Þjóðviljinn - 27.03.1973, Qupperneq 4

4 SÍÐA — ÞJÓÐVILJINN Þriðjudagur 27. marz. 1973
VTBOÐ
Framkvæmdanefnd byggingaáætlunar-
innar óskar eftir tilboðum i eftirtalda
verkþætti við byggingu 314 ibúða i Breið-
holtshverfi i Reykjavik.
1. máiun úti og inni
2. eldhúsinnréttingar
3. skápar
4. inni- og útihurðir
5. stigahandrið
6. gler.
Otboðsgögn verða afhent á skrifstofu F.B.
Lágmúla 9 Reykjavik, gegn 5000 kr. skila-
tryggingu. Tilboð verða opnuð þriðjudag-
inn 10. april 1973 kl. 14,00 á Hótel Esju.
FÉLAG
J ÁRNIÐN AÐ ARM ANN A
F élagsf undur
verður haldinn fimmtudaginn 29. marz
1973 kl. 8,30 i Félagsheimili Kópavogs,
niðri.
Dagskrá:
1. Félagsmál
2. önnur mál
3. Erindi: „Valdakerfið á Islandi”
Ólafur Ragnar Grimsson lektor flytur.
Mætið vel og stundvislega.
Stjórn
Félags járniðnaðarmanna
Aðalfundur
Alþýðu-
bankans hf.
verður laugardaginn 14. april 1973 að
Hótel Sögu (Súlnasal) og hefst kl. 14.00.
Dagskrá:
1. Venjuleg aðalfundarstörf svk. 18. gr.
samþykkta bankans.
2. önnur mál. sbr. 17. gr. samþykkta
bankans.
Aðgöngumiðar að fundinum, ásamt atkvæðaseðlum,
verða afhentir hluthöfum og umboðsmönnum þeirra I
bankanum, Laugavegi 31, dagana 12 og 13. aprll 1973, kl.
13.00 - 16.00 báða dagana.
Reykjavik 20. marz 1973
Hermann Guðmundsson
form. bankaráðs
Björn Þórhallsson
ritari.
Sala
hlutabréfa
Á aðalfundi Hf. Eimskipafélags íslands
16. mai 1972 var samþykkt að veita félags-
stjórn, um óákveðinn tima, heimild til að
selja aukningarhlut i félaginu að fjárhæð
kr. 38.067.750.- gegn staðgreiðslu.
Með skirskotun til samþykktar þessarar
tilkynnist hér með að framangreind hluta-
bréf eru til sölu hjá félaginu.
H.F. EIMSKIPAFÉLAG ÍSLANDS,
Hlutabréfadeild.
Ólafur Ólafsson, landlœknir:
Nafnbirtingar vegna
útgáfu lyf jaávísana
Herra ritstjóri.
Undanfarið hafa verið til um-
ræðu í blöðum viðbrögð land-
læknisembættisins við beiðni
sakadóms Reykjavikur um birt-
ingu á nöfnum einstaklinga, sem
á árunum 1968—1971 hafa fengið
ávisað eftirritunarskyldum lyfj-
um oftar en 50 sinnum, svo og um
birtingu á nöfnum lækna þeirra,
er látið hafa einstaklingum þau I
té. Eftirritunarskyld eru t.d.
morfin og önnur skyld lyf,
pethedin og amfetamin.
Það er rétt, að landlæknis-
embættið hefur undir höndum
upplýsingar um nöfn þessara
lækna og sjúklinga.
Það skal tekið fram, að fyrrv.
landlæknir, Sigurður Sigurðsson,
sendi sakadómara hinn 28. april
s.l. upplýsingar um þá ein-
staklinga, sem fengið hafa ofan-
greint magn af eftirritunarskyld-
um lyfjum á árunum 1968—1971,
en hvorki nöfn né sjúkraskrár
viðkomandi. Til þess að almenn-
ingi sé kunnugt um ástæðuna
fyrirþví, að landlæknir hefur ósk-
að eftir dómsúrskurði, og þá
væntanlega frá Hæstarétti, um
hvort honum beri að gefa upp
nöfn lækna og einstaklinga, vil ég
benda á eftirfarandi: Samkvæmt
10. grein læknalaganna ber lækni
að gæta fyllstu þagmælsku um öll
einkamál, er hann kann að kom-
ast að sem læknir, nema lög bjóði
annað. Þess vegna er beiðni ekki
nægjanleg, heldur er krafizt
dómsúrskurðar.
