og
traustan félaga mun græða sárin.
Sigurður Sigurðsson var jarð-
settur að Ljósavatni þriðjudaginn
10. mars, að viðstöddu fjöl-
menni.
Ég lýk þessum kveðjuorðum
með erindi V. Briem og segi:
Far þú í friði,
friður guðs þig blessi,
hafðu þökk fyrir allt og allt.
Gekkst þú með guði,
guð þér nú fylgi,
hans dýrðarhnoss þú hljóta skalt.
Rangá, 10. mars 1992,
Baldvin Baldursson.
Laugardagskvöldið 21. mars
Loksins á íslandi
Hljómsveit Ingimars Eydal
skemmtir landanum fram eftir nóttu
★
Er ferming framundan?
Happaleikur HoUday Inn
Bjóðum nú sem fyrr tvær gerðir „kaldra borða"
sem í gegnum tíðina hafa gert
þúsundir veislugesta hæstánægða.
Setjum borðið upp á staðnum og
leggjum til allan borðbúnað.
Bjóðum einnig snittur, brauðtertur,
rjómatertur og marengstertur.
Nánari upplýsingar hjá
yfirmatsveini eða veitingastjóra
í síma 22200.
Hótel KEA
fyrir góða veislu.
Nú fer senn að Ijúka spurninga-
leik sem hótel Holiday Inn og
útvarpsstöðin Bylgjan gangast
fyrir í marsmánuði en leikurinn
hefur að undanförnu verið kynnt-
ur í landsmálablöðunum.
Spurningaleikurinn gengur út á
að þátttakendur svari tveimur
léttum spurningum og sendi svör-
in til Bylgjunnar fyrir lok þessa
mánaðar. Dregið verður úr rétt-
um lausnum 31. mars nk. í beinni
útsendingu. Verðlaunin eru góð,
því í boði er helgarferð fyrir alla
fjölskylduna til Reykjavíkur,
flug, bílaleigubíll og veislumatur
á Setrinu á Holiday Inn.
Að sögn Wilhelm Wessmann,
hótelstjóra á Holiday Inn, leggur
hótelið mikla áherslu á helgar-
gistingu fyrir fjölskyldur af lands-
byggðin'ni.
„Ekkert aukagjald er tekið fyr-
ir börnin, þannig að þau gista
frítt. Þá má geta þess að hér í
næsta nágrenni við hótelið höfum
við Laugardalslaugina, húsdýra-
garðinn og skautasvellið og alít er
þetta ókeypis fyrir gesti okkar.
i fíjjsÉi..
1 jaMr'
Eins útvegum við barnagæslu á bregða sér frá eina kvöldstund,"
kvöldin, ef foreldrarnir vilja sagði Wilhelm.