Dagur - 12.10.1995, Blaðsíða 4

4- DAGUR - Fimmtudagur 12. október 1995
ÚTGEFANDI: DAGSPRENT HF.
SKRIFSTOFUR: STRANDGATA 31,
PÓSTHÓLF 60, AKUREYRI,
SÍMI: 462 4222
ÁSKRIFT KR. M. VSK. 1500 Á MÁNUÐI
LAUSASÖLUVERÐ M. VSK. KR. 125
RITSTJÓRAR: JÓHANN ÓLAFUR HALLDÓRSSON, (ÁBM.),
ÓSKAR ÞÓR HALLDÓRSSON, (ÁBM.)
AÐRIR BLAÐAMENN:
AUÐUR INGÓLFSDÓTTIR, GEIR A. GUÐSTEINSSON,
HALLDÓR ARINBJARNARSON,
SIGURÐUR BOGI SÆVARSSON, FROSTI EIÐSSON (íþrótlir),
INGIBJÖRG MAGNÚSDÓTTIR (Húsavfk vs. 464 1585, fax 464 2285).
LJÓSMYNDARI: BJÖRN GÍSLASON
PRÓFARKALESTUR: SVAVAR OTTESEN
ÚTLITSHÖNNUN: RÍKARÐUR B. JÓNASSON
AUGLÝSINGASTJÓRI: FRÍMANN FRÍMANNSSON
DREIFINGARSTJÓRI:
HAFDÍS FREYJA RÖGNVALDSDÓTTIR, HEIMASÍMI 462 5165
FRAMKVÆMDASTJÓRI: HÖRÐUR BLÖNDAL
PRENTVINNSLA: DAGSPRENT HF.
SÍMFAX: 462 7639
LEIPARI
Upp úr öldudalnum
Nú um helgina hefst rjúpnaveiðitímabilið og að
þessu sinni ganga veiðimenn til fjalla með þá
vitneskju í farteskinu að stofn rjúpunnar sé að
styrkjast svo um munar og þykja það góð tíðindi
eftir niðursveifluna síðustu árin. Náttúrufræði-
stofnun íslands lét í vikunni frá sér fara upplýs-
ingar um rjúpnastofninn þar sem fram kemur að
allt bendi til þess sama, hefðbundinni sveiflu sé
lokið og stofninn fari nú hratt upp á við. Þeim
sem fylgjast með umræðunni um íslenska
rjúpnastofninn kemur þetta ekki á óvart því
sveiflurnar hafa í gegnum árin verið reglu-
bundnar og miklar milli öldudalanna og hæstu
toppa. Hins vegar er athyglisvert að skoða það
sem er að gerast í ljósi þess að fyrir tveimur ár-
um var gripið til þess ráðs að stytta rjúpnaveiði-
tímann til verndunar rjúpnastofninum. Þær að-
gerðir sýnast lítið hafa að segja um sveiflumar í
stofninum og sýna enn og aftur að maðurinn má
sín lítils gagnvart duttlungum náttúrunnar.
Haustið 1993 höfðu stjórnvöld, jafnt sem margir
veiðimanna, verulegar áhyggjur af rjúpnastofn-
inum enda sýndu allar tölur mikla niðursveiflu
árin á undan. Þáverandi umhverfisráðherra
ákvað þá að stytta veiðitímann og svaraði mót-
mælum margra veiðimanna því til að náttúran
ætti að njóta vafans. Lengi hefur verið haldið
fram að skotveiðin hafi Htil áhrif á íslenska
rjúpnastofninn og á þessum tíma var ítrekað á
það bent. Nú tveimur ámm síðar, þegar tölur
sýna skýra uppsveiflu í rjúpnastofninum bendir
Náttúrufræðistofnun á að sama sveifla sé í
stofninum hvort heldur sem er á friðuðum svæð-
um eða þeim svæðum þar sem mikið er skotið af
rjúpu og þar með má draga þá ályktun að frið-
unaraðgerðir hafi lítið upp á sig. Þetta þýðir þó
engan veginn að veiðimenn og aðrir geti lokað
augunum fyrir þróun í veiðistofnum hverju
sinni. Þetta á ekki aðeins við um rjúpuna heldur
alla þá stofna sem við veiðum úr. Við þurfum að
skilja að mannskepnan er einn af þeim þáttum
sem skipta máli en hún gerir það ekki aðeins
með veiðum heldur kemur hún á margan annan
hátt að náttúrunni.