Eftir að ég tók við embætti hefi
ég unnið að áframhaldandi könn-
un gagna um eftirritunarskyld lyf
ásamt lyfjafræðingi við heil-
brigðismálaráðuneytið, þó að
henni sé ekki að fullu lokið. Kom-
ið hefur i ljós, að fólk það, er hér
um ræðir, má að mestu flokka i
eftirfarandi hópa:
1) Fólk haldið andlegri vanllð-
an, m.a. geðveilu, drykkjusýki
(dipsomani) o.fl. 1 þessum hópi
eru allmargir, sem með hjálp
lyfja starfa sem nýtir þjóðfélags-
þegnar. Fullyrða má, að ef þetta
fólk fengi ekki lyfjameðferð, lægi
margt af þvi á sjúkrahúsum eða
væri að öðru leyti óstarfhæft.
2) Fólk með krabbamein og
aðra illkynja sjúkdóma og þar af
leiðandi mjög þjáð.
3) Fólk með aðra sjúkdóma,
t.d. taugasjúkdóma, sem þarfn-
ast þessara lyfja, en væri að
mestu óstarfhæft að öðrum kosti.
4) Fólk með persónuleikagalla,
en sumt af þessu fólki leitar á
náðir heimilis- og geðlækna.
Verkefni læknanna er að veita
þessu fólki hjálp, uppörvun, styrk
og traust. Þessi hópur er mjög
vandmeðfarinn og erfitt að fylgja
ákveðinni reglu um meðferð, en
oft er reynd lyfjameðferð.
5) Fólk, sem virðist reyna með
öllum tilt. ráðum að fá ávlsað
ofangreindum lyfjum, til sölu,
þótt erfitt sé að sanna slíkt athæfi.
Þessi hópur er fámennur. Siðan
eftirritunarskyldan hófst, en sá
siður var upp tekinn fyrir tugum
ára, hefur það verið hlutverk
landlæknis að benda læknum á
aðila, sem sannað er að stundi þá
iðju, og svo hefur einnig verið
gert nú. Gæta verður ýtrustu
varkárni, er þetta er gert, og far-
ið er eftir þeirri reglu, að sá, er
sakar, skal sanna sök. Þetta
hefur tekizt m.a. vegna góðrar
samvinnu lyf jafræðinga og lækna
við landlæknisembættið. Fyrrv.
landlæknar og núverandi hafa
gefið nokkrum læknum aðvaranir
vegna óvarlegra lyfjaávisana, og
I vissum tilfellum hafa læknar að
tillögu landlæknisembættisins
verið sviptir lækningaleyfi um
tima eða varanlega. Sakadómari
hefur fengið nöfn þessara lækna
og má finna þessar upplýsingar i
Heilbrigðisskýrslum. Ef dómsúr-
skurður verður uppkveðinn um
birtingu nafna iækna og jafn-
framt ofangreindra sjúklinga,
mun ég vitaskuld hlita þeim úr-
skurði, en ennfremur mun fylgja
sjúkdómsgreining hvers sjúk-
iings og jafnframt ástæða fyrir
lyfjaávisun læknis.
Fyrir tilstuðlan fyrrv. land-
læknis var gerður samanburður á
heildarinnflutningi lyfja, sem eru
eftirritunarskyld á Islandi á ár-
unum 1967—68 og borið saman við
innflutning á Norðurlöndum og I
Englandi.
Tafla
Cr þessari töflu má lesa, að heildarinnflutningur til íslands er
hlutfallslega minnien margra þessara landa. Ég hefi orðið var við, að
fólk blandar oft s.k. „geðlyfjum” og róandi lyfjum saman við
eftirritunarskyld lyf og gjarnan er rætt um, að læknar ávlsi fyrr-
nefndum lyfjum um of. í nóvembermánuði 1972 var fyrir tilstuðlan
landlæknisembættisins og heilbrigðisráðuneytisins gerð tæmandi
könnun á lyfjaávlsunum á Reykjavikursvæðinu varðandi geðlyf, svefn-
lyf, „róandi lyf” og verkjalyf, þótt þessi lyf séu ekki eftirritunarskyld.
