Dagur - 18.01.1996, Blaðsíða 16
mmm,
Akureyri, fimmtudagur 18. janúar 1996
BIODROGA
Lífrænar jurtasnyrtivörur
Handhafar Evrópu gæðaverðlaunanna 1994 og 1995
SN YRTIV ORUDEILD
Snarpur
jarðskjálfti
við Eyjafjörð
Allsnarpur jarðskjálfti
fannst á Norðurlandi í
gær klukkan 18:02. Upptök
skjálftans voru við Eyjafjörð
7 km norðan við Grenivík og
mældist hann 4,4 á Richter
kvarða.
Barði Þorkelsson hjá Veð-
urstofu íslands sagði í fréttum
Ríkisútvarpsins í gær að
skjálftinn hafi fundist víða á
Norðurlandi og fréttist af fólki
í Skagafirði, Eyjafirði og aust-
ur á Húsavík sem fann fyrir
honum. „Þetta er all öflugur
skjálfti en við sjáum nánast
enga eftirskjálfta og því er lík-
legast að ekki verði fleiri
skjálftar þó ekki sé hægt að
fullyrða um það,“ sagði Barði
Þorkelssson. AI
Eldur
í Sólbaki
Eldur kom upp í togaranum
Sólbaki EA-307 laust fyrir
hádegi gær.
Eldurinn kviknaði þegar verið
var að vinna við að logskera í ká-
etu en um minniháttar eld var að
ræða sem tókst að slökkva á
staðnum. Slökkviliðið var engu að
síður kallað út til að loftræsta
vegna hættu á að eiturgufur hefðu
myndast. Skemmdir vegna eldsins
eru minniháttar. AI
„Forsetinn
með bundna
tungu“
Það er meira en foreti sé með
bundnar hendur, hann er
jafnframt með bundna tungu.
Forseti getur ekki gagnrýnt
þjóðfélagsmálin sem ég vil
gjarnan gera,“ sagði Steingrím-
ur Hermannsson í samtali við
Dag um hugsanlegt forsetafram-
boð sitt. Fjölmargir hafa haft
samband við Steingrím og hvatt
hann til að gefa kost á sér. Hann
kveðst þó engar ákvarðanir hafa
tekið í þessu sambandi.
Undirbúningur að framboði dr.
Guðrúnar Pétursdóttur, lífefna-
fræðings og forstöðumanns Sjávar-
útvegsdeildar Háskóla íslands, er
kominn vel af stað, samkvæmt
heimildum Dags. Hún segist vera
að íhuga framboð og telur mikinn
heiður að fá hvatningu í þessu efni.
Margir fleiri eru einnig nefndir.
Sr. Pálmi Matthíasson er þeirra á
meðal, en í samtali við Dag í gær
sagðist hann ekkert vilja tjá sig
um forsetamál. -sbs.
Sjá nánar bls. 5.
VEÐRIÐ
Veðurstofan spáir allhvassri
suðvestanátt norðanlands í
dag. Heldur léttir til á Norð-
urlandi eystra. Veður fer
kólnandi og má reikna með
að hitinn í dag verði á bilinu
4 stig niður í 1 stigs frost.
Jákvæðar niðurstöður skýrslu um virkjun Köldukvíslar á Tjörnesi:
Mjog alitlegur kostur
- að mati Víglundar Þorsteinssonar, veitustjóra Orkuveitu Húsavíkur
Víglundur Þorsteinsson, veitustjóri Orku-
veitu Húsavíkur, telur virkjun Köldu-
kvíslar á Tjörnesi afar áhugaverðan kost
sem beri að skoða til hlítar. Hann segir að
þær niðurstöður sem fyrir liggi um virkjun-
ina gefi til kynna að virkjun kvíslararinnar
sé fjárhagslega hagkvæmur kostur, en frek-
ari vatnsmælingar verði gerðar af hálfu
vatnamælingadeildar Orkustofnunar áður
en ákvörðun verði tekin um næstu skref.
Víglundur segir að nokkuð lengi hafi verið
horft til Köldukvíslar sem álitlegs virkjunar-
kosts og nú liggi fyrir skýrsla um virkjun henn-
ar, sem Einar Már Jóhannesson, nemandi í
byggingatæknifræði við Tækniskóla Islands,
vann sem lokaverkefni við skólann. Þar segir
Víglundur að komi margt athyglisvert fram
sem styrki menn í þeirri trú að hér sé um afar
álitlegan virkjunarkost að ræða. Einar Már tel-
ur m.a. að virkjunin muni borga sig upp á um
25 árum, miðað við tveggja megavatta raforku-
framleiðslu, en að sögn Víglundar er sú fram-
leiðsla sem næst meðalraforkunotkun Húsvík-
inga í dag.
