Dagur - 18.08.1992, Blaðsíða 11

Þriðjudagur 18. ágúst 1992 - DAGUR - 11
HÉR & ÞAR
Cessnan, eftir og fyrir „óhappið“.
Ótrúleg flugferð:
Sat á flugvélinni
líkt og kúreki á nauti
Flugvirkinn Maurie Treweek á
Nýja Sjálandi varð fyrir þeirri
ógnvekjandi lífsreynslu nýlega að
fara í flugferð á fjögurra sæta
Cessnu-172 sem hann var að gera
við, sitjandi klofvega á henni
aftur við stél og flugmaður vissi
ekki af honum!
Maurie var að lagfæra stélið á
Cessnunni sem vinir hans áttu og
var vélin höfð í gangi á sand-
strönd sem flugmenn lítilla véla
nota oft til að æfa flugtök og
lendingar. Skyndilega kom sterk
vinhviða og þar sem mótorinn
var á miklum snúningi skipti það
engum togum að vélin fór á loft
en þar sem Maurie sat aftast á
vélinni tókst flugmanninum ekki
að hafa stjórn á henni svo hún fór
bæði Upp og niður, út og suður og
hafnaði að lokum í hafinu þar
sem afturendinn rifnaði af með
skelfingu lostnum viðgerðar-
manninum á. Þótt ótrúlegt megi
virðast slasaðist enginn en Cessn-
an fer ekki fleiri flugferðir.
Liz Taylor og Larry
fara í freyðibað
Hér og þar hefur verið svona hér
og þar að undanförnu og meðal
annars með nefið ofan í hvers
manns koppi. í koppnum hennar
Liz Taylor segir að hún og hann
Larry hennar séu eins og ást-
fangnir unglingar.
„Larry hefur gert mig að ham-
ingjusömustu konu í heimi,“ seg-
ir Liz. Hún segir að freyðibað sé
þeirra uppáhald. Þau slökkvi ljós
baðhebergisins, láti að sjálfsögðu
renna í karið og kveiki svo á
notalegri tónlist til þess að full-
komna stemmninguna.
A morgnana fer Larry á fætur
klukkan fimm en áður en hann
fer í vinnuna færir hann Liz
morgunveröinn í rúmið. Hún er
yfir sig hrifinn af þessu uppátæki
stráksa og segir að eina fólkið
sem hafi fært sér morgunverð í
rúmið hafi verið þjónustufólk.
„Það gerði það vegna þess að
þeim var borgað fyrir en Larry
gerir þetta vegna ástarinnar,“
segir Liz Taylor.
Ástæða er til þess að mæla með
freyðibaðinu og morgunverðin-
um í rúmið við hvern þann sem
hefur áhuga á smá rómantík.
Liz og Larry
fara stundum
sainan í bíó á
kvöldin,
boröa popp,
haldast í
hendur, flissa
og skríkja
eins og ást-
fangnir ungl-
ingar.
Michael Jackson sem útbrunnið skar:
Aðgerðir lýtalækna hafa gefið sig
Sem komið hefur fram í press-
unni í Englandi þá ráðgerir
Michael Jackson að höfða mál á
hendur blaðinu Daily Mirror
vegna myndbirtingar og skrifa
blaðamannsins Rick Sky. Blaða-
maðurinn segir að söngvarinn sé
sem útbrunnið skar af andlits-
myndinni að dæma.
Sá orðrómur hefur gengið að
andlit söngvarans Michael Jack-
son sé allt að gjörspillast, en sem
kunnugt er hafa fáir verið iðnari
við að láta lækna breyta útliti
sínu. Á hljómleikum í Munchen í
Þýskalandi bræddu sviðsljósin
farðann af andliti söngvarans og
nakinn sannleikurinn kom í ljós.
Ljósmyndarinn , Ken Lennox, er
þessa mynd tók, segist kenna til
með söngvaranum, því líf hans
hljóti í raun að vera hrein
martröð. „Andlitið ber vott um
aðgerðir lýtalækna, aðgerðir sem
hafa gefið sig“.
Drottningar
línuskautanna
Svokallaðir línuskautar hafa
heillað landann eins og flestar
aðrar nýjungar. Þetta eru
hjólaskautar sem ekki eru
aðeins notaðir af börnum í
leik heldur þykja þeir ágætasta
farartæki.
Þessar fjórar föngulegu
meyjar voru á línuskautum í
Innbænum á Akureyri þegar
Ijósmyndari Dags var á ferð.
Nei, þetta var bara óskhyggja.
Þótt dömurnar séu ljóshærðar
og glæsilegar eru þær, merki-
legt nokk, ekki íslenskar held-
ur bandarískar.
Blaðamanni Dags tókst að
grafa upp nöfnin á þessum
lögulegu konum en ekki síma-
númer, því miður. Þær heita,
f.v.: Bobbie Phillips, Debbie
James, Michelle Eveland og
Cindy Margolis.
Kannist einhver við þátt eða
mynd sem heitir „Behind the
Screens“ þá komu glæsimeyj-
arnar við sögu þar. Og nú er
bara að bregða sér á skauta og
bíða eftir framhaldinu.