FRIVWERKI___ SldURÐUR H. ÞORSTEINSSON
Nýír fnmerkjaverðlistar
Það eru alltaf nokkur tíðindi þegar
nýir frímerkjaverðlistar koma út á
hverju hausti. Sérstaklega er eins
og margir safnarar verði allt í einu
forvitnir um hversu miklar eignir
þeirra í frímerkjum séu, einmitt
um þetta leyti. En útkoma listanna
fylgir líka því að starfið í frí-
merkjaklúbbunum er að hefjast og
þessi venjulega söfnun að vakna
úr „dvala sumarsins", þótt það
hljómi sem öfugmæli.
Fyrsti frímerkjaverðlistinn,
sem barst þættinum að þessu
sinni, er danski AFA 1995-96 list-
inn fyrir Danmörk annars vegar
og Skandinavíu hins vegar. Segja
má að á undanfömum árum hafi
ekki verið um miklar verðbreyt-
ingar að ræða á frímerkjum yfir-
leitt, enda gengi og verðlag verið
nokkuð stöðugt. Þetta telur Lars
Boes, eigandi og höfundur listans,
þó vera að breytast á sumum
svæðum. Þá getur hann eins atrið-
is í formála sínum fyrir „Skandin-
avíulistanurrí*. Þar segir hann að
uppákomur eins og „Frimærker i
Forurn" hafi í raun orðið þess
valdandi að áhugi fyrir frímerkja-
söfnun hafi marktækt aukist, að
minnsta kosti fyrir ýmsum svæð-
um á Norðurlöndunum. „Frimærk-
er i Forum“, er atburður sem safn-
ar saman frímerkjasöfnurum,
kaupmönnum og póstmálastofn-
unum, aðra helgina í nóvember á
ári hverju, í Danmörku. Þama
virðist hafa tekist svo vel til, að
ekki aðeins vekur athygli heldur
einnig marktæka aukningu í frí-
merkjasöfnun, allavega þar í
landi. Þá er einnig talið að
„NORDIA“ sýningamar hafi
ákveðin áhrif til aukningar í
hverju landi sem heldur þær. Er þá
rétt að minnast þess að næsta sýn-
ing af þessu tagi er „NORDIA
96“, sem haldin verður á Kjarvals-
stöðum í Reykjavík dagana 25.-
27. október á næsta ári.
Ef við svo snúum okkur að ís-
landi í þessum lista, þá eru nokkr-
ar hækkanir á skildinga og aurafrí-
merkjum. Aftur á móti em ekki
hækkanir á dýrari verðgildum „í
GILDI“ frímerkjanna og þrír yfir-
prentananna. Síðar í konungsrík-
inu hækka helst dýrari frímerkin.
Ef tekin eru Alþingishátíðarfrí-
merkin, þá hækkar þjónustan
meira en almennu merkin, sem
aðeins hækka um Dkr. 200,00,
samstæðan. Flestar nýrri blokkir
standa í stað eða lækka, nema
skipin og bílamir sem komu út
fyrst í smáörkum með 8 stykkjum,
sem hækka verulega. Þegar á
heildina er litið ríkir nokkuð jafn-
vægi að því er Island varðar, en
hin Norðurlöndin, eins og Dan-
mörk, taka meiri breytingum.
Þegar á vinnslu bókanna er lit-
ið, er AFA listinn fyrir Norður-
lönd mjög vandaður og vinnsla
hans hnitmiðuð. Öll prentun og
frágangur er til fyrirmyndar.
Verð listans er í dönskum krón-
um, 155,00 og er þá danskur virð-
isaukaskattur innifalinn. Bókin er
480 blaðsíður og gefin út af Aar-
hus Frimærkehandel, Bruunsgade
42, DK-8000 Aarhus C. Danmerk-
urlistinn er gefinn út af sama að-
ila, en kostar 175,00 danskar
krónur. Sú bók er 337 blaðsíður
og almennt um hana það sama og
hina að segja. Þess má þó geta að
þar er vinnslan mun nákvæmari,
þar sem um eitt land er að ræða og
því meira í lagt þar sem þetta er
sérstakur verðlisti þess lands.
Verður ekki betur séð en þar hafi
vel tekist til, enda gefur sama for-
lag út „Danmark Spesialkatalog“,
sem ekki kemur þó út árlega.
Þá má einnig geta þess að Aar-
hus Frimærkehandel gefur út
Vestur-Evrópulistann í tveim
bindum og einnig Austur-Evrópu
á sama hátt, eða Evrópulista í fjór-
um bindum. Þá er einnig gefinn út
fjórblokkalisti fyrir Danmörku og
sérlistinn, sem áður var nefndur,
auk ýmissa fleiri sérfræðibóka í
frímerkjafræði Danmerkur.
