Dagur - 10.04.1992, Page 16

Akureyri, föstudagur 10. apríl 1992
Helgarmatseðill Smiðjunnar
Hörpuskel í kampavíni með kavíar, kjötseyði
(kolbert) með hvítlauksbrauði, piparmyntukrap,
eldsteiktur lambavöðvi með grænum pipar
og bullion kartöflur, óvænt endalok
Verð kr. 2.900 • Matsveinar: Þórhildur og Óli Bjarni
Þýskaland:
Gott verð fyrir karfa
- Hegranes seldi á 130 krónur kílóið
Hegranes SK seldi karfa á
Þýskalandsmarkaði í gær og
fyrradag. í heildina voru seld
140 tonn og fengust fyrir þau
16,2 milljónir króna. Meðal-
verð fyrir kflóið var því 116
krónur og segist Gísli Svan
Einarsson, útgerðarstjóri
Skagfírðings hf. vera mjög
ánægður með það verð, því
framboð hafí verið mikið.
Skagstrendingur hf.:
Steftit að
áframhaldandi
útgerðáAmari
Aðalfundur Skagstrendings hf.
var haldinn í vikunni og þar
kom m.a. fram að stefnt er að
áframhaldandi útgerð á Arnari
HU 1 eftir að nýr frystitogari
kemur til fyrirtækisins í kring-
um næstu áramót. Ætlunin var
að úrelda Arnar upp í nýja
togarann ásamt Sólbaki, en nú
hefur verið hætt við það.
„Það stóð til að hætta útgerð-
inni á Arnari og stofna nýtt
útgerðarfélag í eigu Skagstrend-
ings, Hólaness og Höfðahrepps
til að sjá frystihúsinu fyrir hrá-
efni. í dag sjá Hólanes og Höfða-
hreppur sér hinsvegar ekki fært
að taka þátt í slíku útgerðarfélagi
og þá verður náttúrlega að leita
annarra leiða til að atvinnan hjá
Hólanesi leggist ekki af,“ segir
Sveinn Ingólfsson, framkvæmda-
stjóri Skagstrendings hf.
Frystitogarinn sem Skag-
strendingur er að Iáta smíða fyrir
sig er um 4800 rúmmetrar að
stærð og þarf fyrirtækið að úrelda
jafnmarga rúmmetra í öðrum
skipum til að mega taka hann í
notkun. Að sögn Sveins vantar
þá 1600-2000 rúmmetra til að
úrelda upp í nýja togarann ef
ekkert verður af úreldingu
Arnars.
„Það er ljóst að nóg er til af
skipum, en þetta þýðir viðbótarfé
til að fjármagna dæmið. Einn
möguleikinn er þó sá að einhver
aðili komi með sitt skip, fái
hlutabréf upp í það og gerist
meðeigandi í fyrirtækinu, gegn
því að skipið verði úrelt upp í
nýja togarann," segir Sveinn.
SBG
Á miðvikudag seldi Hegranes-
ið um 100 tonn af karfa á fisk-
markaði í Bremerhaven og fékk
fyrir kílóið að meðaltali 110
krónur. í gærmorgun var
afgangurinn af aflanum, um 40
tonn, síðan seldur og meðalverð
fyrir hann var 130 kr. kílóið.
„Um leið og við vorum að selja
þessi 40 tonn í morgun á 130 kr.
kílóið, voru mörg önnur skip að
selja og t.d. var Guðbjörg ÍS að
selja 185 tonn af karfa og meðal-
verðið hjá þeim var ekki nema 82
kr. kílóið. Þetta háa verð sem við
fáum fyrir karfann, þrátt fyrir
mikið framboð á markaðnum, er
náttúrlega góð sönnun á hve gæð-
in eru mikil hjá okkur,“ sagði
Gísli Svan í gær. SBG
Á myndinni.er tekin var á nýrri umboðsskrifstofu DAS á Akureyri eru talið frá vinstri. Sigurður Ág. Sigurðsson,
forstjóri DAS, Guðmunda Pétursdóttir fv. umboðsmaður, Ásgerður Ágústsdóttir starfsmaður nýja umboðsins,
Bergljót Jónsdóttir, formaður kvennadeildar Slysavarnafélagsins á Akureyri, Svala Halldórsdóttir fv. formaður
kvennadeildarinnar og Agnar Daníelsson, formaður sjóslysadeildar Slysavarnafélags íslands á Akureyri.
