Dagur - 17.07.1996, Page 9
Miðvikudagur 17. júlí 1996 - DAGUR - 9
Óskar Þór Sigurbjörnsson var formaður undirbúningsnefndar mótsins.
„Enn hafa engin bein viðskiptasambönd opnast í gegnum þetta vinabæja-
samstarf. Slíkt getur þó ef til vill þróast í fyllingu tímans. Hitt er svo annað
mál að þetta mót hefur að undanförnu hleypt krafti í mannlíf og viðskipti
hér í Ólafsfirði.“ Mynd: -sbs.
Gefur möguleika í
skólastarfi
Að vinabæjamótunum slepptum
hafa samskipti milli þessara fimm
vinabæja helst verið á sviði skóla-
og æskulýðsmála. íþróttahópar frá
Ólafsfirði hafa farið utan og
einnig hafa verið sumarvinnu-
skipti unglinga milli bæjanna.
„Þetta samstarf gefur möguleika í
skólastarfinu ef við höfum afl til
og áhuga á. I þessu samstarfi hef-
ur ísland af skiljanlegum ástæðum
algjöra sérstöðu. Við búum á eyju
úti í hafinu, en íbúar hinna vina-
bæjanna geta farið í gagnkvæmar
heimsóknir með lítilli fyrirhöfn.
Hjá okkur kostar þetta miklar til-
færingar og peninga - og það sjá-
um við að ferðalag gesta okkar
hingað er talsvert mál,“ segir Ósk-
ar.
Hann segist binda vonir við að
efla megi þetta samstarf með nýj-
um möguleikum, svo sem með
tölvusamskiptum og þá geti ýmsir
styrkir, innlendir sem erlendir,
greitt fyrir ferðum ungs fólks milli
þessara staða.
Umhverfíð fegrað
„Enn hafa engin bein viðskipta-
sambönd milli fyrirtækja opnast í
gegnum þetta vinabæjasamstarf,
enda er slfkt ekki meginmarkmið.
Slíkt getur þó ef til vill þróast í
fyllingu tímans. Hitt er svo annað
mál að þetta mót hér hefur að und-
anförnu hleypt lífi í mannlíf og
viðskipti hér í Ólafsfirði. Ungling-
ar bæjarins hafa haft kappnóg að
gera við að fegra umhverfið hér
og þá hafa viðskipti við ferðaþjón-
ustufyrirtæki í bænum tekið kipp,“
sagði Óskar Þór.
Sem kunnugt er gegnir Óskar
Þór Sigurbjömsson starfi skóla-
stjóra Gagnfræðaskólans í Ólafs-
firði. Með hliðsjón af því starfi
annars vegar og hins vegar út frá
hinu norræna samstarfi, sem hann
vinnur að sem áhugamaður, var
hann inntur eftir því hvort hann
teldi rétt að breyta núverandi fyr-
irkomulagi í tungumálakennslu
grunnskóla: að byrja kennslu í
dönsku á undan enskunni.
Danskan verði áfram
fyrsta mál
„Eg var í ensku í mínu fyrsta há-
skólanámi, er enskukennari og hef
stundað háskólanám í enskumæl-
andi löndum eingöngu. Einnig hef
ég unnið að umfangsmiklum ung-
lingaskiptum á vegum Rótarý-
hreyfingarinnar við enskumælandi
lönd, en ligg samt ekkert á þeirri
Á laugardagsmorgun var grillveisla í Ólafsfirði, samfara vinabæjamótinu, og var hún haldin við og inni í félags-
heimilinu Tjarnarborg. Mynd: -sbs.
Bæjarstjórnir hinna fimm norrænu vinabæja héldu á laugardagsmorgun sameiginlegan fund í Húsi aldraðra. Við
borðsendann á þessari mynd má sjá Hálfdán Kristjánsson, bæjarstjóra, og fremst í hægri röð er Þorsteinn Ásgeirs-
son, forseti bæjarstjórnar Ólafsfjarðar. Mynd: -sbs.