KÓTÓ, kór Tónlistarskólans stofnaður:
Stefnt að flutningi
Gloriu eftir Vivaldi
6. desember nk.
Stofnaður hefur verið kór Tón-
listarskólans á Akureyri og ber
hann nafnið KÓTÓ og er nafnið
fengið úr tveimur fyrstu bók-
stöfunum í orðunum kór og tón-
list. I kórnum verða margir
söngnemendur Tónlistarskólans
en hann er einnig opinn fyrir
alla sem kunna að lesa nótur.
Fyrsta æfingin var sl. miðviku-
dag og mættu þar 40 manns.
Æfmgar verða á miðvikudögum
frá klukkan 18.00 til 20.00 og
er helst að í kórinn vanti bassa-
raddir.
Stefnt er að fiutningi á
„Gloriu“ eftir Vivaidi 6. desem-
ber nk„ sígildu verki tónbók-
menntanna sem er bæði spenn-
andi og fallegt og með kórunum
koma fram söngvarar og hljóm-
sveit. Stjórnandinn, Michael J.
Clarke, segir að með stofnun
kórsins gefist tækifæri til að
vinna á öðrum grundvelli en í
áhugamannakórunum þótt
þeirra starf sé einnig ómetanlegt
fyrir tónlistarlífið í bænum. Að
vori er stefnt að óperuflutningi,
„Mikado“ eftir Gilbert og Sulli-
van sem er gamanópera, sú vin-
sælasta allra tíma þó hún hafi
ekki náð þeim sessi meðal
óperuunnenda hérlendis. GG
Tónlistarfélag Akureyrar:
Fimm tónleikar á starfsárinu
Nýtt starfsár Tónlistarfélags Akur-
eyrar hefst í kvöld með aðalfundi
félagsins. Fundurinn verður hald-
inn á sal Tónlistarskólans og hefst
kl. 20.30. Framundan eru fimm
tónleikar á starfsárinu, sá fyrsti
næstkomandi sunnudag.
Til leiks á fyrstu tónleikum fé-
lagsins mæta félagamir í Kuran
Swing, þeir Szymon Kuran, Bjöm
Thoroddsen, Ólafur Þórðarson og
Bjami Sveinbjömsson. Þeir flytja
gömul og ný lög á tónleikunum
sem verða í Safnaðarheimili Ak-
ureyrarkirkju.
Tónleikar númer tvö verða
þann 27. janúar þegar Micael Jón
Clarke, baritónsöngvari, og
Richard Simm, píanóleikari, flytja
ljóðasöngva. A efnisskránni verð-
ur m.a. Dichterliebe eftir Robert
Schumann.
Þriðju tónleikar starfsársins
verða 9. mars en þá koma fram
þær Guðrún Þórarinsdóttir, víólu-
Íeikari og Helga Bryndís Magnús-
dóttir, píanóleikari, og flytja verk
eftir Johannes Brahms og fleiri.
Rut Ingólfsdóttir, fiðluleikari,
kemur fram á einleikstónleikum
þann 24. mars og fimmtu tónleik-
amir verða þann 28. apríl þegar
Jón Þorsteinsson, tenórsöngvari
og Gerrit Schuil, píanóleikari,
flytja ljóðasöngva eftir Schubert,
Málverkasýning Páls Sólness í
Ketilhúsinu í Grófargili á Akur-
eyri hefur verið framlengd til 15.
október nk.
Páll Sólnes stundaði listnám
við Skolen for Brugskunst í Kaup-
mannahöfn 1978-1982 og var bú-
settur þar um árabil, hélt einka-
Strauss og Wolf.
Tónlistarfélag Akureyrar er öll-
um opið sem áhuga hafa á tónlist.
Félagsgjöld eru 1500 kr. á ári sem
veitir afsátt á tónleika félagsins.
Þeim sem áhuga hafa á að ganga í
félagið er bent á að hafa samband
við Mögnu Guðmundsdóttur í
síma 462- 5243. JÓH
sýningar og tók þátt í samsýning-
um. Hann sýndi á Akureyri 1984
og á ísafirði 1990.
A sýningunni í Ketilhúsinu eru
11 olíumálverk, flest máluð á ísa-
firði 1990. Sýningin er opin dag-
lega frá kl. 14 til 18.
Málverkasýning Páls
Sólness framlengd