Mynd: Golli
Kvennadeild Slysavarnafélags íslands á Akureyri:
Tekur við umboði Happdrættis DAS
- af Guðmundu Pétursdóttur er verið hefur umboðsmaðurí 33 ár
„Með nýju happdrættisári
DAS kemur inn nýr umboðs-
aðili á Akureyri. Kvennadeild
Slysavarnafélags íslands hér í
bæ tekur við umboðinu úr
höndum Guðmundu Péturs-
dóttur er starfað hefur sem
umboðsmaður í 33 ár,“ sagði
Sigurður Ag. Sigurðsson, for-
stjóri DAS á blaðamannafundi
í gær að Strandgötu 11, en þar
mun umboðið starfa fyrst um
sinn.
Guðmunda Pétursdóttir og
maður hennar Finnur Daníelsson
tóku við umboði Happdrættis
DAS árið 1959. „Við vorum bæði
í þessu í fyrstu en síðan hef ég
séð um þetta ein. Þessi vinna hef-
ur veitt mér mikla ánægju og ég
hef kynnst fjölmörgu góðu fólki,
ekki aðeins meðal þeirra sem eru
með í happdrættinu heldur einnig
meðal starfsfólksins í höfuð-
stöðvum DAS í Reykjavík,"
sagði Guðmunda Pétursdóttir.
Sem þakklætisvott fyrir heilla-
drjúgt starf var Guðmundu færð
að gjöf forkunnarfögur brjóstnæla
úr gulli og silfri og Sigurður for-
stjóri DAS bauð nýja umboðsað-
ila velkomna til starfa.
Um nýtt happdrættisár sagði
Sigurður: „Nú þegar nýtt happ-
drættisár hefst hjá Happdrætti
Dvalarheimilis aldraðra sjó-
manna förum við af stað með
nýjung. í einum og sama happ-
drættismiðanum eru í raun tvö
happdrætti. Það gamla góða sem
við þekkjum af 38 ára sögu og við
hlið þess „DAS 80“, nýtt sjóðs-
happdrætti sem dregið er í fjórða
hvern mánuð. í „DAS 80“ verður
í fyrsta sinn dregið í ágúst nk. þar
sem Nissan Patrol jeppi er í aðal-
vinning. Þá verða einnig 85
ferðavinningar og að m.k. 250
húsbúnaðarvinningar dregnir út
og húsbúnaðarvinningunum
fjölgar eftir því sem fleiri eiga
miða.“
En hvaðan koma peningarnir í
sjóð „DAS 80“. Um það sagði
Sigurður: „Galdurinn er að af
hverjum seldum happdrættis-
miða á krónur 600 fara krónur
100 í sjóð „DAS 80“. Gera má
ráð fyrir að í pottinum verði 10
milljónir. Þar af fara átta milljón-
ir í vinninga. Og hver einasta
króna af þessum átta milljónum
skilar sér til viðskiptamanna
DAS Happdrættisins. Hér er ein-
göngu dregið úr seldum miðum.
Þetta gerir enginn nema DAS!“
Sveinn Sæmundsson, fv. blaða-
fulltrú Flugleiða, rithöfundur og
sjómaður til margra ára, tók
næstur til máls. Sveinn fjallaði
um markmið með rekstri Happ-
drættis DAS og kom víða við.