Mótsgestir leggja upp í útreiðartúr um Ólafsfjörð. Mynd: Múli - fréttabiað.
Æska Ólafsfjarðar bauð jafnöldrum sínum sem þátt tóku í vinabæjamótinu
í sundlaugarpartý á laugardagskvöld. Mynd: múií - fréttabiaB.
skoðun minni að ég vil áfram sjá
Norðurlandamál vera fyrsta er-
lenda tungumálið í grunnskólum
hér á landi. Þá gildir einu hvort
um er að ræða dönsku, norsku eða
sænsku. En þar sem við höfum
þróað kerfi til dönskukennslu hér
á landi er ekki ástæða til að breyta
því. Nám í einu þessara rnála
kemur að gagni við að ná tökum á
hinum. Sameiginlegan menning-
ararf og skyldleika eigum við að
rækta og svo liggur leið okkar ís-
lendinga svo oft til Norðurland-
anna, hvort heldur er til náms eða
starfa og að því leyti er kunnátta í
þessum málum okkur mikilvæg.
Eg hef haft ánægju af því að nota
mína menntaskóladönsku og þá
kunnáttu hef ég þróað til að geta
bjargað mér einnig í sænsku og
norsku. Þá sér maður hve undir-
staðan sem fæst með dönskukunn-
áttu er mikilvæg og því er full
ástæða til að halda því tungumáli
hátt á lofti í skólastarfinu," sagði
Óskar Þór Sigurbjömsson. -sbs.
Verslunarráð íslands:
Sveitarfélögin yfirtaki
rekstur kirkjugarðanna
Verslunarráð íslands hefur ritað
Þorsteini Pálssyni, kirkjumála-
ráðherra, bréf þar sem þess er
eindregið óskað að hann taki
upp á ný lagalega skipan kirkju-
garðsmála með það að mark-
miði að þau verði alfarið færð
undir umsjá sveitarfélaga. Hvatt
er til þess að ráðherra, sem og
Alþingi, Samband íslenskra
sveitarfélaga og Þjóðkirkjan
vinni bráðan bug að því í sam-
einingu að koma umgerð og um-
sjá kirkjugarða á það sem ráðið
kallar „eðlilegan grundvöll sem
verndaðra helgireita og skrúð-
garða í trúfrjálsu umhverfi.“
í frétt frá Verslunarráði íslands
segir að tímabært sé að sveitarfé-
lögin í landinu yfirtaki rekstur
kirkjugarða. „I kirkjugarðalögum
hafa þau verið skylduð til þess um
langan tíma að leggja fram endur-
gjaldslaust hæfileg kirkjugarða-
stæði, frágengin og girt. Hins veg-
ar hefur sérstökum kirkjugarða-
stjómum innan Þjóðkirkjunnar
verið falinn reksturinn en á grund-
velli sérskatts, kirkjugarðagjalda,
sem er að fjara út í samræmi við
ákvörðun Alþingis. Því liggur
beint við að sveitarfélögin taki
þetta verkefni alfarið að sér og að
þar með falli saman í einn farveg
stofnkostnaður og rekstrarábyrgð í
þessu efni,“ segir í greinargerð
Verslunarráðs.
í umsögn um frumvarp að nú-
gildandi kirkjugarðalögum vakti
Verslunarráð athygli á að umsýsla
sveitarélaga eftir settum lögum og
reglum myndi leysa Þjóðkirkjuna
undan rekstrarábyrgð, sem hún
hafi ekki haft nægjanlegt vald á
og hafi auk annars leitt til þess að
skatttekjur til kirkjugarðareksturs
hafi verið notaðar umfram laga-
heimildir til annarar starfsemi, s.s.
í þágu samkeppni við fyrirtæki í
útfararþjónustu. I því efni sé nú
fallinn Hæstaréttardómur um
misnokun skatttekna Kirkjugarða
Reykjavíkurprófastsdæma og
ágreiningsmál um hliðstæð efni
séu til umfangsmikillar umfjöllun-
ar um þessar mundir hjá Sam-
keppnisstofnun. JÓH