Dagblaðið Vísir - DV - 26.07.1994, Qupperneq 7

ÞRIÐJUDAGUR 26. JÚLÍ 1994
7
DV
Fréttir
Tilkynnt vinnuslys frá 1986 eru 4.228:
Flestslysin
í f iskiðnaði
- niðurstöður um slysið á Siglufirði sendar til Svíþjóðar
„Viö erum að bíöa eftir tækjum til
mengunarmælinga og hugsanlega
þurfum viö aö senda niöurstöður
rannsóknannatil Sviþjóðar. Ætlunin
er aö mæla nákvæmlega hvaða loft-
tegimdir þaö eru sem mynduðust
þarna og hversu mikið af þeim,“ seg-
ir Stefán Stefánsson, umdæmisstjóri
vinnueftirlitsins á Noröurlandi
vestra.
Vinnueftirlitiö er enn að rannsaka
slysið er varð hjá SR mjöli á Siglu-
firöi. Líðan mannsins, sem slasaðist,
er ennþá óbreytt en hann liggur
þungt haldinn á Fjórðungssjúkra-
húsinu á Akureyri.
Vinnueftirlitið hefur tekið saman
tölur yfir vinnuslys sem tilkynnt
hafa verið frá ársbyijun 1986 til árs-
loka 1993 en alls hafa þau orðið 4.228.
Þar af hafa orðið 33 dauðaslys eins
og staðan er í dag, en ennþá eru að
berast tilkynningar um slys árið
1993. Samkvæmt tölum Vinnueftir-
litsins er hættulegast að vinna í fisk-
iðnaöi en þar hafa orðið flest vinnu-
slys frá árinu 1986 eða 502. Þá koma
slys í byggingariðnaði með 466 slys
og málmsmiði með 433. Ekki er jafn-
mikil slysahætta í síldarsöltun og
fiskimjölsverksmiðjum en undir það
flokkast slysið á Siglufirði. Þar hafa
64 slasast undanfarin sjö ár. Sjá meö-
fylgjandi töflu.
„Tilkynntur slysaíjöldi hefur auk-
ist milli ára. Það þýðir þó ekki að
slysum hafi fjölgað heldur voru sett-
ar ákveðnar reglur árið 1990 um til-
kynningu vinnuslysa. Það vakti
einnig athygli manna á því að slysin
væru tilkynningarskyld. Það hefur
verið mikill misbrestur á þessari
skyldu atvinnurekenda en þó verð-
um við að gera ráð fyrir því að öll
alvarleg slys og dauðaslys séu til-
kynnt,“ segir Olafur Hauksson að-
stoðardeildarstjóri Vinnueftirlits
ríkisins.
Skortur á öryggis-
ráðstöfunum
„Við viljum ekki nota orðið mann-
leg mistök yfir vinnuslys en þarna
kemur oftast nær til skortur á örygg-
isráðstöfunum í fyrirtækjunum.
Skylda atvinnurekandans er að hafa
allan búnaðinn í lagi og starfsmönn-
um ber að hlíta þeim reglum,“ segir
Ólafur, aðstoðardeildarstjóri Vinnu-
eftirlitsins.
Að sögn Ólafs verður tekið sérstak-
lega á málum loðnuverksmiðja.
Fræðsluþátturinn verður efldur og
umdæmisstjóramir úti á landi munu
fylgja málunum eftir og halda fundi
með forsvarsmönnum fyrirtækj-
anna. Dreifibréf var sent til allra
verksmiðjanna þess efnis að slysa-
hætta gæti verið til staðar í loðnu-
þróm og geymum þegar hráefhið
væri farið að rotna og skemmast og
hættulegar lofttegundir gætu því
myndast.
DV hefur fregnir af því að stundum
sé verið að vinna í geymum eða tönk-
um þar sem sprengihætta sé án þess
að Vinnueftirhtið sé búið að gasmæla
svæðið. Að sögn Ólafs láta öll stærri
fyrirtækin vita áður en eitthvað slíkt
er gert. Það þekkist þó að minni fyrir-
tæki hirði ekki um að tilkynna vinnu
í geymum eða tönkum sem aftur get-
ur leitt til stórslysa.
Skráning vinnuslysa er notuð í fyr-
irbyggjandi tilgangi: „Á tilteknu ára-
bili varð mikið um slys í fiskiðnaði,
sérstaklega við snigla. Hinir slösuðu
voru flestir innan við tvítugt og í
mörgum tilfellum misstu þeir fótinn
eða slösuðust alvarlega á annan hátt.
Þá vantaði öryggisristar yfir snigl-
ana. í framhaldi af því mótuðum við
kröfur um þann búnað og því var
fylgt eftir. Þessi slys tilheyra nú sög-
unni,“ segir Ólafur.
FjöEdi tilkynntra slysa eftir atvinnugreinum
Vinnuslys á öllu landinu
á túnabilinu 1986
til 1993
S0#
'■'r
<2*
Skipasmíðastöð Njarðvíkur:
Vandinn of stór
fyrir sveitarsjóði
Ægir Már Kárason, DV, Suðumesjum:
„Ég er ekki búinn af afskrifa alveg
að bærinn aðstoði okkur. Skipa-
smíðastöð Njarðvíkur skuldar rúm-
lega 200 milljónir króna og spurning
hvort ekki sé hægt að lækka þá upp-
hæð með því að semja við kröfuhafa.