Lokorð Sveins voru: „Ég held að
ekki hafi komið nægilega vel til
skila að á Hrafnistu er fólk víðs
vegar að af landinu og úr öllum
starfsstéttum. Menn skulu ekki
ímynda sér að Hrafnistuheimilin
séu eingöngu fyrir aldraða sjó-
menn og sjómannskonur af
höfuðborgarsvæðinu. Happ-
drætti DAS á því erindi til allra
landsmanna hvar svo sem þeir
búa.“ ój
Sala íslenskra skinna á uppboði
x í Kaupmannahöfn:
Islensk minkaskiim
hækkuðu í verði
- þrátt fyrir lækkun markaðsverðs
Þrátt fyrir lækkun á heims-
markaðsverði skinna á upp-
boðsmarkaði í Kaupmanna-
höfn fyrr í vikunni hækkaði
verð á íslenskum minkaskinn-
um um 4 kr. danskar á meðan
markaðsverðið lækkaði um 5
kr. danskar. Hér er um að
ræða viðmiðun við síðasta
skinnauppboð sem haldið var í
febrúar. Arvid Kro, fram-
kvæmdastjóri Sambands
íslcnskra loðdýraræktenda,
segir að loðdýraræktendur geti
því vel við þetta unað hvað
minkinn varðar en lækkun
Skautavertíðinni lokið á Akureyri:
Þokkalegur vetur þrátt fyrir hitann í janúar
- 11-12 þúsund manns sóttu svellið og áhuginn hefur vaxið
Skautafélag Akureyrar Iokaði
vélfrysta skautasvellinu um
síðustu helgi vegna hækkandi
sólar og minnkandi aðsóknar,
svo sem venja er þegar komið
er fram á vor. Skautavertíðinni
er þannig lokið og að sögn
Baldvins Grétarssonar, rekstr-
arstjóra, sóttu um 11-12 þús-
und manns skautasvellið í
vetur.
„Þetta var alveg þokkalegur
vetur þrátt fyrir hitann í janúar.
Við misstum tæpan mánuð úr
vegna veðurs enda ekki hægt að
hafa svell í sunnan 10 vindstigum
og 17 stiga hita. Við erum mjög
ánægðir með árangur íshokkí-
liðsins sem kom með bikarinn
norður og við eignuðumst líka
tvo íslandsmeistara í listhlaupi á
skautum,“ sagði Baldvin.
Hann sagði að áhugi fólks á
skautaíþróttinni hefði farið vax-
andi. Góð aðsókn var að skauta-
skóla sem var undir stjórn Pekka,
finnska þjálfarans hjá Skautafé-
lagi Akureyrar, og mikill íshokkí-
áhugi braust út. Vonast er til að
Pekka komi aftur til Akureyrar
næsta haust.
Áhugi fullorðinna fyrir skauta-
íþróttinni hefur ekki verið eins
mikill og hjá börnum en Baldvin
sagði að þetta væri tilvalin
almenningsíþrótt fyrir fjölskyld-
ur. Hann sagði að vissulega þyrfti
að bæta aðstöðuna til að viðhalda
þeim áhuga sem kviknað hefði og
efla hann enn frekar.
„Það er enn á dagskrá hjá okk-
ur að byggja yfir svellið og koma
upp betri búningaaðstöðu. Við
erum ekki að tala um neina höll
heldur yfirbyggingu svo hægt
verði að hafa svellið opið án tillits
til veðurs. Snjómokstur hefur
kostað félagið mikið og veðrið
hefur sett strik í reikninginn.
Þetta myndi lagast með yfirbygg-
ingunni og við erum bjartsýnir á
að í hana verði ráðist á árinu
1995,“ sagði Baldvin. SS
varð hins vegar á verði
íslensku refaskinnanna í takt
við lækkun markaðsverðs.
„Það eru tveir litlir sólargeislar
sem skína í gegnum þetta
uppboð," sagði Arvid í gær þegar
hann var spurður um verð
íslensku skinnanna. Hann segir
að útkoma íslensku minkaskinn-
anna þýði að munurinn á meðal-
verði þeirra og meðalverði allra
seldra minkaskinna í uppboðs-
húsinu minnki. Fyrir íslensku
skinnin fengust nú 113 danskar
krónur en 109 kr. á uppboði í
febrúar.
Annað atriði segir Arvid já-
kvætt við sölu íslensku skinnana
nú. Það sé að í sumum tegundum
minkaskinna hafi þriðjungur
þeirra komist í besta gæðaflokk
og slíkt hafi ekki sést í sölu á
íslenskum skinnum fyrr. „Þetta
sýnir að gæði okkar eru að auk-
ast. Það er jákvætt og segir að
þeir sem eftir eru í greininni
leggja sig fram um að senda frá
sér eins góð skinn og mögulegt
er,“ sagði Arvid.
Alls voru seld 27.500 íslensk
minkaskinn, eða 95% þess sem í
boði var. Þá seldust 5000 refa-
skinn en verð þeirra lækkaði um
tæplega 20 danskar krónur.
Framundan eru uppboð í júní og
september en 100 jiúsund minka-
skinn eru til hér á landi og um
8000 refaskinn. JÓH