Dagblaðið Vísir - DV - 01.09.1995, Blaðsíða 3
FÖSTUDAGUR 1. SEPTEMBER 1995
Fréttir
3
Deilan um ígulkeraveiöarnar:
Aðeins hlust-
að á fjórar
áhafnir
- segirBjörgvinRagnarsson, skipstjóri
„Það er rétt að áhafnir fjögurra
báta, sem stunda ígulkeraveiöar,
sendu sjávarútvegsráðherra áskor-
un um að fresta því til 1. október að
hefja íugulkeraveiðar vegna þess að
hrognafylling væri ekki orðin nægi-
leg. Áhafnir tveggja báta neituðu að
skrifa undir hjá þeim og ekki var
rætt við áhafnir fjögurra báta sem
veiða fyrir íslensk ígulker í Njarðvík.
Við sendum inn greinargerð um að
hrognafyllingin væri orðin mjög góð
og því ekkert á móti þvi að hefja veið-
arnar 1. september eins og venð hef-
ur. Á okkur, sjö áhafnir, er ekki
hlustað. Tekið er tillit til hinna 5ög-
urra og farið bil beggja eins og ráð-
herra segir,“ sagði Björgvin Ragn-
arsson, skipstjóri á ígulkerabátnum
Lofti Breiðfjörð SH í samtali við DV
um þær deilur sem uppi eru vegna
frestunar á ígulkeraveiðum til 15.
september.
Björgvin fullyrðir að það sé eitt-
hvað annað en hrognafylling ígul-
keranna sem ræður því að frestað
er til 15. september að hefja veiðarn-
ar. í því sambandi bendir hann á að
bréf áhafna þessara fjögurra báta
hafi verið sent ráðuneytinu í júlí síð-
astliðnum. Hann segist ekki skilja
þau vinnubrögð sjávarútvegsráðu-
neytisins að ræða ekkert við áhafnir
af sjö bátum af ellefu varðandi mál-
ið, ekki síst í ljósi þess að fulltrúi
Hafrannsóknastofnunar hafl farið á
ígulkeramiðin fyrir skömmu og sagt
á eftir að hrognafyllingin væri næg
til að hefja veiðarnar.
„Það er annað en skemmtilegt fyrir
sjómennina að missa hálfan mánuð
úr veiðunum vegna þessa,“ segir
Björgvin Ragnarsson.
Pétur Ágústsson hjá íshákarU í Stykkishólmi:
Hrognanýting léleg
í byrjun september
„Við höfum ekkert legið á því að
við erum samþykkir því að fresta
ígulkeraveiðunum til 1. október.
Ástæðan er sú að samkvæmt okkar
reynslu hefur hrognanýting verið
slæm fyrstu vikurnar í september
bæði árin. Bæði hefur verið minni
hrognafylling og eins hafa litir, sem
skipta miklu máli á Japansmarkaði,
ekki verið góðir,“ segir Pétur Ágústs-
son hjá íshákarli í Stykkishólmi, sem
er annar tveggja framleiðenda ígul-
kerahrogna hér á landi.
Áhafnir báta fyrirtækisins sendu
inn áskorun til sjávarútvegsráðu-
neytisins um að fresta ígulkeraveið-
unum.
Pétur var spurður um þá fullyrð-
ingu fiskifræðinga Hafrannsókna-
stofnunar að hrognafylling ígulker-
anna væri orðin nægilega góð til að
hefja veiðarnar.
„Fiskifræðingur Hafrannsókna-
stofnunar, sem kannaði málið, fékk
gögn frá okkur, auk þess að fara á
miðin og kanna ástandið. Ég tel að
sú rannsókn sem hann gerði hafi
verið ófullkomin. Hann fór dagpart
á einum af bátum íslenskra ígulkera
hf. í Njarðvík á þann stað sem skip-
stjóri bátsins ákvað að veiöa á. það
er alveg hægt að velja sér staði, smá-
bletti, þar sem hrognanýting er betri
en annars staðar á nærri því hvaöa
árstíma sem er. Ég tel ekki hægt að
komast að niðurstöðu eftir slíka
rannsókn. Ég tel hana hafa verið af-
skaplega ófullkomna," segir Pétur.
Hann segist telja að veiöar á ígul-
kerum hér við land séu komnar á
ystu mörk.
„Þess vegna er eðlilegt að draga það
að hefja veiðarnar þar til ástand ígul-
keranna er betra. Þegar stofninn er
lítill á að slátra honum þegar ásig-
komulag ígulkeranna er best en ekki
þegar það er á mörkum þess að vera
nothæft," segir Pétur.
Japanskir kaupendur
skilja þetta ekki
- segir Ellert Vigfússon hjá íslenskum ígulkerum
„Viðskiptum okkar í Japan er
stefnt í voða með þessari ákvörðun
að hefja ekki veiöarnar fyrr en um
miðjan september. Við erum búnir
að gera sölusamninga sem miða við
að veiðarnar heíjist 1. september eins
og verið hefur. Svo fáum við bréf frá
ráðuneytinu 24. ágúst, viku áður en
veiðarnar eiga að hefiast, þar sem
okkur er tilkynnt um frestun veið-
anna. Það er eins og þessir menn í
ráðuneytinu haldi að þetta gangi allt
fyrir sig rétt eins og að smella fingr-
um. Hvort við töpum markaði vegna
þess skal ég ekki segja neitt um á
þessu stigi. Við höfum reynt að út-
skýra það fyrir kaupendum okkar
hvað þarna sé á ferðinni. Við höfum
sagt þeim að yfirvöld viti ekki hvað
stofninn sé stór og vilji fara varlega.
Þeir eiga að vonum erfitt með að
skilja af hverju ekki var hægt að láta
þá vita fyrr,“ segir Ellert Vigfússon,
framkvæmdastjóri íslenskra ígul-
kera í Njarðvík, í samtali við DV.
Ellert segir að sjómenn og stjórn-
endur íshákarls í Stykkishólmi, sem
er hinn framleiðandi ígulkera í land-
inu, fullyrði að hrognafylling nú sé
svo lág að ekki eigi að leyfa að hefia
veiðar fyrr en 1. október. Sjávarút-
vegsráðherra hafi svo valið að fara
bil beggja og leyfi að veiðarnar hefi-
ist 15. september.
„Við teljum þessa fullyrðingu
þeirra ranga. Við lögðum fram gögn
um að nýtingin nú væri alls ekki lág,
jafnvel hærri en hún hefur oft verið.
Ráðherra hlustaði ekki á það né nið-
urstöðu og álit starfsmanna Ha-
frannsóknastofnunar um að nýting
væri í lagi. Hér er meiningarmunur
og þá velur ráðherra að fara ein-
hvern milliveg í stað þess að fara
eftir gögnum Hafrannsóknastofnun-
ar,“ segir Ellert Vigfússon.
FORSYNINGAR UM HELGINA í HÁSKÓLABÍÓI OG REGNBOGANUM:
FÖSTUDAGUR KL. 9.
LAUGARDAGUR KL. 9.
SUNNUDAGUR KL. 9.
FORSALA AÐGÖNGUMIÐA FRÁ KL. 16 ALLA DAGANA
HASKOLABIO
FRUMSÝND 15. SEPT.
ÍSFIRÐINGAR ATHUGIÐ!!
FORSÝNINGAR í ÍSAFJARÐARBlÓ
FÖSTUD. OG LAUGARDAG KL. 9. D CcrGArtJié 0
SUNNUDAG KL. 11.15. AKLREYRI