Þrátt fyrir ýtarlega könnun meðal nágrannalanda, er ekki kunnugt
um, að svo nákvæm könnun hafi verið gerð þar. Ætlunin er að sllk
könnun verði gerð af og til
Morphin (lOmg) Pethidin (lOOmg) Methadon (lOmg) Total svnthetic analgetics Oll eftirritunarskyld verkjalyf Hydrocon (5mg) Thebacon (7,5mg) Codein (20mg) Ethylmorphin (20mg) 011 eftirritunarskyld hóstastillandi lyf 011 eftirritunarskyld ávana- og fiknilyf
ÍSLAND 1967 312 312 75 387 699 58 15 3384 30 3487 4186
1968 216 306 148 454 670 96 1 6846 48 6991 7661
Danmörk 1966 841 589 205 794 2791 205 82 22379 513 23200 25991
Noregur 1966 613 163 107 270 1096 266 5023 107 5889 6985
Sviþjóð 1966 141 72 38 110 360 26 11482 1351 12987 13347
Finnland 1966 129 103 194 297 534 43 18506 1056 19806 20340
England 1966 760 184 83 266 1384 7 10567 179 12763 14147
I töflunni kemur fram f jöldi skammta á 100 Ibúa hvers lands.
Ólafur ólafsson.
Frá barnavinafélaginu Sumargjöf
FORSTÖÐUKONU
vantar að dagheimili stúdenta I Valhöll við Suðurgötu.
Umsóknir sendist skrifstofu Sumargjafar, Fornhaga 8,
fyrir 2. apríl n.k.
Alþingishátíðarkantata Emils
Thoroddsens flutt á fimmtudag
Næstkomandi fimmtudag 29.
marz klukkan 20.30 verður flutt I
Háskólabiói Alþingishátlðar-
kantata eftir EmilThoroddsenvið
texta Davíðs Stefánssonar. Flytj-
endur verða Sinfónluhljómsveit-
in, óratoriukórinn, Karlakórinn
Fóstbræður og einsöngvararnir
Elisabet Erlingsdóttir, Kristinn
Hallsson og Magnús Jónsson.
Sögumaður verður óskar Hall-
dórsson og stjórnandi Ragnar
Björnsson.
Alþingishátiðarkantatan var
samin fyrir einsöngvara, bland-
aðan kór, karlakór, framsögn og
stóra hljómsveitog ætluð til flutn-
ings á hátiðinni 1930. Af þvi varð
þó ekki, þar sem hún hlaut önnur
verðlaun. Formaður dóm-
nefndarinnar, Carl Nielsen, lauk
á hana sérstöku lofsorði og kvað
margt i henni vera bæði fagurt og
frumlegt. A þeim árum voru eng-
Emil Thoroddsen
in tök á að flytja hana lengi vel,
og má vera að það hafi valdið þvi,
að tónskáldið gekk aldrei frá
henni til fulls. Af hendi höfundar
voru fullgerðir aðeins 8 þættir.
Verður þvi seint fullþakkað fram-
tak hins mæta tónlistarfrömuðar,
dr. Victors Urbancic, er hann tók
að sér að fullgera kantötuna af
þeirri alúð og natni sem honum
var lagin. Notaði hann allt efni
sem til var i drögum, svo það væri
i anda höfundarins eins og fram-
ast mætti verða.
Þannig búin var kantatan flutt i
fyrsta sinni I tilefni 10. ártiðar
tónskáldsins 11. mai 1954. Var hún
flutt i Þjóðleikhúsinu og siðan
endurtekin á Austurvelli 17. júni.
Flytjendur voru Þjóðleikhús-
kórinn, Guðrún Á Simonar, Guð-
mundur Jónsson Ketill Jensson
og Jón Aðils, sem var þulur.
Sinfóniuhljómsveitin lék undir
stjórn dr. Victors Urbancic.
Flutningur kantötunnar nú er i
tilefni þess að 16. júni i ár eru 75
ár liðin frá fæðingu Emils
Thoroddsens.