Þá er kannski möguleiki á að ræða
við bæjarfulltrúana á ný,“ sagði Stef-
án Sigurðsson, framkvæmdastjóri
skipasmíðastöðvarinnar, í samtali
við DV.
Fyrirtækið á í miklum íjárhagserf-
iðleikum og er að koma úr greiðslu-
stöðvim sem það fékk 28. desember
1993. Þaö er í eigu 20 einstaklinga og
þar starfa að jafnaði 40 manns. Stefán
vonar að fyrirtækið fari ekki í gjald-
þrot og hægt verði að ná samningum
við kröfuhafa. Hann segir þó að þeir
séu varnarlausir gagnvart aðferðum
þeirra.
Skipasmíðastöðin fór þess á leit við
bæjarstjóm Keflavíkur, Njarðvíkur
og Hafna og hún yfirtæki dráttar-
brautirnar ásamt tilheyrandi búnaði
á 111 milljónir króna. Bæjarstjórnin
tók málið fyrir á fundi og var gerð
eftirfarandi bókun sem samþykkt
var af öllum bæjarfulltrúum.
„Mikill vandi steðjar nú að íslensk-
um skipasmíöaiðnaði og fréttir síð-
ustu daga sýna að vandinn er það
stór að hann verður ekki leystur með
fjárveitingum úr sveitarsjóðum. Eft-
ir ítarlega skoöun treystir bæjar-
stjórnin sér ekki til að verða við er-
indi Skipasmíðastöðvar Njarðvíkur."
Undirbúa stof nun
félags um R-lista
„Við erum að spá i spilin og skipuleggja framtíð Reykjavíkurlistans. Skrif-
stofan var opnuð til að svara fyrir reikninga og happdrætti og hreinsa upp
leifarnar frá því í vor,“ segir Dóra Hafsteinsdóttir, starfsmaður Reykjavíkur-
listans, en hún er ásamt Bergþóri Bjarnasyni að skipuleggja hauststarfsemi
R-listans og undirbúa stofnun Reykjavíkurlistafélags á nýopnaðri skrifstofu
listans i Hafnarstræti 20 í Reykjavik. DV-mynd JAK
ísaQörður:
Bygging verk-
menntahúss haf in
Siguijón J. Sigurðsson:
Hafin er bygging á verkmennta-
húsi á ísafirði og er stefnt að því að
verkmenntunaraöstaða í húsinu
verði tilbúin í október í haust.
Húsið verður á tveimur hæðum,
samtals 571 m2 að stærð, og er áætl-
aður heildarkostnaður við bygging-
una og kaup á búnaði rúmlega 60
millj. króna. Af þeirri upphæð greið-
ir ríkissjóður rúmar 36 millj. króna.
Eftirstöðvamar, 24 millj. króna,
skiptast milli sveitarfélaganna á
svæðinu. ísafiörður greiðir 57,25%,
Bolungarvík 19,17%, Þingeyri 8,14%,
Flateyri 6,07%, Suðureyri 5,64% og
Súðavík 3,73%.
Þrjú tilboð bárust í verkið. Eiríkur
og Einar Valur hf. á ísafirði áttu
lægsta tilboðið, krónur 29.193.000
sem er rétt undir kostnaöaráætlun.
Byrjað er á framkvæmdum og reikn-
að með að frágangi vegna rafiðnaðar-
deildar verði lokið 15. ágúst. Frá-
gangi utanhúss 15. september og
verklok verði 1. nóvember.
Gamalt handverk í Selskógi
Petra Björnsdóttir að slyngja i
lepp á sýningunni. DV-mynd Sigrún
Sigrún Björgvinsdóttir, DV, Egilsstöðum:
„Ég man nú aðeins eftir að hafa séð
bakað á glóð,“ sagði Guðrún Aðal-
steinsdóttir og sneri kökunni. Hún
var ein af þeim sem sýndu gömul
vinnubrögð á handverkssýningu
sem útileikhúsið „Hér fyrir austan"
og Minjasafn Austurlands stóðu fyrir
í Selskógi, hinu nýja útivistarsvæði
Egilsstaðabæjar, í byrjun júlí.
Þarna var líka strokkað smjör í
bullustrokk og gátu gestir smakkað
glóðarkökur með nýju smjöri. Þarna
var spunnið og geröir illeppar. Band
var jurtalitað. Það var sýndur spjald-
vefnaður og smíðaðar skeifur. Þama
var líka kljásteinsvefstaður í notkun.
Hey var bundið og sett á klakk.
Svo var líka nýtt handverk og list-
málarar festu myndir á blað. Gestir
voru allmargir enda veöur hið feg-
ursta.
Húsavlk:
Atvinnuástand gott
Jóhaiuies Siguijónsson, DV, Húsavilc
Að sögn Aðalsteins Baldurssonar,
formanns Verkalýðsfél. Húsavíkur,
hefur atvinnuástand verið gott hér í
sumar og atvinnulausir lengst af telj-
andi á fingmm annarrar handar.
Það tókst að útvega öllum ungl-
ingum 16-17 ára atvinnu en þaö var
sá hópur sem menn höfðu mestar
áhyggjur af. Margir unglinganna
starfa hjá bænum en óvenjufáir við
átaksverkefni fyrir atvinnulausa,
það er einfaldlega nóg að gera á öðr-
um vettvangi.
„Viö höfum gert mikið að því að
hringja í fyrirtæki til að útvega
mönnum vinnu. Það hefur skilað
árangri. Atvinnurekendur hafa tekið
okkur mjög vel,“ segir Aðalsteinn.