Frá árinu 1993 hefur vatnamælingadeild
Orkustofnunar annast rennslismælingar í
Köldukvísl. Síriti er í kvíslinni og því auðvelt
að fylgjast með rennslinu árið um kring. Þess-
um mælingum verður franr haldið til 1998. Eft-
ir þann tíma verða næstu skref metin, en Víg-
lundur trúir því, miðað við þær niðurstöður
sem fyrir liggja, að í virkjun Köldukvíslar
verði farið, jafnvel fyrir aldamót.
Köldukvísl er í um 5,7 km fjarlægð frá
Húsavík. Samkvæmt hugmyndum Einars Más
Jóhannessonar yrði virkjunarstíflan skammt
fyrir ofan Kvíslafoss en stöðvarhúsið niður við
sjó, um tveim kílómetrum frá.
„Kostnaðurinn við virkjunina er út af fyrir
sig ekki vandamál. Spumingin snýst hins vegar
um hagkvæmni virkjunarinnar og hversu lang-
an tíma tekur að borga hann niður. f skýrslu
Einars Más er gert ráð fyrir að hér sé um hag-
kvæman kost að ræða og því teljum við fulla
ástæðu til að skoða málið áfram. Frá upphafi
hef ég verið þeirrar skoðunar að sjálfsagt væri
að skoða þetta. Mér sýnist út frá niðurstöðum
bæði Einars Más og Orkustofnunar að hér sé
um að ræða mjög álitlegan kost,“ sagði Víg-
lundur Þorsteinsson. óþh
Utgeröarfélag Akureyringa hf.:
Loönufrysting hefst á Seyðis-
firði í lok mánaöarins
Utgerðarfélag Akureyringa hf.
hefur tekið á leigu fisk-
vinnsluhús Norðursfldar hf. á
Seyðisfirði af SR-mjöli hf. á
Seyðisfirði, en stofnað hefur ver-
ið fyrirtæki um frystinguna sem
ÚA á 50% hlut í. Það heitir SÚA.
Verið er að auka frystigetuna
og verður hún tilbúin kringum 27.
janúar nk. og verður þá hægt að
hefja loðnufrystinguna. Verið er
að ljúka uppsetningu á flokkunar-
stöð SR-mjöls hf. sem ÚA kaupir
síðan flokkaða loðnu af. Ekki eru
miklar líkur á að fryst verði mikið
af loðnuhrognum á yfirstandandi
loðnuvertíð en ef af því verður á
vegum ÚA mun það verða gert í
frystihúsi félagsins á Akureyri ef
Krossanesverksmiðjan mun skilja
hrogn frá loðnu. Verulegt magn er
óselt af frystum loðnuhrognum frá
fyrra ári en markaðurinn í Japan
fyrir loðnuhrogn er talinn vera um
5.500 tonn en framleiðslan mun
hafa farið í allt að 9.000 tonn. Sú
tala byggist á framleiðslutölum úr
frystihúsum sem selja gegnum ÍS
og SH en einnig hafa einhverjir
aðrir fryst loðnuhrogn. Líklegt er
því að fryst verði meira af flokk-
aðri loðnu en að sama skapi
minna af frystum loðnuhrognum.
Markaðurinn í ár er því í raun
þegar mettaður áður en loðnan
kemst í vinnsluhæft ástand. Það
verður þó ekki alveg strax,
hrognafylling loðnunnar er nú um
7% en þarf að vera 13% til þess
að japanskir kaupendur sætti sig
við hana, þ.e. það eru lægri mörk
hrognafyllingarinnar. Mest getur
hrognafylling loðnunnar orðið um
23% þegar nær dregur vori og hún
fer í hrygningu. Þau skip sem hafa
flottroll hafa verið að „kroppa"
fyrir austan, en á miðunum hefur
verið kaldaskítur. GG
skólinn
50 ára
Næstkomandi laugardag verða 50
ár frá því að Tónlistarskólinn á
Akureyri var settur í fyrsta sinn.
Af því tilefni er umfjöllun um
skólann á bls. 6-7 á blaðinu í
dag. M.a. er rætt við tvo kennara
sem fylgt hafa skólanum nánast
frá upphafi og saga hans rakin. í
viðtali við Guðmund Óla Gunnars-
son, skólastjóra, kemur fram að
húsnæðismálin brenna mjög á
forsvarsmönnum skólans og lýsir
hann þeirri von sinni að í þeim
verði mörkuð stefna á afmælisár-
inu. Á myndinni má sjá tvo af
nemendum skólans en þetta eru
þær Katla Aðalsteinsdóttir og
Sigrún Ingveldur Jónsdóttir.
HA/Mynd: BG